خايف أطلعلى بمادة

[Mahmoud Mohie]

بسم الله الرحمن الرحيم ،،
-
-

كنت مستنى النتيجة من يومين

إيدى على قلبى وقاعد مستكين

خايف اطلعى بمادة ولا مادتين

ولا أشيل التيرم كله زى كريستين

صاحبة بنات عمى سارة ونرمين

عارف انى ف الجيولجيا كنت طين

الرياضة فيها عكيت عك السنين

و ف المواد الباقية كلها مخى تخين

يمكن الدكتور يغلط وأبقى م الناجحين

ولا إن حلى كان صحيح م الجامدين

النهاردة ماشى ويا أحمد وإسماعين

إتصل وائل علينا ظهرت يا فاشلين

كلكوا سقطوا السنة دى سامعيين

من زمان قلتلقوا ذاكروا فاكرين

اتفقنا من النهاردة هنكون مجتهدين

وبدروسنا ومذكرتنا نبقى مهتمين

ولا حد تانى هيقول عننا مهملين

هنستنى فرحة نجاحنا ونبقى مقدرين

زى يوم ما استنى الإخوان المسلمين

فرحة فوز مرسى بالرئاسة 4 سنين


بقلم : محمود محى

[العاشق الذى لم يتب]

والله كلام عظيم وربنا ينجحك وتوكون من الفئزين دنيا ودين بس بالله عليك سيب مرسى فى حاله وطلع الإخوان من نفوخك علشان ربنايكرمنا ويصلح حال بلدنا قول آمين مودتى رفعت

[Mo chahin]

حلوة كـالعاده يا محي .. مع تحفظى على كلمه ( اسماعين )

وتحفظى ايضا على النهايه ..

كان ممكن تقفلها قبل البيتين الاخريين بتوع مرسى هههه

خلينا يابنى نخرج من جو السياسه دا شويه ..

مبدع يا واد ..

[SiLver Spectra]

حلوة أوي يا محي
برغم اني نادر لما ادخل الادبيات بس العنوان شدني

استمر بقى ,,

[سهـــر]

تسلم ايدك محمود
ودي واحترامي

[۩۩ elMagic ۩۩]

جميله جدا ي محــي
عجبتني
وان شاء الله نكون فالحين
ونعدي الترم دا صافيين
استمر ي برنس ,,

[صافي]

موضوع مذاكرة الكليه ده بيستفزني لاني ببزل مجهود وممكن اشيل الماده او اجيب مقبول واخويا في كليه خاصه ولا بيعمل اي حاجه وفي الاخر يجيب تقديرات

ربنا ياخد البوابين الي عندنا ويرزقنا بدكاترة بحق ربنا

عجبتني جدا
بلتوفيق

[countess]

جميله مافي كلام بجد

تخيلتك وآنت بنتظر النتيجه هههههه

آن شاء الله تنجح بآذن الله

بتوفيقات محمود >>>

[شاعرة الرومانسيه]

هههههههههههههههههههه

انت فاكر بعد كل ده هاتطلع بماده واحده

ههههههههههه يالهوى دانت يابنى

بتحلم بس اقولك تصدق ممكن تعدى معاك

هى مسأله حظ وانت عارف حظك بقى

يارب تنجح ان شاء الله

عشان تجيبلى هديه بقى

هههههههههههه

توبيك رائع ودمه خفيف

[Words Whisper]

دايما النجاح
محتاج اجتهاد
ودا شرط أساسي
عشان كدا انا شخصيا كـ أسماء
مش متفائلة لنفسي =))


جميلة
شكرا ..
بالتوفيق ..