إصلاح الذآت !! " تابع ابدأ بنفسك "

[طِيشْ !]

" ابدأ بنفسك " كتير الواحد بيقعد يقول حكم و بيتبعها بعبارات عن إصلاح الذآت .. بس هل إحنا فاهمين معناه أيه ؟ مظنش ؟؟!! الشيء الأكيد و اللي أنا أبصم بالعشرة إن كل واحد فينا عارف و متأكد إنه لو منحتش اللي جواه بإتقان و غسل السواد عمرنا ما هننجح و الأكيد طبعاً إننا مهما عملنا و مهما غيرنا هيفضل فينا شوية فساد كدآ صغنونين موجودين عشان يكونوا حافز لينا إن احنا نكمل المسيرة ... طبعا الكمال دآ شيء غير موجود في البشر أو في المجتمعات و إحنا مسلمين و متأكدين من دآ و كمآن عارفين إن احنا برغم محاربتنا للفساد اللي احنا بنحلم إننا ننجح فيها و نقضي عليه مش هنقضي عليه كله .. يعني بالمنطق إحنا لو قضينا عليه يبقى احنا هنعيش عشان نصلح أيه و نغير أيه و نشتغل و نسعى لأيه .. ما كل واحد فينا له دور في الحياة موجود عشانه .. و لو إحنا فكرنا بشوية نضوج و وعي هنلاقي إن معظم العقول و الفكر الموجود حالياً محتاج إعادة تأهيل من الأصل لإنه مرتكز على دعائم خاطئة من كافة النواحي ... و بما إننا طبعاً المشهد الغالب في حياتنا اليومية دلوقتي هو المشهد السياسي فالأقرب إننا نستشهد بعناصره الموجودة و البارزة على الساحة حالياً " ابدأ بنفسك " طبعاً الكلمة دي بقت من دواعي التهييس لفكر البعض إن ليها " مثالية " لن تكون موجودة أصلاً .. و اللي يضحّك إن أغلب اللي بيتريقوا عالمبدأ دة همّا أصلاً من أوائل الناس اللي مصدعين دماغنا عالتلفزيونات أو في الميتروهات أو حتى في الشوارع بإننا .. قال أيه , قال أيه " عاوزين نبني على نضافة " يعني بنعمل مظاهرات و اعتصامات و إضرابات و عصيانات عشان نبني على نظافة " و طبعاً لو قلنلهم " بمعنى ؟! " هيقلولك حاجة تانية تضحّك أكتر من الأولى " لازم نقضي عالفساد الأول و بعدين نشوف بقى الإقتصاد و الحوارات دي " ولو كملت معاهم عشان تجيب آخرهم " طيب ما تبدأ تنضف الفساد اللي جواك الأول " طبعاً لو في الحالة السياسية قدآم إخوان هيقلولك " واحنا بنغلط في أيه و يجيبوا ورآ " ولو قلته للتيار اللي مسمي نفسه " مدني " هتلاقيه بيقولك " يا عم دول مبيحبوش إلا بالعين الحمرا .. اسكت اسكت و خليك كده على نياتك طيب و " عبيط " تقولش شتمتهم ..!! ولما تحاول تظهر أخطاء أي طرف فيهم قدام مفسه تلاقي أول كلمة بتتقال " ما هما ........ " طب إنت مالك بهما .. ليه متقولش إنت بتعمل أيه يخليهم يعملوا كدة مش هقول بقى حاول تدورو على مساحة مشتركة للإتفاق لإن ده كلام هزلي لا جدوى منه عالأقل في الوقت الحالي .. بس حاول تشتغل " للغاية السامية " اللي إنت عاوز توصل ليها عن طريق نفسك بدون النظر للطرف التاني ... والله ما هينفع نظام الثغرات اللي إنتوا بتشتغلوا بيه بعض ده .. احنا لسا في مرحلة الصفر مفيش تغيير هيحصل عالأرض إلا إذا الإنسان فعلاً غيّر من نفسه ربنا مخلقكش في الدنيا عشان تقول " هيا جت عليا " إنت متخلقتش إلا لحكمة و هدف ربنا عاوزك تسعى له .. لو مكنش ليك لازمة مكنتش اتخلقت لو كل واحد من الـ 