بصراحة مع Ļẻtסĩ√

[مِسكُ الشَهادة]

بينما كنا نسير ُ في عمق ِ طريقنا لمستقبل ٍ زاهر وإذا بنا نفتح صفحات ٍجديدة نعتز بها ونفخر ... ندون في قلوبنا أشخاصا ً نبتسم حين نتشرف بلقياهم وإن كانت صدفة أو لقاء أولي إلا أننا نثمن مدى تقديرنا لهم رحبوا معنا بضيفنا لهذا الحلقة من برنامج بصراحة ضيفة نعتز بتواجدها الوقاد بيننا ونسعد بما يخط ُ قلمها اليافع تألقا ً وإبداع ... إنها الأخت الكريمة :_ Ļẻtסĩ√ أهلا ً وسهلا ً بك ِ أختي شرفنا حضورك ننتقل بكم لمضمون الحوار ...

س1_ عرفينا عن نفسك بشكل مختصر ؟ أسيل سالم مصرية من اسكندرية عندى 27 سنه متزوجه وعندى بنوته ربنا يخليهالى نسأل الله تعالى أن يحفظها لك ِ أختي الغالية ... س2_ رحلتك في المنتدى هنا تصفيها إزاي ؟ جميله اووى استفدت منها كتير وبحب منتدى بنات مصر مهما غبت عنه بحس بانتماء فظيع له س3_ قرأت في ملفك الشخصي أن وظيفتك في قناة فضائية ...ما هذة القناة وما طبيعة عملك فيها إن أحببت ِ ذكر ذلك ؟ كنت بشتغل فى قناة المجد العامة والاطفال بث القناه فى السعودية مش هنا كنت بشتغل فيها من خلال النت على شريط الرسائل مشرفه للشات واللى فى السعوديه وكان متابع القناه كان اسمى على الشات (اسيل ام الفزعات ) وتركتها من فتره بس الكسل بقى نسيت اعدل الملف الشخصى س4_ماذا تمثل لك ِ هذة الإمور :_ [COLOR="rgb(255, 140, 0)"] 1_ الوطن حب وانتماء غريزى 2_ الأم حب وتضحيه من غير مقابل حنان وعطف بلا حدود 3_ الصداقة جميله اوى بس دلوئتى صعب تلائى الصديق الصح 4_ الجرح بيوجع اوى 5_ الإبتسامة جميله هى اللى بتعين ا لانسان على متاعب الحياة قســـــــــم نعم أو لا ... س5_ إختاري نعم أو لا مع التوضيح إن أحببت ِ ذلك :_ 1_ أنا إنسانة مجتهدة جدا ً في حياتي ولذا ناجحة ؟ نعم 2_ أكثر ما يحزنني في حياتي هو الذكريات ؟ اكيد فى ذكريات حزينه مستحيل انساها لانها كانت حزء كبير من حياتى 3_ المطالعة شيء جميل ولكن مجتمعنا مجتمع لا يقرأ ؟ لا .. لان الانترنت خلى الانسان مطلع اكتر من انه يمسك كتاب ويقرأ فيه 4_ الرجل إنسان مغرور ولذا لا أؤمن بهم كثيرا ً ؟ لا .. مش كل الرجال زى بعض 5_ المرأة بعيدة عن الواقع في أحلامها وطموحاتها غالبا ً ؟ لا .. فروق فردية اذا كانت المرأة واقعية بتجند احلامها وطموحتها فى تحقيق هدفها 6_ السعادة الحقيقية هي رضى الله ؟ نعم .. اكيد 7_ حال ُ المرأة يُقلقني اليوم من حيث إلتزامها إذا ما قورن مع الماضي البعيد ؟ نعم .. مع ان الدين منتشر وفى وعى دينى كبير حالياً لكن الشيطان نقول ايه بئى ربنا يهدى الجميع 8_ الحجاب فرض ومن يبتعد عنه يبتعد عن الله ؟ نعم .. فرضه لازم نلتزم بها 9_ لا بد للدين أن يدخل في كل مجالات الحياة وشؤونها؟ نعم .. لان اذا دخل الدين فى كل المجالات مش هنلائى رشوة ولا ظلم ولا سرقه وكل واحد هيعمل اللى بيمليه عليه ضميرة 10_ ما يحدث في مصر اليوم صراع سياسي وليست فتنة طائفية ؟ نعم .. اللى بيحصل الايام دى هو استغلال للعامل الدينى عشان يسيطروا على البلد ويوهموا المسيحين انهم هيكونوا مهددين فى ظل دولة اسلامية 11_ أعتبر الراحل جمال عبد الناصر الرئيس الأفضل لمصر ع مر تاريخها ؟ نعم .. لو هنقارنه بالحكام اللى بعده هيبقى الافضل لمصر يكفى انه عمل ثورة صناعية فى البلد على عكس الفترة دى 12_ أرفض معاهدة السلام مع إسرائيل وأرفض الحرب معها؟ نعم .. لانها معاهدة استسلام مش سلام اما عن الحرب معها ارفضها حالياً لاننا لو هنقارن بين مصر واسرائيل فى نوعية التسليح والاعدادات والقوات هنلاقى ان اسرائيل بتتفوق على مصر بقوتها الجوية والبرية فى اعدادت المقاتلات والدبابات ومصر بتتفوق على اسرائيل بالقوات البحرية يمكن يكون الفرق مش كبير لكنه موجود حاليا لصالح اسرائيل يعنى هنبقى فى جبهه دفاع مش هجوم 13_ الفن المصري فن سلبي ولذا من العيب مشاهدته ؟ نعم .. الفن الصرى حالياً مفيش رقابة عليه ومحتويات معظم الافلام لمجرد الاثارة وافضل تشبيه انه غزو فكرى على الدين 14_ الدعاة في مصر هدّموا كل ما دعوا له بمواقفهم ؟ بسم الله الرحمن الرحيم {وَمِنَ النَّاسِ مَنْ يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَى مَا فِي قَلْبِهِ وَهُوَ أَلَدُّ الْخِصَامِ} [البقرة: 204] شايفه انهم بيفتقدوا المصداقيه بين القول والعمل 15_ شهر رمضان بالنسبة لي شهر عبادة وليس شهر مسلسلات ؟ نعم .. مش من هوياتى المسلسلات 16_ أنا من مؤيدي الثورة السورية وأتمنى هلاك بشار الأسد؟ نعم .. لانها ثورة بتطالب بحقوق الشعب السورى واتمنى هلاك بشار لان هلاكه وانتهاء النظام السورى هيرفع الظلم عن الشعب السورى وهيهدد امن اسرائيل 17_أنا لست ُ من محبي السياسة ولذا لا أتابع الأخبار كثيرا ً ؟ لا .. وباستمرار بتابع الاخبار 18_ أفضل قناة فضائية أحترمها وأحبها قناة الجزيرة ؟ نعم .. لانها قناة حيادية 19_ الإعلام المصري لا يمت للحيادية بصلة فهو موجه ؟ نعم .. موجه ضد الاسلامين تقدر تقول انه بيخدم نظام مبارك 20_ أكثر ما يميز أسرتي أننا نجتمع دوما ً وإن لم يوجد مناسبات؟ نعم .. كل خميس وجمعه 21_ المنتدى سلبي كثيرا ً في الوقت الحاضر ؟ مأدرش احكم علية لانى تغيبت فترة كبيرة عن المنتدى ولسه راجعه 22_ أكثر ما يزعجني من نفسي أنها عصبية جدا ً ؟ نعم .. بس مع ذلك بعرف اتحكم فى غضبى 23_ الدراما التركية مملة وهي عبارة عن غزو ثقافي لا اكثر ولا اقل؟ نعم .. مش شايفه فيها اى شىء بتضيفه للمتفرج دى كمان بتعمل مشاكل بين الازواج واحده نفسها جوزها يعاملها زى مهند واحنا مفيش الكلام ده عندنا ههههههه 24_ قناة مصر25 قناة جميلة ولكن ينقصها بعض الإمور ؟ بصراحه مش بتابعها كتير 25_ أنا ضد أي إنفتاح سياسي مع إيران وأرفضها بشكل قطعي؟ نعم .. بصراحه انا مع السلفيين فى موقفه فى رفض الانفتاح بين مصر وايران وحتى لو اكدت الرئاسه ان مفيش تأثير على الاسلام فى مصر لان الرئاسة مش هتمشى ورا كل واحد ايرانى وايه اللى هينشره فى مصر باختصار الانفتاح هيهدد اسلامية البلد اكيد مش كلها بس اذا كنا فى فتنه طائفيه بين المسلمين والمسيحين فى مصر مش ناقصه شيعه 26_ أكثر ما لفت إنتباهي وقت عودتي للمنتدى هو ذكرياتي مع الكثيرين هنا حين رأيتهم ؟ كل قسم فى المنتدى باعضائة القدام له ذكريات معايا 27_ أنا فتاة أحب الهدوء وأكره الإنعزال ؟ نعم ..بحب الهدوء جدا لكن فى اوقات بفضل الانعزال 28_ أنا فتاة أتحمل المسؤولية كثيرا ً ولدي طموح كبير ما زلت أنتظره ؟ الحمد لله متحمله المسؤؤلية من زماااان بحب اعمل لنفسى اللى انا عايزاه مش اتكاليه نهائى وطموحى ان يكون ربنا راضى عنى ويباركلى فى بنتى 29_ النقد مهم في حياتنا وهو ضد التجريح ؟ اكيد النقد مهم ولازم يكون بدون تجريح لان كل واحد له معتقداته مش عشان نفرض رأى او نغيرة يكون بالتجريح 30_ أمنيتي في الحياة أن أغادرها وقد تحقق لي ما أريد منها؟ امنيتى ان يكون ربنا راضى عنى واهلى كمان راضين عنى وانى انجح فى تربيتى لبنتى تربيه صحيحه س6:- رسالتك لإدارة منتديات بنات مصر ؟ المنتدى بكل اعضائه الحمد لله ناجحين وبيضيفوا كتير اوى سواء للمشتركين او الغير مشتركين وان شاء الله ربنا يوفقك الجميع س7_ رسالتك للأعضاء ؟ بصراحه رجعت لئيت اعضاء كتير مميزين ومبدعين وبقولهم المنتدى هيكون احسن منتدى بيكم وبابدعاتكم س8_ أقرب الأعضاء لديك ِ هنا ؟ ["]كتير والله مش قادرة اخصص حد معين بس كتير منهم غيروا اسمائهم بئيت مش عارفاهم س9_ إختاري خمسة أعضاء ووجهي لهم رسالة ما إن أحببت ِ ذلك؟ []بجد كتير ومش قادر اخصص حد س10 _ نصيحة لأخوك ِ خالد ؟ ما شاء الله عليك قريت لك كام موضوع اولا انت شخصيه محترمه جدا وملتزم على ما اظن وان شاء الله ربنا يوفقك وخليك زى مانت ماشى فى كتاباتك وشكرا على الاستضافه الجميلة شاكره دعوتك ومعرفتك أشكرك يا أختي لفيض ِ قلمك بحقنا والذي نعتز به ونتشرف ونسأل الله لك ِ دوام الخير وااصحة والتوفيق ولأسرتك ِ الكريمة دوام السعادة والسرور ورأيي بقى .. أنت ِ إنسانة محترمة ويشرفنا حضورك المميز لأنه بمثابة وسام ع صدورنا جزاك ِ الله خيرا ً .. . [/color]

