الحلقة الاولي من برنامج وجهة نظر مع تاج النساء

[phalsteen]

أولي حلقات برنامج وحهة نظر مع تاج النساء البرنامج هو فكرة لمعرفة وجهات النظر سواء توافقت مع الجميع ام لا فهي تعبر فقط عن فكر صاحبها البرنامج مقسم الي جزئين من الفقرات لكل فقرة مضمون خاص ورؤية مختلفة اتمني ان يحوز إعجاب الجميع حين تعانق فضاءات الإبداع أسما سيعتلي هو المقدمه دون نزاع بعطر حروفه المبلله من رصيد الفكر المتدفق شهدا ستقام طقوس وجهة نظر اسما اتخذ من الحرف ملاذاً له,,,, ليكون مصدرا للتعبير عن كينونه داخله ..! فهنيئا لنا بعبق حضوره المميز ساحر الأحزان لروحك طوقا من الياسمين يزهو بك ساحر الأحزان والنبي منوراني خالص يا سااااااااااحر اتفضل ادخل البرنامج بس برجلك اليمين يا فتي هتعبر عن وجهة نظرك دون اي تأثير ومراعية وحساب لاي اعتراض ع كلامك وفلسفتك الخاصة لك الحرية المطلقة في اي كلمه تكتبها علي أسئلتي الاتية ما عدا الانسحاب او الاعتراض علي اجابه سؤال انتى يا سما عاملة الهالة وعاصفة الصحراء دى كلها ومقدمة زى مقدمة خيرى رمضان ولا منى الشاذلى ومدخلانى سكة الى يروح يرجع من الناحية التانية بكل الاسئلة دية ومين يابنتى حيكون عندة طولة بال يشوف كل الكلام دة عموما احنا خلاص على الهوا والناس كلها شيفانا فما ينفعشى التراجع والاستسلام وعلى بركة الله نتوكل بلاش رغي يا عم الغبلاوي محدش طلب رأيك انت تجاوب وانت ساكت ومش هشيل الكلام دا في المونتاج وبعدين ملاقتش غير خيري رمضان اللقاء الاول : في وجهة نظر مع سما اتمني اعرف رايك وفكرك ووجهة نظرك في الشخصيات اللي هيتم عرضها عليك ماشى حنبلش معاكى فى الاسئلة بسى معرفشى اية علاقة تاج النساء بوجة نظر مع سما اهه مهو الاتنين معناهم واحد مؤنس تاج النساء وسما ههههههههه الله ينور عليك لفته مفيدة بلاش لماضه بئا المرشد العام لجماعة الاخوان المسلمين ربنا يجعل كلامنا خفيف عليهم خفيف عليكى وعلينا محمد مهدى عاكف المرشد العام لجماعة الاخوان المسلمين او تقدرى تقولى الزعيم بتاعهم يعنى هو راجل كمرشد عام للجماعة شاف ان طالما ان الرئيس من الجماعة يبقى الدولة ومؤساستها تبع الجماعة ودة مردوة سلبى على الوضع الحالى خلق حالة خنق على الجماعة وعلى مرشدها لان الناس شافت ان الاخوان عايزين يسيطرم على البلد بحكم ان الرئيس منهم طايب هل الاصوات الى اخدها الرئيس فى تانى جولة زى اول جولة يعنى اول جولة خمسة ملايين وتانى جولة عشرة ملايين واكتر يعنى معنى كدة ان فية ملايين كانت تبع حمدين وابوالفتوح وعمرو موسى راحت ليكم لو مكنشى كان خدها احمد شفيق هل الى بيحصل دلوقتى انت كدة بتكافىء الناس الى وثقت فيكم واعطتكم اصواتها ارفعو ايدكم عن مرسى وعن الدولة فأى نجاح لمرسى هو يعتبر نجاح ليكم بأن الأخوان على قدر الثقة الى الناس اعطوها ليها وأى فشل حيحسب عليكم فى ان حبكم وتطلعكم للسلطة مكنشى حب فى مصلحة البلد بل طمع فى الوصول للكرسى والتمركز والتحكم فى مؤسسات الدولة وبعدة بمراحل مصلحة البلد مازالت قدامكم فرصة يا سيادة المرشد فى االاصلاح قبل ان تصاب البلد بحالة انهيار تام ولن تقوم ليها قومة اخرى ولنجعل مصلحة مصر فوق اى مصلحة شخصية وحزبية لحزب واحد شخصية تفوز بكم هائل من الغموض محمد البرادعى يمكن المتابع للمشهد السياسى قبل الثورة فى مصر وقيامها فى تونس نادى بالاصلاح السياسى