حوار مع مشرف / ة القسم / متجدد

[نجم وزهره ومسافات فراق]

السلام عليكم ورحمة الله وبركاته




مفيش اجمل من اننا نتعلم من خبرات وثقافات بعض , من خلال تبادل المعرفه والتعمق في بحور خبرات مشرفينا الكرام هنا بالقسم . ودا مش شو ليهم او مجامله انما عشان نتعلم منهم ونثقل هواياتنا الشعريه ونستفيد كمان من خبراتهم ..

لثقل كلامها , وتنوع تعبيراتها , أريج خاص وعبق مختلف وتنوع فريد ومتجدد , هي تكتب بعفويتها وقوتها وخبرتها , هي تكتب في مجالات متعدده ( اسلامي / سياسي / وطني / رومانسي )
هي مشرفه واخت لها اخلاقها العاليه وافكارها الراقيه ومجهوداتها الوفيه .
معها لا نشعر بفوارق ابدا وهذه لفته مهمه جدا وخصوصا للاعضاء الجدد
معي ومعكم نجمتنا ومشرفتنا واختنا الراقية المهذبه

ابتسامة الزهر

بداية انا شاكر قبولك عمل الحوار بالقسم برغم كل مشاغلك بالمنتدى .
اتفضلي واجب الضيافه
احب اشرب الليمون بالنعناع





* ياترى امتى حسيتي بموهبتك في الكتابه ؟

لا ماكانتش موهبة لأنى بدأت اكتب فى مرحلة الثانوى ودى عبارة
عن اشياء بداخلى حاولت اعبر عنها بالقلم والورقة


* عايزين نعرف منك ازاي اثقلتي خبراتك وتجاربك في الكتابه ؟

القراءة المتواصلة وانا من صغرى كنت بحب اقرأ كثير

* من هم الشعراء الكبار الذين تهوي متابعتهم وايضا الوصول لمستواهم ؟

فاروق جويده وكامل الشناوى بتعجبنى اشعارة جدا واحيانا نزار قبانى
بس طبعا لايمكن الوصول لمستواهم لأنهم اكيد دارسين

* من هم الاعضاء اصحاب الاقلام التي تعجبك بالمنتدى / القسم ( ممنوع المجاملات ) ؟

هو فيه اقلام كتيرة بتعجبنى مقدرش احدد لأن كل قلم له مذاقه الخاص


* ماذا تقولي للاعضاء الجدد اصحاب محاولات الكتابه ؟

حاول وطلع اللى جواك بصدق احساسك اكيد مع الوقت حتكون حاجة

* هل انتي مع الحصري ان المنقول ولماذا ؟

انا شخصيا مع الحصرى لأن ده احساس الكاتب عبر عنه بصدق.. لكن فيه ناس بتحب الشعر ومتقدرش تعبر فتلجأ للمنقول بس بيبان هنا موهبة الناقل فيما ينقلة من قوة المعنى والهدف منه

*
خدي نفسك لسه الطريق طويل
هههههههههههه

طيب قهوة ولا شاى على الماشى مدام القاعدة حتطول

ونرجع تاني للأسئله ونجمتنا / ابتسامة الزهر



* مستقبل القسم شايفاه ازاي اقصد قسم الخواطر مش الطبيعه ؟

على حسب ما سمعت من الأعضاء القدامى ان القسم كان له مبدعيه وكان قلب المنتدى ولكن يقال ان الأدارة سبب فى موت القسم ايه الهدف الله اعلم بس اتمنى ان القسم يعود الى سابق عهده

* ايه الخاطره اللي بقلمك وبتحبيها جدا او ليها موقف معاكي ؟

كانت خاطرة كتبتها فى اوائل اشتراكى بالمنتدى اسمها حديث الساعة التاسعة كانت حوارية ومش لازم يكون كل ما اكتبه له موقف احينا الخيال بيلعب دور


رد ديبلوماسي اوي


* بصفتي عضو بالمنتدى والقسم تحديدا ما شاء الله شايف موضوعات حصريه كتيره ومتنوعه ياترى ممكن يكون القسم بنفس التعامل مع اقسام الشعر الحصري ولا هيفضل كده ؟

اتمنى ان يكون كله حصرى وده سؤال توجه للادارة

* شايفه نفسك اضفتي للقسم هنا ولا لسه عندك طموحات وياريت نعرف ايه طموحاتك ؟

السؤال ده اللى يجيب عليه الاعضاء اذا كنت اضفت ولا لا لكن طبعا عندى طموحات ان يكون القسم كما كان قلب المنتدى

* كلمه توجهيها لاصحاب الاقلام الحصريه ؟

جميل القلم الحصرى حينما يعبر عن احساسة وياريت اصحاب الاقلام الحصرية تشارك دائما

* كلمه توجههيها لاصحاب الاقلام المنقوله ؟

مش عيب اننا ننقل بس المهم يكون الموضوع ذو قيمه وليس لمجرد النقل فقط

* ياترى ازاي قادره تكوني مشرفه على اكثر من قسم وبرغم غياب اغلب الاخوه المشرفات ولكنك مليتي مكانهم ومحدش حس باي خلل ؟

