يا عم بقولكـ فى ثانويه عامه

[Mahmoud Mohie]

مدخل
اصبحت الثانويه العامه او مازلت شبحا يواجه كل منزل مصرى,, لا اعرف لماذا؟! ولكنه هو الواقع
الذى يحتم علينا ان نقول هذا اصبحت هى المرحله التى جيب ان ينتحر فيها الشباب كى يحصلون على
المجومع الذى يؤهلهم لدخول كليات القمه (طب - صيدله - هندسه ) حتى وان لم يكون الشاب يرغب فى اى
من هؤلاء الكليات ولكن حتميه وواجب عليه وليس بيده شيئ يفعله غير ان يقول ياعم بقولكـ فى ثانويه عامه
""
""
""
اجازة اولى ثانوى

اصبح الشاب على اعتاب الشبح ( الثانويه العامه) عندما يذهب للعب حتى وهو فى الاجازة يفكـر فى هذا الشبح
عندمـا يعود من منزله يستمع هذا الكلام ( يلا كدا يا حماده شد حيلكـ واجدعن عشان تدخل كليه طب)
وهو يقوم قايل ( انشاء الله يا ماما ) . الشاب اصبح كل تفكيره فى الثانويه العامه ,, يقول ماذا سأفعل فيها
أأذاكر 24 ساعه فى الـ24 ساعه ام ماذا سأفعل؟؟ لا اريد طبا ولا صيدله ولا هندسه
اريد ان ادخل كليه تجارة فأنا اريد كليه التجارة هذا هو هدفى ماذا سأفعل؟؟
"""
"""
"""
بدايه الدروس
يأتى الوالدين الى ابنهما ( ألأم تقول هتروح درس رياضة عند الاستاذ محمد والأب يقول لأ عند الاستاذ احمد
والواد يعنيى بيكره الاتنين ومش بيفهم منهم حاجة خالص ,, يخلص الحوار بأن الاب يقول انا اختار 3 مواد
والام 2 ,, وكأن الولد غرفه هيفرشوها على كيفهم,, وفى الاخر يروح الدروس وميتكلمش......
الواد يجيى يقول لأبوم عاوز ملخصات للمواد يقوله ماشى يابنى هاجيبلكـ
الأم تقول لأ انت مش عارف انه ملخصات احلى (( والله كلهم شكل بعض )) وينتهى الحوار كالعادة بالتقسيم.
"""
"""
""
بدايه المدرسه
بص يا حماده انت تروح شهر واحد المدرسه تشوف مين اشطر منكـ عشان تعرف يا بنى وتبقى احلى منه
راح الولد المدرسه وهو اساسا ولد محترم ومش فارقه معاه المهم نفسه .... دخل المدرسه...
"""
"""
"""
يخربيت الحب وسنينه
فى اول يوم فى المدرسه كعاده الشباب شاف فتاه الاحلام فضل يبص لها وهى تبص له راح كلمها وكلمته
دخل الفصل سرحان ولا فاهم اى حاجة .. خرج من المدرسه على البيت المرافعه اشتغلت
الاب والام : ها مين اشطر منكـ الواد بن خالكـ اشطر منكـ ولا لأ والواد جارنا ها اتكلم قول , والواد مش
فى دماغه حاجة خالص سابهم ودخل عمال يفكـر فى البنت ((عاملى فيها رومييوو <<ههههه)) اول يوم
مفتحش كتاب ولا راح اى درس
"""
"""
"""
الأم والاب
الواد ايه اللى حصله اكيد احمد جارنا اشطر منه وعارف كل حاجة . ولا يكون الاستاذ سأله ومعرفش ولا ولا ولا....
وهما ميعرفوش اللى فيها
""
""
""
قبل الامتحان بشهر
الواد بيقول هاعمل ايه انا كدا هاضيع ولا هاحصل طب ولا هانفع اساسا (( ما هو كله منها )) فضل يفكـر
ويفكـر والوقت عمال يمر ومش عارف يعمل ايـه.
""
""
""
حواااار
الحل الوحيد انى ابعد عنها والحق الم
المواد يمكن احصل الكليه اللى انا عاوزها
مع ان بابا وماما هيزعلوا بس أعمل ايه...!!
"""
"""
"""
الأمتحانات
راح الامتحان بعد محاضرات من الوالدين (( اكتب بتأنى قول باسم الله متغشش حد <<< غش انت ههههه
وحل الامتحان وكان زعلان وفرحان اصل هو حاسس انه ممكن يجيب مجموع الكليه اللى عاوزها
لكن طب ده بعده..
"""
"""
"""
اللحظه الحاسمه
وجاءت النتيجه وطبعا الواد احساسه مخيبش وجاب مجموع التجارة بالعافيه
طبعا ابو ه وامه كانوا هيموووتووا ابن الجيران دخل طب وابن خاله دخل هندسه.
"""
"""
"""
الأخ المتواضع الحنون
جاله اخوه بعد فترة وقاله برافوو عليكـ بجد مجموع جميل وهتدخل الكليه اللى انت عاوزها
بس لازم تثبت لهم ان مش لازم طب عشان تبقى حلو...
"""
"""
"""
عزم - اراده - كفاح
دخل الولد الكليه واصبح من الفائقين فيها
واصبح معيدا فى الكليه... واثبتلهم ان لازم الانسان يدخل المجال اللى حابه
"""
"""
"""
"""
اعــتـــزار
ابوه وامه جم قالوا له عندكـ حق احنا كنا غلطانين والحمد لله انت بقيت احلى مما كنا نتصور بكتيييييير..
"""
"""
"""
النهايه
انا بس كنت عاوز اوضح ان مش لازم كليه قمه عشان الانسان يكون محبوب بين الناس
ومفيش حاجة اسمها شبح الثانويه لأنها سنه زى اى سنه
فى الأخير يا رب تكونوا استمتعتوا بالموضوع
خالص تحياتى لكمـ
اخوكمـ

