( التجربة السادسة ) ( شغــــالة )

[morshooo]

بسم الله الرحمن الرحيم

اهلا بيكم وحلقة جديدة من برنامجكم

( التجـــــربة )

تجربة النهاردة هتكون مميزة جدا عشان هنلقى الضوء

على شريحة من المجتمع فى منا شايف انهم استغلاليين

وفى منا شايف ان مهضوم حقهم عموما النهاردة دخلت بيت

وقولت اعمل حوار مع ( شغالة )



تعالو نشوف الحوار كان عن اية

س / فى البداية عايزك تعرفى الاعضاء

الاسم / محسوبتك فوطنه

السن / زي ما تقول كدآهون يعني .. عشرين وانت طالع ،

الوظيفة / انا دوقتي بشتغل في بيت مدام عنايات .. 58 شارع الدهشوري .. الزمالك / الدور السابع

س / انتى اول مرة اشتغلتلى فى بيت كان عندك كام سنة ؟ واية السبب ؟

والنبي يـ خويا بقالي كتير ..
اومي كانت بتاخدني معاها وانا صغيرهـ .. اصلهآ لمؤاخذه كانت زيي كدا بتشتغل في البيوت ,, وكانت بتاخدني عشان اساعدها يعني
انفض حاجه ., اطوء معرفش ايه ,, واهو اخر الليل بنتعشي عشوهـ اوبهآ كدآ وبتبقي أخر آلآجه

س / مش بتخافى على نفسك وانتى بتشتغلى فى البيوت ؟

اومآل آيه !!
ياخويا الواحدهـ مننـآ ملهآش غير لمؤاخذهـ شرفهآ يعني ..
وببقى حاطه عنيا وسط رآسي كداهون ,, الحرص واجب بردو ي خويآ ..
وولآد الحرآم مسبوش للولآد الحلآل حآجه ..,

س / لما حد من البيت الى شغالة فية بيصلك بصات مش كويسة بتتصرفى ازاى ؟

بصآت مش كويسه ازاي يعني ؟!
اصل هقولك يـ سي مرشدي
في بصات بتتبص كداهون كأني واحدهـ لمؤاخذه يعني قليله عنهم ولا حاجه
اكمني لؤاخذه يعني شغاله وكدشه ،، والواحده مننآ لآزم تحآفظ ع اكل عيشهآ ,, اصل احنا غلابه ي خويآ .. فغضب عني بسكت واهو عايشه وخلآص ..
وفيه بصآت بئه ي خويـآ من ايآهم يعني كدتشه ولمؤاخذه يعني
بس هي ديتها بصها ل سيدتي وعلطول بيتلموآ ,,
أهـ ي خويآ ,,
مش عايزين نخرب ع اكل عيشنآ

س / اية الى بيضايقك من الشغل فى البيوت ؟

في الشتآ البلآط بيبقي سقعه اوي ,, والواحد بينشف من كتر البرد

س / بنشوف كتير اصحاب البيوت بيعاملو الشغالين معاملة واكنهم اشتروهم دا بيحصل معاكى ؟ وبتتصرفى ازاى ؟

بص كداهون انا هقولك ع حاجه !
انا كـ فوطنه يعني بحط شروط عشان يبقى كل واحد على نور كداهون يعني من الاول ,,
اهـ ي خويآ الآصول أصول بردو

س / لية بيتم اتهامكم بالسرقة دائما ؟

لآن كداهون احنآ الغراب عن البيت .. فـ لو حاجه نقصت يبقى احنآ اللي واخدنهآ
نآس عنيهآ فارغه ولمؤاخذهـ ,,

س / مش بتضايقى من نظرة الناس ليكى بما انك شغالة ؟

ليه يآخويآ إن شاء الله ,,
انآ بشتغل بعرق جبيني .. وبقبض احسن من احسنهآ موظف ف الحكومه
هو حد بيبقبض زي الخدامين اليومين دول ؟

س / مش شايفا ان بيكون مالكيش اى دور والا حد بياخد برئيك حتى فى البيت الى بتشتغلى فية ؟ يعنى شايفا انك مهمشة فى المتمع والا لا ؟

وهمآ لمؤاخذهـ هيآخدوآ رآيي ليه !
أي نعم آنـآ دمآغي آنضف من الصيني بعد غسيله
بس انآ فـ حآلي يـ بيه ,,
ليلبسوني تهمه كدآ ولآ كدآ .. آروح بعدهآ ورآ لمؤاخذه الشمس

س / شايفا ان مرتبك بيكون مناسب لشغلك ؟

الصرآحه لأ ,, بس هنعمل آيه !
الواحد بيبوس ايدهـ وش وظهر

فارماااااا

س / انتى مقتنعه بكلامك الى قولتية ؟

هههههه
فوطنه دي وحي الخيآل ,
من ناحيه الاقتنآع ... فانا تقمست دور اي شغاله شوفتهآ ف الافلام !

