أسف عـلي الإزعـــآج

[Şα3Đ..♥]

اسف علي الازعاج
اسف علي الدوشه
اسف عشان محتاج
ليكو ف وقت شده
اسف لذله لساني
وقولي اني مجروح
وللدنيا اللي دبحاني
اسف للحظه بوح
واسف علشان نسيت
وبينتلكوا تكشيرتي
واسف لو كنت جيت
عليكوا بــ مشكلتي
معلش انا اصلي كئيب
وبحب اعيش فـ الدور
واعمل دور الحبيب
وقال ايه عامل مكسور
بس الجراح مش عيب
وانا جرحي ده مش زور
والحزن برضو نصيب
ومستني وواقف فـ الدور
ما هو انتي برضو السبب
انتي اللي بتعاندي
ومورياني العجب
في كل حاجه عندي
من يوم ما قلبي اتولد
وانا الحزن هنا جمبي
لا راضي يوم يبتعد
ولا عايز يحايدني
وبعدين ما انا ليا حبيب
سابلي المكان مهجور
وسابني للتعذيب
يحكيني بين السطور
فمعلش ع الفضفضه
شيلتكوا همي
بس الدمعه قريبه
ونزلت غصب عني
وبين ده وده
قلبي مهاودني
وبيقوللي مستحملك
يمكن تفرحني
مع اني نفسي اقتلك
علشان تريحني
معلش يا قلبي
لكن ده مش تمثيل
وانت اللي حاسس بي
وعارف ان الجرح تقيل
وفـ اخر المطاف
هيقولوا بطل كدب
وكل اللي شاف
هيستستهل الصعب
ويقولوا يا هياص
ما كفايه بطل ندب
وهقتنع وخلاص
وهعترف بالذنب
وهقول ده كانوا بيتين
شعوري بريئ منهم
اسف علي التلحين
معنتش هكتبهم
فــ اسف انا مرتاح
انا بس بستعبط
ولا فيا اي جراح
ومن الفرحه بتنطط

[Lost Pearl]

هو الناس بتحب تشوفك مبسوط

و لو انت زعلان يقولو عليك زنان و بتتمسكن

بس لازم فـ وسط كل ده يبقي ليك صاحب مش بيزهق ابدا منك

كلمات جميلة اوي يا سعد

تسلم ايديك ،، فـ انتظار جديدك دايما

[Mahmoud Mohie]

نخفى الألم بالضحكات ..
هكذا نحن ..

كلمات مميزة يا سعد
شكرااً

[ساحر الأحزان]

اسف واسف واسف

على كل حاجة حلوة

راحة من الايد

ومفرحناش بيها

اسف على الجرج الى جرح القلب

ومحسش بية

اهو الايام حتيجى وحتبين

مين الى بايع ومين الى شارى

جميل يا محمد

احساسك

تمنياتى ليك بدوام السعادة

[الرحــاال المٌتَمرد]

وسأكتفى هٌنا بأن أقول لك ,,

مــا أروعك ,, سَعد
عَزف متفرد سيدي ,,
وبأحساس صادق نابع من القلب
أحسن ترجمه مشاعرك
وما تَشعٌر بِه ,, وإيصال رسالتك
لهؤلاء ,, بروعه وبراعه
تحياتى وتقديري لك مع التثبيت
ويدوم عطاء هَذا القلم سيدي

[lady lead]

قوية جداااااا كلماتك
و صدق يتفرد به قلمك
عامية لم أقرأ مثيلها
كأن الابداع يسأل عن قلمك
تقديري و احترامي
لك و لقلمك

[دمعه حائره]

برغم كل الحزن والندم الا انك ابدعت فى وصف الاحساس
واكيد الصديق المخلص الوفى بيبان وقت الضيق
ويحاول يخفف عن صاحبه بكل الطرق
وسيب قلمك يكتب ويعبر امتعتنا بروائع كلماتك
تسلم ياسعد دايما مبدع
احترامى مع التقييم

[აα∂ Ԑγεა]

الناس وحقيقتها بيظهروا اما نكون في اشد الحاجة ليهم
اما يكونوا زي ما بنتمني او لا
عالجانب التاني يمكن كلنا موجوع لدرجة كرهنا للوجع وللموجوعين !!
كلنا شاف وعزف لحن الالم ووصلت بيه لانه كدب كل عازف موجوع

مش محتاج ابدا تتأسف لاوجاعك ولا لحزنك والمك
الرسالة وصلت وبكل اجادة
حقيقي رووعه جدا طرحك يا محمد وفعلا موهوب جداا في الكتابه

[Words Whisper]

بس اللي مش يكونوا معانا
وقت مانحتاجهم ووقت مانتوجع
يبئا مش بجد بيحبونا ..


الكلمات وجعتني اوووووي
حقيقي بكتب الرد وانا مش عارفة أكتب ايه
يمكن مش الكلمات اللي وجعتني
بس داست ع كتيييير بيوجعني ..


شكراً
بالتوفيق ..

[عاشقة ذكر الله]

كلمات رااائعه جداً و قويه ,,
تحمل الكثير من المشاعر الحزينه الصادقه ,,
الصديق هو من الى جانبك دائما يقف فى كل وقت ,,
بجد مبدع جداً ,,
تقييمى ,
،،
،