m@7m0ud

[قلم بلا حبر]

بص يا حوده انا عايز اقولك على حاجه يمكن قدامنا ومحدش بيديها اهتمام

هى ان اغنى اغنياء العالم ومشاهيره لا دكاتره ولا مهندسين

انا بردلك بما انى كنت فى كليه من كليات القمه ,, والله يا حوده الفرق الوحيد بينها وبين اى كليه تانيه هى انها مجال لازم يكون ليه اللى يحبه مش اكتر

انما حكاية المجموع دى مش دليل على انك دكتور من الثانويه ,, وده سبب فى عماراتنا اللى بتقع والاطفال الىل بتموت فى غرفة العمليات

يمكن فى توجه جديد فى وزارة التعليم العالى هى امتحان قدرات ومواد معينه من غيرها الطالب مش حيقبل فى كليات القمه

وملحوظه صغيره ,,

اللى صنع كلمة كليات القمه مش الكليات نفسها بالعكس المجتمع ووضعه هم السبب

بتلاقى الكل بيتكلم انك لو مهندس حتتخرج حتلاقى شغل ولو دكتور شغلتك برده موجوده انما حكاية محاسب دى فيها تشكك شويه

انما لو مجتمع ليه دعائم اقتصاديه متوازنه حتلاقى ان الكليات كلها كليات قمه للى يجتهد فيها

انما واحد خريج كلية تربيه رياضيه مثلا تلاقيه فى الاخير مدرس العاب ب 120 جنيه ولو حظه كويس يتعين فى مركز شباب

واحد تانى خريج حقوق لو معاه واسطه ممكن ربنا يكرمه بوظيفه فى الشؤون القانونيه فى اى شركه وغير كده فمقدموش غير انه يطلع كارنيه النقابه ويمارس المهنه

يعنى الوضع الاقتصادى الىل احنا فيه هو السبب ان فى كليات كتير حقها مهدر

ولو بتابع حتعرف ان اطباء مصر بقالهم فتره بيحاولوا رفع اجورهم لان مرتب الدكتور حوالى 150 جنيه

يعنى هى فى الاخير معادله مختله والسبب فيها الوضع الاقتصادى

فالاحسن انك تعمل الىل بتحبه لان ممكن ييجى اليوم اللى ينصلح فيه الحال وساعتها حتبدع فيه

وربنا يديك ويدينا طولة العمر

خالص تقديرى يا حوده

تحياااااااااااااااااااتى"""""""""""

[الورده]

انا بايدك صحيح اني مش في الثانوية لكن الي بشوفو وبسمعوا دليل على ان الثانوية شبح عند كلا الجنسين شباب و بنات وعلى العموم الموضوع اكثر من رااااااااااااااااااااااااااااااااائع
مستنية موضوعك الجاي مرسيييييييييييييييييييييي

[ياسمينة البلاد]

سلمت يداك ياBroken Heart بس على فكرة فعلا مش احنا بس اللي بنهتم بكليات القمة اهتمام يصل لحد الهوس , الغرب كذلك بردو بس هما اقل مننا بدرجات متفاوتة بس عندهم الموضوع دة شغال .

بس و الله حرام ان مستقبل شخص يتوقف على سنة واحدة .

و مشكووووور على سلاسة الطرح .

