محتاجة مساعدتكوا جدا جدا

[زهرة الياسمين]

السلام عليكم ورحمة الله وبركاته
عندي مشكلة كبيرة اوي حصلتلي مع أعز وأغلى صديقة ليا بس بجد غلطة غير مقصودة أبدا ونا فعلا بعترف بغلطي بس عايزة ليها حل بسرعة متتخيلوش صاحبتي دي غلاوتها عاملة ازاي عندي بس شكلي خسرتها فعلا وخسرت كل الثقة اللي كانت بينا
هحكيلكم الحكاية بقى عشان ماتتوهوش مني بس
دي صاحبتي في الجامعة اتفقنا في بداية السنة نعمل جروب عالفيس بوك نتسلى فيه لن الجامعة بتاعتنا تعليم ذاني اون لاين يعني فألب الاوقات فاضين فقولنا نتسلى شوية وهيا تضيف صاحباتها وانا اضيف صاحباتي وكدة
المهم عملناه فعلا فاكتشفت ايه بقى انها ضايفة فيه ولاد فقولتلها لا احنا متفقين بنات بس فقالتلي دول بس 3 وكانوا معايا في جروب قدرات فبل كدة ومحترمين يعني طلعوا فعلا كدة بنتكلم جوه الجروب وبنهزر وعادي زي الاخوات
المهم في مرة جات شافتني سرحانة كدة وبعدين لقيتها بتوقلي انتي الكومنتات بتاعتك عالجروب غريبة كدة باين جدا على فكرة عليكي انك بتحبي وكدة قولتلها لا مفيش وكلام كتير بقى لغاية ماسالتها طب وانتي بعد مراوغة كتيرة يعني قالتلي ايوة فيه سألتها طب مين قالتلي انتي تعرفيه قولتلها على طول هووا اول واحد جه في بالي فلاناللي في الجروب؟
ضحكت وقالتلي عرفتي منين هوا باين عليا قلتلها لا بس حسيت انكوا واخدين على بعض اوي
كل ده ملوش علاقة بالمشكلة
المشكلة بقى اللي حصلت ومش قادرة اسامح نفسي عليها وعايزة منكوا تساعدوني في حلها
هيا ان في مرة جه الواد ده وكتبلي كومنت في بوست كدة كنت ناشراه انا هجيبلك عريس هوا الكومنت ده كان هزار ومن مضمون البوست عادي يعني المهم انا رحت راده وقايلة ايه بقى بلساني اللي عايز قطعه ده اديه لفلانة)
وبس على كدة لحد ما بعدها بدقايق لقيتله باعتلي رسالة وبيقولي الكومنت بتاعك ده هيوديني في ستين داهية واحد صاحبي كان قاعد جنبي ومش عارف بقى شافو ولا لا وانا مش عارف اعمل ايه دلوقتي انا مفهم صحابي ان انا بحب بنت تانية انا مجبش سيرتها خالص
بجد حسيت اني ندلة اوي والله من ساعتها وانا مقهورة جدا مش عارفة اتصرف ازاي انا ورطها ورطة كبيرة اوي اظن لو حد مكانها ماكانش هيسامحني وده حقها طبعا
اه نسيت اوقلكم الواد ده بلدياتها وكان معاهافي ابتدائي ورفوا بعض عن طريق ابن خالتها وهوا ناوي يخطبها بس مستني سنة كمان كدة ولا حاجة
هيا محترمة جداا وهوا كمان
بجد مش عارفة الحل ايه دلوقتي ساعدوني بقى بسرعة
واسفة طولت عليكم

[ساحر الأحزان]

أنتى قلتى كلامك بحسن نية مش قصدك انك تزعليها؟

احكيلها وعرفيها انة هزار ومن دون قصد منك لأنك بتحبيها وتعتبر صديقتك الانتيم }
وأنك تسرعتى بحكم انة كلام هزار ومتقصديش منة حاجة ؟
وهى أن شاء الله تتقبل كلامك لانها بتحبك وأنتو طول عمركو اصدقاء مع بعض ؟

وأتعلمى بقى بعد كدة لسانك دة يبقى جيبى قفل واقفلى علية بية ؟

على شان ميحصلشى حاجة بعد كدة وهو درس وعلمك..

