يلا نعيشها صح :)

[فريق العفة]

~~خليكى بنت صح~~

خليكى بنت صح
لنفسك مش لغيرك
انتى بإيدك مصيرك
عايزة تبقى غالية
و لا تمنك رخيص
عايزة تبقى درَّة
و لا هتقولى حرة
الحرية ليها حدود
دينك حبك لربك
خجلك من المعبود
و انا عارف كلامى ده
خلاكى مش فـ المود
بس أكيد ليه أسباب
بصى كده فى المراية
على شوية الشعر الحكاية
اللى طالعين بره الحجاب
و البادى قصير و ضيق
على بنطلون برده ضيق !
مش كده و لا كداب
سيبك من اللى شايف
أو إن بابا عارف !
بس ربنا بيشوف
مش هو أولى بالخوف ؟
كونى غالية فى عينك
و خلى قدامك دينك
هتلاقى ربنا يعينك
و لما تشوفى نفسك
هتقولى انا بنت غالية
و بقيت انا بنت صح !

(منقول من بيدج : انا هكون يوسف وانتى هتكونى مريم ومش هحب الا ازواجنا)

[مشتاقه لربى]

جميل جدااا .. تسلم ايدك

[توحد ارواح]

الفتاه مثل الجوهره الثمينه تلك الجوهره يجب الحفاظ عليها و سترها وحمايتها
وذلك بالحياء التى تتخذه عنوانا و سلوكا ا
لان الحياء تندرج عليه كل الاشياء
واهمها ان تلزم الفتاه المسلمه فى ملابسها بالحجاب الشرعى
فلتجعل الحياء خلقا ملازما لنا حتى نفوز برضا الله
وساعتها ممكن نقول انا بنت صح
موضوع مهم جداااا ومميز
جزاكِ الله خيرا
فى انتظار المزيد
تحيتى

[აα∂ Ԑγεა]

الاغلبيه ومش هبقي غلطان لو قلت الاغلبيه
من البنات مش بطبق مفهوم الحجاب الشرعي
وعندها الحجاب مجرد طرحه فوق دماغها
بتعملها فورمه كمان
ومن تحتها اللبس علي كل شكل وعلي كل لون
ضيق محزق قصير وعريان
مش مشكلة ماهي محجبة !!
للاسف فعلا كدة موجود كتير
وكمان في اللي واخدين الحجاب ستار علي الباقي

ربنا يهدي الجميع اكيد
ونشوف كل بناتنا بنات صح
الاسلام جعل البنت كنز وجوهره وملكة في الدنيا لازم تحافظ علي نفسها
والا تبقي جوهره فقدت بريقها ووردة فقد رونقها

تسلم الايادي للطرح الجميل

[حالمة باميرى]

البنت جوهرة ولازم نحافظ على الى عطهونا ربنا لينا

اغلبية البنات بيبقول لبسين طرحة بس شعرهم باين والى لبسة خمار وحاطة مكياج

ربنا يهدينا جميعا يارب
مشكورة اختى بارك اللة فيكى