حاله توهان

Mo chahin · منذ /03-20-2013, 10:02 PM

إبنك فى حاله توهان ..

بحلفلك بكل الاديان .. توراه انجيل قرآن

ابنك فى حاله توهان .. حتى العمر علي هان

انا فيكي بلا عنوان .. لكن بيكي انا ولهان

حر وعايش بلا قضبان .. بس على متين سجان

ابنك فى حاله توهان ..

لكن انا العشقان عاشق ترابك ونيلك وناسك

مانا واحد من ناسك وفى محرابك انا فاسك

حتى حبك جوايا مناسك وانا فى العتمه احساسك

وعيونى هيه حراسك وعشقك صحيح فتان

ابنك فى حاله توهان ..

رسيني ابوس ايديكي .. رسيني على بر فيكي

لو لقيتي حد يرسيكي .. رسيني دانا حته منيكي

بدال مانا تايه فى موانيكي .. وتايه فى واديكي

رسيني على بر .. يا فايتانى فى حبك غرقان

ابنك فى حاله توهان ..

انا المتيم فى وصفك وانا اللى حطاه على رفك

وانا اللى تزعليه بليل والصبح واقف فى صفك

انا ابنك انا عارفك ولا اقدر يوم اخالفك

وانا قدرك يا قدرى يا نور فجرى انا الهيمان

ابنك فى حاله توهان ..

ابوس ايدك تنجيني .. ما ترميني بين شطين

مابعرفشي اعوم .. وان عومت هروح على فين

خدى روحى خدى عيني .. وارمى طوقك ينجيني

دانا ماطقشى طوق .. غير يطوقنى وانا غرقان

ابنك فى حاله توهان ..

انا اللى تحت ترابك مدفون واعيش راضى بالدفنه

عشانك انتى الحياه دى تهون وانشالله الروح دى تفنى

بس نفهم فيكي ايه .. ايه اللى جرى ليكي .. ليه غيرتى الدفه

وليه بعدلك موزنتيش .. طبت منك الكفه .. ولا العيب فى الميزان

ابنك فى حاله توهان ..

الرحــاال المٌتَمرد · منذ /03-20-2013, 10:05 PM

لامستني الكَلمات ,,
عتاب وحاله مِن التوهان
يعيشها الشعب المصري
وها هو "شاهينا"
ليٌعبر عَن هَذا وببراعه
راقتني حقاً ,,
شٌكراً لك .

פﭠة ﺳگـړُھَہّ · منذ /03-20-2013, 10:10 PM

مافيش كلام هنا يتقال

بعد حالة التوهان

توهتنا يا شاهينا

واتعقد اللسان ..

ربنا يحميك ويحمى قلمك الرنان

فى انتظار كل جديد وابداع

phalsteen · منذ /03-20-2013, 10:21 PM

راقي بكل معنى الكلمه
راقي الحروف والانتقاء
دمت للرقي والابداع عنوان
وها انا سوف امكث هنا
بين ثنايا متصفحك انتظر جديدك
دائما لك صوت مختلف في رسم الحرف الهادف الذي يعكس الوجع
تحياتي وتقيمي

فرانكو.هدوء ملك · منذ /03-20-2013, 10:41 PM

وليه بعدلك موزنتيش .. طبت منك الكفه .. ولا العيب فى الميزان

ميرو

كلمات رأأأأأأأأئعه جدا

لاكن ما كآن العيب لميزان

،،،،

العيب لشعب يجهل حريه

يجهل معني ديمقراطيه

نسًلم رقابنا عُميا

ونُقتل بالميادين جرمآ

فعلا دام قلمك ينبض عزيزي

تقبل مروري

فــــــــــرح · منذ /03-20-2013, 11:46 PM

في القلب انين .. وشيء قد يقال عنه حنين
ليس لغربه او غياب بعيد ..!
بل بين احضانها وشعور بأحساس مريب .!

حينما يكتب الشاهين ..
يسرق الاحساس من بين انياب ملوكه
لنعيش حالة من توهان صادق
يولد بداخل كل انسان منا حينما يشعر بالحنين
لاحضان باتت غريبه عنه
وطن كان ام اشخاص ..

رائعه شاهيني الغالي
واكثر بكثيـــــــر ...

princess bosi · منذ /03-20-2013, 11:52 PM

ج ــميـل ججـدآأ كـلامكـ
بـجـد تسـلم ايدكـ

Words Whisper · منذ /03-21-2013, 02:57 AM

توهان
فوضى
و حكومة ساكنة
هذا حقا يلخص وضعنا ..

طرح قيم
شاكرة لحضرتك ..
دمت بتوفيق وسعادة ..

booody99 · منذ /03-21-2013, 10:24 AM

كــلــمــات جميلة فــعلاً ورائعة

واســـتـمتعنا بها وباســلـوبــك الــراقــي

ســلمـت الأيــادي علـــى الطـــرح المتـــمـيز

كــل الأحتـــرام والتـــقــدير

Mahmoud Mohie · منذ /03-21-2013, 01:09 PM

رووعة غير عادية ..
معهودة دائماً من شاعرنا ..
المميز المتألق ميرو ..

رااقى واكثر
شكرااً

تقييمى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انا المواطن الغلبان ( توهان )	a7med -3del	ابداعات الاعضاء العامية	19	02-11-2013 09:50 AM
محششين اخر توهان!!!!!!!!!!!!!! p	اهلاويه موت	نكت - طرائف - وناسة - فرفشة	6	05-30-2012 10:22 PM
مازالت الأنثي في حالة توهان	كريم عاصم	بقلم أعضاء بنات مصر - حصري	29	03-05-2012 08:25 PM
توهان فكري فشلل سياسي ومنوره يابلد	DR.SMA	بقلم أعضاء بنات مصر - حصري	14	12-23-2011 09:17 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

حاله توهان

ابداعات الاعضاء العامية