بصراحة مع morshooo

[مِسكُ الشَهادة]

بسم الله الرحمن ِ الرحيم الحمد لله ِ الذي شرفني بمعرفة من أحب في حياتي ظننت ُ أن الصداقة والحب فقط في الواقع ... لم أدرك أن في عالم النت والتكنولوجيا ربما تتلقي بأناس ٍ تعشقهم بصدق تحب صراحتهم تختلف معهم ولا تختلف عليهم وعلى رقي أخلاقهم حقا ً لهم أكن كل الود والتقدير ضيفنا لهذا اليوم ... أخا ً وصديقا ً أعتز به منذ أن تواجدت ُ في هذا الصرح الراقي ... إنسانا ً بحق تشرفت ُ جدا ً بمعرفته وسعدت إنه الأخ الغالي المتألق :_ (morshooo ) أهلا ً وسهلا ً بك أخي الحبيب شرفتنا ... ننتقل بكم لمضمون الحوار ... . القسم الأول ( morshooo ) 1_ حدثنا عن مسيرتك العملية في المنتدى مذ كنت عضوا ً جديدا ً لهذا اليوم بشكل مختصر ؟ سجلت فى المنتدى من 2009 مشيت كويس فى المنتدى اخد تقريبا تمييز بعدها بحاجا بسيطة كنت بهتم بيوميات الاعضاء بس اول ما بقيت مشرف كنت على السويتش ماكس بعد كدا بقيت مشرف اليوميات لحد دلوقتى طبعا فى البداية كنت زى اى عضو ممكن انزل مواضيع ومحدش يرد عليها بس مكنتش بضايق من دا زى اعضاء اليومين دول ^_^ دا باختصار . _بماذا يختلف أحمد عن مورشو إن وجد إختلاف برأيك ؟ اكيد فى اختلاف بين احمد ومورشو ودا طبيعى جدا لاننا خلف شاشات يعنى باختصار انا من ورا الشاشة محدش هيعرف اية هى عيوبى ومبصدقش الى يقول انا برا المنتدى زي جوا المنتدى لان بسهولة شديدة مفيش حد هيظهر نفسة وحشة من ورا شاشة الكمبيوتر لكن فى الحياة الطبيعيه سهل جدا اننا نعرف من الكويس ومين الوحش الاختلاف بين احمد ومورشو احمد شاب كسول جدا ولكن لية طموحات بيحاول انة يحققها وحقق منها الكثير الحمد لله مورشو الناس شايفاة هنا نشيط جدا ودى حاجا بكون مبسوط بيها 3_إلى أي مدى رضاك عن نفسك ؟ الحمد لله راضى جدا عن نفسى وتصرفاتى وحياتى لحد دلوقتى ما هي القيمة العظيمة التي إكتسبتها في حياتك ولن تنساها أبدا ً ؟_ والله يا خالد انا هقولك اكتر حاجا بتسعدنى اية هى فى حياتى لما اقدر اساعد حد محتاج مساعدة مش فارق كتير معايا اية هى نوع المساعدة بس كفاية عندى احساس شخص انى معاة او بقدملة حاجا تساعدة ومش شرط على فكرة تكون مساعدة مادية ممكن نفسية او معنوية _ _إلى أي مدى يسعى طموحك في هذة الحياة ... هل يتوقف عند لحظات معينة أم يستمر للنهاية ؟ اكيد الطموح مستمر لان لو طموحى وقف عند حاجا معينة كدا هقول لنفسى شكرا انا دائما مقتنع بحاجا فى الحياة انى احط قدامى هدف بسيط واوصلة بس لما بوصلة بكبرة انا مش من النوع الى بقول هدفى كذا ( حاجا كبيرة جدا ) لا انا ممكن اقول هدفى انى مثلا ( اشترى عربية ) بس لما اشتريها اشوف حاجا تانية بشكل تانى وهكذا ما هو النجاح من وجهة نظرك ؟_ النجاح = الحياة انى اكون سعيد ومبسوط فى حياتى دا بالنسبالى النجاح الحقيقى النجاح مش انى اكون شغال فى شركة والا انى اكون مدير مكان انا ممكن اكون شغال اقل شغلانة فى البلد بس مبسوط بالى بعملة دا بالنسبالى معنى النجاح [url=http://www.gulfup.com/?iN1roK][/url ب_ نعم أو لا مع التعليل إن أحببت :_ 1_برنامج أجمد عضو هو البناء الأساسي في إظهار أحمد للجميع ؟ نعم رغم انتقاد البعض لية فى وقت من الاوقات بس هيفضل اجمد عضو افضل برنامج حوارى قدمتة _أنا إنسان عصبي بطبعي ؟ لا انا مش عصبى خالص فى طبيعتى هنا فى المنتدى البعض شايف كدا ممكن بس هنا طبيعى لما بيكون فى مشكلة كل واحد بيدخل يرد ويقول الى عايزة فدى مش عصبية . _الحل الرئيسي للأزمة في مصر الآن هو تنحي الرئيس مرسي ؟ لا مش دا الحل الرئيسى بس ممكن يكون جزء بسيط من الحل وعشان تعرف انا مقتنع بحاجا ان سبب الى احنا فية دا كلة احنا كشعب بس لو الرئيس بتاعنا مش ماشى ورا جماعه كنا كلنا وقفنا معاة _النساء ناقصات عقل لذا فمن الظلم أن تقارنها بالرجل ؟ لا المراة دلوقتى فى مجالات كتيرة جدا بتتفوق على الرجل والا مكناش شوفنا وزيرة ومديرة سواء فى الحكومة او فى الشركات الخاصة انتا دلوقتى بتشوف سيدات اعمال ناجحين جدا فى المجتمع وبتشوف صحفيات مقالاتهم بيكون ليها معنى ومضمون وشكل بيحترم . _السياسة واقع والدين واقع فلا بد من الفصل بينهما ؟ نعم لان السياسة ليها طابع خاص البعض بيستخدمة لتسير الاعمال ومش معنى كلامى انة بيكون ضد الدين. _أنا إنسان بار بوالداي لذا أملي من الله أن يبر بي أولادي في المستقبل ؟ نعم يمكن لو اكلمت عن علاقتى بوالدى البعض ممكن يقول دا بيقول اى كلام وعلاقتى بوالدتى ( رحمها الله ) الحمد لله راضى عنها جدا ربنا يرحمها يا رب ويجمعنا فيها بالجنة اللهم آمين . لا أحب الشعر وأكره االشعراء ؟_ نعم لو بتكلم عن المنتدى ^_^ لكن لو فى حياتى انا بحب جدا ( نزار قبانى و صلاح جاهين و الابنودى و نجم ) أحب مطالعة الكتب الرومانسية ؟_ لا انا ماليش قوى فى قراءة الكتب عموما يعنى مبجبش كتاب عشان اقراءة مهما كان هو اية سواء سياسى او رومنسى باسم يوسف أتابعه ولكن لا أقتنع به ؟_ نعم بتفرج علية عشان اضحك بس لكن مش متابعه عشان اكتشف حقائق وقولت قبل كدا الناس بتتفرج عشان تضحك مش عشان هو بيقول حاجا مفيدة نقدر من خلالها نقول اة دا صح ودا غلط وانا ضد انى اخد كلمتين من حوار عشان اطلع دا غلطان ومتناقد وعلى فكرة انا ممكن اعملك توبيك فى المنتدى هنا بنفس الطريقة دى واطلعك يا خالد بتكرة مرسى ^_^ _منتديات بنات مصر أفضل منتدى شاركت به في حياتي ؟ نعم بس نعم لان هو المنتدى الوحيد حاليا الى مهتم بية انا بشترك فى منتديات بس مش بنزل حاجا فيهم . _علاقاتي في المنتدى جميلة والفضل لله مع الجميع ؟ نعم بس الاكيد ان مش كلة واخد عنى فكرة كويسة لسبب بسيط ان مفيش عضو الكل بيجمع على احترامة مهما كان هو مين سواء عضو او مشرف او ادارى . [url=http://www.gulfup.com/?iN1roK][img]http:// _الحياة مدرسة ولكن ينقصنا الكثير لفهمها ؟ نعم كل يوم بنتعلم منها حاجا مهما كان العمر بيعدى كل يوم بنتعلم حاجا جديدة فى الحياة [url=http://www.gulfup.com/?iN1roK][img]http:// _أحب الليل وأعتبره سكون للروح ؟ نعم وياسلام اخالد اخويا وانتا فى بلكونة كدا وقدامك مفيش اى حاجا وضارب سماعتين فى ودانك وبتسمع حاجا كدا لعمر خيرت هههههههههه حبيبي ع الجو الرومانسي ايه دا يا عم طيب بلاها عمر خيرت متخليها سامي يوسف ههههه 14_لن يأتي في مصر داعية كما الشيخ محمد متولي الشعراوي ؟ نعم جدا الله يرحمة واتمنى ربنا يكرمنا بغيرة 15_لم أنتخب حمدين صباحي لأنني لا اقتنع به ؟ نعم وانا مكنتش مقتنع بية حتى فى الانتخابات الى فاتت ومنتخبتوش أتمنى أن أصبح متل احمد زويل ؟ نعم بس فى مصر مش فى مكان تانى 17_الشهرة الحقيقية في محبة الناس نعم _أحب البحر كثيرا ً وأرى فيه نفسي ؟ نعم خاصة فى وقت الغروب _19االاقسام الادبية تكتسب مكانة كبيرة في المنتدى من حيث المشاركة والنشاط ؟ نعم من اهم الاقسام فى المنتدى ويمكن فى توبيك بهدوء البعض اعترض على سياسة مشرفينة وادارتهم للقسم ولكن هتفضل الاقسام الادبية من اهم الاقسام . _لا تسمع عني بل إسمع مني ...لكي تعرفني بحق ? نعم وكتبت فى صفحاتى قبل كدا انى بستغرب من الى يقولك فلان دا وحش ومش كويس ولما تسئلة انتا اتعاملت معاة يقولك لا بس سمعت . القسم الثاني المنتدى :_ _ما هو تقييمك للنشاط الحالي في المنتدى من قبل جميع المشتركين؟ المنتدى نايم الفترة دى فى المنتدى ومفيش سبب واضح يعنى الامتحانات اعتقد لسة قدامها شوية واعتقد ان لازم حوراء والنائب يعملو حاجا لتنشيط المنتدى الفترة الحالية والا الجميع هيقول ان فترتها لم تنجح رغم مجهودها الكبير فى خدمة الاعضاء فقط . _ما أكثر موضوع أعجبك في هذا المنتدى من ضمن مواضيعك ومواضيع غيرك من الأعضاء إن وجد برأيك ؟ مواضيع الغير بتابع الكثير منها بس كل اهتمامى باليوميات اكيد وانا من النوع الى بيهتم بالاستضافات اكتر من المواضيع الكتابية . [url=http://www.gulfup.com/?iN1roK][img]http:// ما الذي يميز قسم يوميات_" الأعضاء عن غيره من وجهة نظرك ؟ شغل يوميات الاعضاء مش سهل سواء فى الاستضافات كتحضير للاسئلة او حتى فى الحوارات الخيالية ودا بيعملة حاليا كبرياء رجل مهتم بالحوارات الخيالية اكتر من الاستضافات ودا عجبنى جدا اننا مكملين لبعض . ميزة اليوميات انك مش هتعرف تجيب حاجا منقولة يعنى انتا استضفتنى دلوقتى فى توبيك انتا الى بتحضر الاسئلة بمجهودك مش هتجبلى اسئلة من منتدى تانى وتحطهالى هنا اجاوبك عليها لان الحلقة حاجا خاصة بيا كمورشو . ما رأيك بقسم صفحات مكشوفة ؟ قسم نشيط جدا ودخل مع قلم الاعضاء والابداعات واليوميات من حيث النشاط كلنا تابعنا الخلافات بين المشرفين وبعض الاعضاء بسبب المنقول ومش منقول بس الى متاكد منة ان المشرفين مش هيقدرو يتابعو كل مشاركات الاعضاء انتا ممكن تكتب حاجا فى صفحتك تانى يوم تلاقى صفحاتك بقت فى 3 صفحة فصعب عليهم يتابعو كل المشاركات وكمان انا ممكن اكتب مشاركتين زى بعض دى فى يوم والتانية فى يوم تانى محدش هيعرف انها مكررة والا حد هياخد بالة وهتلاقى الاعجابات بس انا بعزر المشرفين بصراحة 5_نود منك رسالة معينة لخمسة أعضاء ...لك الإختيار ؟ خمسة اعضاء قليلين جدا بس اكيد بتمنى التوفيق للجميع سواء اشخاص اتعاملت معاهم او لا وعلى فكرة حسبتها لو عايز اقول رسالة لمين لقيتهم اكتر من 10 ههههههههه رسالة للإدارة الكريمة ؟ _6 اتمنالكم التوفيق دائما فى ادارة المنتدى صحيح بختلف معاهم فى بعض الامور ولكن اكيد الاحترام موجود بينا سواء طارق او حنون او المراقبين او المشرفين . رسالة للأعضاء الجدد ؟_ الصبر ^_^ كلنا فى الاول اجتهدنا لحد لما بقينا نوعا ما معروفين ولينا اعضاء مهتمة بينا وبمواضيعنا فياريت تصبرو شوية واكيد ربنا هيسهل وتتميزو وتدخولو فى الطاقم الادارى رسالة لنفسك ماذا تقول لها ( فضفضة ذاتية يعني ) ؟_ احم احم ^_^ الحمد لله راضى جدا عن نفسى وعن تصرفاتى صحيح الواحد بيغلط فى بعض الامور ودا مش عيب بس المهم ان الواحد يعرف غلطة فبقول لنفسى ^_^ ربنا يسهل وتقدر تحقق امنياتك واحلامك الفترة الجاية مع الناس الى بتحبهم والبنت الى اخترتها . أعمالك القادمة إن أحببت البوح ببعضها ؟_ ان شاء الله هعمل مسابقة فى ( قلم الاعضاء ) بعت لمشرفين القسم اخد رئيهم ومستنى ردهم وماتقلقوش هطلع عنيهم هما والى معاهم ^_^ كبير ياعم والله ربنا يوفقك يا رب نصيحة لأخوك خالد ؟_ اتمنالك التوفيق دائما وسيبك من الاخوان ياعم ههههههههههه ان شاء الله ربنا يكرمك ويوفقك فى حياتك الشخصية والعملية ونشوفك على قناة الرحمة قريب مش مهم إني إخواني المهم إني مصري وبحب وبحترم الجميع والإختلاف في الرأي لن يفسد للود قضية ربنا يسعدك يا حبيبي وإنتظروني قريبا ً ع قناة الرحمة بجد حتحبوني تعرفوا ليه لاني حفضل ادعي ليكم بالتوفيق ليل ونهار حتى يطردوني من القناة هههههههههههه شرفتنا يا غالي ربنا يسعدك يا رب كنت سعيد جدا بالحوار واتمنى تكون حلقة خفيفة على الجميع [url=http://www.gulfup.com/?iN1roK][img]http:// رأيي أنا بقى أحمد من الأعضاء الذين أحبهم وأقدرهم هنا جدا ً فقد عرفته منذ البداية بل وكانت بدايتي معه في برنامجه الجميل أجمد عضو أتمنى له كل الخير والحب والتقدير

