عاملين فيها شيوخة ولاد شيوخة

[Hearts Whisper]

مساء الخير او صباح الخير
حسب توقيت حضرتكم

الموضوع دا شغلنى اوى وعايزة اعرفلوا اجأبة من شبابنا الحلوين ^^

بنشوف معاكسات كتيير اوى فى اماكن كتير
فى الشارع
فى الحدائق
فى المواصلات
فى البحر
فى اى مكان ايزى خالث ^^

تلاقى كام ولد ماشين مع بعض واعدين يعاكسوا فى البنات
المحترمة والى مش محترمة
الى لابسة ضيق والى لابسة خمار

مرة ولد كان بيقول لوحدة زميلتى لابسة خمار بيقولها عاملينلى فيها شيخوة ولاد شيوخة

اه شيخوة غصبن عنك وعن امثالك

طبعا انا بحكيلكوا دا عشان محدش يدخل يقولى
شوفوا البنات بتلبس ايه و يخدوا دى حجتهم

قولى بقا انتا بتعاكس ليه
شايف الكرامة عندك كتيرة شوية حابب تقلل منها ^^
ولا يمكن شايف نفسك مك خفيف فبتسوق فيهل ^^
ولا يمكن شأيف ان مفيش بنت معبراك وعايز تظهر نفسك قدامهم ^^

والله لو اعدت اعد الاسباب وكل سبب
كافى انه يقلل من كرامتك مش هخلص
اسيبكم انتم تقولولى السبب



تحيياتى

[حنـــــون]

هى مساله اخلاق مش اكتر ولا اقل
واى حد يجيب الذنب ع اللبس ولا مش اللبس
اعرفى انو نفسه ضعيفه وميقدرش يقاوم اى شهوته
اصل انا ماشيه فى حالى لابسه ايه مش لابسه ايه
ددا شئ مايخصش حد ربنا ماخلاش حد وصى ع التانى
عشان تيجى تدينى درس فى الاخلاق وانت اصلا اخلاقك منعدمه
شكرا لموضوعك الجميل ياقمرى

[Arco Baleno]

امراض نفسيه انعكست على تصرفاتهم الخارجيهلا دين ولا اخلاق ولا ضمائر تحكمهم
ما تحكمه رغبات وميول وغريزه
ضنو انهم بها قد اصبحو رجال لا يفوقهم اي شي
المعاكس لو لم يكن مريض وفاقد الى الاخلاق والضمير الحي
لما تصور انه على عرش الرجوله متربع
وانا اخطائه لا تحتسب اخطاء لانه رجل فكل مايفعله صواب
صدقيني لا شي يحكم الانسان في هذا الزمان
ما يحكم الانسان هو خوفه من الله
والضمائر لا تفيق من سباته العميق الابوجود خوف من الله
وان يملك اخلاق تجعله يترفع عن حقائر الامرو
التي تسقطه من مرتبه الرجوله
موضوع رائع حبيبتي اشكرك عليه

[Hearts Whisper]

اقتباس المشاركة الأصلية كتبت بواسطة حنـــــون هى مساله اخلاق مش اكتر ولا اقل واى حد يجيب الذنب ع اللبس ولا مش اللبس اعرفى انو نفسه ضعيفه وميقدرش يقاوم اى شهوته اصل انا ماشيه فى حالى لابسه ايه مش لابسه ايه ددا شئ مايخصش حد ربنا ماخلاش حد وصى ع التانى عشان تيجى تدينى درس فى الاخلاق وانت اصلا اخلاقك منعدمه شكرا لموضوعك الجميل ياقمرى

المروض وبعدين مهو المحترم اهو
بيعبوا على لبس البنات ليه
تسلمى يا حنون على رأيك ومرورك الطيب

[Hearts Whisper]

اقتباس المشاركة الأصلية كتبت بواسطة arco baleno امراض نفسيه انعكست على تصرفاتهم الخارجيهلا دين ولا اخلاق ولا ضمائر تحكمهم ما تحكمه رغبات وميول وغريزه ضنو انهم بها قد اصبحو رجال لا يفوقهم اي شي المعاكس لو لم يكن مريض وفاقد الى الاخلاق والضمير الحي لما تصور انه على عرش الرجوله متربع وانا اخطائه لا تحتسب اخطاء لانه رجل فكل مايفعله صواب صدقيني لا شي يحكم الانسان في هذا الزمان ما يحكم الانسان هو خوفه من الله والضمائر لا تفيق من سباته العميق الابوجود خوف من الله وان يملك اخلاق تجعله يترفع عن حقائر الامرو التي تسقطه من مرتبه الرجوله موضوع رائع حبيبتي اشكرك عليه

