ثاني حلقه ومعانا big booss

[سهـــر]

السلام عليكم ورحمه الله وبركاته

النهارده معانا ضيف جديد وهو الاستاذ نور
في الاول احب ابارك ع الترقيه الف الف مبروك

حوارنا اقتصر على 3 اعضاء بس بسبب انشغال العضوين التانيين

[تجملت بالعفآف]

رجعنا تاني بلأسئله

س\ما رأيكـ بأحوال مصر ؟ هل هذه هي الحريه التي كانت تطالبها الثوره ؟


احوال مصر لا ترضى عدو ولا حبيب

بصراحه مش هى الحريه او الاوضاع او الظروف الى كنا بننشدها

رحل من رحل واتى من اتى

ولكن مصر فى النازل مش فى الطالع

والمشكله مشكله سؤ قياده وقرارات فقط

س\ أذكر لنا ما هي المبادئ التي لا يمكن أن تستغني عنها طوال حياتكـ ؟

عزه النفس و الثقه بالنفس و مفيش حد يستاهل

س\ ما رأيكـ في موضه الشباب هل توافق عليها ام لا ؟

موضه زى العسل الكجول

ولا غبار عليها

بس انا ضد الى يطول شعره او ينزل البنطلون الله يكسفهم

والى يعلق سلسله الجماعه دول مش تباعنا بس

س\ هل تعترف بشئ أسمه صداقه بين الذكر والانثي ؟


لالالالالالالالالالالالالالالالالالالا


كله كدب فى كدب

والى يعمل كدا يبقى بيضحك على نفسه دى القاعده العامه


بس فيه ناس بقا اولاد ناس ومحترمه ممكن تتحكم فى كده

ولكل قاعده استثناء

س\ قص علينا قصه بها عبره وموعظه ؟

هههههههه

قصه ابو رجلين مسلوخه

فيه واحد كان ابن ستين فى سبعين فالناس حرقته

فمات فبيقى بيطلع عفريته للناس الى حرقته

واصبح اسطوره ابو رجلين مسلوخه


نستفاد من القصه ايه بقا

ان لكل آيه بدايه ولكل ظالم نهايه

ودي

[∂αнмє]

سلامو عليكو

ازيكـ اخباركـ ...؟

اخى العزيز ...


انا الجزء الخاص بيا الكوميدى فأرجو انك مش تزعلى من اسألتى ..

ودى الاسئلة

1_ هل انت كوميدى . واذكرلنا اكتر موقف كوميدى حصل فى حياتك .؟

مش كوميدي اوي بس بحب المرح و الهزاز
فيه مواقف كتير بس هقولك موقف

ايام الجامعه كنت بتفسح انا و صحابي (امجد و حلمي ) امجد دا كان بيحب واحده بس كانت جباره
المهم راح يقابلها فسبنا و راح يدور عليها المهم روحت اتمشي ف الجامعه قبلت بنت كلمه ف كلمه شبكنا
فجأه فجاه امجد و قال انتم بتعملوا إ
فكانت هي البنت الي بيحبها و انا معرفهاش
فهي قالته انت تعرفه قال دا صحبي فضربته بقلم ^_^
و سبته و مشيت فانا مشيت وراها و صلحتها و من وقتها بقينا صحاب و نفضت لامجد


2_ انت طبعا بتحلق شعرك . تمام ازكرلنا نوع وشكل الحلاقة اللى انت بتعملها . ؟

انا برجع شعري وراء
و بفلفله و كدا
و بحلقه متوسط لا طويل و لا قصير

3_ عبد السلام النابولسي . ايه رايك فيهـ . ( تحدث عنه فيما لا يقل عن عشرون سط ) موضوع تعبير هو

ليه يا عم كدا حرام عليك
هو فكاهي جدآ
و كوميدي
و مضحك
و يتمتع بالهام طبيعي مش مصتنع
و ليه حركات بيحتكرها
و ربنا يرحمه
و كان ممثل معتدل

