الدكتور طارق رئيس جمهورية بحرى الديمقراطية

[العاشق الذى لم يتب]

بيان هام رئاسة الجمهورية إنه فى يوم رياح الخماسين الموافق 43من شهر كان زمان لسنة كان نفسى تعلن رئاسة الجمهورية نتيجة الإنتخابات الرئيسية على حسب ماأعلنتها لجنة حبايبى ياغاليين المتخصة بإجراء الإنتخابات الرئيسية والتى أجريت فى الأسبوع المنشرم من شهر ماتسيبنيش أنا وحدى لسنة كان نفسى وبعد عملية الفرز المكارونية المصلصلة الحديثة وبرعاية اللجنة الكرونبية للأم المنشرخة وأيضا تحت رعاية جبهة السهرات المسطبية وبكل حيادية تامة وشفافة نظيفة أشتمتها جميع الأنوف العالمية وتذوقتها كثير من الأبواق الدولية وذلك على شاشات الطاسات السلستين والألمنيوم المطلية ولم يشوبها أى شائب سواء أثناء الحملة الدعائية المسعورة الشريفة أو أثناء إدلاء الناخبين بأصواتهم الخنجرية المبحوحة . وإيضا بعد الإنتهاء من نظر الطعون المطبوخة بالزيت الحار والقرنفلى والمقدمة من أقرب المرشحين المنافسين وهو السيد جوزرية وسكينة والذى حصل على نسبة 2.8اثنين وثمانية من عشرة من نسبة الأصوات الصحيحة للناخبين والناخبات والمصوتين والمصوتات . وبذلك يكون رئيسنا الحاصل على نسبة 97.2هو الرئيس الفائز والمنصب لرئاسة الجمهورية لمدة إنتهاء العالم القادمة هو السيد صاحب المقام العالى الدكتور / طارق صاحب أكبر منتديات فى الشرق الصعيدى والبحراوى وزعيم مخترعى سوس الضروس . والآن فيتفضل السيد الرئيس لإداء القسم الجمهورى : بسم اللــــــــــه الأخوة المتخاصمون أزيكم طبعا لسة مااتوحشتش حد لأنى كنت معاكم أمبارح من 700سنة بس أقسم بالله الذى جعل السوس يأكل الأسنان الضروس كماتأكل البرسيم الأبقار والجاموس أننى لم ولن أحب الإخوان سواء أبتسموا أو جاءوا بوجه عبوس . وأننى لن أكشر فى وجه من جاءنى يسعى لعضوية للمنتدى أياً كانت جبته سواء عوم أو غطوس أو صافحى باليد أو رمانى بالبوس وسأظل أدعم كل مواطن طالما يوجد فى فمه أسنان لأنه حتما مهما نظفها بمعجون سيأتى إلىّ مستغيوس طالبا خلعها وذاك يجر نفعا وهو الفلوس وأننى سأضرب بيد من حديد على كل من تسول له نفسه أن يشعل الفتنة فى المنتدى سواء عن تنظيم مسابقة بوسام أو حتى ضعف نفوس والله على ماأقول شهيد. والآن مع المتحدث الرسمى لرئاسة الجمهورية وهو { رفعت} يلقى عليكم تفاصيل خطتى والتى قد تعهدت بها أثناء حملتى الإنتخابية وأستأذنكم علشان أنا طالع دلوأتى حالا الطيارة مسافر إلى دولة {أولاد الفرطوس} أتصل علىّ جلالة الملك ساحر الأحزان وأخبرنى أن الدولة نزلت هاجمها السوس الموسمى الآتى من جنوب دولة الطاووس وتقريبا قضى على معظم أسنان الشعب فأنا ذاهب ألحق أخلع كام مليون ضرس وأعود لأكمل مشروع مش هسيبهم التنموى والسلام عليكم ورحمة الله. رفعــــــــــــــــــــــــت: سعيدة عليكم شوفوا أستأذنكم ماحدش يسقف أبدا ولايقاطعنى السيد الرئيس الدكتور طارق حفظه وطول عمره وعدنى بعد مايرجع من رحلته القومية من خليع الضروس أنه هيعطى كل عضو منكم نجمة بديل طويل علشان لماتكون مراته ضرباه بشلوت يقدر يخنق نفسه بيها وبكده يكون أستريح من قرفها هى واللى خلفوها. والحاجة التانية اللى عاوز أبلغكم بيها أن السيد الرئيس قرر مايكونش فيه أى حد من الوزراء راجل أبدا يعنى كل الوزراء نسوان وكلف الأخت الكبيرة والقديرة { دمعة حائرة} برئاسة مجلس الوزراء وأوصاها بتشكيل الوزراء وأشترط عليها مايكونش ولاوزيرة من قبلى يعنى جميع الوزات الأميرات الأمورات يكن كلهن من بحرى وده سببه أن نسبة المصوتات والاتى بلغت نسبة تصويتهم أعلى نسبة حصل عليها كانت من بحرى وهو عارف أن أهل قبلى كانوا واقفين مع المرشح المنافس له علشان كده قال لازم أوريهم العين الحمرة ولم يختار فى الحكومة أى حد من قبلى غير الرجل المتواضع اللى هو أنا وقال أنت تكون متحدث الرسمى لى وبكده نكون ضحكنا على الصعايدة ونقلهم فيه واحد منكم فى الرئاسة . وطبعا حفل التنصيب طول عليكم ودلوأتى تقدروا ترحوا تفشروا على نسوانكم شوية واتناموا بدرى علشان لازم عجلة الإنتاج تمشى وأشوفكم قريب لما أفوز بأول مليون ملطوش مع تحيات أخوكم رفعت

