أنا و باسم يوسف " تابع مسابقة حوار من خيال "

[طِيشْ !]

" أكيد .... لازم أمشي في طريق السخرية " ودي كانت الجملة الوحيدة اللي قولتها بعد تفكير عميق .. لإني كان لازم طبعاً أوظّف مواهبي الفتّاكة ^^ اللي اتفحت بسببها في 4 سنين إعلام في شيء إنه من وجهة نظري " الأكثر جذباً " للنّاس ... وبعد ما لفيت الجمهورية و رجليا اتهرت و عنيّا مششت و عضمي اتدغدغ و مبقاش فيآ حته سليمة , للقيت أخيراً رقم ملك السخرية , دكتوري العزيز د. باسم يوسف , و بالفعل كلمته و اقتنع بوجهة نظري و حددنا معاد بعد 4 أيام من مكالمتي ليه و الحقيقة ده كآن وقت كافي لأنقذ ما يمكن إنقاذه فيّا وبدأنا الحوار كالآتي : - أنا :- ازي حضرتك يا دوك .. احب اعرف حضرتك عليا , أنا طِيشْ .. خريجة 4 سنين إعلام و أكيد طبعاً طبعاً إني ليّا الشرف بمقابلة حضرتك .. د.باسم :- الشرف ليّا يا " طِيشْ " . أنا :- أسأل ؟ د. باسم :- أسألي ... أنا :- ممكن حضرتك تكون الوسيلة اللي هرتقي بيها على أول سلمة من سلمات الإعلام ؟ د. باسم :- أكيد ممكن , وإلا مكنتش هقتنع بوجهة نظرك اللي مليانة إصرار و أكيد بردك مش هيبقى في أي مانع من إني أكون من وسائل ارستقائك على سلمات الإعلام ... [IMG][/IMG] أنا :- تمام ... دلوقتي يا دكتور حضرتك شايف المكانة اللي إنت وصلتلها من شهرة بغض النظر عن أراء الناس الكثيرة المتضاربة في شخصك ... ممكن تقيّم لي نفسك ؟ د. باسم :- نجحت ... من جهتين , أول جهة كوني قدرت ألفت الأنظار برغم إن معظمهم كانت عنيهم بتطق شرار لما تشوف خلقتي إن كان عالتلفزيون أو حتى عالنت و ده في حد ذاته نجاح أو كأقل تقدير نقطة إيجابية بتنضاف لرصيدي ... و من الجهة التانية إني قدرت أخلق فريق يجمع كوادر شبابية بحتة و كل كادر فيهم قادر إنه يبدع لدرجة تخليه يبدأ شغله لوحده بطريقته أو بالأحرى بسميه توعية بطريقة توصل للناس الحقيقة حتى و إن كانت مُرّه بشكل بسيط يخفف شوية من حدّة الوضع ... أنا :- بس إنت مش شايف إن الطريقة دي ممكن تكون أقسى من المواجهة الصريحة ؟ د. باسم :- لو تعرفي واحد اسمه أوسكار دايل , كان بيقول " إذا أردت أن توصل الأخبار للناس دون أن تجعلهم يتمنون قتلك اجعلهم يضحكون " ... أنا :- اممممممممممممم ... بس مش شايف بردو إنك بتشوّه شخصيات عامّه ؟؟ د. باسم :- هما اللي شوهو نفسهم بنفسهم بمواقفهم المخزية .. أنا مجرد بكشفهم قدام الناس و بطلع اللي هما بيقولوه و دآ كمان مبيقعش تحت مسمى التشهير زي ما البعض بيزعم , لإني بعرض شيء هما مخافوش يقولوه أو يعرضوه قدام الناس ... أنا :- و هل صحيح إنك تخليت عن أكتر مهنة سامية و إنسانية في العالم و هي الطب و جراحة القلب و اتجهت للتنكيت و الهيافة ؟؟ د. باسم :- إطلاقاً ... أنا كطبيب و كإعلامي بعالج الناس من الجهتين , الفكرية و الجسدية ... أنا جراح قلب و الطبيعي عندي إن بيبقى في ايدي حياة ناس كتير , و من الناحية الفكرية فأن كان إظهار الكل على حقيقته و كشف الزيف المُغلّف سواء بغلاف الإيمان من جهة أو بغلاف الحرية و الكرامة من جهة تانيه اسمه هيافة .. فليا الشرف إني أكون هايف ) أنا :-  إزاي بتقدر تجيب كم الإفيهات دي في الحلقة و إزاي بتعرف توظف ردودك بطريقة ساخرة تلقائية دون أي مشكلة ؟؟ د. باسم :- للعلم بس أنا مبشتغلش لوحدي , أنا زي ما قولت في الأول أنا بشتغل مع فريق كبير جداً من شباب و الإعداد بيبقى كبير جداً و الحلقة مش بالبساطة اللي انتي متخيلاها ,, إحنا بنعد فيها من فترة و بنبقى فعلاً عاوزنها لمّا كل آراء الشباب في الموضوع اللي احنا هنتكلم فيه , الموضوع مش قوى خارقة في ناس معايا دمهم أخف مني بكتير ,, الموضوع بس بالإكتساب و شغل فريق فلازم يطلع في أحسن صورة أنا :- أيوة ,, طب بالنسبه لأراجوز و كلب ساويرس المدلل و إنك بقيت فله في سي بي سي ؟ إيه مبيأسرش فيك ؟ د. باسم :- أنــــــــــــــا !! .. أبسلوتلي اوعو تكونوا فاكرين إن الحاجات دي بتأثر فيا بالعكس ده أنا اللي بأثر فيها ... أنا :- طب إيه نظام الإخوان معاك !! د. باسم :- أنا قلتها قبل كده و مكملتهاش في البرنامج و معنديش مانع إني أكملها معاكي " خان , تخون , إخوان " أنا :- بمعنى ؟؟ د. باسم :- و الله ناس أول ما باعوا .. باعوا اللي ماتوا عشانهم , مستنية منهم أيه ... فرحوا ببرطمان و باعوا اللي في الميدان عشانه و أوا متباعو مالعسكر اللي باعونا عشانهم قلبو عليهم و بقو ايه ثورجية من جديد , و التحرير بقى الأرض المقدسة بعد ما كان خيم و اللي فيها مش عارفه أيه و العبايه بعد ما كان " ايه اللي لبسها العبايه " بقى زي النضال الحريمي الأول ,, ده غير إنهم كل مكس حاجة و العكس .. أتحداكي تجيبيلي قرار ليهم و مطلعوش نقيضه بعد فترة .. أنا :- بس يا دكتور باسم مفيش في السياسة اراء ثابتة ؟؟ د. باسم :- بالظبط ... مفيش أراء ثابتة بس المبادئ ثابتة و بعدين في فرق بين رأي و قرار .. مش آخد قرار إني أؤيد فلان الفالني لما يبقى لمصلحتي و أول ما يبقى ضدي لموقف منيل زي مواقف منيلة كتير باخدها يبقى كافر و عميل و اجري بعدها على علان العلاني و اقلب قطة معاه علشان أنال رضاه بعد ما لقيت مصلحتي معاه بغض النظر إنه كان قبل كده في قايمة الكفار اللي عندي .. أنا :- طب تحب تقولهم أيه يا دوك خصوصاً إنهم بيستعطفو ناس كتير جداً معاهم بإسم الدين ؟؟ د. باسم :- الإسلام أكبر منكو بكتير . و من العيب إنكم تحتكروا شيء نزل لهداية أمة كاملة .. فبلاش لعب من تحت الترابيزه و أحب أفكركو إن ربنا بيسلط أبدان على أبدان يعني زي مانتو جيتو عشان تكرّهو الناس في حياتها ربنا بعتني ليكو عشان اكرهكوا في حياتكو و لسا .... أنا :- أنا خدت من وقت حضرتك كتير ... د. باسم :- لا أبداً .. أنا فري و مخدتيش و لا حاجة لإن النقاش كان ممتع ... أنا :- طب إيه رأيك بئا أنفع ابقي مذيعة  ؟؟ د. باسم :- طبعاً ... بس محتاجة تشتغلي على نفسك شوية زي أي واحد بدأ من الصفر ... أنا :- شكراً يا فندم و إن شاء الله المره الجايه اللي هتشوفني فيها هكون الإعلامية الساخرة الأولى في مصر  د. باسم : ربنا يوفقك و مشيت و فضلت كل كلمة قالها حلقة في ودني و بالفعل أول حلقة ساخرة ليا و اللي عدّت نسبة المشاهدة فيها 450000 بشري , أكدتلي إن حواري معاه جه عليا بنجاح اتبنى من الثقة اللي أخدتها من شخصيته .... ودي ووردي

