نتيجة مسابقة اجمد مشارك !

[აα∂ Ԑγεა]

السلام عليكم ورحمه الله وبركاته في البداية بعتذر لكل المتسابقين في المسابقة عن التاخير الشديد في ظهور النتيجة صحيح واجهتني مشاكل كتير مثل صعوبة التقييم وطول وقته وكمان ظروف النت واوقات ظروف غيابي لكن ككل كان بالامكان افضل من اللي تم وكان ممكن تفادئ التاخير علي مااظن فاسف مرة تانية ثانيا انا برط كتير في مواضيعي فاللي بيخاف يخرج برا هههههههه زي ما بدات المسابقة هبدأ النتيجة بنفس الجملة ياتري مين اجمد مشارك ؟؟ طب هو ايه الفيصل في الحكم علي دا ؟ عدد المشاركات ؟ ولا قيمتها ؟ كم ولا كيف ؟ المنتديات للمشاركة والمشاركة مش عدد ,, المشاركة فن وفكر ورقي ,, , اما بعد , { الفكرة } فكرة المسابقة من الاساس تحفيذيه والغرض منها النهوض بمستوي الردود عندنا ان العضو يرد بقلمه وفكرة واسلوبة ,, ان ردوده تعبر عنه وعن شخصه الردود السطحية الباهته الروتينية مهما اختلفت مسمياتها فهيا شيئ واحد فقط { .آفة كبيرة. } حاجة بتقلل من قيمة المنتديات ومن اهميتها ومن جودتها اصبحت المنتديات للاسف بداال ماهي مجال لتبادل الافكار والمنفعه آلت الامور لتصبح { حلبة سباق } بيتم التسابق فيها علي من الاكثر من الاعلي حتي لو ببهتان شديد .. فكرة المسابقة يمكن تكون بسيطة جدا , بس احياانا البساطة هيا كل ما نحتاجة ! كان طلب بسيط مجرد انك تكون انت ,, انت تضيف في ردك مش تضيف لعددك ان العضو يشارك بفكره ورايه واسلوبه في المنتدي انك مش مجرد تبقي عابر سبيل مشارك باهت , لا انك تثبت حضورك في التوبيك بحق رغم بساطة الفكرة والطرح الا اني شايف انه مغزاها كبير واتمني يكون عمل ولو طفره لكام يوم حتي ! ورغم بساطة الفكرة برضوة الا ان كتير من المشاركين مفهموش الفكرة ! ولقيت احيان كتير ردود سطحية وسطحية جدا مشارك بيها البعض في المسابقة كذلك وجدت ردود كتير منمقه ولابسة فستان اللغه لكنها عاريه الفكر ! اغلبها مجاملات في حق صاحب الموضوع مش دا اللي المسابقة قايمة عليه نهائي التحكيم . مكنش في لجنه حكم غير انا ,, مكنش ينفع اجيب حد يحكم الكمية دي من المشاركات ,, صعب جدا يعني النتيجة دي مجهود شخصي مني واجتهاد في الحكم علي المشاركات حبيت طريقة جديدة للتقييم زي ما كنت بفكر من اول ما طرحت المسابقة وهيا تقييم الردود رد رد واعطاء نقط لكل واحد فيهم ااه خدت وقت طويل واحيان كتير ممله جدا واحيان كتير بتغيظ بالاخص ان في البعض بيجيب رابط الموضوع مش رابط الرد , ودور يا معلم حتي لو التوبيك 5 صفح لكنها الطريقه الاكثر عدلا في رأيي والحمد لله مشيت في ميزان العدل علي قد ما قدرت ومش شايف اني جورت علي حد ولا ملت لحد علي حساب حد دائما تقييم المشاركة مش صاحبها التقييم ,, 3 درجات رئيسية استخدمتها 0 ؟ للرد الباهت للرد الغير منتمي للفكرة دي 1 ؟ للرد الجميل المميز ذو الفكر واللي المسابقة بتطلبه 1.5 ؟ زي ما تقولو للرد الفلتة للرد الذي يليق باجمد مشارك احيان استخدمت درجات تقريبية يعني واحد عمل مشاركتين جامدين بس مش فلته واجمل من ال1 بحسب واحدة 1 وواحدة 1.5 احيان برضوة استخدمت تقريب عكسي لو ردوده اخدت واحد بضعف اقرب ضعيفه بتيجي بتاخد 0 بينما الردود المجاملة واللي مكنتش فكر بس جودة كلام كنت بحسبها مرة ااه ومرة لا مرة 1 ومرة 0 دا الطريقة اللي كنت بقيم بيها وكانت سارية علي الكل بلا استثناء والحمد لله لحد اللحظة اللي بكتب فيها التوبيك دا انا معرفش مين فائز لاني قيمت يوم ورا يوم لكن مجمعتش درجات الايام كلها ولسه معرفش مين الفائز لكني اكيد عندي نظرة ورؤية للتنافس محصور بين مين علي المركز الاول المهم قلت انزلكم التوبيك دا دلوقت واروح اعمل الجداول بتاعت التقييم صور اللي هنزلهالكم اما تخلص بقي وتعرفو معايا مين الفائز رجاء عدم الرد هنا قبل الانتهاء من التوبيك