[~ zahorah~]

الموضوع جميل جدا ،،

يعني انا برأي

انوا نفسي ادخل كلية هندسة ،، لاني انا بحب الهندسة و نفسي ابقى مهندسة

مش لانوا العيلة عايزة كدا ...

هو الموضوع في الاول و الاخير موضوع رغبة الطالب فقط ،،

و لا يحق للولدين بتدخل نهائيا

/

/

و الكلية لا تحكم على الانسان و وظيفته ،، يعني يا ما شفنا خرجين هندسة

و وظيفته سواق تاكس ((مش بقلل من قيمة سواق التاكسي ،، بس دا درس و عنيه تورمت ))


/

/

و كمان انا بشوف ناس بتبدع في المجال اللي اختاروا هم

و مش ضرورري تكون كلية قمة

مع انهم ما كنوش متفوقين في المدرسة ،، لان في المدرسة تلات ارباع المواد ما بنحبهاش



و انا بتضايق جدا جدا جدا ،،

لما تلاقي الاب و الام بيفرضوا على اولادهم دخول كلية مش بيحبوها ،،


بس انا بوجهة نظري ،، حتى لو الطالب مش عايزة يدخل ((طب،، هندسة ،، صيدلة ))

لازم يجيب مجموع حميل في الثانوية العامة

يعني بحس انو يقدر يحقق حاجة جميلة ،، لما يتحدا حالوا و يجبر نفسة و يجيب مجموع الكبير

حتى و ان كان مش عايز يدخل كلية من كليات القمة ،،





مرسي اووووووووووووي ياا Broken Heart على التوبيك الجميل جدا

أختك/ دموع الندم

[SiLver Spectra]

و الله يا ابني المجتمع فيه حاجات كتير مش مظبوطه...ولا حد يقدر يظبطها لأنها بتندرج تحت عرف المجتمع

و العرف صعب إنك تغير نظرته....بتبقى محتاج معجزه و طفرة على كل المقاييس...

من حيث الدخل ففي الحكومة كله محصل بعضه...دا إن إتوظفت

في الخاص بيكون الدخل أفضل....لكن الفرصة أصعب ...و الدخل بيتفاوت حسب المهنة مش حسب الكلية

أمال المشكلة فين؟

في المكانة الإجتماعية إلي الناس بتقيسها بالكلية

كلنا بلا إستثناء

حتى و إن كنت واعي...بإن الكلية لا تعبر عن فكر و شخصية الشخص إلي أدامي

أنا شخصيا بقابل ناس في طب بتبقى دماغهم تعبانه...و بعضه ما بيفهمش حاجه غير إنه يحفظ!

و برضو بقابل ناس في كليات مش قمة...و بتلاقي ثقافتها عالية

ايه الفرق بين طالب تجارة أو طب؟

نتيجة ثانوية عامة!!!


في الآخر نصيحتي لأي بني آدم...يدخل الكلية إلي تعجبه

لكن واضح إن أغلب الشباب و منهم أنا مش بيكون ليهم ميول لكلية معينه في الثانوية العامة....لأنه مش بيبقى عارف و فاهم رغباته الحقيقية إلي في الغالب مش بشوفها في المنظومة التعليمية (الكليات)

فدي بتشكل مشكلة تانية و بتفاقهما أكتر....فبيكون كل الإعتماد على المجموع إلي هيجيبه و على حسبه هيخش الكلية


(في ناس تقولك أنا نفسي أخش صيدلة مش حبا في المادة و لكن حبا في المكانة الإجتماعية أو المنصب!!)

و نصيحة تانية.....

ذاكر و أعمل إلي عليك في الثانوية العامة...

في الآخر إنت فرد من المجتمع.....و لازم تراعي تقاليده مهما كان فكرك

هتلاقي العرف هو السائد........و هتلاقي سواق الميكروباص قليل الشأن...الدكتور عالي الشأن!!

و عشان نبقى منصفين....أكيد في أسباب خلت الأول مالوش قيمة و التاني له قيمة

الأول ما كنش بيهتم بدراسته....مش واعي لمستقبله

في حين التاني كان واعي أكثر بدراسته و كان بيخطط كويس



يعني بتفرق في الشخصية نوعا ما...

لكن نظرة المجتمع بتخلي الأول أكثر سلبية و الثاني أكثر ايجابية

دي بتعمل مشكلة...

و كمان في مشكلة الهجوم على كليات معينه و تصنيفها على أنها من القمم

الشخص إلي بيعرف يخطط و يدرس و يفهم...بيخير ما بين 3 كليات للأسف!!