90 مليون مصري قال " هي جت عليا " و هو بيرمي و رقة في الشارع احنا هنمشي في مقلب زبالة وده اللي احنا بلمثل شايفينه .. لازم الإنسان ينضف اللي حواليه .. الأساس مش فساد دولة طالت 30 أو حتى 60 سنة .. الأساس هو اللي جواك و اللي خلى غيرك يبقى مسموح له إنه يقمعك و يظلمك وهو متأكد إنك مش هتعرف تنطق ... و الأساس كمآن هو اللي خلى مفهوم الحرية جواك مقترن بالفوضى و الهرجلة و دي اللي بيبررلك كل غلطة بتعملها ده كمآن بيخليك في بعض الأوقات شتيفها أعمال بطولية .. و إوعى تعتمد على غيرك إنه يجيبلك حقك و اوعى يغرك أوي حوار الحمقة اللي بقت في اللي بيطلعوا عالتلفزيون و بيتكلموا عن حقوقك و الفساد و الكلام ده و اوعى تصدق لبس الحق بالباطل اللي بيعملوه .. هما شماعتهم إن مينفعش نبني " برج " على " قش " بس مش عارفة إذا كانوا عارفين ولا لأ إن هما القش .. أنا مش فاهمه الحقيقة الخناق اللي بنشوفه كل يوم على أي فكرة من الأفكار السياسية أو الإجتماعية أو حتى الدينيه .. ده هو البناء الصحيح و ده هو الديتول مثلاً اللي هينضفلكم الفساد ..!! و مش فاهمه بردك الجهابذه السياسيين اللي ما شاء الله ما شاء الله فاهمين كل حاجة دول وفاهمين يعني أيه ديموقراطية و يعني أيه إن الإختلاف في الأول بيكون عشان نتفق في الآخر فاهمين بردو إن هما مهما عملو مبيمثلوش إلا شريحة لا تتعدى 1% ؟؟! طب بلاش ده .. هما عارفين إن حتى في كام واحد ميت بتطبيق " حد الحرابة " اللي سهل لناس قتل أشخاص أياً كانوا بلطجية و لّا حتى جن أزرق و التمثيل بجثثهم و إلقائهم في الشوارع ..؟؟ هما مش شايفين إن اللي الناس بتعمله دآ غلط في الأساس ؟ مش شايفين إن اللي بيحصل ده من اختفاء الرحمة في قلوب بعض الناس و اختفاء ما يسمى بالقانون اللي وُجد أصلاً عشان ينظم علاقات البشر مع بعضهم .. هوا احنا لسا في العصر الجاهلي .. ؟؟!! و معتقدش كمان إن أيام الجاهلية كان في تصليب للجثث زي ما بيعملوا !! طول ما الأساس البشري مضروب .. الأساس العمرآني لن يكون موجود طب و أيه الحل ؟؟!! " تصرّف لو أن سلوكك سيتخذ قانوناً للعالم أجمع " و على رأي غاندي " كن أنت التغيير الذي تريد أن تراه في العالم " هي أي نعم مش هتبقى بسيطة في الأول بس لما تمسك حاجة حاجة و تحاول تغيرها لإيجابيات و تلاقي أثرها في اللي حواليك هتتمسك بيها جداً .. يمكن مش هتصيب من أول مرّة بس ممكن تصيب من تاني مرّة .. أكيد هتلاقي فرق صدقني .. لما تشوف كل بنت قدامك على إنها أختك و إن أي أذى هتسببهولها هيتردلك في بناتك مش هتقدر تمسها بسوء .. و إوعى لسانك يزل و تقولي إن البنات هما اللي بيجبروكوا تعملوا كدآ بلبسهم افتكر بئا إن ربنا لما فرض غض البصر على المسلمين فرضه على الطرفين و خصصه للرجال !! .. دآ غير إنك لما تستحي من إنك تبص لبنت مش لمجرد حياءك منها دآ لحياءك من ربنا صدقني هيا كمان هتتكسف من نفسها و من المنظر اللي هيا ماشية بيه .. مهو لو إنت كدا و علمت أختك كدا و أخو البنت دي كمان كدا هيعلمها بردو إزاي متلفتش إنتباه الناس ليها بالطريقة