وأن شاء الله تعود العلاقة بينكم زى الاول وأكتر أن شاء الله؛

موفقة بحياتكـ

[nour_omry]

فهميها انك مكنش قصدك
وان غلطك غير مقصود

[على محمد محمود]

حاولى تكلميها عن طريق حد من اصحابكم
اذا كانت رافضه تسمعلك بس يكون حد قريب منها جدا
حتى يقدر ياثر عليها ويفهمها انك قولتى الكلام ده بحسن نيه
او بهزار ومش ممكن تكونى بتقوليه بصوره مباشره
بس اهم شى الشخص اللى هيبلغها كلامك لازم يكون محل ثقه
وكمان يكون هى كمان بتعزه وتحترمه
بكده هيكون فى تاثير عليها
وبلغيها بكلام الله هو اكتر وسيله بتاثر فى الانسان المحترم مثل صحبتك
والله الموفق
ويا رب يجمعكم على خير
والسلام عليكم ورحمه الله وبركاته

[زهرة الياسمين]

شكرا ليكم بجد
انا بعتلها رسالة قولتلها ان حصلت حاجة كدة وعايزاه اقولك عليها
هيا لحد دلوقتي متعرفش حاجة بس خايفة هوا يحكيلها قلبي انا عايزة انا اللي اقولها عشان اعرف ردة فعلها ايه
بجد من ساعة الموضوع ده وانا متضايقة اوي
ههههههه عجبني اوي موضوع القفل ده ياساحر المفروض بصراحة لأني دايما لساني فالت مني كدة

[الابتسامه المصريه]

انتى غلطانه
وهى عندها حق تزعل منك وانا لو مكانها ما اكلمك ابدااااااااااااا
روحى ليها وتأسفى وخليكى وراها لحد ما تصلحك
وربنا يهدى

[زهرة الياسمين]

بحترم رايك جدا طبعا وعنك حق بس صدقيني احنا لما بنلاقي ناس بالجمال ده وفيهم معنى الصداقة الحقيقة صعب اننا نعوضهم ابدا لان مش سهل اننا نلاقي زيهم ولا بنلاقيهم مثلا في الشارع

وربنا يستر بس هيا غطسانة ومش عايزة اكلمها عالتلفون خايفة حد يسمع حاجة
منورة ياقلبي

[شاعرة الرومانسيه]

حبيبة قلبى هى مشكلتنا فى سلامة النيه

انتى اكيد غلطانه ولكن غلط غير مقصود

وعلى حد علمى انكم اصدقاء قوى

اكيد هتسامح

بس بسرعه عرفيها كل شىء بالتفصيل

وصدقينى زوبعه وهتعدى

بس زى ما ساحر الاحزان قالك

جيبى قفل على قمك واوعى تعمليها تانى

ونصيحه منى

احزرى من الفيسبوك

وخليكى حزره دى نصيحه من اخت لكى

ولاش سلامة النيه

لأننا بنتكلم مع بعض فى النت

والنت دا أكذوبه كبيره

اتمنى لكى السلامه

[زهرة الياسمين]

تسلمي عالمرور والرد
مش قادرة اقولها ازاي اصلا
بس هيا فعلا طيوبة احنا صحاب جدا وفي ثقة بينا اكيد هتسامحني

[دمعه حائره]

مش هازيد على اللى اتقال
والموضوع بسيط مش تقلقى وطالما انتى بتحبيها كده
اكيد هي هاتقدر ده وهاتسامحك
واعملى حدود للهزار بعد كده مع اى حد