4_ ايه اكتر ممثل كوميدى و فيلم ومسراحية بتحبها ....؟

عادل امام ^_^
مسرحيه الواد سيد الشغال
فيلم رساله الي الوالي

5_ احنا قولنا مفناش من الزعل . دلوقتى لو انت ماشى فى الشارع كده ومتشيك

ولابس الحتة اللى على الحبل ومجلجل . ومتبرفن كمان . يعنى لوز العنب كده

ورايح تقابل الموزة بتاعتك ومرة واحدة ومن حيث لا تعلم لاقيت كيس ميه اتحدف

عليك . طبعا اكيد اتنرفزت وبتبص يمين وشمال بتشوف مين اللى حدف الكيس دة

لقيتم بيقولولك احنا بنعمل برنامج ( احساسك ايهـ ) رد فعلك هيبئا ايه ......؟

احساسي ههههه
هجيب ميه و ارميها ع الي بيسألني دا و هضربه ببوكس و هقوله احساسك إ ^_^
اكيد احساسي بارد و لا هيهزني
هحمد ربنا اني مش ادبست في العزومه ههههه


اتمنى انى متكونش اسئلتى ازعجتك . وبس

لا طبعا انت نورتنى

[RoSita]

دي كانت اسئلتي لنور انا اللون الاولاني ونور اللون التاني هههههه 1/ الست بتمثل ايه لحياة نور (Big Booss)؟؟ وانت مرتبط ولالا؟ لو مرتبط احكلنا عن تجربتك؟ المراه بتمثلي مأساه حقيقيه في حياتي و كارثه بكل المقاييس مش عن تجربه حب فاشله صدقيني ناس كتير فهماني غلط انا الحمد الله انا عشت اجمل حب بس محصلنش نصيب و وجهت نظري عن المراه مبنيه ع افعالها عامتآ انا مش مرتبط جالي عرسان كتير برفضهم ^_^ ‎ 2/ المراه لا تصلح قاضيه لان مشاعرها تغلب على عقلها ايه رأيك في المقوله دي ؟؟ صحيحه الف الميه لان الرجل بيفكر و بيحكم بعقله لا بمشاعره علي نقيض المرآه الي بتفكر و بتحكم بمشاعرها يعني ممكن تظلم 3/ الزوج قانون زوجته .. انت ايه رأيك في الكلام دا ؟؟ هل فعلا متفق ان الحياه بين الزوج وزوجته متوقفه على قوانين؟؟ آه طبعآ لازم يمشيها علي العجين ما تلخبطه اما يسبها تمشي علي حل شعرها ههههه المراه دي لو سبناها تخربها لازم الكرباج ^_^ اصل هما يخافوا مش يستحوا 4/ ما رايك في الامثال التاليه 1/ · اعمل المعروف وارمية البحر مثل صحيح لازم نعمل الخير و مستناش المقابل 2/ · إقلب القدر على فمها، تطلع البت لأمها يا سلام فيه مثل احلي البنت بتطلع عقربه زي امها ههههه من شابه اباه فما ظلم اكيد البنت بتطلع زي امها لان ليها تاثير اكبر 3/البيت بيت أبونا والغرب يطردونا دا مثل صحيح و بينطبق ع مراه الاب الي بتطرد اولاد الاب من بيتهم وهل انت معترف بيهم ؟؟؟؟؟؟؟ ‏ اكيد مؤمن بيهم 5/ واخيراا بقاا احب اخرجكــ من مود الاسئله دا شويه قولنا بتحب تسمع لمين ؟؟؟وايه اكتر اغنيه بتحب تسمعها وتدندن بيها ؟؟ وليه الاغنيه دي بالذات ؟؟ بحب اسمع لحليم و ياسمين نيازي و مطربين كتير اغنيه سلامات يا هوي واخدها من حد غالي .................................................. ........................... انا سعيده باستضافتكــ نور انت شخصيه جريئه نوعاا ما او صريح اووي نورت الحلقه وربنا يوفقك في حياتك

[تجملت بالعفآف]

رجعنا تاني معلش بقا ههههه

أسئله خطيره


س \ في أعضاء كتير بتقول عليكـ مغرور وتكبر أذكر لنا لماذا أنت مغرور ومتكبر ؟ منع أسماء الأعضاء لعدم المشاكل

رحم الله امرئ عرف قدر نفسه
وانا عارف قدر نفسي كويس
انا مش مغرور لاني بشر مش ملآك
بس عندي ثقه في نفسي الحمد لله
و طموحي و عنادي درب قوه امشي علي خطاه
و بعدين الي يقول يقول ( الشجره المثمره يتقاذفها الناس بالحجاره )

