صديقى جعلنى شحات (فضفضة+ مسابقة)

[العاشق الذى لم يتب]

قال لى أنت عندك خبرة وكمان بتعرف تتصرف مع أصحابك وليك معارف كتير وعاوزك تشاركنى فى الشغل وهديلك أجرة شغلك اللى بتعمله بأيدك وكمان هديلك أجر الإشراف على العمل وهقدر تعبك طبعا مع العمال وعلى بركة الله نشتغل وربك ان شاء الله هيرضيك ويرضينى قلت ماشى وأناإن شاء الله مش هقصر لا فى العمل ولا مع حد من العمال ، وبعدين أنت صحبى ولايهمك حاجة وياسيدى أنا والله مش هاخد أى فلوس غير أجرة عملى وتعبى وشقاى قال أزاى هو يعنى أنا ماعنديش نظر لازم تاخد تعبك ماأصلى العمال أنت هتكون مسئول عنهم يعنى أنت اللى هجيبهم وتحاسبهم وتقول ده يستاهل كام وده كام قلت ياراجل مافيش مشكلة واتفقنا واشتغلنا وربك سهل والشغل كبر والرزق كتر فى البداية كان يدفع لى أجرتى كاملة يعنى أجرتى الخاصة بعمل يدى زى أى واحد من العمال اللى معانا وبعد فترة نقصت الأجرة إلى النصف وعلل ذلك أنه فيه ظروف فى البيت محتاجة شوية مصاريف قلت مدام الناس الغريبة هتاخد حقها أنا أستحمل والحساب معروف وسجل ياصحبى أنا لى كام مرت الأيام قلت حسابى كتر عندك وأنا محتاج مصاريف ضرورى خلص الشغل أقصد توقف لأسباب هو يسكن بقرية مجاورة لقريتى مرت الأيام ممكن تكون شهر أو أتنين أوتلاتة أتصل عليه موبيله مقفل رحت عنده البيت تقابلنى المدام أتفضل ، صحبى موجود نعم تعالى خش أسلم عليه أخبارك كويس الحمدلله والله ياصحبى أنا ماجيت لك غير للضرورة أنا عارف والله يارفعت ودى فلوسك وأجرتك وشقاك لازم هتخدها بس كده أسبوعين أبقى تعالى أغيب شهر وأكتر أروح عنده نفس الحجة والتبرير والوعود وهكذا تكررت زيارتى ليه مرات ومرات فاض بى ومليت روحت مرة وأنا غضبان غضب جدى الآتى من أعماق التاريخ الهكسوسى سألت المدام بعد السلام عليكم والتحية صحبى موجود قالت لأ قلت وقد أحمرت وجنتى وأنتفخت أذنى وقد أنتفش شعرى ليصبح غجرى مجنون وضاقت بى الدنيا بمارحبت شوفى يامدام أنا مش ماشى من هنا غير لمايجي جوزك؟ أبتسمت بسمة ذات طابع تعجب واستغراب وكانت ذات خلق حسن وأدب جم ذاك عهدى بها وكما أخبرونى أهل زوجها قالت يسلام أتفضل أستريح وماتمشييش وخليك معانا نتشرف بوجودك حسيت كاأنى جردل مية بارد نزل على نفخوى وبينى وبينكم كلام النسوان يخلى الأسد خروف جلست وسلمت الأمر لله . أحضرت لى كوب عصير ليمون ، أشرب وهدى أعصابك وعرفنى أنت مين بالظبط وعاوز إيه أتغظت أناأكتر ومن تانى تملكنى القهر الشديد ودمى فار وقلت لروحى يعنى أنت مش عارفة أنا مين؟ سألتها هو حضرتك لسه بتسألينى أنا مين ،لماكنت كل مرة أجاى هنا وانت بتشوفينى ماسألتيش جوزك يبقى مين ده قالت سألت بس هو رد علىّ بحاجة أنا مش مصدقاها . أصلى زوجى عرفاه يحب يكدب شوية قلت دى أناعارفها كويس عشرة من ومن معاه وأكيد أعرف عنه حاجات ومحتاجات قالت عارف أنه بيكدب ، طبعا عارف قالت ومدام عارف هو مش بيكدب شوية دا هو زعيم الكدابين ثم قالت عرفت ليه أنابسألك أنت مين قلت مش مهم أنا مين المهم أنا لى عندك المحروص جوزك 3آلاف جنيه قالت أزاى ليك فلوس قلت يعنى أنا كمان كداب قالت لا والله مش قصدى أنت عارف جوزى فى كل مرة تيجى عندنا يقولى ده واحد غلبان ومسكين ومتعود كل فترة يقابلنى وأنا أديله اللى فيه النصيب ولما مايقبلنيش يجى البيت علشان ياخد الحسنة ولحد كده خلصت الحتوتة قولوا أنتم لو مكانى تتصرفوا أزاى أهى دنيا مليانة غرايب وعجايب صحبك اللى كنت شريكه فى العمل وليك عنه فلوس وصابر عليه أيام وشهور وسنة فى الآخر يدعى عليك أنك شحات وبيديلك حسنة أهو أسترحت معاكم شوية لمافضفضت ربنايخليكم لى مع تحيات أخوكم رفعت

