تحديد مسار

[دمعه حائره]

تحديد مسار,,, عيشة صعبة وكل جمعة شعب رافض الإنكسار دمه فاير ,,عقله حاير,,فى الميدان الكل ثار فين حقوقنا,,فين فلوسنا مش هانسكت ليل نهار هيا نهضة ولا لعبة ,,ولاكان سوء إختيار ولاكان مكتوب علينا نتسحل,,ونشوف دمار أونموت على أرض سينا ولا يهرسنا القطار حد يقولى مين حاكمنا ,,ومين اللى فـ إيدة القرار مصر غرقانة فى ديونها,,وإقتصادها فـ إنهيار والجنية بقى حالتة صعبة,,ضايع قدام الدولار بلطجية فى كل حتة بينها,, وبين الشعب تار مش هامهم جيش,,وشرطة بيحدفوا ملوتوف ,,ونار وبعد كل كام مصيبة يطلع بيان..بالإعتذار وهاندور على الحقيقة ونجيبلها 100 مستشار بس اهدوا تعالوا يلا ليه بس رافضين... الحوار السياسة دى ليها ناسها مش خُطب,,وكلام هزار نفسي أشوفك يابلدي حرة مش مجرد كلمة,,وشعار محتاجين صحوة ضمير,,محتاجين تحديد مسار بقلمى دمعه حائره 28-2-2013

[الرحــاال المٌتَمرد]

تَحديد مسار

بدايه مِن العنوان
طَرح سلس ورصد لــ وقائع المشهد
وَضع يٌعاني مَنهٌ أٌمه ضحت بــ شبابها
مِن أجل الحٌريه والعيش الكريم

دَمعه حائره
تَجرٌبه عاميه راقيه ونَص مٌتماسك
أٌحييكِ لـ حفاظك علي تناغم هَذا
وبـــ قافيه واحده أحسنتِ إختيارها
كانت مِن البدايه وَحتي النهايه
بنفس القوه والبراعه ,,
أنتظر المزيد مِن هَذا
لــ يٌطربنا قَلمك بكٌل جميل
تحياتى وتقديري + وسام التميز
وتقييمي لرائعتك هَذه

[حنـــــون]

والله فناااااااااااااااااااانه
محتاجين تعديل مسار فعلا
اسلوبك رائع يامنه
وشعر العاميه صعب جدا
بس انتى قدرتى تصغيه بشكل راااائع
عجبنى اوى والله
تسلم ايدك

[Lost Pearl]

هو واضح انه كان سوء اختيار جامد اوي

او بمعني اصح محدش نافع اساسا

الكلمات جميلة اوي و منسقة

بحب الترتيب بتاع كلامك حقا

تسلم ايديكي يا جميلة

و ربنا يصلح حال مصر بقي

تقييمي .،

[شاعرة الرومانسيه]

الله عليكى يامنه

دائما لحروفك رونق خاص

ولتعبيرلتك ملمس بيلمس الإحساس

دائما لا أكتفى بقراءة موضوعك مره واحده

بل اقرأه مرات لما فيه من هدف وعبرات

تسلمى ويسلم قلمك الى أمتعنا دائما

بأروع الكلمـــــــــــــــــــــــــــات

[ابتسامة الزهر]

عبرتى يامنه عن احساس الشعب
وعن حال البلد فى كلمات سهاة
مبسطة بحروف موسيقية عالية
ابدعتى فى الطرح بقلم مميز
عامية راقية جدا
احتراااامى لك

[مِسكُ الشَهادة]

كلمات جميلة يا أختي منة
ونسأل الله الخير لمصر
اللهم آمين ...
دمت ِ بألف خير وسلااامة يا أختي

[countess]

روعه اوووووي

بجد عجبتني


فيها كمان آسلوب النقاش اكتر بس ررررررررررروعه

يستحق التقييم + خمس نجوم

[Words Whisper]

حقا
بحاجة نحن لتحديد مسار
وحكمة أفعال وأقوال
واعتدال تماما نفتقده ،،
حالنا كله مسؤولية مشتركة ..


طرحكِ حقا راقٍ
ماشاء الله أبدعتِ
شاكرة لكِ ..
دمتِ بتوفيق وسعادة ..


5 ستارز ..

[lady lead]

حقا قلم قوي جدا
سواء بالفصحى أو العامية
لا شبيه له
راقي جدا حرفك
يتناول فكرة و مضمون قيمان
راااائعة و أكثر
تقديري و احترامي