الحلقة الاولى من ( بهدوووء ) معانا ( القلب الصامت ) ( ابداعات الاعضاء )

[morshooo]

بسم الله الرحمن الرحيم

اهلا بيكم جميعا

وأول حلقة من برنامجكم

( بهدوووووء )

البرنامج باختصار هيتم استضافة احد اعضاء المنتدى المميزين اصحاب النشاط

وهنخلية يقول رئية بصراحة فى ( قسم ) هو هيختار وطبعا القسم الى هيختارة

اكيد هيكون مميز فية وبيدخلة وهنحاول نعرف منة لو كان ( مشرف ) كان هيعمل اية

يمكن مشرفين الاقسام دى تاخد برئى ضيوفنا ويحاولو يطبقوها .

النهاردة الحلقة الاولى معانا

المتالقة / القلب الصأمت




( اتعهد انا العضوة ( القلب الصامت) ان اكون صريحة امامكم ولا اضع امامى اى صداقات شخصية مع من اتواجد مكانهم وسوف اعبر عن ما بداخلى بكل صدق وسوف اتحمل مسئؤلية ما سوف اقولة ولا اقبل اى ضغوط من احد لكى يعدل من رئى الشخصى )

س / فى البداية اهلا بيكى ؟

اهلا وسهلا بحضرتك

س / ياترى قسم اية الــ هتتقمصى شخصية مشرفينة ^_^ ؟

بما انه حلم يعنى وتخيل ممكن نقول الابداعات

س / جاهزة يعنى ومن شروط البرنامج الصراحة زى ما اتعهدى قدامنا ؟

جاهزه واتعهدت وربنا يستر من اسئلتك

س / عايز اعرف منك اية رئيك فى قسم ( ابداعات الاعضاء ) ؟

من الاقسام الى بحبها كتير لانها من ابداعات الاعضاء الشخصيه واقلامهم
كان فيها اهتمام الاول اكتر من كده

س / اية مميزات القسم من وجهة نظرك ؟

مميزاته مواضيعه بتكون بااقلام الاعضاء

س / اية اهم العيوب الى شايفاها فى القسم ؟ واية الحل لتجنبها ؟

العيوب مش القسم ده بس لكن بمعظم الاقسام انه الاعضاء بيردو على مواضيع
معينه او بمعنى اصح لصاحب موضوع معين تدخل لاسم صاحب الموضوع مش الموضوع نفسه
وده ممكن يظلم اعضاء جدد او اعضاء مش اجتماعيين

س / الفترة الاخيرة مش عارف انتى تابعتى والا لا فى شكاوى كتيرة من القسم ؟ اية السبب ؟

لا مش تابعت الشكاوى لان مش بدخل غير اقسام الادبى مزروعه فيها ههههه بس
ممكن الاقى ردود هجوميه على مواضيع وحوارات فى الردود بين الاعضاء
وكله بسبب اختلاف فى الاراء
ومعظمها سياسيه

س / شايفا ان مواضيع الاعضاء فى الابداعات فعلا من ابداعاتهم ؟

كتير منهم ومعظمهم من ابداعاتهم طبعا وكل قلم مبدع وصاحب موهبه معروف
لكن بصراحه عرفت ان ممكن العضو يجمع موضوع
من النت ويخليه حصرى بقلمه ولما سئلت ازاى حد كده خلانى اشوف نموذج

س / الرحال الزجال مشرف القسم البعض بيقول علية انة قريب من الادارة ودائما الادارة فى صفة ؟

والله مش اعرف هوا انت يارحال صح قريب الاداره طيب ابقا اتوسطلى بقا
كل اللى بشوفه من الرحال انه صاحب قلم عامى قوى لكن علاقته بالاداره دى حاجه معرفهاش
بس عيبه انه مش قريب اوى من الاعضاء الجدد

س / يعنى شايفا ان الرحال لازم يقرب من الاعضاء الجدد ؟ بس دا هيفيدة ؟

بص هوا بعده عنهم بيخلى الاعضاء يفتكرو انه شخصيه مغروره بجد من غير زعل وممكن هو يكون عارف كده ويمكن ده سبب مشاكله مع الاعضاء مع انه غير كده
لانى اتعاملت معاه عمره مابخل عليا فى معلومه وساعدنى كتيرفى انى اتعلم عامى لما اتعاملت معاه عرفت انه شخصيه كتير مهذبه وبيخدم الى يطلبه ممكن عشان انا عاوزه اتعلم لكن فى ناس مبتقبلش النقد ياريت يقرب بجد اكتر من الاعضاء ويوجههم بالراحه هيشوف منهم مبدعين