طبعا مريض نفسى
موهوم بكلمة راجل
تسلمى يا حورى على رأيك
وميرسى لمرورك العثل

[Hearts Whisper]

طبعا مفيش ولا ولد رد لحد دلوقت
مع انى كنت اتمنى اسمع الاجابة منكم
ةلا يكون مفيش اجابة عندكم

[Mo chahin]

يا ستى هنرد .. انتى مستعجله ليه ههه



شوفى يا شيماء .. زى ما قالت حنون .. دى بتبقى قله اخلاق ..

ومش هبالغ ان قلت انعدامها م الاساس ..

وبتبقى كده زى المرض .. صعب يتخلص منه ..

الشريحه دى بنشوفها كتير وانا شخصيا بشمئز منهم ..

انا مقدرش اقول غير ان ربنا يهدى ..

ويحفظ بناتنا كلنا ..

وخلى عندك ثقه بالله ان كما تُدين تُدان ..

الشباب دلوقتى اللى زى الكتاكيت دول .. مش هيعرفوا دا دلوقتى ..

هما دلوقتى عايشين شبابهم وفرحانين بيه والكلام الجميل دا ..

لكن زى ما قلت كما تدين تدان ..

وهيجي عليه اليوم اللى هيتجوز فيه وتحصل فى مراته او بنته ..

او حتى اخته دلوقتى ..

ولونى عندى شك انه يحس أصلا ههه

موضوعك جميل يا شيماء

[حياتي ذكريات]

دول عندهم نقص
لما سالت قبل كده عن ازاي بقت حتى المنتقبة بتتعاكس
واحد قالي اصل بيتهياله ان اللي مخبياه جمال مش طبيعي !!
بعدين العباية وهي ماشية ممكن الهوا يخليها تلزق في جسمها فتجسمها !!

بصي
انتي لو فضلتي من هنا للصبح
تدوري على سبب مقنع للمعاكسه مش هتلاقي
محدش هيقولك السبب الحقيقي

احنا شعب ظروفنا المادية مش ولا بد
اكتر من نص الشباب عايز يتجوز ومش عارف
فيه اللي هيمسك شهوته
وفيه اللي هيمشي يعاكس في بنات الناس ممكن ترضى نفسه !!

تسلمي ع الموضوع

[∂αнмє]

طبعا انا شايف انا الموضوع اترد عليها

بمافيل الكفاية بس بره لازم اشارك

بصى يا قمر انا شاب زى كل الشباب ومش هكدب

عليكى لو قولتلك مش بعمل كده انا بعاكس عادى

دة طبعا بدافع انى ولد ودى على ما اظن غريزة فالشباب

بس انا بعكس اللى تستاهل بس . فـ بصراحه لما بلاقى بنت محترمة

ودة من النادر جداّ فبجد انا بحترمها جداّ ومش ممكن ابصلها على الاقل

لان احترامها بيجبرنى على كده . وانا من وجهة نظرى هيا مش قلة تربية وله حاجة

هو ممكن الشاب يكون متربى وابن ناس وكل حاجة بس . يعنى مثلا

لو 3 شباب ماشيين مع بعض وفيهم واحد كويس والاتنين الأخرين مش كويسين

وهو شافهم بيعكسو البنات . اكيد طبعا هيقول فى نفسه هما احسن منى يعنى

وبجد دة اللى بيحصل مع كل الشباب . فـ بجد مش تحكمو على التربية

لان الكلام شيئ والفعل شيئ اخر

. تسلم ايدك يا قمر على الموضوع الجميل

[Mo chahin]

بص مع احترامى ليك يا بــــــوى ..

ومع احترامى لرأيك ..

لكن انت هنا غلط ..

يعنى ليه الاتنين التانيين الوحشين دول ميعملوش زى اللى كويس ..

ويحترموا نفسهم وميعاكسوش ..

انا هنا الحمد لله لما بكون ماشى مع حد مش بعمل اللى بتقول عليه دا ..

لان دا من وجهه نظرى .. عـــــــــــــار علينا ..

واللى هيبصلنا هيبصلنا باستحقار ..

ومتقولش دى غريزة فى الشباب .. أصلها مش عندى ..

يبقى احنا بنتكلم عن شريحه معينه ان لم يكن معظمهم .. لكن مش كلهم ..

احترامى لرأيك ..