لية يا دنيا ؟

[phalsteen]

لية يا دنيا عليا تقسي

لية يا صعبة محنتيش

في وسك نارك ماشية راضية

وبين بحورك عايمة تايهة مبشتكيش

لية بغدرك بدية دايما

وبمرارك تبقي نار علي المظلومين

لية في حبك كنت طامعة

وانتي من الاحزان تقولي متخرجيش

لية تعزي كل ظالم

وتدوسي جامد علي الضعيف

فيكي هبقي يا دنيا زاهد




ومهما تدي هقول جبانة متبقيش

هدوس عليكي بقلب جامد

واصرخ عشان متهدنيش

انتي فاكرة اني هجامل

هقول جميلة متفتريش

لا هقولها في كل شارع

جنبي كان ولا بعيد

دنيا ظالمة وحق ضايع

مفهاش مكان لحق ضايع او حزين

[دمعه حائره]

بنتعب على الدنيا والعيب فينا احنا
الظلم انتشروالقيم ماتت ومابقاش فيه امان بين البشر
جميل الذهد لو هايقربنا من ربنا اكتر
ونحتسب الاجر على كل آلامنا فيها
تسلمى كلمات عتاب جميله
ودى,,

[ساحر الأحزان]

كلام جميل

وعتاب

وهكذا حال الدنيا بنمشى فيها

وما نعرف اية مستخبى لينا

جميل كلامك

يدوم النشاط
موفقة

[على محمد محمود]

تحياتى لكم جميعا فى غايه الروعه

[الرحــاال المٌتَمرد]

ليه يا دٌنيا !!
فـ الكٌل يسأل ,,
وهي لا تٌجيب
نَص جميل وحرف نابض
وكلمات نابعه مِن القلب صادقه
نيفرتيتي ,,
خطوات ثابته وقلم أنيق
أجاد الوصف والتعبير
كٌل الإحترام والتقدير
مَع التقييم والتثبيت + وسام التَميٌز
ودائماً بإنتظار كٌل جديد لكِ

[Words Whisper]

وماذا يكون جوابها ؟!
أنحن من نتحدث باسمها
فنجد الجواب منا
أو أن الأسئلة تبقى بلاإجابة ؟!
ثم هل الأسئلة لها أم لنا فنحن من نرسمها ؟!


راقني طرحكِ سما
شاكرة لكِ غاليتي ..
دمتِ بتوفيق وسعادة ..

[السفيره عزيزه]

بسم الله الرحمن الرحيم

لن تدوم حتى نبكى عليها كثيرا
هى هى بشمسها وقمرها اميره
ونحن نحن وشعارات كم عليله
نظلم بعضنا البعض وهى بريئه
لوانها بالحزن والالم و ما لها حيله
هى خطوات معدوده وهى لنا مشيره
الطريق من هنا ولنا ان نختار الوسيله


سلمتى ودمتى بخير

السفيره