مرسى ياأبو العباس

[حسين حمدى]

أبو العباس اه يامرسى
لزمنى حجاب
يوقعنى فى شغلانة
تكون عالباب
تكون سهلة ومضمونة
وفيها 200 ج أتعاب
لا انا طالب أكون مرشد
ولا سواح
ولا عايز اكون ريس
أنام وارتاح
لكن سهلى يابركة
أكون إنسان
بلاش ترمينى للشارع
خروف بودان
أنا جايلك وسالف
حق دستة شمع
بلاش ترضينى ف قفايا
بحبة دمع
كنست عليك
تراب صدرى إللى أنا سفيت
وخايف بعد ماكنسته أروح ع البيت
وكل إللى على لسانى
ياريتنى مجيييييييييييييييييت

[Mo chahin]

لا جميله يا حسين ..

بس مين يسمع يابنى ..

دا ودن من طين والتانيه من عجين ..

موفق ..

[SiLver Spectra]

انتم لا تحاربون مرسي بل تحاربون الاسلام ههههههه
حمد الله على السلامة يا حسين يا حمدي

[Arco Baleno]

كلام جميل والله والله يصلح الاحوال وتتعوضو برئيس
يحس بي الشعب قبل احساسه بالكرسي


قلم ممتاز وراقي
استمر في ابداعك

[الابتسامه المصريه]

يامرسى يا عياط
مدد يامرسى
سيب الكرسى
مين يسمع ولا مين يشوف
على رأى مستر ميرو
تعبير جميل للزمن ال احنا فيه
بارك الله فيك

[حنـــــون]

الله الوطن الجماعه :d
الله الله
جمييييييييييييييله والله
تسلم ايدك ياحسين ^^

[دمعه حائره]

حسين حمدى القلم المبدع نورت الابداعات من جديد
برائعه تضاف لتاريخك الكبير
تسلم اخى وموفق يارب