[booody99]

بصراحه حلقى جميله منكم بجد

ومورشو من الشخصيات المحترمه

تسلم على الحلقة الرائعه

كل الاحترام والتقدير

[Mo chahin]

استضافتك جميله وقويه زى غيرها يا خالد اكيد ..

احمد مورشو رأي فيه هو عارفه تماما ..

وانا وهو اكتر من اصدقاء نتكلم كتير على الموبايل وعلى الميل والحمد لله فاهمين بعض بدرجه كبيرة ..

مهما كانت حصلت خلافات بينه وبين اى حد فا بيكون متسامح وانسان بسيط ومجتهد وبيحب اللى بيعمله ..

واعى جدا وفاهم ومعظمنا ان لم نكن كلنا بنحبه ..

اما بقى عن موضوع صفحات مكشوفه فا انا بعترض معاك فيه يا مورشو ..

لان الحمد لله الواحد بيتابع كل اللى بيتواجدوا بلا استثناء .. حتى الناس اللى مبحبش اتابعهم بتابعهم ..

مش حبا فيهم .. لكن عشان ياخدوا حقهم من متابعه وعشان دا شغلى ..

وفى ناس بكون مش على وفاق معاهم لكن بتابع كل مشاركه وبديهم لايك وتقييم كمان ..

النقطه اللى اتكلمت فيها خصيصا ..

بما انى مشرف على قسم صفحات مكشوفه فا هتكلم عن نفسى ..

انا بتابع كل المشاركات وبكون فاتح تقريبا خمس صفحات جوجل ( محركات البحث )

ودا عشان اشوف منقول او من عدمه ..

لكن لما لاقيت ان فى ناس مش بتساعدنى فى دا .. وكترت الخلافات بسبب النقطه دى .. فا طنشت ..

لان ايد لوحدها متسقفش ..

وانا شخصيا عندى استعداد عشان اشوف فى مشاركه مكرره بنفس الطريقه ولا لا ..

حتى لو مشاركات العضو ( 1000 مشاركه ) معنديش مشكله فى دا ابدا ..

نقطه اخيرة احب اتكلم فيها .. ( باسم يوسف )

زعلت جدا لما قلت انك بتتفرج على باسم عشان تضحك .. ودا رأيك وشىء يخصك اكيد ..

لكن انا واحد من الناس بتفرج على باسم عشان بشوف حاجات مش عارفها ..

انتقادات بقى وموضوعات غفلنا عنها او معندناش الوقت الكافى اننا نشوفها .. فا بنشوفها مع باسم ..

حتى لو طريقه النقد ساخره او جارحه .. لكن اسمه فى الاخير .. نقد ..

ووجب علينا تقبل دا وتصحيح الغلط .. مش اننا نفضل نشتم فى باسم ونقول عليه اراجوز وخلافه ..

