الجـــــــــواز عن حبي...من وجهة نظري ..

[RoSita]

انا اتكلمت عن وجهة نظري عـــن الموضوع دا
في مدونتي في صفحــات مكشوفه ..

بس حبيت اعمل زي ما سهر قالت
ونتبادل الاراااء هنــــا احسن ...


الجواز عن حب


من وجهة نظري ان الجواز عن حب
نهايته الانفصال..
على سبيل المثال
..اتنين بيحبو بعض مرتبطين يعني
طبيعي ان على مدى فترة الارتبــاط
كل واحد يدرس شخصية التاني
بمميزاتها وعيوبها ..

وعن تجارب كتير اعرفها وشاهده عليها
ان كل من الطرفين يتغاضو ويهملو عيوب الطرف التاني
تحت دافــــع الحب ..
وان المميزات تغطي على العيوب
واللي يحبنا يشوف مميزاتنا مش عيوبنا
واللي يحب مش بيشوف عيوب حبيبه
ومراية الحب عاميه ..
بس للاسف دي بتبقى فتره

لحد مايتم المراد
اتنين بيحبو بعض اوي وخلاص اتجوزوا
وعاشو احلى حاجه في علاقتهم اتمنوها ..

انهم يبقى مع بعض في بيت واحد بالحلال




لكن..

بعد الجواز تظهر بقى العيوب بوضوح
ويبقى كل واحد مش طايق التاني
ويطلع فيه البدع..
ودا تحت مسمى التغيير
××انت اتغيرت اوي ××


ودا نهايته
الانفصاااال


دا باختصار زي ماقولت في صفحات مكشوفه
وجهة نظري
ونفسي جدااا اغيرها
بس دي حقيقه من رأيي

[∂αнмє]

هو فعلا دى الحقيقة للأسف بس
مش بتحصل دايماّ يعنى . بصى ي اختى
الحب اللى بيكون مبنى على العشرة . بيكون
اقوى واحسن . من الحب اللى بيكون قبل الجواز
دة مش معناه ان محدش يحب قبل الجواز بالعكس
بس المهم انك تقدر ازاى تحافظ على الحب دة
وميتحولش بعد الجواز لكره وحاجات كتير بتظر
بس كدة . ربنا يوفقكـ ويسعدك فى حياتكـ بالتوفيق

[العاشق الذى لم يتب]

شوفى أختى من يوم ماعرفت الدنيا قصدى من يوم ماولدتنى امى والكلام ده ليه حوالى 3000سنة
وأناأتابع كل حالات الحب
جوبت البلاد والقارات ابحث عن المحبين والمحبات
قبل الزواج وبعده
تبين الآتى ذكره
قبل : الحب بحورا وأنهارا
وبراكين فى كل لحظة تزيد أنفجارا
والسماء تهطل عشقا مدرارا
والأرض تخضرُ ولهًا وتنتجُه قنطارا
والبلابل تعزف حبا قيثارا
ويراها حورية تسره إسرارا
وتراه قنديلا يضيئ بدون سولارا
وكم تغنوا وأشدوا أشعارا
ثم معظمهم فرقتهم أقدارا
ومنهم من مات إنتحارا
بعد:
والمتزوجان منهما قد فرا فرارا
والسب والشتم وكلاً كشف أسرارا
وعندالقاضى ترجوه يفك قيودا ويفتح أبواب الأسوارا
وكان ياماكان حب يحكى أخبارا
والحقيقة:
قلماتجدتى عاشقان تزوجا وعاشا فى هناء وأكلا خيارا
إلا من رحم ربك القدير الجبارا
يارب يكون كلامى مفهوم
مودتى
أخوك
رفعت

[صافي]

انا من رائي انها بتختلف من شخص للتاني في ناس كتير اعرفها متجوزين عن حب وعايشين كويس جدا
وفي ناس للاسفاعرفها اطلقت
وعموما انا افضل البنت تتجوز صالونات احسن بس ده برضه ميمنعش انها تختار الشخصيه الي عيزاها واكيد لازم تحبه ويحبها خلال فترة الخطوبه
جميل جدا وعجبني طرح للموضوع حقيقي
بلتوفيق

[Mo chahin]

شوفى يا اوف لاين ..

انا بعترض تماما على كلامك وعلى وجه نظرك .. رغم كونها لا تمثل الا شخصك ..

ليا عوده ان شاء الله لابداء الرأى ..

[ساحر الأحزان]

أنتى قلتى من وجهة نظرك؟

وأنا برضة حقلك من وجهة نظرى؟

الجواز وفترة الخطوبة اينعم ما بتظهر كل العيوب وأيضا برضة مش كل المميزات ؟

دة كلة بيظهر لما الأتنين يبقم فى مكان واحد وكل شخص يبقى ظاهر للتانى بحكم قربهم من بعض فية أمثلة لناس

متجوزة عن حب وبسم الله ما شاء الله أحفادهم معاهم !

وبرضة فية ناس أنفصلت بسى برضة حقلك على حاجة؟

لما الحب يجى بسرعة بيروح بسرعة أنما لما أحب عن أقتناع للشخص دة بعيوبة ومميزاتة حقدر أتخطى أى عقبة

تقابلنى فى طريقى وهو برضة يعنى مش من اول موجة للبحر تفرقنا طيب أزاى يبقى حب وأرتباط دة؟

الى بيحب التانى مفيش حاجة هينة تفرق بينهم

موضوع جميل منك

موفقة

[العاشق الذى لم يتب]

اقتباس المشاركة الأصلية كتبت بواسطة ساحر الأحزان أنتى قلتى من وجهة نظرك؟ وأنا برضة حقلك من وجهة نظرى؟ الجواز وفترة الخطوبة اينعم ما بتظهر كل العيوب وأيضا برضة مش كل المميزات ؟ دة كلة بيظهر لما الأتنين يبقم فى مكان واحد وكل شخص يبقى ظاهر للتانى بحكم قربهم من بعض فية أمثلة لناس متجوزة عن حب وبسم الله ما شاء الله أحفادهم معاهم ! وبرضة فية ناس أنفصلت بسى برضة حقلك على حاجة؟ لما الحب يجى بسرعة بيروح بسرعة أنما لما أحب عن أقتناع للشخص دة بعيوبة ومميزاتة حقدر أتخطى أى عقبة تقابلنى فى طريقى وهو برضة يعنى مش من اول موجة للبحر تفرقنا طيب أزاى يبقى حب وأرتباط دة؟ الى بيحب التانى مفيش حاجة هينة تفرق بينهم موضوع جميل منك موفقة

داأنت طلعت خبير أوى بموضوع الحب
تصدأ أول مرة أعرف الحب اللى بيجى بسرعة بيمشى بسرعة
وفيهاإيه لو يجي بشويش مثلا على سرعة 5سم فى الساعة وبكدا يمشى بطيئ
والجماعة اللى طول عمرهم وجعواادمغنا بحكاية حبيتك من أول نظرة دول حبهم كان جاى بسرعة ولا ماشى بسرعة حمارجحا
أشكرك أخوياأمجد على المعلومات المفيدة دى
والله يااخى الحب تعبناخالص لامن غيره نفعين ولابيه نفعين
وفى أسبابه ضايعين وفى وسط الطريق ووأفنا
مودتى

[جوجو السندرلا]

القصة بتختلف من شخص لشخص
ولاكن من وجهت نظرى ان حبهم مش حقيقى