دي ولو هنتكلم في نقطة الحب .. ماما دايما بتقولي " إن ربنا محرمش شيء كويس للبني آدم " و عندها حق .. ما كلنا واثقين ومتأكدين إن الحب حرام و بردو عارفين إن الحياة الزوجية بعد الحب بتبقى راكدة و مملة و مفيش فيها جديد و دا طبعا مش شامل .. بس ليه إنت لما تحب بنت متخليش حبك جواك و في الوقت المناسب تطلعه بالطريقة الصح و إذا ربنا كان كاتبهالك فمفيش أي حاجة هتفرقكوا .. أما إذا محصلش نصيب فلازم تكون متأكد إنك سعيت لرضى ربنا و حرضت على طاعته قبل ما تنساق ورا شهواتك وحبك و العوض هيبقى من عند ربنا أحسن بكتير من اللي مبقتش من نصيبك .. ولما تعترف بإن صناديق الزبالة اللي في الشارع دي عشان تحط فيها الزباله مش محطوطة ديكور هتبطل تشم ريحة أستغفر الله العظيم و تشوف منظر و العياذ بالله .. ولما تتعلم يعني أيه " شكراً " و " آسف " و لما تعرف إن ابتسامتك للي قدامك هتفرق في نفسيتك قبل ما تكون في نفسيته هتبطل تستخدم حنجرتك كتير و للبنات طبعا مش هيطلع لكوا تجاعيد بدري بدري من كتر التكشير !! و طبياً يعني العبوس بيشغل 40 عضلة مقابل 14 للإبتسامة !!  .. ولما تعرف إنك موجود عشان تعمر في الأرض " بأخلاقك " مش بالنسل ا لكتير جداً اللي احنا مش عارفين نوقفه " الناس كل ما تقولها خلاص كفاية يخلفوا كمان !! " .. المهم لازم أولاً نعرف إن دي الرسالة اللي ربنا هيحاسبك عليها يوم تشخص فيه الأبصار , أكيد هتتكسف تغلط في حق حد و أكبد بردو إنه بإذن الله لما نبقى بين إيدين ربنا هنعرف نرد رد يرضي ربنا عننا ... و أكيد طبعاً لما نبطل كدب و محسوبية و رشوة و غيبة ونميمة و نفاق و رياء وتنفض كل الحاجات السوداوية دي من جواك هتظهر فطرتك السليمة الطاهرة اللي بتمثل الأساس القويم لكل إنسان و هتظهرلك الحق من الباطل و هتعرفك فين الطريق اللي لازم تمشي فيه .. وحالة اللخبطة اللي احنا فيها دي أظن إنها مش هتبقى موجودة و أخيراً و ليس آخراً .. لكل واحد " راجع حساباتك " شوف لما اتظلمت إنت ظلمت مين قبل كدا و إن مظلمتش حد قبل كده اوعى تستسلم و تقف وتقول " امرنا لله " و ربنا أمرنا بالقوة ورسوله أكد على كدا " المؤمن القوي خير من المؤمن الضعيف " قوي إيمانك بربنا وقوم دوّر على حقك .. لما تصفي نيتك و تنضف اللي جواك أكيد ربنا هيبقى معاك ولكل واحد عايش في دور " المنقذ " اللي هينتشل البلد من الفساد و الجهل .. بدل ما توجعلنا دماغنا بشعارات رنانة " دعنا نرى كلامك فعلاً " بدل ما تقول الجهل ونسبته و تصوتلنا في القنوات و تسودها في وشوشنا دور على حل في أرض الواقع .. كحكومة المفروض تعمل أيه و إنت المفروض تعمل أيه و الحكومة لو غلطانة فلازم تبقى معارضتك معارضة تنوير مش تسويد و تقفيل ... الله يكرمكو اللي غيروا جواكو مينفعش كل واحد يشوف نفسه وبس " مصلحة و بس " .. إنت كل حاجة بتعملها بتأثر في غيرك نحاول نكون عنصر إيجابي و تغير نفسك و بلدك وترضي ربك واعرف إن كله بجزائه و إن " الجزاء من جنس العمل " و إن الله لا يغير ما بقوم حتى يغيروا ما بأنفسهم " وشكراً ودي ووردي