س / دمعه حائرة مشرفه القسم الفترة الاخيرة دخلت فى خلافات مع بعض الاعضاء والبعض اتهمها انها عايزة تمتلك القسم لحسبها ؟

يعنى ايه تمتلكه لحسابها هوا انا مثلا لو سئلونى ابقا مشرفه على الابداعات قولت مثلا وافقت
دمعه مش هتوافق والاداره هتوافقها ولا ايه حسابها ؟ولا تثبت مواضيع وتنزلها براحتها كده يبقا حسابها
منا مش فاهمه يبقا حسابها ازاى
دمعه شخصيه كلنا بنشهد لها بتعاملها الخلوق مع الاعضاء وعلى فكره مفيش بينا صداقه عشان اقول كده

س / شاعر الاحساس مشرف غير متواجد بأنتظام والبعض شايف انة لم يضيف جديد للقسم ؟

هوا الى بيميز شاعر الاحساس قلمه القوى يمكن ظروفه مش بتسمح بتواجده لكن مش اضاف للقسم جديد
اللى مجتهدين فيه دمعه ورحال

س / عايز اعرف منك لو بقيتى مشرفة القسم اية اول قرار هتاخدية ؟

هعمل زعيمه بقا على الرحال ودمعه وشاعر واخد القسم ع حسابى ههههه
لا بجد ههتم بالردود الايجابيه لكل الاعضاء جديد وقديم و هعمل مسابقه لااقلام المشرفين بس من غير اعضاء عشان اشوف مين اقوى قلم فيهم
والاعضاء هيكون ليهم مسابقه وحدهم من غير مشرفين كمان فيهم

س / مش شايفة ان صعب تبقى مشرفة للقسم رغم تميزك فية ؟

صعب بالنسبالى ولا بالنسبه للاداره تفرق !
والله الاداره شايفه انى مش اصلح رغم تميزى فده قرارها ومش راح يفرق معى
انا اللى يهمنى انى اكتب اللى يفرق معى اراء القراء لكتاباتى مشرفه عضوه مش تفرق

س / بما انك قولتى ان من عيوب القسم ان الاعضاء بتدخل ترد على اصحبها ؟ انتى بتعملى كدا والا بتردى على الجميع ؟

اللى يجاوبك على السؤال ده الاعضاء
وردودى فى القسم تجاوبك

س / بصراحتك الى عهدينا عليها مين العضو الى فى الادبى تقوليلة ياريتك تكون مبدع بجد ؟

حمدى الطيب وBIg boos

س / مين العضو الى حاسة انة هيكون متالق فى الادبى ؟

كل عضو يقدر يثبت جداره قلمه وبراءة افكار مواضيعه

س / عايز اعرف منك قبل ما نختم انتى راضية عن كل اجاباتك ؟

اكيد طبعا

س / تحبى تقولى اية لمشرفين القسم الادبى ؟

اقول ربنا يوفقكم للى فيه الخير للقسم وحاولو تهتمو اكتر بالاعضاء يمكن حد جديد بيحاول يتعلم
وعلى اديكم هيكون مبدع

س / اخيرااااااا الكلمة ليكى هتقولى اية ^_^ ؟

اقولك شكرا مورشو على التوبك والاستضافه الجميله وياريت مش اكون زعلت حد منى

طبعا بعت لـ

( الرحااال الزجااال )

وكان دا الرد

انتا فى وجة نظر موجهة ليك

وهى :

ان عيبك انك مش قريب من الاعضاء الجداد ؟

أنا لأ أٌقرب لــ أحد ,, وما يجذبني لــ العضو
هو قلمٌه وفِكرٌه ,, فقط لا شىء أخر

2 / ان قسم الابداعات متهم ان الاعضاء بترد على اصحاب المواضيع مش على جمال الموضوع ؟