[აα∂ Ԑγεა]

,, في البداية المسابقة اشترك فيها 16 عضو المشاكس لم يشارك وياسمينا شاركت اول جولة بس واعتذرت ونفس الوضع لاحمد الماجيك اعتذر يبقي تبقي معانا 13 متسابق الاعضاء المشاركين Čίŋđёяёℓℓα ملٱك ٱلروِحً lost pearl ساحر الأحزان طِيشْ ! براءة حلم "الرحاال""الزجاال" توحد ارواح زهره الشتاء ملاك صعبة الإمتلاك الرجل المتواضع Words Whisper الأميرة رودي وكعادة المسابقات كلها للاسف في ناس وقعت في النص ومكملتش يعني ملتزموش اجمد مشارك طبيعي جدا انه يبقي اجمد واحد يختار مواضيع ! في ناس عرفت تختار مواضيع تدي لفكرها ورايها بيها مساحة تلاقيها في المواضيع الي بتطلب نقاش بتشارك علطول ومن خلال دا قدرت تستحق درجات عاليه وفي ناس حصرت نفسها في اقسامها اللي متعودة عليها منهم اللي عرف يتصرف ومنهم اللي معرفش كتير كان بيرد في مواضيع التهنئة والترحيب ,؟ هل دي هيا المواضيع اللي بيبان فيها اجمد مشارك ؟ اكيد لا ,, 95 % من الردود في الحاجات دي اخدت 0 درجة كذلك زي ما قلت في ناس مفهمتش المسابقة صح وكانت ليها ردود كتير سلبية جداا بتفاجئ من ناس بتجيب ردود شكرا ويسلمو وتوبيك جميل في مسابقة بتحارب الردود السطحية !! * لم يتم احتساب اي ردود بعد 12.00 من اليوم الا في حالات نادرة * اذا تقدم عضو باكثر من المطلوب وهو 15 رد لا يؤخذ الا اول 15 رد له ------------------- بسم الله الرحمن الرحيم نبدأ في سرد التقييم اليوم الاول السبت 16 / 2 / 2013 اجمالي الردود : 173 ----------------------------------------- ------------------------------------- اليوم الثاني الاحد 17 / 2 / 2013 اجمالي الردود : 177 رد ----------------------------------------- ------------------------------------- اليوم الثالث الاثنين 18 / 2 / 2013 اجمالي الردود : 167 رد ----------------------------------------- ------------------------------------- اليوم الرابع االثلاثاء 19 / 2 / 2013 اجمالي الردود : 137 رد ----------------------------------------- ------------------------------------- اليوم الخامس الاربعاء 20 / 2 / 2013 اجمالي الردود : 122 رد ----------------------------------------- ------------------------------------- اليوم السادس الخميس 21 / 2 / 2013 اجمالي الردود : 106 رد ----------------------------------------- ------------------------------------- اليوم السابع الجمعه 22 / 2 / 2013 اجمالي الردود : 107 رد ----------------------------------------- ------------------------------------- اليوم الثامن السبت 23 / 2 / 2013 اجمالي الردود : 139 رد ----------------------------------------- ------------------------------------- اليوم التاسع الاحد 24 / 2 / 2013 اجمالي الردود : 119 رد ----------------------------------------- ------------------------------------- اليوم العاشر الاثنين 25 / 2 / 2013 اجمالي الردود : 100 رد جاري جمع الدرجات وتنزيل النتيجة النهائية بالجوائز والجوائز الخاصة في الرد القادم

