الحلقة الثالثة من تخيل حوارنا ومعانا Mahmoud Mohie

[Hearts Whisper]

السلام عليكم ورحمة الله وبركاته


اهلا بيكم احلى اعضاء وحشتونى مووت

ورجعنا مع حلقة جديدة من برنامجنا

تخيل حوارنا


تعالوا نقول فكرة برنامجنا

انا هرسل صور لضيفنا وهو هيتخيل اى السؤال الى ممكن اسأله
على كل صورة ويجاوب عليه ,, وبعدين هرسله الصور مرة تانية ومعاها اسئلتى
ويجاوب عليها

وانتوا عليكوا تقيسوا مدى تخيل عضونا للأسئلة

يلا نشوف مين ضيفنا

النهاردة معايا ضيف مميز بنشاطه وتواجده واخلاقه
وماشاء الله موجود 24 ساعة زيى طبعا

ومعانا

Mahmoud Mohie




يلا نشوف اول فقرة مع تخيلات ضيفنا

تفضل الصور اهى وتخيل اى سؤال ممكن اسألهولك





الشباب ,, اصبحوا ذئاب ,, وبالحب غير مكترثين
وبالمحب غير مهتمين ؟؟

بصى فى نوعيه من الشباب فعلا كده ,, اصبحوا ذئاب بشريه
فى صورة انسان ,,
فلازما على كل امرأة ان تستطيع ان تفرق ما بين
الرجل الحق ,, والرجل الذئب .




ايه رأيك ف تامر حسنى ؟؟ هل مثال للشاب السيس بالأحمر ده ؟
بصرراحه ليه اغانى كتير بحبها ,,
ومن المطربين اللى يعتبروا متكاملين .. مطرب ملحن وكمان بيكتب
ودى حاجه حلوة مش موجوده ف مطربين كتير .
بخصوص الأحمر ,, حريه شخصيه .




ما رأيك ف الصورة .. وهل تؤيد مثل هذه السخريات ؟
أفعالنا تعكس شخصيتنا ,, وكفى




هل انت متفق مع هذا القول ؟؟ السبب ؟؟
بصراحه المرأه ليست بحاجه للمكياج المثير للاشمئزاز..
لكنـ ,, لو تطلب الأمر بعضا منه ولو قليل ,
فلا عيب طالما لأجل زوجها .




فاكر الجمله دى ؟؟
طبعا من ايام شات الياهو .. العقيييم ..
بدايه أو افتتاحيه اى كلام
مابين جنسين (ذكر وانثى )





سمعتها من حد قبل كده ؟
اه




ايه رأيك ف افلام الرعب ؟
بحب أقرأ قصص الرعب أكثر





شايف ان مرسى ومبارك واحد ؟
ف الاول بصراحه مكنتش شايف كده .. خالص ..
اما حالييا بات الشكـ يلاحقنى وأخرين ..




عمليات التجميل ,, مع ام ضد ؟
معاها ف حاله الضرورة القصوى ..
بمعنى تصحيح لأحد العيون أو اضافه بعض من االأأسنان
العيب الخلقى بمعنى اخر اذا كان لا يدااوى .




بتغسلوا بمسحوق ايه ؟
اريل تقريبا



ارجو عدم الرد

[Hearts Whisper]

رجعنا مع تانى فقرة
وهنا بقا هنشوف عضونا واسئلتى انا له

جاوب بقا وقيس مدى تخيلك




طبعا صورةذات الرداء الاحمر بتفكرنا بحكايات الاطفال قولنا مين كان بيحكيلك
وانتا صغير وايه هى اكتر حكاية مفضلة عندك ؟؟
كان بابا بيحكيلنا كلنا ف البيت ,,
قصص الأنبياء .. وكانت كل الأعداد عندنا تقريباً
كنت بحبها جداً




فى فترة وممكن تكون مازلت تعلق البنات الشديد وحبهم لتامر حسنى ولاحظنا بعض الشباب
ايه رايك فى كدا و ايه رأيك فى تامر حسنى عامة ؟

والله ,, ده بيعكس البيئه اللى اتولد فيها البنات دى ,,
مممكن احب حد لكن للدرجه دى ,, ف دى ,,
قـــــلــــــــة أدبـ
اما عن تامر فهو مطرب وملحن وكاتب كلمات راقى حقاً
وتمثيله مميز ...
بعيداً عن شخصيته مليش دخل فيها !