أمر طبيعي أن يكون لــ العضو بَعض الاصدقاء المٌقربين لَهٌ
وبالتالى هؤلاء يتم دعوتهم لــ ما يتم طرحٌه ,, ومِن ثٌم يقوموا بـ الرد عليه
ولكن ,, هٌنا نِسبه لا بأس بِها مِن رواد القسم تٌشارك فى أى قصيده
وتٌشيد بِها وتٌعطيها قدرها ,, ولا قانون يٌجبر أحد علي المٌشاركه فى موضوع لا يروق لَهٌ

3 / ان فى اعضاء بتجمع مواضيع وتنسبها ليها ؟

في قِسم الإبداعات يٌمنع المنقول , وفى حال البحث عَن الموضوع وإن أتضح أنَهٌ منقول يتم حذفٌه وتنبيه العضو ,, ومَع ذلك فــ إن أحيانا يكون هٌناك تَقصير مِن الطاقم الرقابي والإشرافي ويتم السماح بــ موضوع منقول دون تَعمٌد ,, هو فقط تقصير مِن مَن يعتمدوا الموضوع .

ماتنسوش قبل ما نختم

تستنونى الحلقة الجاية

وضيف جديد ووجهة نظر جديدة

وكلة ^_^

( بهدووووووووووء )

[Mahmoud Mohie]

البداية مع منة

ما جذبنى لقرأة الموضوع ليس إلا

حقيقة من أقوى الأقلام بل فى وجههة نظرى المتواضعة .. أقواها

إجابات ف الصميم

صراحة معهودة من متألقة مثلك اختى

حلقة رائعة بل واكثر

شكرا

[phalsteen]

لا الفكرة جامدة جامدة
وكلمات القلب الصامت جريئة وشكلها طبقت القسم مظبوط
بس شكلك ناوي توقع الدنيا وتقلبها نكد يا مورشو ^_^
بالتوفيق دوما
وربنا يستر
في انتظار باقي الحلقات
لاني شكلي هكون اكتر الاعضاء متابعة
اصلي بمووووووووووووووووووت في الصراحة اللي من النوع دا

[طِيشْ !]

منورة يا قمرآآية

اختيار مميز منك للقسم موروشو ..~

و ردود و تواجد أكثر من رآئع

أنا أوفقك في نقطة ردود الأعضاء

و عآمة في أقسام في المنتدى شبه ميته مع الأسف

الصرآحة بتبقى مطلوبة عشان يكون في رقي من كل النواحي

بالنسبالي شايفه إن الموضوع عادي و مفيش داعي يكون في أي تتشات بين الأعضاء

مادام الرأي و الرد في حدود الذوق ومراعاة الطرف الآخر

منورة يا جميلة بعقلانيتك و صرآحتك

بتمنالك السعاده و التوفيق

يسلموو الأيادي

ودي ووردي

[۩۩ elMagic ۩۩]

عجبتنى الحلقه والحوار مميز
اجاوب بقآ على السؤال دا بما انه موجه للاعضاء

اقتباس س / بما انك قولتى ان من عيوب القسم ان الاعضاء بتدخل ترد على اصحبها ؟ انتى بتعملى كدا والا بتردى على الجميع ؟

انا واحد من الناس اللى مش بتدخل مواضيع اى حد فى الابداعات
يعنى مش كل موضوع ينزل بأدخله فقط لناس معينه !
والناس دي هى اللى بتبعتلى فى الزوار دعــوه دخول للموضوع
بصرف النظر عن رتبة العضو دا فى المنتدى
ادارى ,مشرف ,جديد
وبإستثناء عضو معين مش بيبعتلي زوار ولكن بيبقى قايلي فون ..
ودا لأن الاقسام الادبيه عموما دمها تقيل على قلبي بكل صراحه
ومليش دماااغ ليها لأنى مش صاحب قلم ادبي زي باقي رواد الادب بالمنتدى
ابعتولي دعاوي ادخلكوا مواضيع :d
دعايه دي ي مرسي

[ابتسامة الزهر]

حوار رائع
القلب الصامت انسانة قلمها
كثيرا ما يجذبنى فهى متمكنة
فى الكتابة والقافية قلم قوى بجد
حوار جميل وصراحة حلوة
على الأقل الواحد يعرف سلبياته ويعالجها
سلمت مورشو على روعة الموضوع