[აα∂ Ԑγεა]

النتيجة النهائية بعد ما شوفنا التقييم المفصل في المشاركة اللي فاتت كانت منافسه ممتازة وصعبة جداا بين رودي و اسماء في الحقيقه الاتنين فايزين مش واحد بس في نظري واجمل ما فيهم ان ردودهم دايما رائعة ومعبرة عنهم وعن فكرهم وانهم ابعد ما يكون عن السطحية المعتادة مش بس في مسابقة لا دايما اادي النتيجة النهائيه بعد جمع الدرجات ,, ’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’ الف مبروووووك المركز الاول يا اسماء ,, 250 مشاركة + وسام المركز الاول + شهادة تقدير ,,,,,,,,,,,,,,,,,,,,,,,,,,,, ,,,,,,,,,,,,,,,, الف الف مبرووووك المركز الثاني يا رودي 200 مشاركة + وسام المركز الثاني + شهادة تقدير ,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,, الف مبروووووك المركز الثالث يا طيش 150 مشاركة + كمان وسام المسابقة ( مكنش في الحسبان ) + شهادة تقدير + 50 مشاركة كمان اضافيه لانك الوحيدة في المسابقة اللي التزمتي ب15 رد يوميا وفي كل الايام وكملتي مجمل ال150 يبقي انتي ليكي 200 مشاركة مش بس 150 ***************************** زي ما سبق وقلت المسابقة دي تحفيذية و فيه جوايز لكل الملتزمين والمميزين وحابب اخرج اكبر عدد من الناس واخد جوايز فكمان الناس الجميلة اللي كانت معايا في المسابقة واللي يستحقو الاشادة والتقدير والاحترام ,,,,,,,,, الف شكر وتقدير لوجودك وجودة وروعه ادائك يا استاذ امجد مبرووك عليك 100 مشاركة ’’’’’’’’’’’ المميزة والنشيطة والخلوقه جداا توحد ارواح ابهرتيني بروعه ادائك في المسابقة 100 مشاركة ليكي ’’’’’’’’’’’ الرائعه زهرة الشتاء واللي لولا عدم مشاركاتها في بعض الايام كان بامكانها بكل سهولة انها تكون من الاوائل الف شكر ليكي علي تواجدك الراقي 100 مشاركة ,,,,,,,,,,,, سندريلا جزيل الشكر والتقدير ليكي لمشاركتك الرائعه في المسابقة 90 مشاركة ,,,,,,,,,,,,,,, استاذ رفعت من الناس اللي بذلت مجهود كبير في المسابقة دي وكان متواجد بروحه الجميلة في كل ردوده مبرووك عليك 85 مشاركة , ,,,,,,,,,,,,,,,,,,,,,,,,,,, لوجي ,, ياعيني كانت عايزة تفوز هيا اوقات هنا واوقات مش هنا ظروف المذاكرة بقي لكنها بذلت مجهود جميل جداا في المسابقة دي 80 مشاركة ليكي ,,,,,,,,,,,,,,,,,,,,,,,,,,,,,,,,,,,,, الرحال ,, استاذ ايمن كانت متواجد بقوه في ايام وكان غايب في ايام برضوة كان منورنا ف المسابقة دي 65 مشاركة ليك , ,,,,,,,,,,,,,,,, بس كدة دول اللي نالهم الجوائز لانهم الابرز وكل واحد اخد تقريبا علي حسب تقييمه في المسابقة يوووة كفايه كدة هسيبكم انا كفاية رد وهروح انام هههههه انا بقالي كتير منمتش لا حقيقتا انا شبة نائم وانا بكتب اتمني تكون المسابقة عجبتكم ,, وانها تكون فكرة جديدة وهحاول اعمم فكرة لا للسطحي بطريقة ممكن تحل الازمه وممكن لا الاقكم في دردشة قريب بخصوص دا اااه وقبل ما انسي جزيل الشكل لاسماء للتصميمات الجميلة للاوسمة والشهادات وكمان الجدول تعبتها معايا بس برضوة تعبت انا انا قعدت 10 ساعات انظلم في الجدول والشهايد عالاقل هيا طلعو من نصيبها انا لا

