الحلقة الأولى من برنامج {معدتك تحت المجهر}

[╯ Princess ╭]

مسااء / صباااح الخير على الجميع النهرده بنبتدي برنامجنا الجديد في منتدى الطبخ (معدتك تحت المجهر) تابعونا..... عدنا من جديد النهرده حلقتنا الاولى من البرنامج حبيت اضيف عليها فكرة بسيطة عشان الحلقة تكون لذيذه الحاجة دي مش سؤال ومكنتش موجوده في فكرة البرنامج بس طقت في دماغي فجأه وانا بنزل الحلقة الفكرة/ انا مش هقول مين العضو/ة اللي معانا في اي حلقة سواء دي او احلقات اللي جايه ان شاء الله هديكوا معلومات عنها من منتدى الطبخ وهنزل اجوبتها على الاسئلة بتاعت البرنامج وعليكوا تقرؤا الاسئلة مع اجوبتها كحلقة برنامج عادي ولما تيجي تردوا خمنوا هي مين واللي تخمينه صح ليه 30 مشاركة الحلقة الأولى من برنامج ( معدتك تحت المجهر ) ومعانا ضيفة مميزة اوي في قسم الطبخ نشيطة بدرجة رااائعه ابهرتني الصراحه من اول ما مسكت القسم لسه كان في تكريم من اسبوع وكانت هي صاحبة التميز في القسم اظن كدا انا بقول هي مين معاكوا مهله لمدة يوم بكرا بليل مش هاخد اي تخمين تاني منتظرة تخمينكم وتابعونا للتعرف عليها اكتر من خلال الحلقة اهلا وسهلا بيك يا قمر منورة الحلقة وشرف ليا انك تكوني اول استضافاتي ونبدأ الاسئلة .... ( السؤال الاول ملغي لان هو في تعريف بشخصية الضيف هيتم وضع السؤال يعد تخمين الاعضاء) 2- كم وجبهـ تآكل بـ اليوم ؟ اتنين (الغداء والعشاء) وبحبش افطر علشان بصحى متأخر 3- قوليلي بقا كم نسبة دخولك للمطبخ والطبخ ؟ بدخل نسبه كبيره يعنى ممكن %90 4- اكتر أكله بتحبيها على الغداء؟ المكرونه بالبشاميل والفراخ البانيه 5- اكتر فاكه وخضار بتحبيه؟ الموز والخيار 6- بالنسبة لك ايه هي اسهل طبخة في طريقة العمل ؟ بصراحه فى كتير ولكن المكرونه بالبشاميل والبطاطس باللحمه المفرومه اكتر 7- اديني بقا اسم اكتر مشروب بتشربيه؟ الفراوله باللبن ويسلام بقى لو طالع من الثلاجه 8-هل انت من الناس اللي لما تزهق تاكل ؟وهل انتي من الناس اللي لما تزعل تاكل ؟ لا اما بزعل مش باكل وكمان لما بزهق مش باكل نفسى بتتسد 9- هل توافقي الجمل الاتيه ولا لا - البيبسي بيحتوي على لحم خنزير نعم - الشيبسي مضر نعم مع انى باكله - الاندومي يؤدي الى السرطان معرفش بصراحه انا من عشاق الاندومى 10- تفضلي مين : (البيتزا - المحشي- الكشري) البيتزا طبعا (البيبسي - المريندا-الشفن) الميراندا (لحمة - فراخ- سمك) سمك (تورته- جلي- شوكلاته) حطتينى فى وضع صعب ههههههه بس انا هاختار التورته (رمان-فراوله- بطيخ) فراوله 11-أول مآ تدخل السوبر مآركت أي قسـم تشوفه؟ المثلجات بقى وخصوصا فى الحر 12- طبق بطنك بتوديكي ليه بدون شعور؟ اى حاجه فيها مكرونه 13- هل تؤيدي المقولات التالية: - هل صحيح مقولة [ الطريق الى قلب الرجل معدته ] ؟! نعم - {الراجل من غير كرش ميسواش قرش }؟ ولماذا تؤديها او لا تؤيديها؟ لا اويدها لان الرجل بشخصيته بدون كرش 14-إذآ دخلت البيت و أنت جوعان مره ومالقيت الأكل جاهز ايه ردة فعلك ؟ انا دايما بعمل حسابى وبشترى حاجه حلوه من بره علشان لو ملقتش اكل اصبر نفسى 15- الأفضل عندك اكل البيت أو اكل المطعم ؟! اكل البيت 16 تحب تاكل لـ وحدك أو تاكل مع جماعه مع ذكر السبب ؟؟ مش بتفرق عادى 17-هل انت من الناس اللي تحب تشرب ميه في وسط الاكل؟ لا مش بحب اشرب ميه ساعه الاكل ممكن قبله 18-عملتي عزومة في يوم من الايام اول حاجة بتيجي على بالك تطبخيها للضيوف ايه هي؟ صينيه بطاطس باللحمه 19-لو انتي معزومة عند حد واتفاجأتي ان الطبخ اللي عاملينوا مش بتحبيه بتعملي ايه؟ هاكل مطضره 20-إذا كانت شهيتك مسدودهـ عن الأكل من تختار من الأعضآء ياكل معك عشان تنفتح شهيتك ؟ انتى ياقمر مشرفه المطبخ بقى ربنا يخليك يا رب 21-الطبخهـ اللي تضبطها و عايزة تعزمنا عليها ...؟ بالنسبه للطبخه (كفته داوود باشا) نورتيني يا قمر بجد يارب يكون الكل استمتع معانا ومنتظرة تخميناتكم

[ساحر الأحزان]

