مبارزه في قفص حديدي .....

[booody99]

والله مخنوق يا عالم مش رايق

الشعب حاله يصعب ع الكافر

والله يستر على الي بالبلد سايق

الشعب طفح معدش صابر

[الرحــاال المٌتَمرد]

أٌصبر وما صبرك الإ بـ الله
عـ إللى همٌه كرسي ومنصب
عـ إللى شغالاه مٌتع الحياه
ونسي إن الدٌنيا أكبر مقلب

[booody99]

ونعم بالله ملناش غير رحمته

قفلنا نفس الزوار انا عارف

سيبك من الموضوع ده وزحمته

ونقول كلمتين قبل منام للي شايف

[الرحــاال المٌتَمرد]

كان سجال ,, وحرب هاديه
وعاميه ,, ولا أحسن من كدا
لا فيها خناق ولا ضربه قاضيه
وحروف من هموم الوطن متنكده

[booody99]

هادي عشان معاك بتشرف

وانت الواحد ميقدرش يكلمه

والي حابب على رحال يتعرف

يشوف سطوره وهو يعلمه

ومعلش هطول المره دي

ونشكر حبايبنا المتابعين

حنون وساره ومنه نورهم مش عادي

وزينب وحتة سكره وروح صامته بيهم متشرفين

^_^

[Şα3Đ..♥]

ما بلاش كلام السياسه
علشان انا مش بحبه
هنغيرالموضوع ,, أهـ غلاسه
خلينا نكتب ف اللي نحسه

[booody99]

اقتباس المشاركة الأصلية كتبت بواسطة mohamed saad ما بلاش كلام السياسه علشان انا مش بحبه هنغيرالموضوع ,, أهـ غلاسه خلينا نكتب ف اللي نحسه

الباشا نور متأخر

طب اتكلم يلا بالأحساس

يمكن بكلامك نتأثر

ونسمع احلى كلام لكل الناس

[Şα3Đ..♥]

ياعم انا جيت ف الختام
ماانا اصلي مكنتش ادري
معلش بئه رايح انام
علشان لازم اقوم بدري

[الابتسامه المصريه]

الله الله على احلى كلام
بالعاميه او الفصحى
المهم ان نفهم ما يدور
من حولنا ونسعد من قلوبنا
عجبنى كلامكم
وسورى على التدخل
لكنى استمتعت بالسجال
الجميل
بارك الله فيكم

[حنـــــون]

حقا كنتو مبدعين
رباعيات رائعه
ومبارزه كانت هاديه وجميله
تسلموا يامبدعين ^^