فى مصر وتداول السلطة وبعدها بفترة قصيرة قامت الثورة فى مصر وكان لة دور بارز فى الاحداث بعد الثورة واللوم يقع علية فى انة تخلى عن المناصب لان ناس كتير كانت شايفة انة بعد الثورة حيكون لية دور قيادى مؤثر بحكم تقاربة من شباب وقيادات الثورة بسى هو تنأى وبعد عن المناصب يمكن هو بحكم بخبرتة السياسية حس ان مناخ التغيير فية شىء من الصعوبة فى ظل تردى الاوضاع وعدم استقرارها ودة بيفسر بالنظرة السياسية فى انة هروب من المسئولية او نقل قناعة منة فى البعد عن اى مكسب او منصب سياسى وانضم لجبهة الانقاذ بعد فوز الرئيس مرسى بالرئاسة اعلامي شهير باسم يوسف فكرنى برمسيس نجيب رسام الكرياكتير الشهير ببرنامجة فى رمضان او محمود السعدنى بقفشاتة الساخرة او يوسف معاطى او يوسف ابوعوف رحمة الله علية فى كتاباتة حماريات ساخرة دول كتاب ساخرين بينتقدم الاوضاع بطريقة هزلية بسى باسم برغم ان برنامجة اخذ شعبية كبيرة بين جميع الطبقات الا ان البعض بياخذ علية التحرر فى برامجة فى نقد سلبيات المجتمع بصورة تخدش الحياء وسخريتة من رجال الدين ودة قلل من شعبيتة عند جماهيرة للأسف بيقولو عليها فنانه هيفاء وهبى هى مش بتمثل وبتغنى ؟يبقى فنانة بسى فنانة من العيار التقيل فى ان الاثارة ونسبتها العالية عندها دخلتها فى طو النجومية مع انها تفتقر لاسس الغناء والتمثيل بل عامل اثارة ومقومات جذب تدخلت فيها عمليات الشد والتجميل لاغراء شريحة كبيرة من الشباب والمراهقين يعنى هو انتى مش بتتفرجى عليها ومعجبة بيها ولا ليكى رئى تانى؟ اه والنعمة يا اخويا بحب اوي اتفرج عليها امال هي ليه يعني مهي للفرجه حازم ابو اسماعيل حازم صلاح ابوسماعيل شخصية معروفة ومشهورة كمحامى ومناضل سياسى اكتسب ارضية واسعة من خلال مواقفة ومنضلاتة فى وجة النظام السابق من زمن ليس بالبعيدة توسم فية الكثير عند ترشحة للرئاسة ولكن جة القرار من المحكمة العليا ببطلان ترشيحة كصاحب جنسية مزدوجة بحكم ان والدتة كانت تحمل الجنسية الامريكية وجاب قرار بنفى ازدواج الجنسية ولكن القرار لم يسمع لة ولكن رغم تاريخة ومناضلتة للظلم ووقوفة فى وجة النظام اين دورة الان بحكم شخصيتة المعروفة والمعتدلة فى تلك الفترة من الاحداث الجارية يا خراشي يا نا جبهة الانقاذ جبهة النقاذ شخصيات معروفة ولها صقل معروف كعمرو موسى ولا محمد البرادعى ولا حمدين صباحى اقرب المرشحين كان للفوز برئاسة الجمهورية ولكن التلخبط والتشويش الى كان فى الاصوات فوت الفرصة علية هو وعبدالمنعم ابوالفتوح بقلهم يا جبهة الانقاذ الناس محتاجة منكم الكثير فين دوركم فى تهدئة الاوضاع الناس عايزة تحس ان ليكم دور كبير فانتم ليكم كلمة مسموعة عند الجماهير ياريت مرة اخرى نشوف دور اقوى لجبهة الانقاذ دور اقوي دول اخرهم دور في مسلسلات رمضان هنبقي نتفرج كلنا سوا ان شاء الله واخيرا :الاعلامية مني الشاذلي منى الشاذلى الاعلامية المشهورة سلط عليها الضوء منذ برنامجها الشهير العاشرة مساء واصبح لها تواجد فعال فى مناقشة القضايا باسلوبها الهادىء والمشوق للمشاهد وينتظر منها الكثير من المشاهدين غهى تمتلك كاريزما المذيعة الناجحة الله يسامحك بقى صدقتى لما قلتلك ان برنامجك عايز رغى كتير ومود رايق هو انا بعذبك وبعدين ما انت ماشي كويس اهو هضحك الناس علينا كمل ربنا يهديك ما زال للحديث بقية انتظروني مع ساحر الاحزان

