مٌبارزه فى قفص حديدي 11 ,,

[الرحــاال المٌتَمرد]

اقتباس المشاركة الأصلية كتبت بواسطة lady lead يا عم شكلك مكسوف بتلملم شوية حروف هات كلام م الجوف و اطلع م الكهوف

ما قولنا سهره بـ روقان
من غير مٌبارزه وسكاكين
إفتكروني يا ناس غلبان
أما الحقيقه هٌما المساكين

[booody99]

والله الواحد جواه كلام

بس مستني ناس تجيب اخرها

لو ولعت محدش هينام

وساعتها دورلك على بلد غيرها

[lady lead]

عين ف الكتاب و عين بَره
نفسي أذاكر بضمير مَرة
لما أتخرج هكسر قُلة
و لا أقولك هكسر جَرة
..

سلام يا أحلى أقلام

[جبل عالي]

ونرجع من تاني نقول ونعيد

النفس ضعيفة ومهياش حديد

طب ليه نقسى عليها ونزيد

خلينا نعيشها بحب بلا تعقيد

[lady lead]

بارز بقلمك الحاد
و اوعى كلامك يتعاد
لِف كل البلاد
و علمهم يكونوا رواد
..
ما قلت سلام
إيه اللي جابني!

[الرحــاال المٌتَمرد]

منورانا يا جبل بحضورك
وكلامك إللى إتعلمنا منٌه
سمعينا وخٌدي معانا دورك
بــ قلمك اللى سابق سِنٌه

[الرحــاال المٌتَمرد]

وعدتنى معاها هكمل حياتى
وسابتني فـ وقت ما إحتجتلها
إللى كــانت بتــحلي أوقــاتي
مكنـتـش أتصــور أتجـــرح منها

[booody99]

بما ان الي هنا حبايب

ايه رايكم نلعب الصراحه

نقول ايه الي فينا عايب

وبصورة جميله وبراحه

[الرحــاال المٌتَمرد]

بيحدفوا بعض بـ الطوب
وقنابل وشماريخ ومطاوي
يا شعــب كــان مــركوب
وكاتم صرختٌه جوه الأغاني

[الرحــاال المٌتَمرد]

نسينا زمن العبــدويــه و السكوت
وصوتنا عِللي وبنضرب فـ بعضنا
كانت حــروبنــا علشــان القــوت
أما إنهارده إتغير خلاص حلمنا

يٌتبع