س / اية رئيك فى مهنة ( شغالة فى البيوت ) ؟

زي مهنة الدكتور فـ مستشفى بالظبط !
شغلانه وليهآ متطلبآتهآ

س / شايفا ان الناس دى واخدة حقها فعلا والا لا ؟

أهآ جدآ ,, اكترهم كمآن جشعين أوي وبيحبوآ الآستغلآل ..
ابن خآلتي جايب خدآمه لمرآته وبتقبض 2000 جنيه !!
العقل زينه ي جدعآن

س / اخيرا تحبى تقولى اية لكل اصحاب المهنة دى ؟

أهم حاجه فـ الشغلانه دي .. الآمآنه وكتم الآسرار ,,
وحللوآ الفلوس اللي بتآخدوهآ

وبكدا بتخلص تجربتنا النهاردة

استنونى بقى وحلقة جديدة من

( التجـــربة )

[ساحر الأحزان]

انا شفت كلمة

كدهون متكررة

قلت اصحابهم يأما

سهر يأما سارة متعودين يقولوها على طول

بسى رفيف ضحكت علينا وطلعت هى الى متقمصة الشغلانة

اى مهنة شريفة ومصدر لرزق حلال مش عيب بسى للاسف ان فية ناس بتستعر منها ودة اكبر غلط بيشوفة الواحد

طالما ممدش ايدة وكسب لقمتة بعرق جبينة

حلقة جميلة مرشو

مع فوفا اسعدتونا بها

تحياتى لكم

[countess]

لا انا لما شوفت الكلام << كدهون قولت طمطم مشرفة الطب هههههه

يا فوطنه طلعتي ايه ممثله رهيبه والله موهوبه يابنتي ههههههههههه

حلقه نايس وكفايه وجود فوطنه مافي كلام <<<

[الأميرة رودي]

ههههههه جميل اوي الحوار وفارما تقمست الدور بشكل هايل
نورتى يافوطنه ومحدش قدك بتقبضى 2000 جنيه فى الشهر.
الموظف بيشتغل20 سنه فى الحكومه عما يوصلهم !!
نـــورتى بجد ياقمر واستمعت جدا بالحوار بتاعكم وكأنه لقاء حقيقي بين مذيع وشغاله.
شكرا للاستضافه الرائعه يامورشو
بانتظار المهنه والضيف الجديد

[phalsteen]

بسم الله ماشاء الله السايت فيه مواهب كتير مستخبية
حوار جميل ودمه خفيف بجد
واكيد زي ما امجد اي مهنة حلال العيب اننا نستعر منها
بالتوفيق
ودي واحترامي

[∂αнмє]

حلقة جميلة جداّ كالعادة يا مورشو
والضيفة اتقمست الشخصية حلو اوووى

بصراحة انا مش بعترف بشغل الخدمات دة ليه
عشان من المفرود ان الواحدة بتتجوز عشان
تعيش مع جوزها وتأكل وتغسلة انا مش قصدى تكون
هيا الخدامة .. بس دى من ابسط حقوق الزوج

بس طبعا اللى معاه فلوس . بيجيب واللى ممعاهوش مبيجبش
بيقول المثل اللى معاه قرش ومحيره يجيب حمام ويطيره بس كدة
تقبلو خالص تحياتى وتشكوراتى

[مِسكُ الشَهادة]

حوار جميل ورائع ...
ربنا يوفقكم يا رب
دمتم بالف خير

[Words Whisper]

صافي
2000 جـ !!
دا الكليات مش ليها لازمة بئا ع ايه وجع القلب وسكاشن ودكتور رخم وكل دا


هي مهنة زي أي مهنة
بردو أصحابها يُحترَموا
المهم يراعوا ضميرهم ..


منورة ياصافي باشا ..
شكرا أ.مرشدي ..


بالتوفيق ..

[ملكة القلوووب]

اقتباس س / اية الى بيضايقك من الشغل فى البيوت ؟ في الشتآ البلآط بيبقي سقعه اوي ,, والواحد بينشف من كتر البرد

ههههههههههههههههههههههههههههههه حلوة دي

عجبني البرنامج كثيرررررر واكثر شي ضحكني كلمة كداهون حسيت حالي دخلت بالجو وكاني بشوف فوطنه وهي بتتكلم قدامي

بجد مبددددعه

استضافه رااائعهـ

[Hearts Whisper]

2000 جنيه
ربنا يسهلوا يا عم على كدا موظفين الحكومة
الى مرتبهم لسا مكملش 2000 جنيه وبقالهم سنين
عينى عليهم والله لازم نعمل دعوة للعمل فى البيوت
هههههههههههههههههههه والله دى مهزلة هههه
بجد يا صافى كنتى روعة وتمكنتى من الدور اوى
اوى وخلى بالك من البلاط فى الشتا هههههههه
تسلمى يا حبى بجد كنتى روعة
تسلم يا مورشو بجد الحلقة تحفة
ودايما فى تالق
تحييياتى