مسابقة أمى..التسجيل +الاشتراك

[دمعه حائره]

أنتـى ياأمـي كل الأمـان نبـع الحنان... أنتي يا أمي بنظرة منك أنسى حـزني ,,,,وهـمي لمسة أيديكى فـى البرد... دفـايا وقربي منك كل أملي ,,,,وهـنايا لو قولت آه ياأمي ....بلاقـيكى جمبي تسهري وتصلى,,,, ولربى تترجي بدعـوتك بعـيش وغـير حضنك ....ماليش ومهما كبرت لغـيرك.... ماأحتجت أنتي روحي وعـمرى وعلى بعـدك ماقـدرت بكتبلك بأحساسي ...ياكل أهـلي وناسي كلامك دليلي ورضاكي ....يحـدد مصيرى ده الغـالي يرخسلك ,,,,ومنايا عـفوك يالى الجنة ....أتسخرت تحت قـدمك ياساكنه فى قـلبي ,,,,ونور عـينيا وجودك حياتى.... ياماليا البيت عـليا لما تناديني لكل الدنيا.... تنسيني ما أنتي الفـرحة.... فى حياتي وهاصونك,,,, وأطيعـك لحد مماتي أحـن قـلب ,,,وأجمل أم أنتي يا أمي لولاكي أنتي ....فى الدنيا ماجـيت وبدعـيلك بدموعـي ....كل ماصليت ربنا يحفظك وعـن كل شر يصونك ويبعـدك أهلا بأعضاء منتدانا الغالى ومسابقة جديدة والمره دى بمناسبة عيد الام هانستغل مواهبنا ونحاول نقدم هدايا لامهاتنا بالمناسبه دى وهاتكون فى عدة الاقسام قسم الابداعات الادبية بالقسمين العاميه والفصحى مطلوب قصيدة عن الام موزونه والالتزام بالقافيه بقلمك وحصريه لاتقل عن 20بيت مع مراعاه عدم الخلط بين الفصحى والعاميه قسم قلم الاعضاء مطلوب مقاله بقلمك حصريه عن الام وفضلها المقاله لاتقل عن 20سطر قسم قصص بقلم الاعضاء

مطلوب قصه عن الام وفضلها ودورها فى تربيه ابنائها بقلمك وحصرى لاتقل عن 20سطر قسم الهوايات مطلوب رسمة عن الام وحنانها بقلمك وحصريه او اغنية بصوتك وتهتم بطريقة عرضها قسم الفوتوشوب مطلوب تصميم عن الام حصرى من ابداعك بالمقاسات المتعارف عليها فى القسم قسم السويتش ماكس مطلوب تصميم حصرى عن الام بأغنيه مناسبه وتهتم بالتأثيرات والصور تكون معبره المسابقه هاتبدأ من النهاردة وحتى يوم 21مارس 2013 المواضيع هاتنزل فى اقسامها وتحط الرابط هنا وتكتب بجانب العنوان تابع مسابقة امى

كل عضو ليه الحق يشارك فى قسم واحد فقط التحيكم من مشرفين الاقسام بعد تأكيد الموافقه الجوايز هاتكون لكل قسم على حدى المركز الاول 250مشاركة+وسام+3نجوم سلفريه المركز الثانى 200مشاركة +وسام+2نجمة سلفريه المركز الثالث150مشاركة+وسام+نجمة سلفريه وبشكر طارق على الجوايز أى استفسار يكون هنا فى توبيك المسابقة موفقين ان شاء الله

[ساحر الأحزان]

مسابقة جميلة منة

فى تلك الايام التى تهل علينا

ويصحبها الاحتفال بعيد ست الحبايب

بتمنى لكى وللاخوة المشتركين دوام التوفيق

يدوم جميل النشاط

تحياتى

[Lost Pearl]

حد يعملي مسابقة عشان عيد ميلادي و يكسبني

اشمعنا الام الله ههههههه

لأ بس الفكرة جميلة و انها ف كذا قسم كمان

بالتوفيق للمشتركين

تسلمي يا فتاتي

[نجم وزهره ومسافات فراق]

الله
بحب جدا النوع ده من المسابقات
ومن هنا
بوجه كل التحيه الخالصه لكل الاخوه الافاضل القائمين على المسابقه
وبما ان اختنا الفاضله دمعه
مسؤلة نزول الموضوع
ليا استفسار وآسف والله للازعاج
هو يعني المطلوب عمل موضوع واحد من العضو
ولا ممكن مثلا يكتب مقاله مع خاطره مع كتابة اغنيه مع كتابة خاطره عاميه
ارجوا توضيح
تقييمي وتحيتي لحضراتكم

[Arco Baleno]

مسابقه جميله ومجهود جميل منك
بالتوفيق للمشاركين
واقسامي اقبل التحكيم فيها

[دمعه حائره]

شكرا اخوتى نورتونى
وكل عضو ليه الحق فى اختيار قسم واحد فقط يشارك فيه
ويحدده وينزل موضوعه
موفقين يارب

[A7meD Fo2sH]

الموضوع جميل
والمسابقة جميلة جدا

بس عاوزين نراعى حاجة واحدة ان فية ناس بتعرف تالف ومتصممش على الفوتو او السويتش وغيرة
وفية ناس بتعرف تصمم بس مبتالفش
يا ريت عدد الاقسام يقل شوية على الاقل يبقى فية تنافس اكتر
وفية اعضاء اكتر تدخل
واسف على التدخل دى فكرة مش اكتر
وثانكس على التوبيك

[دمعه حائره]

اقتباس المشاركة الأصلية كتبت بواسطة a7med fo2sh الموضوع جميل والمسابقة جميلة جدا بس عاوزين نراعى حاجة واحدة ان فية ناس بتعرف تالف ومتصممش على الفوتو او السويتش وغيرة وفية ناس بتعرف تصمم بس مبتالفش يا ريت عدد الاقسام يقل شوية على الاقل يبقى فية تنافس اكتر وفية اعضاء اكتر تدخل واسف على التدخل دى فكرة مش اكتر وثانكس على التوبيك

كل عضو يختار قسم واحد بس المسابقات اللى من النوع ده
عملتها كتير ومش ينفع تشارك فى اكتر من قسم
موفق ان شاء الله

[نجم وزهره ومسافات فراق]

باذن الله مشترك في قسم الابداعات
بس ياريت اعرف وقت تقديم الموضوع امتى
معلشي بتعبك
ربنا يوفق الجميع
تحيتي

[دمعه حائره]

المسابقه هاتبدأ تنزلوا المواضيع من النهاردة وحتى يوم 21مارس