[العاشق الذى لم يتب]

كان لى الشرف أن أكون أول من رد على التوبيك بتاعك
أسمحيلى أشكرك أولا وأتمنى لك التوفيق فى المسابقة
كماأقدر لك مجهودك العظيم وده واضح من خلال
إسألتك للأخ السابق الذكر أسمه
أحترم جدا كل واحد مهما تكون مهنته وكا آدميته
وهو طبعا دكتور طب أكن لهذه المهنة كل أحترام كاباقى المهن الذات أهمية قصوى
كماأتمنى لك التوفيق فى عملك بإعتبار وكما قلت خريجة كلية إعلام
ولست أدرى أهو حوار خيالى أم أنك قابلت أخونا
المهم حوار رائع من ناحيتك أنت وكمان إجاباته رائعه حسب مايتخيل
ولكن أسجل تحفظى عليه لامن أجل أنه يبغض الإخوان ومن خاونهم وإنما من أجل الله وحسب
قربك يقول ( نحن خلقنا الإنسان وكرمناه)
والذى يسخر ويحط من قيمة الإنسان مهما تكن كنيته فهو معدوم الإنسانية
وممكن أختلف معاك لاسمح الله ولكن أبين لك وجهة الإحتلاف دون أن أسخر منك وأجعل الآخرين يتهكموا عليك
فقط مجرد وجهة نظر
تقبلى تحياتى وودى
رفعت

[حالمة باميرى]

بجد اختى الحوار رائع وانا حسيت انك فعلا قابلتية
مشكورة اختى على الحوار عاجبنى بجد
بالتوفيق

[المستبده]

حوار رااااااااااائع منك في الخيال

بس من خلال اسئلتك واجوبتك وضحتي كتير معاناه للمذيعين والاعلاميين

بجد مبدعه وراااااااااااااااااااائعه

اعجبني حوارك

لكي مني كل التوفيق

[الرحــاال المٌتَمرد]

أرى أن أهم وأروع ما فــ الحوار
هي الأسئله وتخيلات الكاتب
وقدرته على الرد على هذه الأسئله
أقنعني هَذا وراق لى ,,
وأجدك تفوقتى وتوفقتى فى عَرض هَذا
رائعه "طيش" حقاً
تحياتى وتقديري سيدتي
وتمنياتى بدوام التوفيق والتميز

[الحان الورد]

،


جميل بجد الحوار يا طيش
في نقطة بس اللي هي عن رأيه في الإخوان ,,
بتهيألي كانت ممكن تختلف من د.باسم لاني شفتله حلقة مع منى الشاذلي
وكان رده مختلف شوية ^^
بس عموماً انتِ تخيلك كان رائِع وظبطتيه
بالتوفيق ليكِ إن شاء الله ,,

[روح صامتة]

حلو اوي الردود ^^
انتي حسستيني انك كانك كلمتيه فعلا ^^
شكلك متابعة برامجه بحنكة وصلتك لكده ^^
بس دي حاجة كويسة انك تقدري توظفي خيالك في التقاط آراؤه ..
بغض النظر عن اني بشوف باسم مزودها في الهزار ,,
يعني بمعنى ان السخرية اصلا كمبدا مش بحبذه ..
لكن هوة لو اخدنا الفكرة انه بيحاول يوصل للناس المشهد بطريقة فكاهية
ساعتها اقولك ماشي هوة كويس ..

المهم يعني في الاخر بقولك بجد تسلمي ي طيش ع الموضوع
حلو اوي ^^
ارق تحياتي

[აα∂ Ԑγεა]

الراجل دا بكل بساطة في نظري ؟
اجدع واحد فيكي يا بلد ههههههه
يختلف من يختلف ويتفق من يتفق
وما بين دا ودا انا بعشقة :d
مينفعش يعدي عليا يوم ومسمعش حاجة من حلقاته ♥
انا مدمن حاجة اسمها باسم والاسلوب الخاص بيه ♥

حوار رائع جدا يا طيش حقيقي استمتعت بيه
يمكن في بعض الاسئلة من روعه الطرح ظنيت انه حقيقي بيجاوب
كذلك في سؤال ولا اثنين لو كان باسم كان قال اجابة اجمد من كدة بكتير
بس تحفه جداا جداا
تسلم ايديك بقي .

[حنـــــون]

ههههههههههههههههه والله جامد اجمد الجامدين
حسستينى انو هوار حقيقى بجد
باسم يوسف من اجمل الشخصيات حقا
بيكشف كل الحقايق وبطريقه جميله
عجبنى الحوار ياطيش موفقه ياقمرى

[Words Whisper]

حوار تخيلي فعلا ممتاز
واختيارك للشخصية كمان ممتاز
د/باسم في اللقاءات العادية بيكون أهدأ كتير
من مقدم البرامج الساخر اللي بنشوفه ..


ماشاالله أجدتِ
بس سؤال بئا بعيدا عن باسم :
انتِ بجد خريجة إعلام ؟؟
لو اه اي ثنك انك هتكوني اعلامية ممتازة
خاصة وانه ماشاء الله أسلوبك راقي
وبتجيدي انتقاء الكلمات
إلى جانب طبعا أهمية الثقافة ..


تسلمي
ودمتِ بتوفيق وسعادة ..