[Lost Pearl]

ههههههههه يابني كنت برخم عليك كنت عارفة انه رودي و اسماء اللي هياخدو الاول

الف مبروووووووووووك عليكو اكييييييد

و طيش كمان الف مبروووووك ليكي يا جميلة المركز التالت تستاهليه

مجهودك جميل يا محمود حقا ،، و النتيجة طالعة بشكل انيق و منسق جدا

بس انا للأسف اول مرة اسجل اعتراض فـ مسابقة بس هعترض بقي ههههههه

مبدأيا قبل ما اقول اعتراضي انا مش بطلب منك انك تعيد التقييم و لا اي حاجة

انا بس بقول اللي انا معترضة عليه

1- لو ماكنتش هتحسب الا اول 15 رد كنت قلت من الاول انه مش هتحسب الا كدة بس ،، لأن وارد جدا يكون فـ ردودي اللي بعد رقم 15 احسن من اللي قبله

2- في 3 ايام انت حاسب اني مردتش و انا اعتقد كدة اني مفوتش الا يوم واحد ع الاغلب و في يومين حصل مشكلة و انا بجمع الروابط و معرفتش اجيبهم تاني و اظن اعتذرتلك فـ موضوع المسابقة و كمان كنت تقدر ع الاقل بدال ما مش تحسبني خالص تدي تقييم average بين الايام التانية اللي محسوبالي لأنك اكيد مش هتدخل تدور ع المشاركات ،، فيها تعب جامد

3- اخر يوم انت مش حاسب ردودي ليه ؟؟ انا اه حطيتها بعد الساعة 12 بس يعني يبقي في مراعاة للظروف انا ببقي فـ الكلية طول اليوم و الفترة بتاعت المسابقة اساسا كنت هنسحب بس لما لقيت كتير ناس بتوقع ايام قلت عشان انا مش بحب حد يعمل كدة فيا فـ كملت حتي لما كنت مشغولة او غيره ،، فـ يعني ع الاقل كنت اعمل حساب الناس اللي تعبت

زي ما قلتلك انا مش بطلب منك تعيد التقييم خااااااالص

بس بقولك ع اللي انا معترضة عليه و عارفة انك هيبقي عندك رد عليا ههههههههه

فـ مش تتعب نفسك انا بقول حاجة فـ نفسي لكن مش زعلانة ،، بس عشان انا كنت بدخل مخصوص عشان المسابقة دي فـ كان لازم اقول

و مبروك للي كسبو كلهم

5 نجوم و مش عارفة اقيمك للأسف بقي ههههههه

الف مبروك مرة كمان لكل الفايزين

و تسلم ايديكي يا اسماء ع الوسام و الشهادات

[აα∂ Ԑγεა]

اقتباس ههههههههه يابني كنت برخم عليك كنت عارفة انه رودي و اسماء اللي هياخدو الاول الف مبروووووووووووك عليكو اكييييييد و طيش كمان الف مبروووووك ليكي يا جميلة المركز التالت تستاهليه مجهودك جميل يا محمود حقا ،، و النتيجة طالعة بشكل انيق و منسق جدا

ماهو اهم شيئ الاناقة اكيد
نحن نختلف عن غيرنا بمراحل

اقتباس بس انا للأسف اول مرة اسجل اعتراض فـ مسابقة بس هعترض بقي ههههههه مبدأيا قبل ما اقول اعتراضي انا مش بطلب منك انك تعيد التقييم و لا اي حاجة انا بس بقول اللي انا معترضة عليه

ولو في حاجة تستاهل وشايفه انها حق عادي تعترضي وتشجبي وتستنكري وكل حاجة
مفيش مشكلة هنا


1- لو ماكنتش هتحسب الا اول 15 رد كنت قلت من الاول انه مش هتحسب الا كدة بس ،، لأن وارد جدا يكون فـ ردودي اللي بعد رقم 15 احسن من اللي قبله