[Яồяŷ]

خربيت كدآآآ بجد نآآآ!!!آآيس
آآخر شخروميت حاجهـ
هههههههههههههههههه

يسسسسسسسسسسسسسسلمو

[DR.SMA]

حلو ده
بحب انا اول حلقه وبعد كده بفصل
منوره يا جميل وعجبتني ردودك
وخصوصا ان قسم الإبداعات بحبه جدا
بس بصراحه مش فاضيه حاليا فـ مش برد فيه
وفعلا بدخل أرد على ناس معينه
بس على فكره الناس دب بتبعتلي الرابط مش اكتر
يعني مش لازم اعرفها
وده بسبب مشغوليات مش تحيز لأعضاء
الي يهمني الموضوع مش صاحبه
والي بيبعتلي بقرأ موضوعه وبرد فعلا
لو بعتيلي هرد وربنا ههههههههه
بس ابعتيلي انتي بس وشوفي

ثانيا بقى الاتهامات
أ\أيمن رحاااال انت بعتله ورد على الإتهام بتاعه
رده بيعبر عن وجه نظر تحترم جدا وله حق يعني
وهو إنسان بقدره وبحترمه جداوبحب كتاباته
راقيه ومعبره جدا
تقديري ليه ..

لكن فين رد منه على الإتهام هيه كمان
منون كتاباتها راقيه اوي وبتشجع الأعضاء بشكل دائم
وبتحب القسم ودايما بتبدع فيه
محدش بياخد قسم لحسابه ابدا
وده عمره ما كان اسلوبها ولا طريقتها
بالعكس منه بتساعد الكل ..

شكرا أمرشدي على التوبيك
تقديري ليك ولجديدك ده
وحلو اسم التوبيك
بهدووووووووووء ( :d )
بيفكرني بحد كده ههههههههههه
تسلموا يارب ..

[ساحر الأحزان]

انا مش بقلك ان انت مفيش من وراك اى هدوء دايما تحب وجع القلب كدة والدور اليوم على الابداعات بكرة يكون علينا

فية فرق انى اكون عضو وفرق انى اكون مشرف لان العضو من حقة يرد على اى مواضيع فى اى قسم محدش

حيقلة ترد هنا ومتردش هناك انما انا كمشرف واجب علية انى ارد على كل ما يعرض فى قسمى من مواضيع

بيعرضها الاخوة الاعضاء وبرضة قد تكون الظروف بتمنع الاخوة المشرفين من الردود على مواضيع فى قسمهم

هو احنا مش بشر برضة عندنا شغل والتزامات وظروف

يعنى المشرف بيعوض المواضيع الى فاتتة فى قسمة لما يكون موجود

وانا مش شايف انة فية تملك فى القسم من اى مشرف فينا هو المشرف حيفرض على العضو وصايتة هو وقسمة

يقلة اكتب دة وما تكتبشى دة انا مسئوليتى كمشرف انى اقدم الدعم والمساندة للى يطلبها والى ما يطلبها

بحكم المسئولية الى وكلت بيها والاخوة المشرفين فى الادبى الى موجودين ما بيقصرو فى اقسامهم حسب تواجدهم ومنة الجميع بيشهد بحبها للاعضاء وتشجيعهم على طول الخط

مش فى قسمها بس فى اى قسم بتكون فية

يمكن طبعا بخصوص الاشراف فى الابداعات ففية ناس كتير حابة تكون مشرفة فية بسى القسم بيكون فية الكفاية

من مشرفينة وفى اقرب فرصة بيتم تعيين مشرفين جدد على القسم

نورتى قيثارة الصمت البرنامج بجميل كلامك وهدوئك

ومرشدى يقول بهدوء هو فين الهدوء بقى

بداية فى الجون مرشدى

ننتظر الحلقة القادمة

تحياتى

[الابتسامه المصريه]

كيف يكون البرنامج اسمه يهدوء
لا المفروض يبئى اسمه النقد الجامد

مورشو مميز طبعا فى كل حواراتك
والقلب الصامت طيوبه احسست من ردودها
وحوار جميل

بالتوفيق فى الحلقات القادمه