س\ أثناء تكون في البيت لوحدكـ يداعبكـ افكار مجنونه ما اول فكره مجنونه تخطر ع بالكـ ؟

اني اخترع و ابتكر في الأكل ^_^
او اعمل مصيبه
او اعمل حاجه مجنونه
حاجه من التلاته دول

س\ لماذا أنت دائما مقهور من بنات حواء رغم أنهم غلابه وطيبين ؟؟

دي مش عقده عندي
او حاله حب فاشله
العكس تمامآ دا حب ^_^
و بعدين انا متمرد علي افعالهم و اسالبهم لا اكثر
و مش كلهم فيه حواء قشطه

س\ لو معاكـ ثلاث وردات لمن ستعطيهم ؟؟

ورده لتاج راسي امي ( ام نور )
ورده لحبيبه قلبي اختي ( دكتوره ندي )
ورده لأنسان زرفت دموعي لأول مره بسببه

س\ كم مره أنضربت في أثناء صغركـ من المدرسين بدون كذب هههههههه ؟؟

كتير و حياتك لاني كنت شقي ^_^
كنت شاطر جدآ في الدراسه

أنتظرونا في التكلمه ههههههههه

[تجملت بالعفآف]

محدش يستني مره رابعه لانه خلصت الأسئله

س\ لو كنت انت وحبيبتكـ في سياره ودايسين ع أعلي سرعه وتعطل الفراميل وفيكـ تنقذ نفسكـ هتعمل أيه ؟؟

هنقذها هي
لاني هموت من غيرها و لا حياه تبقي بدونها
و لان يومآ ما هوعدها اني هفديها بعمري

س\ ما هو طموحكـ في حياتكـ ، وكيف سيتم تنفيذها ؟؟

طموحي اني ارضي ربي و والدتي
و اني ابني اسره مع انسانه احبها
و لوز علي كدا مش عايز حاجه تاني

س\ هل أنت راضي عن حياتكـ ولا لا ؟؟

الحمد الله راضي

س\ هل أنت من الملتزمين بالصلاه ولا سعات وسعات ؟؟

الحمد الله

س\ هل معاملتكـ مع الأعضاء تختلف مع معاملتكـ مع أخواتكـ ؟

يعني مع الاعضاء بتتعامل بلطف واحترام ، ومع اخواتكـ بنفس الطريقه ولا زعيق وعصبيه ؟؟

انا مش متعدد الشخصيات
شخصيه واحده بس في كل الحالات
هادي و مرح و مش عصبي
‏(‏ بتعصب ساعات بس لما اكون مضغوط )

كفايه عليكـ بقا
ايدي وجعتني


اسئله جامده بصراحه
عجبتني
تسلم ايدك

[سهـــر]

بشكر ضيفنا الكريم طبعا نورتنا
وشكر ل ندوشتي وهدولتي واحمد
ي رب الحلقه تعجبكم

[Lost Pearl]

حلقة جميلة و الضيف كان منور بالاجابات

ما عدا دي هههههههههه

اقتباس الزوج قانون زوجته .. انت ايه رأيك في الكلام دا ؟؟ هل فعلا متفق ان الحياه بين الزوج وزوجته متوقفه على قوانين؟؟ آه طبعآ لازم يمشيها علي العجين ما تلخبطه اما يسبها تمشي علي حل شعرها ههههه المراه دي لو سبناها تخربها لازم الكرباج ^_^ اصل هما يخافوا مش يستحوا

انا ضدك تماااااااااااما ،، انت هتخلي حياتها ايه يابني

لازم يبقي في تفاهم كدة

مرة انت تمشي اللي انت عايزه

مرة هي تمشي اللي هي عايزاه

الدنيا مش افش

تسلمو كتير ع المجهود و الاسئلة الجميلة ،،

و تسلمي يا سهر ع الجهد

[ساحر الأحزان]

الله هى سمر خططت ليك يا نور

هى وشركاها

ونفذت

بسى حلقة جميلة يا نور

ربنا معاك

وانا عارفك قدها وقدود

حلقة جميلة من سمر وشركاها

اسعدونا بها

ننتظر الحلقة القادمة

[شاعرة الرومانسيه]

الله عليكى ياقمر

حوار رائع وضيف اروع

بس ياحرام الاسئله كنت عليه كتيره

بس هو طلع قدها

حلقه روحها خفيفه

موفقه ياقمر