مصريات

[نجم وزهره ومسافات فراق]

اه بعشقك ياللي هواكي خد في قلبي مداه اه بعشقك وبقيت امير للعشق وركعت شاكرا لله اه بعشقك متحني اسمي بطعم نيلك والخلود ويا الحياه اه بعشقك ياللي انتي عشقك عاش معايا ومستحيل يبقى له يوم منتهاه مجنون في عشقك والجنون طبع وسمه وكتبت اسمك في الخلود خليتوا غنوه وملحمه وحفرت من دمي على فستانك الاخضر شعار دي مصر معشوقتي الجميله الباسمه مصر الحضاره والتاريخ قبل التاريخ كان منها مصر المناره قبل كل الدنيا واضح سحرها مصر الامان مصر الاديان مصر كرمها ربها مصر الصبيه / النقيه / طول عمرها بعشق بلادي وعشقي ليها بات خلود غنيت عشانها بطعم ثوره اتهز ليها الجدود وكنا واحد حنا واحمد مع محمود دي مصر ام الكل اصل الكرم والجود في الدم بيسيل الحنين ليها مدى الازمان ومن زمان يامصر سحرك بقى له زمان متبسمه بالفرح واميره وحبك كان زي عود ريحان اخضر على الشطآن مصراوي آه مصراوي هي دنيتي هي الاميره الحلوه هي فرحتي بعشقها طول العمر وشرف كبير مصريتي لو خيروني في عشق الدنيا او عشقها هرفع قضيه واقول هواها قضيتي مصري انا / مصري انا / واهو صوتي عالي دي بلدي عالي اسمها ع الدنيا عالي مصري بلون الارض طعم الورد احلام الليالي مصري كابويا وعمي وامي وحتى خالي بكتب واقولها عن الكلام تخاريف الحب فيا لبلدي جد شريف وان شاء اعطش اجوع او حتى ما القى رغيف عشقي لبلدي سمه بقى طبع مش تكليف خلوني اقول من القلب واتغزل علشانها مصر الجديده جاي بكل الخير كده اوانها وبكره راح تعرفوا وتدبوا في حنانها دي مصر مهما كان عالي اوي مكانها ربنا يحفظ مصر يارب من كل شر مش شعر دي مشاعر

[دمعه حائره]

مصر جميله فى عيون اللى بيحبها وخايف عليها وعلى ارضها
يفديها بدمه وقلبه وعقله
مش خساره فيها ماهى بردوا امه
تسلم ادهم رائعه جديده تبهرنا بيها
تستحق التقييم
وفى انتظار كل جديدك الرائع

[سهـــر]

بجد كلمات رائعه جداً
تسلم ايدك ي ادهم
ودي واحترامي وتقديري

[وهج الايمان]

بعشق بلادي وعشقي ليها بات خلود
غنيت عشانها بطعم ثوره اتهز ليها الجدود
وكنا واحد حنا واحمد مع محمود
دي مصر ام الكل اصل الكرم والجود

حقا كلمات جميله
اسمح لي ابدي اعجابي بقلمك وتميزك واسلوبك الراقي وتالقك

تقييمي

[تناهيد الهوي]

غاليتى لا تخافين


فأبناؤكى فطنين مناضلين باسلين


لا لا تخافين


سيحرسكى رب العالمين


أنسيتين قول رب العالمين


(ادخلوا مصر إن شاء الله امنين )

[فرانكو.هدوء ملك]

اصمتي يا مصر ، واسمعي
هذا ابن بطنك يناجيكي
يعبر باجمل الكلمات
يقرر ،، يحتم،، يداويكي
هذا العطر المنبثق من بين كلمآته
يُعطي عبيراّ صافيا يُفاديكي
يا مصر اخرجي صوتا قويا
كانو يقولون ان ابنائُكي عملاء
يتسني لكي ان تشمخي بكل كبرياء
فهذا منكي ولا يعرف استياء


،،

ادهم حبيبي
امتعتني والله العظيم
ولا املك سوي ان اقول
بارك الله لنا في قلمك الحر المنطلق
الذي لا يعرف قيود او خوف

[פﭠة ﺳگـړُھَہّ]

مش شعر
دي مشاعر

---

مشاعر جميله منك , ومافيش اصدق من مشاعر حب الوطن

دامت مصر بخير

ودام شعبها بكل امان

[*دموع القمر*]

اللهم احمى مصر من كل شر يلحقها
تسلم على اختيارك الراقى اخى

[انجي_1]

تسلم ايدك يا مبدع

استمر في التالق

[Lost Pearl]

كلمات جميييييلة اوي عن مصر

ربنا يحميها و يوديها للاحسن يا رب

تسلم ايديك يا استاذ ادهم ع الكلمات

فـ انتظار جديدك دايما ،،