طبعا كلامى دا مش عليك انا بتكلم عامتا ..

واكيد لكل واحد وجه نظره اللى تُحترم ..

فى الاخر بحب اقولك حقيقي عجبنى حوارك مع خالد ..

[تجملت بالعفآف]

حلقه جميله اووي

واتعرفنا علي شخصيه محترمه

ومورشو من الشخصيات الظريفه في المنتدي

ووجودها دائم بيننا

تسلم اخي خالد

ع الاختيار الرائع

ودي وورودي

[morshooo]

فى البداية احب اشكر

خالد طبعا على الاستضافة الجميلة دى

واتمنالك التوفيق دئاما

واتمنالك التالق فى الحلقات القادمة

[morshooo]

اقتباس المشاركة الأصلية كتبت بواسطة booody99 بصراحه حلقى جميله منكم بجد ومورشو من الشخصيات المحترمه تسلم على الحلقة الرائعه كل الاحترام والتقدير

اهلا بيك بووووودى

سعيد بمرورك الطيب

واتمنى الحلقة تكون نالت اعجابك يا غالى

تحياتى

[ساحر الأحزان]

نورت يا مرشدى وزى ما قلتلك مفيش من وراك اى هدوء سبتلك اليوميات

ملاحقنا كمان فى الاقلام؟

تنور يا احمد طبعا القسم وبنشكرك لثقتك فى القسم وان شاء الله نوفق

اسئلة جميلة يا خالد

مع مرشدى ارئة تحترم

لانة مفيش شىء بيتفق علية الجميع

تحياتى لكم على تلك الحلقة القيمة

[gold rose]

استضافة جميلة اوي .,
تسلم إيدك .,
منور يا مورشو .,

[كوين ميرو]

حلقه جميله جدا الاسئله رائعه وكمان الاجابات

تسلم ايدك على مجهودك استاذ خالد

وربنا يسعدك ويوفقك يااحمد تستاهل كل خير

[morshooo]

اسديقى ميرو ^_^

منور يا معلم وسعيد باهتمامك وردك

اقتباس ان الحمد لله الواحد بيتابع كل اللى بيتواجدوا بلا استثناء .. حتى الناس اللى مبحبش اتابعهم بتابعهم ..

عارف ان مشرفين القسم بيتابعو الجميع ومهتمين بدا بس انا بقول ان صعب
ان يتم متابعه الجميع ودا طبيعى يعنى انا ممكن احطلك مشاركة كنت منزلها قبل كدا
فى اول صفحاتى واتحدى ان مشرف يقولى دى مكررة ومش بقول كدا ان العيب فيكم
لا انا بقول ان دا طبيعى جدا انكم ماتخدوش بالكم منة .

اقتباس زعلت جدا لما قلت انك بتتفرج على باسم عشان تضحك .. ودا رأيك وشىء يخصك اكيد ..

اتحدى الجميع ان الى بيتفرجو علية بيتفرجو عشان حاجا تانية غير انهم يضحكو من الى هيقولة

انا ضد اسلوب والفاظ باسم يوسف وطريقة عرضة للاحداث وعلى فكرة حلقة بعد حلقة

هتشوف اعدائة بيكترو ودا مش من مصلحة لا البرنامج والا هو شخصيا .

وانا عند رئى انا مستعد اعمل توبيك فى اليوميات بنفس كلامة دا وطريقتة دى

وهطلعك زى ما انتا عايز وهطلعك متناقد كمان ^_^

اقتباس ووجب علينا تقبل دا وتصحيح الغلط .. مش اننا نفضل نشتم فى باسم ونقول عليه اراجوز وخلافه ..

طيب وهو فين الصح الى بتطلع بية فى اخر الحلقة

يعنى قولى مثلا قبل كدا جاب اية او مشكلة اية وقالنا الحل هيكون اية

انتا اكيد بتتفرج علية عشان هتقعد تضحك على الى هيقولة

طبعا انتا حر فى طريقة مشاهدتك لية بس اكيد فى جزء من اهتمامك لمتابعته

انك بتتفرج عشان تضحك .

على فكرة انا بتابع حلقاتة زى ما قولت وبكون مبسوط جدا

وهو بيكلم عن الاخوان والرئيس وبعض الشخصيات العامة

بس مش لما حد يجيب سيرتة فى برنامج يقوم رادت علية

فى الحلقة الى بعديها وبسخرية .

نور يا ميرو وسعيد بوجودك المميز دائما

عارف لو مصر مكسبتش 3 النهاردة

والا هعرفك تانى هههههههههه