هو انا قلت ف المسابقة المطلوب 15 رد .. فاظن مش محتاج اقول اكتر انه هيتحسب 15 بس
جزئية الوارد جدا , بطمنك عليها انا برضوة اخدت بالي من الجزئية دي
وكنت بقرا باقي الردود
لكن مكنتش هحسب حاجة منهم
الا لو كان في رد في ال15 الاولنين في الترحيب او التهنئة
لان الحاجات دي اوتوماتيك كانت صفر فانا كنت بستثنيها هيا بس
او لو كان في رد فلته ويستحق انه يتحسب وفيه مجهود
وعملت الحكاية دي كذا مرة
واخر مرة اتذكرها كانت في حساب درجات رودي في اخر يوم
انا محسبتش اول 15 رد انا شلت اي ترحيب واي حاجة واخترت من تحت

اقتباس 2- في 3 ايام انت حاسب اني مردتش و انا اعتقد كدة اني مفوتش الا يوم واحد ع الاغلب و في يومين حصل مشكلة و انا بجمع الروابط و معرفتش اجيبهم تاني و اظن اعتذرتلك فـ موضوع المسابقة و كمان كنت تقدر ع الاقل بدال ما مش تحسبني خالص تدي تقييم average بين الايام التانية اللي محسوبالي لأنك اكيد مش هتدخل تدور ع المشاركات ،، فيها تعب جامد

اامممم لالا تقدري تتابعي التوبيك وتشوفي هتلاقي في ايام انتي مقدمتيش فيها حاجة
وبالنسبة لليوم اللي اعتذرتي فيه
لا حقيقي مقدرتش اخد حاجة بالتقدير او المتوسط
اي مسابقة بتطلب روابط الفيصل الوحيد هو الرابط اللي في التوبيك غير كدة مينفعش يتحسب
وانا وقتها قلتلك في التوبيك لو حابة انهم يتحسبو هاتيهم
لو مش حابة خلاص
فاكرة ؟؟
يعني كنتي تقدري تدوري وتجيبي الروابط وتعدلي في اي وقت
لكنك معملتيش

اقتباس 3- اخر يوم انت مش حاسب ردودي ليه ؟؟ انا اه حطيتها بعد الساعة 12 بس يعني يبقي في مراعاة للظروف انا ببقي فـ الكلية طول اليوم و الفترة بتاعت المسابقة اساسا كنت هنسحب بس لما لقيت كتير ناس بتوقع ايام قلت عشان انا مش بحب حد يعمل كدة فيا فـ كملت حتي لما كنت مشغولة او غيره ،، فـ يعني ع الاقل كنت اعمل حساب الناس اللي تعبت

تم حساب اخر يوم هو 25 مش 26 نظرا لان اغلبيه المشاركين كانو عاملين حسابهم علي انها 10 ايام وان اليوم ال11 دا كان غلطة في التواريخ
بينما يوم 25 انتي كتبتي مشاركة في التوبيك وقلتي فيها انك مش عملتي ردود النهاردة وانه كان يوم سيئ او حاجة كدة علي مااتذكر
تقدري ترجعليها في التوبيك وبرضوة اهو يوم تاني غير الاولاني
وهتلاقي التالت برضوة لو دورتي
انا بصيت وراجعت كل الردود كذا مرة

جزئية بعد 12 انا راعيت في كذا مرة لكن مش في كل مرة
سبق ولقيت مشاركات بعد 12 وحسبتها
كمان في كذا مرة تحطي الرد بعد 12 لكن الردود تكون قبله وانا بقرا وباخد بالي وبحسب

اقتباس زي ما قلتلك انا مش بطلب منك تعيد التقييم خااااااالص بس بقولك ع اللي انا معترضة عليه و عارفة انك هيبقي عندك رد عليا ههههههههه

كل حاجة وليها ردها وطالما انا عملت حاجة يبقي في سبب ليها
وانا من اول ما شوفتك في توبيك الردود قلت هتعترض علي اخر يوم
بينما الباقي مكنتش عامل حسابة

اقتباس فـ مش تتعب نفسك انا بقول حاجة فـ نفسي لكن مش زعلانة ،، بس عشان انا كنت بدخل مخصوص عشان المسابقة دي فـ كان لازم اقول و مبروك للي كسبو كلهم 5 نجوم و مش عارفة اقيمك للأسف بقي ههههههه الف مبروك مرة كمان لكل الفايزين و تسلم ايديكي يا اسماء ع الوسام و الشهادات

