مقبره يامصر طول عمرك للى ظلموكى

[كوين ميرو]

راحت هيبتك ياغاليه

من ناس ياما قالو .... نحمل الخير لمصر

وفى الاخر طلعت خاينه

قسموكى مرمطوكى وبشويه دنانير بعوكى

قال ايه هيرفعوكى وبدمهم يحموكى

وهما ياحبيبتى اول من بخناجرهم وهناجرهم طعنوكى

شبابك بثوره يامصر حراروكى وزينوكى وتاج النصر يابلدى لبسوكى

وجم اللى مايتسمو فى ليله غبرا تاج النصر قلعوكى وعلى الارض سحلوكى

واشرب ياشعب مصر اخدنا حته مقلب ملوكى

برئيس وزرا تيت .... الف سنه بيرجعوكى

ورئيس راح مؤتمر قمه عربيه هو ولجنته فضحوكى

نيتهم بانت ياست الكل قصدهم بالحيا يورثوكى

او كده بالحته يبعوكى

مخدوش درس من اللى زمان احتلوكى

او اللى قبلهم حكموكى وغلط قدروكى

مقبره يامصر طول عمرك للى ظلموكى

[ساحر الأحزان]

مقبرة لكل المتأمرين عليها

وحتفضل طول عمرها ربنا حاميها

بنسها الى بيحبوها

وبدمهم حيفدوها

كلام جميل منك

دمتى بكل خير

[مُنـــــايا]

مصر ياما جار عليها واتحملت كتير متآمرين طمعانين ويا ما دقت ع الراس طبول ولسه هتتحمل وان شاء الله صامده وقويه كلمات جميله منكــ تحمل هم الامه وحبكـ لمصر سلمتِ سام نبض قلمكـ ودي وتقديري

[كوين ميرو]

اقتباس المشاركة الأصلية كتبت بواسطة ساحر الأحزان مقبرة لكل المتأمرين عليها وحتفضل طول عمرها ربنا حاميها بنسها الى بيحبوها وبدمهم حيفدوها كلام جميل منك دمتى بكل خير

ربنا يحميها ويعليها

ميرررسى لمرورك حضرتك الجميل

[كوين ميرو]

اقتباس المشاركة الأصلية كتبت بواسطة جراح امه مصر ياما جار عليها واتحملت كتير متآمرين طمعانين ويا ما دقت ع الراس طبول ولسه هتتحمل وان شاء الله صامده وقويه كلمات جميله منكــ تحمل هم الامه وحبكـ لمصر سلمتِ سام نبض قلمكـ ودي وتقديري

مصر قويه غصب عن كل من يحاول يكسرها

هيروحو هما زى اللى راحو وهى باقيه

سعيده برقى مرورك

دمتى بكل خير

[SiLver Spectra]

حلوة اوي القصيدة
عارفه بشار اللي هما ليل نهار بيدعوا عليه ؟
هما فيهم منه ,,عندهم استعداد تبقى خرابة و لا يحسوا بس المهم عندهم هو ان مايتقالش عليهم انهم فشلوا
لو كان قلبهم على مصر فعلا سواء هما و لا الفلول ماكانوش رشحوا نفسهم لانهم عارفين ان في حساسيات منهم
دا غير ان مافيش رؤية عندهم يبقى انت مرشح نفسك ليه !! أمله !!

عموما خليهم كدا .. يوم بعد التاني الشعبية في النازل و ماعندهمش غير سلاح التشويه و اللي بيقلب عليهم

[نجم وزهره ومسافات فراق]

ولو يا اختي الطيبه
مهما يحصل لمصر
تبقى مصر
وربنا يحفظها ويحفظ كل ما فيها يارب
لفتة وفاء وصدق
مش جديده منك
كل التحيه اختي الغاليه



اخوكي