[phalsteen]

اللقاء الثاني وللقلب وجهة نظر دا اللقاء التاني يا أستاذنا يالا ع البركة بئا جاوب واستمتع اهه معاكى حق برضة على البركة بسم الله بدينا 1- كيف يكون الحب؟اي كيف نشعر به ؟او نحس به؟ دة زى الاشعة السينية بتدخل جوة جسمك تعمل رجفة كدة جوة القلب تحسى كدة لونك مخطوف ونبضاتك سريعة وتلاقى السعادة بانت على وشك دة اسمة كيبود الحب المخترق الى لسة فى اول مشوارة يا عيني ع الرومانسية حد يطلبله لمون يروق اعصابه 2- هل للحب ذراع يقف في وجه الظروف ام ان الظروف دائما ماتقضي علي الحب؟ الحب القوى دايما بيتغلب على الظروف وقوتة بتكون من صدقة داخل الطرفين لو حصل نقط ضعف بتقضى علية 3- هل يمكن ان تحب شخص لم تراه ؟ وكيف؟ دة بيحصل لما الشخص الى قدامك يجذبك بأسلوبة بيشدك لية لما تقرب منة اكتر بيظهر قدامك فى افعالة وتصرفاتة وبيتعمق اكتر لما تقرب منة فى الواقع امممممممممم مش مفتنعه بس ما علينا كمل 4- يتلاشي احساس الحب بداخلنا احيانا ولكن لماذا تظل الذكريات بداخلنا كما هي؟ لانك عايزة تحسى بية على طول ولما كنتى جواة كانت الحياة لونها جميل والسعادة على طول فى قلبك والذكريات بتفضل لانها بترجعك للايام الى مرت عليك وعشتى وضقتى فيها طعم الحب فالحنين مع الدموع بياخدك ليها اه يا نا مش مرتحالك 5_ الحب .. حالات . دموع وافراح .. أبكيت يوم من اجل الحب ؟ وكذلك وصلت يوم لقمه سعادتك بالحب ؟ قافل على قلبى وحاطة جوة باترينة حاسب بئا للقطة تأخده منك ^_^ حدثنا عن التجربتين يعني طبعا مش هتحدثنا طاااااااااايب 6_الاشتياق .. اللهفه .. هم انفاس الحب احيانا فى رأيك هل هم بالفعل انفاس للحب .. وهل هناك شىء اخر يعتبر هو الوريد الاساسى للحب ؟ الاشتياق واللهفة احساس ومشاعر تجاة من تحب عبارة عن جزء من اجزاء الحب ووريد الحب هو التعمق فى معناة ومعرفة الحب على اصولة دة بتكون زى الدماء المتدفق فى الوريد ودة بترجمة الافعال مع الاحاسيس مع العواطف مع فهم الانفاس واشارة العيون الانفاس وهى تهمس والعيون وهى تبيح وتعبر 7_ اختلف الكثيرون فى مفهوم الحب الاول ما بين قمه وقاع فى رأيك ما تاثير الحب الاول فى حياتنا .. رغم انه غالبا فاشل ونهايته دائما الفراق؟ الحب الاول دة بيعتبر تجربة غير محدودة العواقب لم تصقلها خبرة الاحاسيس وفهم الحب من جوانبة زى تجربة جديدة عايز تعيشها بسى عواقبها غير محدودة وخصوصا لو جت فى وقت مبكر من العمر بتبقى المشاعر متقلبة وغير راثية على اتجاة واحد بسى المهم انها تحس بنشوة الحب 8_ هل يعطي لك الحب الحق ان نتحكم في حبيبتك لدرجه الامتلاك؟ دى بتوصل لمرحلة الانانية والتحكم الحب اخد وعطاء وحرية وليس امتلاك اللي يفهم دي يفهمني علشان والنعمة ما فهممت حاجة 9_ هل يمكنك ان تحيا مع انسانا لاتشعر معه بالامان والثقه ؟وكيف؟ طيب ازاى حتحيا معاة فى مكان واحد وانت مجبر على كدة الا اذا غير نظرتك لية بفعلة وخلاك تقرب منة لانة اعطاك الى بتبحث عنة ورجعلك الثقة والامان من نحيتة 10_ _هل البعاد فى الحب يؤدى الى موت الحب بقلبك ام الى زيادة الشوق لمن تحب؟ ولماذا ؟ لو موجود عهد الوفاء البعاد مش حياثر فى حبك حتفضل تنتظر حبيبك على طول بشوق ولهفة طالما يبادلك نفس الشعور الا لو تغير مشاعرة اتجاهك وتحولت لبرود من غير لهفة واشتياق حتعمل موت اكلانيكى للحب ومحتاج صدمات عاطفية ونبضات قلبية تدب فية الروح مش قولنا غلباوي يا خسارة كدة اللقاء التاني خلص بس كووووووووويس لسة اللقاء الاخير يا الف خسارة فعلا تصدقى هو كان فية اسئلة كمان نورتى يا ست انتشرى احترمني عيب كدة هنا تنتهي الحلقة الاولي مع ساحر الاحزان أشكرك اخي علي قبولك دعوتي وانتظروني وحلقة جديدة من وجهة نظر والي لقاء اخر اترككم في رعاية الله

