اهداف مباراة الزمالك 2 / 0 الاسماعيلى 29 / 3 / 2013

[M@HMOUD]

[youtube]

[აα∂ Ԑγεა]

هدفين جامدين جدااا :d
بما انه منزلش توبيك خبر للماتش
ارد هنا بقي بالمرة :d



التحكيم :
ماتش سيئ تحكميا والاسماعيلي له ركلتين جزء ,,
والزمالك له واحدة الشوط الاول محمد ابراهيم
وكورة احمد حسن الانفراد اللي اتحسب اوفسايد
واحد يقولي دا ضيعها # محمود بكر ستايل :]
اقوله يا خفيف الدم ماهو ضربة الجزاء ممكن تضيع شوفتها جات جون ؟
يبقي عادي لو محسبهاش ?
هيا هيا دي ودي واحد


المباراة :
الزمالك بكل جداره واستحقاق استحق الفوز النهاردة
لو في خطأ تحكيمي فكان للطرفين ,,
ولو في اداء جامد فكان من طرف واحد بس
فرص كتير تعتبر ضاعت وسيطرة كبيرة ووصول كتير للتلت الهجومي للمنافس
وخطورة مستمرة ظهر فرق المستوي والجاهزية والمهارات الفردية



نجوم المباراة :
محمد ابراهيم ,., ابراهيم صلاح ,., نور السيد ,.،
10/10 ولا اروع من كدة

محمد ابرهيم ؟, طول عمري بقول عليه نجم وكنت دايما بدافع عنه سواء هو او صبري رحيل ♥
علشان دول من اول يوم وشوفت فيهم مستقبل الزمالك اللي جاي
ابراهيم دا اجمد لاعيب فيكي يا مصر حاليا
وافضل موهبه كروية ومهاارات فردية لو في ناس بتتدايق من انانياته انا بقي بعشقها
♥

ابراهيم صلاح ونور ,, وسط نار جدااااا ونشاط كبير جداا
لو بس ابراهيم صلاح يخف في الفاولات ويبطل انزارات @

احمد حسن برغم من اني مش بشوف دورة في الملعب وبشوفه معطل هجمات
لكن بتظهر قيمته الحقيقية اما يخرج من الملعب وانه من اعمدة الفرقة في النص

عبدالشافي : جباااااااااااااااااااااااار طول عمرة
والمدرب اضاف له كتير اما وظف جمبة صبري المجتهد الرائع الملتزم المتطور


المدرب
فييرا في الفانز كان في هجوم كبير عليه من البداية
انا كنت متبسم فيه خير وشايف انه هو دا المدرب اللي هيغير الفريق
والحمد لله حصل دا والزمالك حاليا هو زمالك 10 قبل كدة
وسن اللاعيبه يسمح ب10 سنين قدام كمان
شغل وتكتيك المدرب دا خطير جدا ويستحق الاشاادة والتقدير
عمل فرقه ذات شخصية وهوية كروية
مش مجرد ناس بتلعب لا ناس عارفه هيا بتعمل ايه بالظبط في الملعب
تحية واشادة وتقدير لا يكفي حق الراجل دا
افضل مدرب مسكنا فعلا



الزمالك :
بطل الدور الاول بلا منازع بلا خسارة بلا تعادل
اول مرة الزمالك يكون كدة ويحقق الارقام العالية دي
من 9 سنين كاملين ايام ما اخدنا الدوري
وكنا مسيطرين علي الكورة 4 سنين
ان شاء الله الفرقه دي قادرة تكرر اللي عملة جيل 2000-2004

ان شاء الله دايما في الامام يا زمالك ♥♥


,

[روح صامتة]

الزمالك دا زي الفل ^^
الف مبروك لينا ^^
بجد ماتش كان حلو ..
تسلم ي محمود ع الخبر ..
تحياتي

[سارة بنت مصر]

مشكوووووور والله يعطيك الف عافيه

الف مبرووووووووك للزمالك

والف مبروووووووك ليا باعتبار انى زملكويه

[P R ! M O]

تسلم ع الخبر

[єLмσsħαx]

الف مبروك للزمالك
تسلم اساحبى على التوبيك

[gold rose]

مجهود جميل .,
تسلم على الخبر .,
ودي .,

[صــمتى رفيقى]

الزمالك جامد جداً,,
الف مبروووووووووووووووووووووك
متش جامد
تسلم على التوبيك
بالتوفيقـ ^__^