[نجم وزهره ومسافات فراق]

فكر + تميز + استمرار = تألق

دائما موضوعاتك قيمه

أتمنى لكم كل السعاده

ودي وتقديري واحترامي

اخوكم

[Sea Pearl]

حوار جميل

تسلم على المجهود الرائع

[دمعه حائره]

حلقه جميله جدا وبصراحه كان نفسي اتعرف على اسيل
والاسئله عرفتنى على جانب كبير من حياتها
عحبتنى الاجابات ووجهة نظرها
ربنا يوفقك ويسعدك فى حياتك يارب
نورتينا والف شكر خالد على الاستضافة الرائعه

[رووكه]

حلقه شامله من كل النواحى

شخصيه اجتماعيه وطنيه

ومشاء الله الضيفه جميله جداااا فى اسلوبها

ربنا يوفقك يا قمرى ودائما معانا

وتسلم يا خالد كل يوم متالق عن اللى قبله


دائما فى تقدم يارب كل الشكر والتقدير لك

واشكرك على الدعوه

[على محمد محمود]

حوار ممتع وشيق
سلمت يمينك
[size="6"][/size]

[აα∂ Ԑγεა]

حلقة جميل جدا يا استاذ خالد
عرفتنا علي عضوة قديمة جديدة من البداية
طبعا هيا كانت وغابت ورجعت وانا مش هنا
فمش بعرفها خالص واول معرفه بشخصها هيا من خلال موضوعك هنا

اقدر اقول اراءها وفكرها تحسه قريب منك دايما في الامور اللي قالتها
قالت الصح الانسب والابسط
اللهم معادا الجزيره مش محايدة
والدين مش ضعيف في القلب علشان يهزو كلمة من شيعي

تسلم للحلقه الجميلة دي
موفق في اختيارك

[الأميرة رودي]

حوار جميل جداا واسيل منــوره المنتدى بعد غياب
فكر راقى واراء تُحترم جدا وانا معاكى تقريبا فى اغلب اجاباتك
ربنا يخليلك بنوتك ويباركلك فيها يارب ويوفقك فى كل حياتك
دايما متميز ومتألق فى اختيار ضيوفك ياخالد
دمت أخى وضيفتك بكل الخيــر

[S n i p e R]

واللهي برنامج جميل جدا يا استاذنا (مش عارف ابطلها بئا سامحني :d)

واستمعت جدا بالاسئلة

واجوبة اسيل في في منتهى الحيادية والعقلانية

اتفقت مع اغلبها برغم اختلافي الشديد في اجابتين تلاتة بس مش اكتر

لكن بشكل عام اقتنعت باجوبتها وكان برنامج جميييل ومسلي

ربنا يوفقك يا اسيل ويا أ/خالد

واتمنى اشوف حلقات جديدة من البرنامج

تحياتي

[нαиαи]

إستضافه و حوار جامد
واكيد اسيل منوره
يسلمو اخي خالد ..