حلقة جميلة

وضيفتك ليها مستقبل جميل فى المطبخ

وخليها تخف عن البيتزا شوية

لانها بتزود الوزن

جميلة برنسيس الحلقة

مع ضيفتك الكريمة

تحياتى لكم

[╯ Princess ╭]

اقتباس المشاركة الأصلية كتبت بواسطة ساحر الأحزان حلقة جميلة وضيفتك ليها مستقبل جميل فى المطبخ وخليها تخف عن البيتزا شوية لانها بتزود الوزن جميلة برنسيس الحلقة مع ضيفتك الكريمة تحياتى لكم

تسلم يا ساحر الاحزان
ربنا يخليك
منورنا

[∂αнмє]

حلقة جميلة جداّ . وكمان الضيفة
شكلها كدة هتطلع ست بيت شاطرة

اكترحاجة عجبتنى فى ردها انها
بتحب المكرونة بالمشاميل والفراخ البانيه
زى بالظبط . عشق لا ينتهى معاهم

طبعا التخمين بجد صعب اووى
بس انا هقول سوسو ( Girl stump )
ويارب تطلع صح

[~..Alaa]

حلقه جمييله اووي
وفعلا شكلها هتطلهع ست بيت شاطره
اممممممم
انا اتوقع انها (ساره بنت مصر)
ويارب تطلع صح
تسلمي يا قمر ع المجهود

[صافي]

ياطبخاتك ههه ليكي مستقبل

[العاشق الذى لم يتب]

ماشاء الله
اتنارى المطبخ ده حكاية كبيرة أوى وأنا ماكنتش عارف
وماكنتش مصدأ المدام وهى بقلى ياعم أنابتعب أوى فى المطبخ
أرد وأقول هو يعنى المطبخ فيه مصنع قنابل ذرية
دا كل الحكاية تحطى اللحمة فى المية وتولعى عليها
دلوأتى بس عرفت أنها بتتعب أوى
وايه حكاية الأسئلة الجميلة دى
تصدأى أناقررت أشتغل شوفير مش كده صح
بجدبرنامج جميل
والاجمل الضيف محتاج تخمين
وأنا خمنت ويارب يكون تخمينى صح
هو الأخت الطباخة بتاعة الأندومى والشيبسى الأستاذة
{سارة بنت مصر}
لحسن ماشاء الله عليها ومن غير حسد
شاطرة ولهلوبة وفى كل مكان تلاقى نورهامشعشع
مودتى وتحياتى
رفعت

[-esraa-]

حــــــلقة جميلة جدا
واجابات حلوة
شكلها بتحب الطبخ ...
انت جاوبتي اصلا من خلال التعرف
سارة بنت مصر

تسلمي عالمجهود

[╯ Princess ╭]

اقتباس المشاركة الأصلية كتبت بواسطة şŧy₤iŝђ ♪ bǿy حلقة جميلة جداّ . وكمان الضيفة شكلها كدة هتطلع ست بيت شاطرة اكترحاجة عجبتنى فى ردها انها بتحب المكرونة بالمشاميل والفراخ البانيه زى بالظبط . عشق لا ينتهى معاهم طبعا التخمين بجد صعب اووى بس انا هقول سوسو ( girl stump ) ويارب تطلع صح

امممم
تخمينك غلط

منور

اقتباس المشاركة الأصلية كتبت بواسطة عصفورة النيل حلقه جمييله اووي وفعلا شكلها هتطلهع ست بيت شاطره اممممممم انا اتوقع انها (ساره بنت مصر) ويارب تطلع صح تسلمي يا قمر ع المجهود

صح يا قمر

هس سارة بنت مصر

مبرووووووك
منورة

اقتباس المشاركة الأصلية كتبت بواسطة الرجل المتواضع ماشاء الله اتنارى المطبخ ده حكاية كبيرة أوى وأنا ماكنتش عارف وماكنتش مصدأ المدام وهى بقلى ياعم أنابتعب أوى فى المطبخ أرد وأقول هو يعنى المطبخ فيه مصنع قنابل ذرية دا كل الحكاية تحطى اللحمة فى المية وتولعى عليها دلوأتى بس عرفت أنها بتتعب أوى وايه حكاية الأسئلة الجميلة دى تصدأى أناقررت أشتغل شوفير مش كده صح بجدبرنامج جميل والاجمل الضيف محتاج تخمين وأنا خمنت ويارب يكون تخمينى صح هو الأخت الطباخة بتاعة الأندومى والشيبسى الأستاذة {سارة بنت مصر} لحسن ماشاء الله عليها ومن غير حسد شاطرة ولهلوبة وفى كل مكان تلاقى نورهامشعشع مودتى وتحياتى رفعت

صح هي سارة عصفورة النيل سبقتك
تسلم
منور

اقتباس المشاركة الأصلية كتبت بواسطة esraa samy حــــــلقة جميلة جدا واجابات حلوة شكلها بتحب الطبخ ... انت جاوبتي اصلا من خلال التعرف سارة بنت مصر تسلمي عالمجهود

هههههه اه والله فعلا
هي صح
الف مبرووك على عصفورة النيل

[╯ Princess ╭]

نتيجة التخمين/

ضيفتنا النهرده كانت:


1-عرفينا بنفسك؟

انا ساره من كفر الشيخ وعندى 22 سنه وبحب النت والرياضة وعندى

اخ واخت


اهلا بيكي يا (سارة بنت مصر)

منتديات بنات مصر - الملف الشخصي: سارة بنت مصر

نورتيني بجد في الحلقة


---------

اللي خمنت الضيفة هي


منتديات بنات مصر - الملف الشخصي: عصفورة النيل
الف مبروووووك 30 مشاركة