تخيل نفسك مكان عمو الى موجود فى الصورة طبعا عارف مين دا وهل يخفى القمر؟؟
ههههههههههههه,,
مش عارفـ ,, بس احتمال أتعرض ليه
وقتها ممكن ارميه من إيدى هههه




ايه رأيك فى الكلام دا ؟؟ وايه العلاقة بين شكسبير وعادل الامام ؟؟؟؟
غالبا قلت الشطر الأول من السؤالـ ,, فوووقـ ,,
بالنسبه للشطرة الثانيه .. علاقه شكسيبير بعادل امام ...
الاتنين ,,, مشاهير




طبعا عارف الكلمتين دول لسا بتقولهم وقلتهم لكام بنت قبل كدا ؟؟؟
بصراحه مش بقولهم من سنيين ,.
قلتهم قبل كده ايام شات الياهو المتخلف




كم مرة قلت الكلمة دى واتقالتك كم مرة وعمرك قلتها من قلبك ؟؟؟
(( عد عد شكلهم ولا مرة ))
مش فاكر انا ,,, بس أظن مقولتهاش بالمعنى الصريح ده
غير ممكن مرة واحده ,,
اما اتقالتلى ,,, مش مهم بقى



تخيل دى طلعتلك فى الضلمة (( اوعى بقا تعيش الدور وسبيدر مان وكدا ))
يعنى انتى بتأجبى ع السؤالـ ,, :
ماشى يا سيتى هخاف جدا وهقع من طولى وهقطع الخلف ههههه.




كتير بعدما مرسى اتولى الرئاسة اتغيرت فكرتهم وبقا نفس المكتوب دا انت ايه رايك وايه هو السبب فى التغير دا ؟؟؟
بصى هو حصل تغيير فعلاً
بس للأسف شكلى ليس إلا ..!
المضمون واحد باختلاف الأشخاص ...
ومازال دم المواطن بأبخس الأثمان يباااع,,
بل وفور فررى هو مبااحـ ,,,




تخيل لو عروستك بعد الفرح اتتصدمت انها اتحولت لشىء تانى وهو دا ايه هيكون
رد فعلك (( احكى يا عمنا هو الكلام بفلوس ومتخافش مش هتلاقيها كدا فى الحققة ))
إحم إحم ,,,
(( الحب طالما سكن القلب ناحية إمراة معينه .. فلا يهم
ما سيحدث لها ,, أى كان ... وسيظل الحب متواجد ..
طالما فى العمر بقيه ...)).
هطلقها :P




قولنا رأيك فى الى مكتوب على الملابس المنشورة دى (( و ملكش دعوة بالبت الى بتغسل دى ))
هيفا دى تقريبا ,,, اه زى الفل
بصراحه انا مش شايف حاجه
ارتفاع الضريبه والاسعار ... سوء تخطيط !
مأساة الواقع العربى .. غياب ضمير ,, وبعد عن الدين !
معرفش ايه كده نشره الأخبار ... اعلام مضلل



شكرا بقى ع الاستضافه الرائعه دى ,,
حقاً استمتعت ,,

أنا الى بشكرك اوى اوى لانى بجد استمتعت جدا
واجاباتك جامدة وميرسى اوى على الحلقة الرائعة

وطبعا بعد انتهاء حلقتنا
ارجوا انها تنال اعجابكم

انتظرونا مع حلقةجديدة وضيف جديد

تحياتى

شيمــ HeartsWhisper ــاء

[ساحر الأحزان]

حوار جميل واستضافة جميل منك

مع محمود

كاتب مميز

ولة تحليل وتعليق جميل على الصور وارئة جميلة جدا

اسعدتونا بجميل الحوار

تحياتى لكم

[ķąyąŋ..♡]

بجد حلقه جميله ياشيماء

استضافه جميله منك لمحمود محي هو انسان رائع وعلي قدر عالي من الثقافه

تحليل جميل جدا منك يامحمود انت وشيماي

منتظره باقي الحلقات

[طِيشْ !]

حوار أكثر من رائع مع شخصية مميزة ...

صورة العفاريت بتوع عمليات التجميل دول يرعبوا

منور يا محمود

إجابات جميلة منك

يسلمووو الأيادي

ودي ووردي

[الأميرة رودي]

حلقه جميله جدااااا
وأجمل مافيها بقا ان محى تخيلاته بالنسبه للآسئله ضعييييييفه هههههه
لا بس بجد محمود انسان عقله كبيــر وفكر محترم راقي وأراءه الشخصيه دايما بتعجبنى
حتى لو مختلفين فى اى وجهه نظـر بس بيكفى اسلوبه وفلسفته اللى كتير بتكون منطقيه وعاقله
شكــرا لمجهود ياشيماء تسلمي ياقمرى
منتظرين ضيف جديد

[Mahmoud Mohie]

اقتباس المشاركة الأصلية كتبت بواسطة ساحر الأحزان حوار جميل واستضافة جميل منك مع محمود كاتب مميز ولة تحليل وتعليق جميل على الصور وارئة جميلة جدا اسعدتونا بجميل الحوار تحياتى لكم

تسلم يا امجد ع كلامكك
نورت طبعا
شكراا

[morshooo]

ومازالت شيماء تبدع ^_^

ماشى اشوشو

منور يا موهى ^_^

اجابات جميلة جدا وبتعبر عن الصور فعلا

مجهود مميز منورين يا شباب

مبروك التكريم يا شوشو

عن مجهودك فى اليوميات ^_^

[MĺŔǾ]

جميله الاسئله بطريقه الصور دي ،، لا و الاجابات كمان حلوة

نايس حلقة ،،،،،

[نجم وزهره ومسافات فراق]

حلقه مميزه
وانتي مميزه
وضيفك انسان فاضل ومهذب
ربنا يحفظكم يارب
شكرا للدعوه