اها مانا مقدر مجهودك فيها
تيجي اعملهالك تاني علشان تدخلي برضوة بدال ما تبعدي
شوفي ردي هنا ولو مش مقتنعه
ممكن نقلل ردودنا في توبيك المسابقة الاساسي ونتناقش هناك
ولو ليكي حاجة هعدل وهتاخديها

[Lost Pearl]

تؤتؤ مش عايزة تعديلات و لا حاجة

بس عامة انا رحت فـ الموضوع بتاع الروابط قبل ما اكتب الرد

و عادي انا ما بدي شي

[აα∂ Ԑγεა]

اقتباس المشاركة الأصلية كتبت بواسطة lost pearl تؤتؤ مش عايزة تعديلات و لا حاجة بس عامة انا رحت فـ الموضوع بتاع الروابط قبل ما اكتب الرد و عادي انا ما بدي شي

امممم طيب روحتي لقيتي ايه ؟ مش فاهم هنا ..
انا بقي بدي
بدي اعرف اني مش جيت علي حد في حاجة
لاني عملت جهد فعلا كبير ف التقييم علشان الجزئية دي بالذات
فانا اللي بدي هنا

[phalsteen]

أروع ما رأيت هنا هو فوز غاليتي بالمركز الاول
حقا اكتفيت بهذا برغم مزيد من التساؤلات

ولكن هذا لا يمنع من بعض الاستفسارات الملحة

بصرف النظر عن المجهود اللي اتمنتج واتحذف واتنكر الاعتراف بيه
ولكن هذا لا يمنع من عدم فهمي علي اي مدي كان التقييم
وما هو الخطأ الذي أزال اسمي
برغم التزامي بكلماتك القوية تلك
فقط لمعرفته ومحاولة تجنبه


رجاء :

منذ انتهاء المسابقة وانا لا اريد ان يكون اسمي عالقا بها
لذا ارجو ازالة اسمي تماما من هنا
واعتذر لا اريد اي مشاركة اضافية من تلك المسابقة

[الأميرة رودي]

لا بجد النتيجه طالعه بشكل منسق وجميل اوي
انا من اول ما عرفت انك هتقيم المسابقه دي لواحدك وانا عرفت انك هتتعب فيها اوي
لان كميه الردود كبيره لمده 10 ايام ده شئ مرهق بجد
وخليك فاكر انا طلبت منك انى اساعدك فى التقييم وانت ماردتش
يلا مبروك عليا المركز التانى
ومبروك لسمسمه المركز الاول أكيــد تستحقه
وطيش ماشاء الله ردودها كانت رائعه وكل المتسابقين بجد بذلو مجهود كبير فى الردود
أحلى حاجه ف الموضوع الـ 200 مشاركه لانى محتاجه أعلى مشاركاتى شويا عشان فيه واحد كده كان ناوي يسبقنى
أكيد انت ماتعرفوش يامحمود ..
اسمه ساد أيز هههههه
بجد بجد بقى كانت مسابقه جميله وقيمه والهدف منها راقي وياريت تكررها عشان اشارك معاك تاني
بس المره الجايه ناويه اخد المركز الاول واخلى سمسمه المركز التانى
أل ايه يعني مفيش ف المنتدى غيرنا
مجهود عالى يامحمود وانت اللى تستحق وسام على الفكره والتنظيم للمسابقه دي باذات
شكــــــــرا أخى أتمنالك كل التوفيق

[العاشق الذى لم يتب]

أشكرك أخى محمود حقا أنت بذلت مجهود جبار فى المسابقة
بدءا من فكرة المسابقة
ولحد المتابعة والتقييم
وإخراج النتيجة النهائية
بارك الله فيك ومن قلبى أقدم لك الشكرالجديد
وممكن حضرتك تنام قريرالعين
وأحلام سعيدة
والشكرموصول للأخت أسماء لتعبها على جمال تصميم الأوسمة والشهادات
وألف مبروك لأحبتى الفائزون بالمراكز الثلاثة الأولى
ومبروك لكل من حصل على شهادات تقدير
ومبروك لى حبة الفسدق الحلوين دول
يارب منتدانايكون دوما متقدم وراقى
مودتى