[big bốss]

هههههههههههههههههههه

يخرب عقلك يا رفعت بجد تحفه يبنى بيان الرئاسه دا

و الدكتور طارق ابو سنه رئيس ^_^ هههههههههههه

بس دا ضد الشريعه بقا وانا هعمل مظاهرات

قشطه عليك يا ابن بلدى ^_^

موضوع جميل منك

[العاشق الذى لم يتب]

اقتباس المشاركة الأصلية كتبت بواسطة big booss هههههههههههههههههههه يخرب عقلك يا رفعت بجد تحفه يبنى بيان الرئاسه دا و الدكتور طارق ابو سنه رئيس ^_^ هههههههههههه بس دا ضد الشريعه بقا وانا هعمل مظاهرات قشطه عليك يا ابن بلدى ^_^ موضوع جميل منك

الله يخليك حبيبى نور ولايحرمنى منك أبدا ياغالى
والله باأسعد جدا لما أشوف نورك فى مكانى
أنت أخ عظيم وراقى جدا زادك ربى من نعيمه
تحياتى ليك ومودتى وسلامى

[العاشق الذى لم يتب]

اقتباس المشاركة الأصلية كتبت بواسطة arco baleno ههههههههههههههههههههوربي موتني ضحك انت تحفه والله يارفعت طااااااارق بما انك بقيت رئيس جمهوريه راح اطلب منك طلبات تنفذها لي اكتب النيل بي اسمي هههههههههههههههههه مليش دعوه او راح يتم ارسالك الى الفضاء مثل مرسي ههههههههههههه يلا فكر النيل بي اسمي نصب عيني عينك هههههههههههه اه والحمار الي يقود العربه عاوزتك تكتب 10 حمير بي اسمي لاني اخاف من السيارات هههههههه موضوع جامد اخي رفعت والله تحف وطارق مبروووووووك الكرسي بس امانه تكتب النيل بي اسمي هههههههههههه

أولا أختى حوراء نورتينى وشرفتينى
وأسعدنى مرورك جدا
وبماأنى المتحدث الرسمى لجمهورية بحرى الديمقراطية
وطبعا لى مكانة عند صاحب الفخامة السيد رئيس الجمهورية
فأنا شخصيا هدخل فى موضوع كتب النيل بأسمك
وماعندناش مانع فى ذلك بس على شرط ماتاخديه وتنقليه السعودية
وموضوع الحمير ده ساهل خالص
أنا جوز بنت جدتى أكبر مستور حمير أسترالى
وهندى وعنده مجموعة متنوعة ومدربة على الرفس كويس آخدلك منه 10 ولا 20 وأشحنهملك على حساب وزارة المالية
واعملى عندكم فرع لحمير الكارو وحمير الرفس
وكمان خلوالفرع بأسم { ماترفسنيش برجل وحدة}
ولايهمك تأمرى أختى حوراء
مودتى

[countess]

هههههههههههههه

طول عمري بقول طارق عنده كاريزمت رئيس محدش صدقني ههههههههه

نايس اوي

[ساحر الأحزان]

وهنا تبداء ولاية سلفيرس الاول فى بناء مصر الحديثة المستقرة

ويجهز خلفيتة المنتظر ووريث عرشة

سيلفراية التانية لو بنت

او سيلفرس التانى لو ولد

لاكمال مسيرة الانجازات المستقبلية

بيان جميل منك

ننتظر باقى بيانات الرئاسة

مع تحيات مراقبى الانتخابات العامة

فى الوجة البحبرى والقبلى

تحياتى

[العاشق الذى لم يتب]

اقتباس المشاركة الأصلية كتبت بواسطة countess هههههههههههههه طول عمري بقول طارق عنده كاريزمت رئيس محدش صدقني ههههههههه نايس اوي

فعلا حضرتك نظرتك ثاقبة
وربنا كاشف عنك الحجاب
شرفتينى أختى الفاضلة
وأسعدنى المرور
مودتى

[العاشق الذى لم يتب]

اقتباس المشاركة الأصلية كتبت بواسطة ساحر الأحزان وهنا تبداء ولاية سلفيرس الاول فى بناء مصر الحديثة المستقرة ويجهز خلفيتة المنتظر ووريث عرشة سيلفراية التانية لو بنت او سيلفرس التانى لو ولد لاكمال مسيرة الانجازات المستقبلية بيان جميل منك ننتظر باقى بيانات الرئاسة مع تحيات مراقبى الانتخابات العامة فى الوجة البحبرى والقبلى تحياتى

أيوة ياعم ماشية معاك
مش جلالتك ملك زيه
ربنا يحوش عن دولتك السوس وكمان النموس
ولايحد يقرصك أبدا
شرفتنى أخوياأمجد
مودتى

[عاشقة الهدوء]

والنبى لو كل العالم تمسك رئيس ألا طاارق بالذات هيخلى البلد ماشيه على البحرى ههههههههههههههه

بس بجد توووووووووحفه البيان اخى رفعت أداء هااايل والله أضحكتنا الله يسعد قلبك


كالعاده مميز وعندك كاريزما فى الكوميديان رووعه أحترامى وأجمل تقييم

[دمعه حائره]

ههههه
يسلام عليك وانا كمان رئيسه الوزرا
ده انا هاوريكوا التغيير والنهضه اللى بجد
وانت تنفع وزير اعلام فكرنى اعينك الحركه الجايه
بس طارق متظبطه عليه الرئاسه
وحلوة فى خدمة المواطن طول ماعنده اسنان
تسلم اخى وربنا يسعدك زى ماضحكتنى من قلبى