الحلقة الاولي من يوميات هو وهي

[phalsteen]

تبدأ الحلقة بمكلمة تليفونية من أسماء لسارة


سارة : حد بيكلم حد دلوقتي
عاوزة ايه يا نيلة انتي


أسماء : انتي لسة متنيلة نايمة
قومي بسرعة بابا مي تعبانة واجهزي علشان هفوت عليكي
نروح مع بعض يالا سلام

سارة : انتي عبيطة يا بت استني فهميني

أسماء : لما اجي هقولك يلا مفيش وقت


سارة : حسبي الله ونعم الوكيل كنت لسة هحلم : 28:

قامت سارة تجهز وبعد شوية جات اسماء


أسماء : وحشتني يا بت


سارة : نفسي تكلميني وتقوليلي خبر حلو
يعني حد اتعمي في عينه وخطبط ولا حاجة ربنا كرمك وجتلك سفرية للسودان
اي حاجة من كدة

أسماء : طب يالا يا اختي وبطلي لماضة وبعدين انتي شغالة ضحك وهزار كدة
وصحبتك تعبانة خلي عندك دم

سارة : اصلي همت وانام وبعدين انا اول مرة اروحلها
ما بلاش بدل ما اعك الدنياا

أسماء : قدامي يا سارة علشان مقلش ادبي ع الصبح

سارة : قلبك ابيض يا اختي انتي عارفة الطريق
انا معرفش اساسا بلدها ولا عمري نزلتها

أسماء : ولا أنا

سارة : حلو اوي كدة يالا ع البركة يا اخر صبري انجري بئا من سكات

في الطريق وبعد مليون مشكلة وصلوا لبلد صاحبيهم مي وادام البيت


سارة : هو دا البيت

أسماء : مش عارفة محدش بيرد ع التليفون


سارة : بصي احنا هنقف هنا لو حد فات او حسينا بحركة مش طبيعية يبقي هو دا البيت

أسماء : لا يا اختي ذكية من يومك

سارة شافت بنت صغيرة معدية بتلعب

سارة : انتي يا امورة هو دا بيت أبلة مي تعرفيها

البنوته : اه وعندهم ناس كتير


أسماء : طب يالا يا سارة ادخلي انتي الاول


سارة : يالا بئا بلاش لعب عيال هندخل سوا

ولسة سارة وأسماء بيدخلوا سمعوا صوت عالي وناس بتجري وحاجات مش مفهومة


ولما بيرنوا جرس الشقة فتح لهم الباب شاب بص كدة يمينه وشماله

وفجأه

دخل يجري وسابهم علي الباب


سارة : بداية مبشرة بكل خير منك لله ياللي في بالي

أسماء : انا حاسه انها حالة ولادة مش تعب ولا حاجة

سارة : تعالي نقعد علي السلم انا رجلي وجعتني

أسماء : هس اسكتي ماما مي اهي

سارة : سلام عليكم ازيك يا طنطط البقاء

ام مي : ربنا يخليكي حببتي مي في اوضتها ادخلوا لها

أسماء : يالا بسرعة اصلي خابفة

يالا ندخل للبت نقول كلمتين ونروح

سارة : تعالي يالا انا كمان حاسة اني قلقانة ومش مرتاحة

صوت غريب ( اوك يا سامح انا هروح وهجيلك بليل اي اوامر يا صاحبي )


سامح ( اخو مي ) : لا يا احمد متحرمش منك


كدة احمد مروح وسارة وأسماء داخلين لكن احمد وقف لما شافهم

وقال سلام عليكم انا اسف يا جماعة فتحت ومشيت من غير ما اقول اتفضلوا


أسماء : لا عادي محصلش حاجة احنا افتكرنا في حاجة


أحمد : بس صاحبتك شكلها مدايف

أسماء : لا ابدا هي بس مستعجلة مش كدة يا سارة

سارة : لا مدايقة محدش يعمل كدة دا انت شككتنا في نفسنا
وكنا هنقعد علي السلم نستني الفرج

ايه دا حد يعامل ضيوفه كده

أحمد : هههه حقك عليا يا ستي متزعليش اتفضلي

سارة : حد قالك اني مش هتفضل

احمد : فرصة سعيدة يا انسات


سارة : سعيدة ازاي دي البت تعبانة اهي المهم اختك فين
فين الاوضه بتاعتها

احمد : اختي مين اختي في السعودية


سارة : الله انتوا نقلتوا اوضتها السعودية لا دي قريب خالص اهي

احمد : انا مش سامح انا احمد صاحبه


سارة : ................................






المرة الجاية نكمل ونشوف سارة هتعمل ايه
وياتري احمد هيسكت لما سارة تزعق
طب وهيتعرف عليها ازاي
يالا مستنين ايه الحلقة خلصت والنعمة : 18:: 18:: 18:

[S n i p e R]

ههههههههههههههههههههه

حلوة الحلقة

واحمد راجل ذوق بصراحة

جدع يا احمد

بس لو زودتها اديها قلمين كدا اعدلها

حلو الموضوع والقصة يا نفرتيتي

تحياتي

[ساحر الأحزان]

حلقة جميلة ومشوقة
تتابع فى الحوار جميل منك

واحمد دورة جميل
منتظرين التكملة الظريفة منك
موفقة

[مُنـــــايا]

حلقه جميله منكـ حبيبتي وطريقه سردها سلس ومشوق في انتظار التكمله بشغف لروحكـ السعاده

[طِيشْ !]

لذيذة أوووي


تسلم إيدكـ يا قمري ..~


متآبعين بئآ

ودي ووردي

[ماتركس]

لا يا نفرتيتي

انتي فنانه

تسلم ايدك بصراحه اول مره اشوف واحد اسمه احمد ويكون زوق

كل الاحمدات لبض هههههههههه

[morshooo]

احمد لا يسكت ابدا
هههههههههههههه
حلقه جميله جدا
وفى انتظار الحلقه القادمه
وياترى هيحصل اية ؟
بالتوفيق

[Arco Baleno]

بدايه ابداعيه وجميلهوحوار ممتاز
في انتظار الحلقه القادمه حبيبتي

[Hearts Whisper]

حلقة جميلة اوى اوى
وحلو جو التشويق دا
واحلى حاجة اسلوب الكلام
جميل اوى يا قمر
فى انتظار الجديد

[ارهابية وامى عرفة]

ياى انا متشوقة اوى
عوزة اعرف بجد متئخريش فى الحلقة الى جاية عشان
عوزة اعرف بجد هيجرالى حاجة
تسلمى على المسلسل الجميل دة
تقبلى مرورى