[احساسى صحيح]

عندك حق اختنا طيش
كلاََ يغنى على ليلاة ويلقى بالخطأ على الاخر
وهو دة سبب اللى احنا فية دلوقت
لو كل انسان بدأ بنفسة ونقاها واخرج منها السواد
لأنصلح حالة وحال المحيطين بة
ما وصلنا لة من تدنى اخلاقى لهو اكبر شاهد على حالتنا الحالية
لو كل انسان منا توقف عن البحث عن اخطاء الاخرين
واصلح فى نفسة وتميز فى عملة وبعد عن المجاملات والمحاباة
لكان اول وارقى من التربص بأخر يكرهة
من اجل ان يراة الاخروت هو الاجمل والابرع .
.
.
موضوع راقى ومفصل
وواضح مجهودك الجبار فى كتابتة
ربنا يوفقك اختى الكريمة
تقديرى واحترامى لسموك .

[دمعه حائره]

فعلا اتخلقنا نعمر الارض مش بس بالانجاب
بالايجابيه والقضاء على اى فساد ونطور من نفسنا وبلدنا
ولو كل واحد يقدر جمله الجزاء من نفس العمل
هاتفرق كتير
طرح رائع تسلمى طيش
موفقه يارب

[طِيشْ !]

اقتباس المشاركة الأصلية كتبت بواسطة احساسى صحيح عندك حق اختنا طيش كلاََ يغنى على ليلاة ويلقى بالخطأ على الاخر وهو دة سبب اللى احنا فية دلوقت لو كل انسان بدأ بنفسة ونقاها واخرج منها السواد لأنصلح حالة وحال المحيطين بة ما وصلنا لة من تدنى اخلاقى لهو اكبر شاهد على حالتنا الحالية لو كل انسان منا توقف عن البحث عن اخطاء الاخرين واصلح فى نفسة وتميز فى عملة وبعد عن المجاملات والمحاباة لكان اول وارقى من التربص بأخر يكرهة من اجل ان يراة الاخروت هو الاجمل والابرع . . . موضوع راقى ومفصل وواضح مجهودك الجبار فى كتابتة ربنا يوفقك اختى الكريمة تقديرى واحترامى لسموك .

]يسلموووو على مرورك الكريم أخي

دآآم حضورك الرآقي

ودي ووردي

[طِيشْ !]

اقتباس المشاركة الأصلية كتبت بواسطة دمعه حائره فعلا اتخلقنا نعمر الارض مش بس بالانجاب بالايجابيه والقضاء على اى فساد ونطور من نفسنا وبلدنا ولو كل واحد يقدر جمله الجزاء من نفس العمل هاتفرق كتير طرح رائع تسلمى طيش موفقه يارب

يسلمووو على التواجد

منورة يا جميلة

ودي ووردي

[ملك جبال الاحزان]

كلام فى قمه الجمال

ويارب الكل يبداء بنفسه فعلا هتبقا الحيااه حلوة
موضوع قيم تسلم ايدك وبالتوفيق بالمسااابقه

[طِيشْ !]

اقتباس المشاركة الأصلية كتبت بواسطة ملك جبال الاحزان كلام فى قمه الجمال ويارب الكل يبداء بنفسه فعلا هتبقا الحيااه حلوة موضوع قيم تسلم ايدك وبالتوفيق بالمسااابقه

يسلمووو أخي على التواجد

منور

ودي ووردي

[مِسكُ الشَهادة]

موضوع رائع ومميز يا أختي
جزاك الله خيرا ً

[๓αℓάҝ]

معكي حق يا طيش .. الوآحد لازم يبدأ من نفسه
عشان نطور من حال بلدنا لازم نبدأ من نفسنا

تسلمي يا طيش علي موضوعك
طرحك قيم فعلاً

[ملاك صعبة الإمتلاك]

موضووع في غاية الروووعة

وبجد فادني جداا

وقرات اشياء جديدة

تسلم ايدك على ما ابدعت

بالتوووفيق