لو بطلنا نكذب على بعض

[العاشق الذى لم يتب]

أخوانى أولاد مصر الطيبين السلام عليكم ورحمة الله وبركاته أزيكم وأخباركم إيه يارب تكونوا بألف خير وعافية وصحة وهنا وسرور وطبعا أناعارف أنكم الأيام دى مقهورين ومنتنرفزين ومتعصبين زى حلاتى كده ربنا مايرميكم فى ضيقة ولاهم قولواآمين وحبيت أحكى معاكم شوية ماأنتوا برضو مصريين وكمان حبيايبنا اللى معانا فى المنتدى أخواتنا وإخواننا من الدول العربية واللى يزعلنايزعلهم واللى يفرحنا يفرحهم مش كده ولاإيييييييييه نخش فى الموضوع على طول: فى الفترة الأخيرة دى شوفت وأسمعت زى ماحضراتكو شوفتم زى أى برنامج فى أى قناة تسمعوا حضرة السيد المبجل المذيع بيه ربنا يطول لسانه ومايحرمناش من فشره وتقاليعه هو السيدالفاضل ضيفه الأستاذ المحاضر والكاتب الكبير والسياسى المحنك وعضو لجنة حقوق الانسان الريفية الموجودة تحت شجرة التوت العجوزة بقرية مش تبع مصر . وفى برنامج الكذبة الحقيقية وبيسأل المذيع الفقير وظروفه على أده يدوب بياخد فى السنة 15مليون جنيه بس وعلشان العيال وأمهم أضر يشتغل فى القناة بالمبلغ الزهيدده مرحب بيك دكتور فشرصحيح. أهلا وسهلا بيك أخويا شملول سعيد وأنا معاك انهرده شرفتنى وكان نفسى تنورنا من زمان بس أهو جات الفرصة وحضرتك نورت القناة طبعا سعادتك سمعت عن الخبر اللى جميع وكلات الانباء ذاعته ومنشورفى كل الجرايد وتناقلته جميع المحطات الفضائية وكمان سيادة الريس شخصيا عمل صحفى عالمى وفى مجلس الأمن الدولى وقال وبلسانه أننى بعت قناة السويس لدولة قطرالشقيقة علشان هم عندهم أمكانيات ضخمة وخبرة كبيرة فى مجال النقل البحرى وكمان قال سيادته أنه أتفق كع دولة السودان الشقيقة بأن من الشهر القادم سوف يسلمها حلايب وشلاتين. إيه رأيك فى الكلام ده واسمحلى قبل ماأسمع إجابة حضرتك أقول كلمتين واقفين فى زورى هو سيادة الرئيس كانت العزبة دى بتاعة أبوه ولابتاعة الاخوان المسلمين قاعد يبيع قناةالسويس وكمان يسلم للسودان حلايب وشلاتين اللى مافيش رئيش فى مصر قبل كده اعترف وقال انه هيسلمها للسودان بدءأ من الملك فاروق وعبدالناصر والسادات والمخلوع ربنايرجعله ضرسه ولاأنت شايف إيه. قال حضرة الحقوقى : والله ياأخى اللى بيعمله مرسى شيئ تعدى الحدود أنا أعتقد والله أعلم أنه هو المرشد باعوا الصحراء الغربية بدءأ من أسكندرية لحد اللواحات للحكومة الليبية الجديدة وده خبر حصرى أول مرة حديعرفه فى مصر وهيبقى سبق صحفى لقناتكم المحترمة دى. وطبعا ياأخوانىده كان جزء من برنامج مطول فى قناةوحدةبس وشوفوابنفسكم انتوا وتابعوا القنوات والجرايد وأسمعواتفرج يسلام بذمتكم مش ده فشر بتكولونجياحديثة هولوبطلنانفشر ونكذب ونتوكل على الله ونعمربلدنا مش كان أحسن سامحونى طولت عليكم مع تحيات أخوكم رفعت

[ملاك صعبة الإمتلاك]

مضووع في قمة الرووعة اخي الغالي ,, تسلم ايدك

[العاشق الذى لم يتب]

اقتباس المشاركة الأصلية كتبت بواسطة ملاك صعبة الإمتلاك مضووع في قمة الرووعة اخي الغالي ,, تسلم ايدك

اشكرك اختى ملاك
اسعدنى مرورك
مودتى

[Arco Baleno]

اجمل ما في الموضوع انه بقلمك جميل كلامك ورائع
كذا دوما مميز يارفعه تسلم يارب على ابداعك

[العاشق الذى لم يتب]

اقتباس المشاركة الأصلية كتبت بواسطة arco baleno اجمل ما في الموضوع انه بقلمك جميل كلامك ورائع كذا دوما مميز يارفعه تسلم يارب على ابداعك

والله وانت كم تسعدينى بتشجيعك لى
وكلامك الطيب وثنائك لى يفرحنى جدا
أشكرك أختى الفاضلة
مودتى