[الابتسامه المصريه]

ما هذا البرنامج الرائع
وجهة نظر جميل
اسم البرنامج
وامجد ماشاء الله
اجابات ميه ميه
ومتزنه جدااااااااا

من اخ رائع واحساسه جميل
وربنا يوعده ببنت الحلال ال
تخطف قلبه

جميله الحلقه تاج وطريقتك جميله
فى الحوار والنقاش والتعليق
وفى ا نتظار حلقه جديده

[ساحر الأحزان]

بشكرك سندريلا على جميل دعوتك

للموضوع الجميل دة

بحيكى على جميل نشاط

ومتابع معك

موفقة

[احساسى صحيح]

هههههههههههههه
حلقة حلووة اوى يا سما
مع الرائع ابو دم خفيف حبيبى امجد
استمتعت بيها اوى وارائة تحترم ونظرتة صائبة فى كل اللى ذكرة
منتظرين الجزء التانى بئا
موفقين

[دمعه حائره]

حوار جميل جدا والريس امجد منورنا
واجابات رائعه وعجبتنى ايه العقل ده كله
ووجهة نظرك اتفق معاك فى نقاط كتير فيها
والمقدمه حلوة مش عجبك الاحتفال ولاايه
مجهود عالى سما والاسئله جميله وجديده
موفقين يارب
تقييمى

[phalsteen]

اقتباس المشاركة الأصلية كتبت بواسطة تراتتا المصريه ما هذا البرنامج الرائع وجهة نظر جميل اسم البرنامج وامجد ماشاء الله اجابات ميه ميه ومتزنه جدااااااااا من اخ رائع واحساسه جميل وربنا يوعده ببنت الحلال ال تخطف قلبه جميله الحلقه تاج وطريقتك جميله فى الحوار والنقاش والتعليق وفى ا نتظار حلقه جديده

اشكرك ع وجودك وروحك الجميلة حببتي

[phalsteen]

اقتباس المشاركة الأصلية كتبت بواسطة احساسى صحيح هههههههههههههه حلقة حلووة اوى يا سما مع الرائع ابو دم خفيف حبيبى امجد استمتعت بيها اوى وارائة تحترم ونظرتة صائبة فى كل اللى ذكرة منتظرين الجزء التانى بئا موفقين

الاحلي وجودك اخي
الجزء الثاني هو اللقاء الثاني
وهو تم بالفعل اخي
اشكر وجودك
في رعاية الله دوما

[ساحر الأحزان]

اقتباس المشاركة الأصلية كتبت بواسطة تراتتا المصريه ما هذا البرنامج الرائع وجهة نظر جميل اسم البرنامج وامجد ماشاء الله اجابات ميه ميه ومتزنه جدااااااااا من اخ رائع واحساسه جميل وربنا يوعده ببنت الحلال ال تخطف قلبه جميله الحلقه تاج وطريقتك جميله فى الحوار والنقاش والتعليق وفى ا نتظار حلقه جديده

نورتى يا ست الحبايب

بشكر ليكى ذوقك

وتواجدك الجميل

نورتى الموضوع بجميل طلتك

دمتى بكل خير

[phalsteen]

اقتباس المشاركة الأصلية كتبت بواسطة دمعه حائره حوار جميل جدا والريس امجد منورنا واجابات رائعه وعجبتنى ايه العقل ده كله ووجهة نظرك اتفق معاك فى نقاط كتير فيها والمقدمه حلوة مش عجبك الاحتفال ولاايه مجهود عالى سما والاسئله جميله وجديده موفقين يارب تقييمى

اشكرك حببتي
جزاكي الله خيرا
وان كانت المقدمة لن تحوز الرضا
فهي بالفعل دون مستوي الضيف
ودي واحترامي لتشريفك الكريم