بحاول تنظيم الوقت على اد ما اقدر

* ايه الاقسام اللي بتعجبك في المنتدى غير اقسامك ؟

احب جدا قسم السياحة والاشغال اليدوية

* طموحك ايه للمنتدى بشكل عام ؟

التجديد الدائم وخصوصا الاستايل العتيق ده لازم كل فترة يتغير التجديد حلو تنظيم الاقسام بشكل غير كده حيساعد كتير


بصراحه كان عندي كتير من الاسئله انما عشان ظروف انك على اكتر من قسم وليكي تفاعلات كتيره بقدر ده وبحترموا وبكتفي بالاسئله دي

وانت كنت لسه عايز اسئلة اكتر من كده

بشكرك جدا على الاستضافة والاسئلة وياريت اكون وفقت فى الاجابة


اقولك شرفتينا ونورتينا وحقيقي انا استمتعت بروعة وهدوء اجاباتك
واتمنى نكرر الموضوع مره تانيه كلما سمحت الظروف

ان شاء الله

شكرا مشرفتنا واختنا ابتسامة الزهر
وترقبوني ومشرف / ة آخر وحوار جديد


تنويه

بسبب تواجد اختنا ابتسامة الزهر وتفاعلها وغياب المشرفات كان الاختيار لتشريفها هنا

تحيتي

[ابتسامة الزهر]

شاكره لك جدا هذا الحوار
وسعدت به كثيرا
وفى انتظار حوارك مع الأخرين
حتى نستطيع تكون رأى لهذا القسم
شكرا لك ولمجهودك
يثبت مع تقيمى

[شاعرة الرومانسيه]

ابتسامة الزهر من الشحصيات المحترمه والخلوقه

الى انا بجد بحترمها وبحبها

وبحب اسلوبها فى الكتابه

احتيار موفق أدهم لشخصيه حبوبه

لكم منى كل الحب والاحترام

[فرانكو.هدوء ملك]

سلام عليكم

جميل جدا اخي ادهم حوارك

والاجمل هو تواجد ابتسامه هنا

اشكرك اخي علي سؤالك عني

دمتم بالف خير

تقبلو مروري

[ويبقى الأثر]

حوار لجميل مع شخصيه اجمل

ابتسامه من الشخصيات اللى بحترمها جدا

ونشاطها كتير ملحوظ من المشرفين اللى قايمين بدورهم صح

ربنا يعينها ويوفقها

شكرا كتير ادهم لموضوعك واستضافتك الرائعه وحوارك الجميل

دومتما فى سعاده باالتوفيق دايما يارب

تقديرى

[phalsteen]

القلب النابض
والعقل النيِر
والفؤاد الرقيق بالمشاعر
اختي ابتسامة الزهر
حقا اجابات صادقة وراقية من قلم مبدع وقلب رائع
كل الشكر والتقدير بروعة وجودك
وتألق مضمون الأسئلة الراقيه

[وهج الايمان]

حرام هو كان في اسئله تاني

بصراحه حوار جميل جدا

ابتسامه قلمها دائما مبدع ومتميز

عايزه اعلق ع حاجتين اتنين


* ماذا تقولي للاعضاء الجدد اصحاب محاولات الكتابه ؟

حاول وطلع اللى جواك بصدق احساسك اكيد مع الوقت حتكون حاجة

ههههه
انا ماكنش عندي حب الكتابه اطلاقا
بس بعد الاقلام اللي شفتها هنا
تصدقي بقيت بالف هو مش كتير بس باذن الله احاول تكون حاجه متوسطه
لان اللي وصلت له دلوقتي كلمات بسيطه

الحاجه التانيه بقي

الاستايل العتيق ده لازم كل فترة يتغير التجديد

لا والله الاعضاء بتتعب جدااا
زي ما حصل من كام شهر وفي الاخر الاستايل القديم رجع تاني

منوره اكيد حبيبتي وربنا يوفقك

مجهود متميز كالعاده ادهم
تقييمي

[CAN _ 7LM]

مشكورة على الحوار

واجابات مميزة

وكل التقدير والشكر لكم

[الابتسامه المصريه]

الله عليك يا ادهم
بسبوسه دى انسانه
عندها احساس عالى
وجميل وهى ماشاء الله عليها
متميزة وعلى طول حاضرة
بأحلى اشعار واحلى توبيكات فى
الحياة البريه

منورة يا قمر
شكرا ادهم على استضافة
بسبوسه

[امل جديد]

بجد الف شكر ى ادهم على الحوار الممتع الجميل ده
الاسئلة كانت هيله و اجبات ابتسامة الزهر فى منتهى الجمال والهدوء
امتعتونا بحواركم الشيق
ونتمنا انك تكرر الحوار مع كل مشرفينا الكرام
علشان نتعرف عليهم اكتر من خلال لقائك معاهم
شكرا ابتسامة الزهر على قبول الدعوه
وشكرا اخى ادهم على الفكرة الجميلة دى
تقبلو منى كل التحية والاحترام