دي أكبر مشكلة أنا شايف إننا بنعاني منهما


ألف شكر على موضوعك يا محمود

الموضوع رائع فعلا...الكلام في الموضوع ما يخلصش


و ربنا يوفك في دراستك

[صافي]

انا كنت عايزة ادخل اعلام عشان انا كنت عايزة كدة بس المجموع ههههههههه
حلو يامحمدود
تحياتي
اختك

[Mahmoud Mohie]

اقتباس:
المشاركة الأصلية كتبت بواسطة قلم بلا حبر
بص يا حوده انا عايز اقولك على حاجه يمكن قدامنا ومحدش بيديها اهتمام

هى ان اغنى اغنياء العالم ومشاهيره لا دكاتره ولا مهندسين

انا بردلك بما انى كنت فى كليه من كليات القم
ه<<مبرووووك مؤخرا على المجموع
,, والله يا حوده الفرق الوحيد بينها وبين اى كليه تانيه هى انها مجال لازم يكون ليه اللى يحبه مش اكتر

انما حكاية المجموع دى مش دليل على انك دكتور من الثانويه ,, وده سبب فى عماراتنا اللى بتقع والاطفال الىل بتموت فى غرفة العمليات

يمكن فى توجه جديد فى وزارة التعليم العالى هى امتحان قدرات ومواد معينه من غيرها الطالب مش حيقبل فى كليات القمه
لأ بس كدا هتزوذودها يعنى الواسطه هتشتغل والرشاوى لو النظام هيكون كدا ولا ايه يا سيد

وملحوظه صغيره ,,

اللى صنع كلمة كليات القمه مش الكليات نفسها بالعكس المجتمع ووضعه هم السبب

بتلاقى الكل بيتكلم انك لو مهندس حتتخرج حتلاقى شغل ولو دكتور شغلتك برده موجوده انما حكاية محاسب دى فيها تشكك شويه

انما لو مجتمع ليه دعائم اقتصاديه متوازنه حتلاقى ان الكليات كلها كليات قمه للى يجتهد فيها

انما واحد خريج كلية تربيه رياضيه مثلا تلاقيه فى الاخير مدرس العاب ب 120 جنيه ولو حظه كويس يتعين فى مركز شباب

واحد تانى خريج حقوق لو معاه واسطه ممكن ربنا يكرمه بوظيفه فى الشؤون القانونيه فى اى شركه وغير كده فمقدموش غير انه يطلع كارنيه النقابه ويمارس المهنه

يعنى الوضع الاقتصادى الىل احنا فيه هو السبب ان فى كليات كتير حقها مهدر

ولو بتابع حتعرف ان اطباء مصر بقالهم فتره بيحاولوا رفع اجورهم لان مرتب الدكتور حوالى 150 جنيه
والله عندكـ حق الدكتور لو حسبناها هنلاقى زى المدرس زى المحامى مش فارقه كتير
كل الفروووق فرديه بيتجي من اصرار الشخص نفسه

يعنى هى فى الاخير معادله مختله والسبب فيها الوضع الاقتصادى

فالاحسن انك تعمل الىل بتحبه لان ممكن ييجى اليوم اللى ينصلح فيه الحال وساعتها حتبدع فيه

وربنا يديك ويدينا طولة العمر

خالص تقديرى يا حوده

تحياااااااااااااااااااتى"""""""""""
تسلم يا غالى على حسن الرد
خالص شكرى وتقديرى لكـ
اخوكــ
m@7m0ud

[Mahmoud Mohie]

اقتباس:
المشاركة الأصلية كتبت بواسطة الورده
انا بايدك صحيح اني مش في الثانوية لكن الي بشوفو وبسمعوا دليل على ان الثانوية شبح عند كلا الجنسين شباب و بنات وعلى العموم الموضوع اكثر من رااااااااااااااااااااااااااااااااائع
مستنية موضوعك الجاي مرسيييييييييييييييييييييي



تسلمى يا غاليه على الرد وانشاء الله قريبا موضوع جديدتحياتى لكىm@7m0ud

[funny bunny]

ميرسي على التوبيك الجنان

انا في ثانوية السنة دي وبصراحة لسة مقررتش هدخل إيه ولا نفسي في ايه <<< سايباها على الله

بس الواحد يقلق الاول على السنة دي بعدين يفكر في اللي بعد كده وهو هيدخل ايه

انا شايفه كده لازم الواحد يشد حيله في اللي هو فيه ويجيب نسبة عالية على قد ما يقدر

بعدين يختار كلية على مزاجه او على حسب اللي يحبه و هيرتاح فيه

وكمان ميحبش في الثانوي هههههههههههههههههههههه

تسلم تقبل مروري