[سهـــر]

تسلم ايدك ي رفعت
توبيك رائع
تمنياتي لك بالتوفيق

[פﭠة ﺳگـړُھَہّ]

بصراحه مش لاقيه كلام اقولوا

بس صدق اللى قال " خيراً تعمل سراً تلقى "

وهى دى الدنيا ,, ربنا وقعك فى واحد مش كداب وبس ده كمان نصاب

وانت اللى غلت من الاول لانك سبت لى حقك ومش مره واحده ده كذا مره

قال خلاص هو مش محتاج وانا عليه هنصب
وخد الفلوس وتعبك وشقاك


بس هنقول اى

يمهل ولا يهمل

وهييجى يوم هيمد ايده هو لناس ويفتكر كلامه عنك

ربنا يهدى الاحوال ويرجعلك حقك

بالتوفيق

[مُنـــــايا]

قدر الله وماشاء فعل والحق لا يضيع عند الله سبحانه وتعالي وهذه دروس لنا في الحياه نتعلم منها لان في حياتنا نقابل الكثير منها السيء ومنها الحسن وفي الاول وفي الاخر اقول وعسي ان تكرهوا شيئا وهو خير لكم فضفضه جميله منك، دمت ودام نزف قلمكـ ودي وتقديري

[العاشق الذى لم يتب]

اقتباس المشاركة الأصلية كتبت بواسطة ~destiny~girl~ تسلم ايدك ي رفعت توبيك رائع تمنياتي لك بالتوفيق

أشكرك مشرفتنا الفاضلة وأختى الكريمة
بارك الله فيك
أسعدنى تواجدك ومرورك
مودتى

[العاشق الذى لم يتب]

اقتباس المشاركة الأصلية كتبت بواسطة حتة سكره بصراحه مش لاقيه كلام اقولوا بس صدق اللى قال " خيراً تعمل سراً تلقى " وهى دى الدنيا ,, ربنا وقعك فى واحد مش كداب وبس ده كمان نصاب وانت اللى غلت من الاول لانك سبت لى حقك ومش مره واحده ده كذا مره قال خلاص هو مش محتاج وانا عليه هنصب وخد الفلوس وتعبك وشقاك بس هنقول اى يمهل ولا يهمل وهييجى يوم هيمد ايده هو لناس ويفتكر كلامه عنك ربنا يهدى الاحوال ويرجعلك حقك بالتوفيق

حتة سكرة
بارك الله فيك
كلامك فيه من العقلانية ماأعجبنى
حفظك الله وأبعد عنك أولاد السوء
أسعدنى مرورك
مودتى

[العاشق الذى لم يتب]

اقتباس المشاركة الأصلية كتبت بواسطة جراح امه قدر الله وماشاء فعل والحق لا يضيع عند الله سبحانه وتعالي وهذه دروس لنا في الحياه نتعلم منها لان في حياتنا نقابل الكثير منها السيء ومنها الحسن وفي الاول وفي الاخر اقول وعسي ان تكرهوا شيئا وهو خير لكم فضفضه جميله منك، دمت ودام نزف قلمكـ ودي وتقديري

بارك الله فيك أختى جراح
تواجدك الراقى يسعدنى
مودتى

[صافي]

من رائي انا تقابله وتقوله انك مش مسامح في فلوسك وحسبي الله ونعم الوكيل فيك
مش عارفه ازاي ممكن انسان يقبل فلوس حرام ع نفسه وعلي اهل بيته
ربنا يعوضك خيرا اخي
بلتوفيق

[الابتسامه المصريه]

بصراحه موقف لاتحسد عليه
المهم متسبهوش غير لما تاخد
فلوسك حسبه على ماقاله

بالتووفيق فى المسابقه

[دمعه حائره]

على قد الموقف ماهو يدايق الا انك حكيته بطريقه تضحك
للاسف الناس مابقاتش تقدر الوعد ولاالصداقه
المهم ده شكله نصاب محترف حتى المدام مش عرفت تكشفه
ممكن تجرب تحرجه قدام حد من اصحابه
بس شكلك مش هاتعرف تاخد منه فلوسك ده اذا مش نصبك عليك تانى
خلى بالك وربنا يعوض عليك