الجنية فى حوارة للدولار

[ساحر الأحزان]

صباح الخير يا واد يا دولار طبعا انت سعيد لما تسببلى الانهيار

وكل شوية تساعد فى أرتفاع الاسعار ,

فاكر يا واد يا دولار

لما كنت قدامى عامل زى العيل الصغير

وكنت بساوى تلاتة منك قبل الانحسار

كنت تشوفنى ماشى من طريق تقوم تجرى تغير طريقك زى القط الى بيخاف منة الفار

الله يسامحة الى منة السبب حطنى جوة قفة وقفل علية باب الدار

عمالين يلعبو بية وكل شوية لحد لما يجيبولى حالة أنتحار

صغرونى وصغرو حجمى لما بقيت مش نافع ولا حتى مكمل كيلو خيار

هما مش عارفين أنهم لما يرفعوا قيمتى حيفكو عنى الحصار

كنت بتساوى قدامى تلاتة دوقتى انا بقيت اساوى قدامك سبعة وانت واقف بكل شموخ وأفتخار

الله يرحمك يلى رفت راسى بين الكبار والصغار




رد علية الدولار علية وقالة

اعملك أية يا صاحبى دى دنيا والعب فيها بقى بين الكبار

قبل ما تعتب علية وتزعل منى خليهم يرجعوك من مرحلة الانهيار

دى دنيا يا صاحبى دوار والغدر طبعا

مش سمعت المثل الى بيقولك الزمن دوار

قوم وألحق نفسك ,,قبل ما توصل لمرحلة الأندثار

وتمسك طبة وطار ونعملك زفة وزار

[مُنـــــايا]

اذا كانت القيم والمباديء انهارت ... كل حاجه في مصر انهارت مش بس الجنيه المصري ... عايشين مرحله ربنا وحده اللي عالم بيها ... وكل شويه الفجوه بتوسع مش عارفين رايحين علي فين ...؟؟ الله المستـــعان.... نسأل الله الســلامه كتبت فـــ أبدعت سلمت يمينكــ بما خطت دمت ودام نبض قلمكــ لك خالص التحايا أحتـــرامي

[دمعه حائره]

بكل اسف بتحكى واقع صعب
اقتصاد فى انهيار وديون عماله تذيد وبطاله مالهاش اخر
زمان ايام الملك فاروق وبرغم اننا كنا تابعين للحكم العثمانى
كانت مصر رائده بين الدول الاوروبيه قبل العربيه
والجنيه المصرى كان ليه هيبته حتى كان اغلى من الجنيه الدهب
بس تعمل ايه الدول كلها بتتقدم واحنا بنتخلف
تسلم امجد رؤيه ساخره احسن مانموت غيظ

[الابتسامه المصريه]

الجنيه مايجبشى دلوقتى حتى باكو لبان
داه لو اديته لطفل ليشترى حاجه
يتريق عليك

توبيك جامد
بالتوفيق يا سا حر
الله ينور قلبك بنور الله ورسوله

[شاعر الانسانية]

كلامكم مظبوط وواقعى
الاخوة المفضلون
تراتتا ودمعة حائرة و جراح امه
فسرتم وووصلتم للمعنى
الاصلى والجوهرى
دام لنا ابدعك اخى الغالى
ساحر الاحزان

[نور حبى]

عندك حق و اللهى
فعلا الجنيه راحت عليه خلاص و ياريت بس الجنيه اللى راح عليه
ده كل حاجة فى البلد دلوقتى راحت عليها و كل شئ بقى رخيص فيها

دائما أنت متألق فى كتابتك
تستاهل احلى تقييم و *****
بالتوفيق

[ميمو العسولة]

كلامك مظبوط والله دنا لما بدى لعيل صغير جنيه يقولى اعملبه اى ده خلهولك فعلا كل حاجة بقت غاليه منهم لله الا عملوا فينا كده
ربنا يوفقك وتكتبلنا كلام جميل

[فداااااااااااء]

وللأسف بعد ما كان الجنيه ذو قيمة اكبر من الدولار فى الزمن الماضى

دلوقتى بنشهد تدهوره مثل ما بنشوف تدهور حال بلدنا


كلام قيم ورائع منك اخى ساحر الاحزان

سلمت اناملك الرائعة

خالص التقدير

[Words Whisper]

اقتصاد مُنهار
وقيمة العملة المحلية في تنازل
شيء مؤسف
ولو الأوضاع لم تُقيَّم بشكل صحيح
وتوجد لها حلول حقيقية
يبئا هتزيد الأزمة إلى حد الكارثة ..~


طرح قيم
شاكرة لحضرتك ..
دمت بتوفيق وسعادة ..

[ساحر الأحزان]

اقتباس المشاركة الأصلية كتبت بواسطة جراح امه اذا كانت القيم والمباديء انهارت ... كل حاجه في مصر انهارت مش بس الجنيه المصري ... عايشين مرحله ربنا وحده اللي عالم بيها ... وكل شويه الفجوه بتوسع مش عارفين رايحين علي فين ...؟؟ الله المستـــعان.... نسأل الله الســلامه كتبت فـــ أبدعت سلمت يمينكــ بما خطت دمت ودام نبض قلمكــ لك خالص التحايا أحتـــرامي

بشكر لكى جميل اهتمامك

وان شاء الله تعود لة قوتة

لان قوتة تعنى قوة اقتصاد البلد

اسعدنى جميل مرورك

دمتى بكل خير