سلام مربع

[wessa]

سلام مربع




عندنا فى مصر الجمله دى مشهوره وبنسمعها كتير



طيب بنقول سلام مربع لمين



انا هقولكو بنقول سلام مربع لمين



(1)




اوقات كتير بتبقى ماشى فى الشارع



وتلاقى ناس كتير ماسكين واحد وبيضربوه وهو مش قادر يخرج من بين ايديهم




وانت عايز تعرف فى ايه؟



وبيضربوه ليه؟



وتشوف واحد ماشى تسأله



هما بيضربوه ليه



يقولك مش عارف



تشوف واحد من اللى بيضربوا تعب ومشى وتروح تسألو



هما بيضربوه ليه



يرد عليك وهو متعصب ومتنرفز



بيسرق يا سيدى



وانت تقول



حرااااامى يستاهل



ياترى سرق كام



يرد الراجل ويقولك سرق جنيه من جيب راجل واقف جنبه




وانت على طول تروح قايل



سلام مربع للجدعان




طيب وبنقول سلام مربع لمين تانى




(2)




وانت رايح تعمل مصلحه وعايز تخلص ورق مهم



ومحتاج شوية اختام وامضأات بسيطه من موظفين(حكومه يعنى)




تروح وانت خايف ماانت عارف انك هتقضى اليوم كله علشان امضه



المهم تروح داخل المصلحه وتروح للأستاذ الفلانى يبعتك لواحد تانى



تروح للتالت ويبعتك للرابع



ويجيلك واحد يقولك انت محير نفسك ليه



الباشا بتاعنا هيخلصلك الامضاء بسرعه بس انت فك ايدك شويه



وتقوله انا فى خدمة البيه هو فين



ويوريك المكتب بتاعه




وتدخل على البيه



وتسلم ازيك يا باشا



وطبعا تفك ايدك بقى وانت فاهم



والبيه بعد لما تديله المعلوم يمضيلك الورقه بكل بساطه وجمال




وانت تخرج مبسوط قوووووووووووى



والفرحه مش سايعاك



ياه



اخيرا خلصت الورق




وتقول لنفسك وفيها ايه لما ادفع واخلص



ولو حد قالك انت عملت كده ليه



دى تبقى رشوه




تقوله



ياعم البلد كلها ماشيه كده



هو انت من كوكب تانى والا ايه



وانا يعنى اللى هخرب البلد





لا والله مش انت



كلنا معاك



والبلد بينا باظت





وهنا بقى بنسلم على البيه



ونقول



سلام مربع للحراميه




طيب ليا سؤال واحد ليك



هو اللى بيسرقك من وراك زى الحرامى اللى انضرب افظع؟



والا اللى بيسرقك عينى عينك؟





مع تحياتى



وسام

[صافي]

هههههههههههههههههه
ايوة بجد بتحصل تلاقي الناس بتضرب في واحد بس مبيسالوش عمل اية دول بيضربوا علي طول
وبعد كدة يسالوا عمل اية ههههههههههه
حصلت قدامي
وانا قعدت اقول اية الشهامة دي ههههههههههههه
حلو ياعسل
سلام مربع
اختك

[خالد ابو النجا]

شكرا على الموضوع الجميل جدا

[noona]

فعلا يا ويسا ..

للأسف هو ده الحال

لكن كفاية اننا عارفين مين الحرامى بجد

ممكن قدامه محدش بيواجهه ويقول كده

عشان المصلحة تخلص

لكن الحساب عند ربنا كبير

زيه زى اللى مده ايده فى جيب اللى جنبه

وسرق الجنيه

الفرق بس ان هنا فى مصلحة ..

عشان كده بنقول سلام مربع

تسلمى يا ويسا على موضوعك الجميل

وربنا يهدى ويصلح الحال ..

تحيــــــــــــاتى وتقديرى

[حنـــــون]

موضوع جميل ياويسا

السرقه واحده الا بيسرق ادامى زى الى بيسرق

من واراى الاتنين حراميه بس احنا الى دلوقتى

بئت لينا موسميات شيك بنخفى بها الحقيقه

يقولك على الرشوه اكراميه والوسطه مساعده

والغش فى الامتحانات تعاون وسلام مربع لكل دول

تسلمى ياويسا على الموضوع الجميل تحيااااااااااااااتى

حنون

[ياسمينة البلاد]

طبعا السرقة في الحالتين حاجة تقطع القلب قبل الجيب

بس اسلوب الطرح تحفة .............وفعلا اللي بيسرقني من ادامي بيستغفلني اكتر لانه بيسرقني وانا عارف انه بس مش قادر اعمل حاجة .لكن لعن الله الراشي والمرتشي
سلمتي يا ويسا وفانتظار جديدك .

[warm heart]

موضوع جميل جدا

والاجابة هي

اللي يسرقك عيني عينيك


تحياتي

زوزو المصرية

[قلم بلا حبر]

اقتباس:

هو اللى بيسرقك من وراك زى الحرامى اللى انضرب افظع؟



والا اللى بيسرقك عينى عينك؟










الاتنين (( نيله ))

مع ان فى ناس ممكن تحسبها ان المرتشى بيفيدنى بحاجه بيعملها ليا والحرامى بياخد مش بيدى

انما الحقيقى ان الاتنين مش بيمدوا ايدهم الا على الناس الىل محتاجه فعلا اننا نملها ايدينا

وزى ما بيقولوا (( جاى فى حارة المكسحين ويعرج )) :081:

موضوع روعه يا ويسا

خالص تقديرى

تحيااااااااااااااااااتى"""""""""

[SiLver Spectra]

الفرق إن إلي بياخد الرشوة بيفكلي مصلحة...

لكن التاني بياخد من غير ما يعملي حاجه


لكن طبعا الإتنين فساد إجتماعي

و صاحب الرشوة هو الأكثر فسادا و الأكثر إستغلال...

الحرامي ممكن تعمل إجراءات تحمي نفسك منه

لكن المرتشي أحيانا بيكون صعب إنك تتخطاه...

يعني بيكون إجباري...و أحيانا بتواجه صعوبة عشان تتجاوز طريق الرشوة زي ما ذكرتي

بس الظاهرتين أنا شايف إنها ظواهر طبيعية في ظل
(ضعف الدخل ....و غلاء المعيشة)

موضوع جميل يا ويسا

دوام الإبداع

[الامبراطور]

مشكورا خيتو على هاد الموضوع الرائع والاكثر من رائع