لقاء حصري مع حسني مبارك (حوار مع خيال)

[phalsteen]

بداية انا حبيت فكرة البرنامج دا جدا وقررت اختار حد مميز يستاهل ان سندريلا تحاوره فختارتلكم الريس عيب كدة هو انا قولت مرسي ولا المرشد كمان انا قصدي الريس المخلوع حسني مبارك هتسألوني جبتيه منين دا مسجون في سجن فايف ستارز هقولكم منا روحت ازوره وخدت معايا حلاوة يالا كنا فين وبقينا فين بئا حاجة لوجه الله سندريلا : حقا لم اكن ادرك اني سأراك يوما في تلك الموقف وبرغم غير رضايا عن هذا فلقد كان حلمي القصاص مبارك : ايها الاخوة المواطنين سندريلا : لا يا فندم انت نسيت انت مبقتش لينا اي حاجة الا عدو لكل الشعب وقاتل لاخواتنا واهالينا ولينا دم وحق عندك همرنا ما هننساه يعني لا احنا اخوة ولا حتي ولاد عم وبعدين دا برنامج مش خطبه سندريلا : لما كنا في الميدان اتمنيت نحاكمك عليها هي انك موت احلامنا مبقناش قادرين نحلم يعني زي خطة حياتك كدة ابن لاب بسيط محضر محكمة وام بسيطة ريفية يتحول ابنهم بالطموح والاحلام لرئيس جمهورية تفتكر في عصرك حد قدر يحلم باللي انت عملته الا انه كان واثق ان دا جنون وبالمناسبة ممكن اعرف رأيك في ثورة 25 يناير مبارك : كانت مجرد احداث مؤسفة تحركها وتهيمن عليها قوي سياسية سعت للتصعيد ثورة استهدفت امن الوطن واستقراره واشعال الحرائق والاعتداء علي مرافق الدوله ومؤسساتها سندريلا : كلامك ورؤيتك لسة متغيرتش والثوار طبعا كانوا بلطجية او قلة مندسة مأجورين او تبع احزاب انت راضي عن نفسك ؟ مبارك : انا عمري ما طلبت السلطة ولا كنت طمعان في مال وجاه انا قولتلكم هسيب البلد بعد شهور وانتي لو كنتوا عاوزين الخراب والفوضي سندريلا : هتسبها بعد ايه بعد 30 سنة مشوفناش فيهم غير الظلم والمرض والفساد والاستعباد هو مين اللي كان بيحكمنا بالظبط انت ولا ابنك ولا السيده اللي خربتها المدام هي احنا لازم يكون لينا رئيسين واحد يحكم ويدير وواحد علي اد الخطب والصداع يعني للعرض فقط مبارك : منا تنحيت وسبتلكم البلد وانا عارف هاخد حقي ازاي اول مقلب كان المشير والتاني هتتعلموه من الاخوان سندريلا : وتفتكر الشعب زي ما شالك مش هيعرف يشيل عقدك ومصايبك مبارك : انتي دخلتي هنا ازاي انا ظروفي الصحية لا تسمح من فضلك اتفضلي سندريلا : اخر كلمة كنت اتمني لما اشوفك اقولهالك منك لله علي اللي شوفناه منك 30 سنة واللي حصل بسببك من الاخوان اللي ادبسنا فيهم بسببك ان شاء الله المرة الجاية ازورك واشوفك وانت بالبدلة الحمرا ومع اني مكملتش حواري معاك بس دمي اتحرق

[العاشق الذى لم يتب]

وأنا كمان دمى اتحرق
ليه العكننة دى الله يسامحك
يسلام دا كان هم وانزاح الحمدلله
ربنا يحوش عننا البلطجية وولاد الذين هدموا
بالتوفيق لك ياسيادة المذيعة
تقبلى تحياتى وودى
رفعت

[طِيشْ !]

أمبـــــــــــارك ..~

ولكم بيك أمخلوع ..^^

دا إنتي عليكي حركات يا سوسو

مش معقولة و الله

أولا التنسيق جميل جدآآآ

و بالنسبة للمضمون بئا

فا اعتقد إنتي مش محتاجة أتفتح عشان مش هسكت لو اتكلمت

لكن فعلا موضوعك جميل

رآآقني حتى طره ^^^

بالتوفيق لك

ودي ووردي

[Hearts Whisper]

طبعا انتى اتحاورتى مع الغالى ,,
دا القمة بتاعتنا يا بنتى ^^ ,,
ودا كان اكبر كابوس مر على مصر ,,
وطبعا احتمال كبير ناخد غيره بس ربنا يستر ,,

حوار رائع بل واكتر من رائع تميزت فيه يا قمر
التوفيق ليكى
حيياتى

[ساحر الأحزان]

حوار جميل من صاحبة قناة تخاريف

طلع جميل منها

بتمنى ليكى التوفيق

[كبرياء رجل]

حوار جميل وراقي منك سندريلا
مع شخصيه اخذت الكثير ولم تعطي من منصبها شيئا للشعب
وتصبح السلطه مجرد كرسي يتعالى به لانه اهم رجل بمصر
وننسى المسئوليه والعدل والمساوه والعطاء والحق

اشكرك على موضوعك سندريلا
بالتوفيق ان شاء الله