امسك حرامي !

[აα∂ Ԑγεა]

السلام عليكم ورحمه الله وبركاته

متستغربوش من العنوان اولا ,, شرحه جاي


المنتديات كلها بتبدأ صغيره جدا جدا
مجرد اداره المنتدي اللي اسسته واحتمال كام صديق
واداره المنتدي بتجتهد وتتعب وتتعب وتعرق وتبذل كل اللي تقدر عليه
علشان تكبر مكانها
دعايه و وشراء اعلانات وصرف دائم علي المنتدي . الخ

المنتديات بتاخد ( مع شوية حظ ) سنين علشان تكبر وتعلي
وتصبح ذات اسم وصيت كبير
وتقدر تجذب الاعضاء بسهولة ليها ومن غير دعايه
بتبقي شهرت نفسها وعملت صيت ودعايه دائمة
وتبدأ اخيرا ( تكفي نفسها ) بنفسها
من خلال الاعلانات ومتاخدش من جيب صاحبها بل تبدأ تديله ويتنغنغ ( مش اوي يعني )

نيجي بقي للمهم
بعد تعب الادمن دا في المنتدي كل دا وبعد ما قدر يحقق دا
بعرق وجهد وكفاح وسهر و و
ييجي صاحب منتدي جديد بكل سهولة وبجاحه يحاول ( يسرق ) اعضاء منتداه !

بعيدا عن الاعضاء السبام
هناك " حرامية اعضاء " بيدخلو المنتديات
وبيسرقو نتاج تعب غيرهم
يشتركو في المنتديات عادي ويشاركوا لحد ما تتفتح الخاص عندهم
و بيبعتو دعايه لمنتدياتهم الخاصة للاعضاء من خلال الرسايل
يحاولو يسرقو الاعضاء من المنتدي لمنتداهم

اكيد اخلاقيا ودينا دا غلط جدا ومش هغلط لو قلت حرام !
لانها سرقة اكيد !

ياما شوفت ناس كتير عملتها والحمد لله عمري ما رضيت اعملها
كنت بخرج نفسي من دا


قوانين المنتدي وكل منتدي بتقول

ممنوع الدعاية لمنتديات خاصة او عامة او وضع روابط دعائية باقسام الموقع
بغير قسم الدعاية والاعلان ووفق نظامة وقوانينه فقط !


بكل بساطة قبل ما يكون مخالف لقوانين المنتدي
فهو مخالف اخلاقيا , وسرقة لجهد وتعب ناس تعبت كتير لحد ما وصلت لدا

فتنبيه هام لكل الاعضاء
وقبل ما يكون تنبيه فهو رجاء

حافظو علي تعب وجهد الناس اللي عملتلكم المنتدي دا
لو حد بعتلكم دعايه علي الخاص !
بيدعيكم لاي منتدي تاني
تبلغو اداره المنتدي
عن طريق اما تحويل الرسالة لينا
واما طرح موضوع في الشكاوي بدا
وهيتم اتخاذ الاجرائات اللازمه

ملاحظه زي ما ذكرت دي سرقه تعب وجهد وعرق ناس
فياريت متكنش شيطان اخرس وتتستر علي اي حرامي !


شكرا للاستماع
وامسك حرامي !!
يوم سعيد عليكم باذن الله

[تيتشر نفشه ツ]

هنقفشهولك من زمارة رقبته يامحمود حاضر
عجبني المضمون
منور بئآ

[Arco Baleno]

فعلا حراميه جهد واعضاء واتمنى الكل يلتزم واي رساله تدعو لمنتدى تاني سواء خاص
او زوار او في بيانات العضو اتمنى التبليغ بشكل مباشر
لنا وتكونو فعلا حافظتم على مكان تعب وبذل مجهود كبير حتى يتبني
ويكون منتدى يجمعنا اسره واحد واحنا ما نرضى ابدا
ان يجي حد يخطف ابناء الاسره دي الي اتميزو واشتهرو في المنتدى دا
تنبيه جميل ومهم جدا تسلم ايدك محمود

[شاعرة الرومانسيه]

بصراحه انا شخصيا اتعرضت ليه كتير اقربها

أمس جانى رساله خاصه بها رابط المنتدى لاحد الاعضاء

وارسلتها لماتركس

وبجد عمل اللازم

موضوع مهم جدا

لاننا كل يوم بتعرض ليه

الله الموفق

[OS OS]

كلام سليم ميه فى الميه
تسلم ايدك يا حوده

[beauty angel]

حلوة جدآ المقدمة والمضمون يامحمود
تنبيه مهم لان فعلا لسه امبارح بس كان فى حالة زى دى
والغريب أنهآ من أعضاء بقالهم فترة مش قليلة فى المنتدى
يعنى عرفوا قوانين ونظام المنتدى كويس
فعلا هو فعل مخالف أخلاقيا وسرقة لتعب ومجهود ناس تانية
وبضم صوتى لصوتك
اى حالة زى كدا أحنا بنشوفها فى المنتدى عمتا بنتخذ معاها الاجراء اللازم
أما عن الرسائل الخاصة كمراقبين مش بنقدر نشوفها
فرجاءآ ياجماعة لو سمحتم لو حد أُرسلت له رسالة خاصة
فيها دعايا من اى عضو يبلغنا أو يقدم شكوى ..
علشان مفيش عضو بعد كدا يتهمنا بالتفرقة ويقول
أشمعنا العضو دهـ أنتوا ساكتين عليه مع العلم أننا مش بنبقي عارفين أصلا
وبس كدآ
موفقين يارب وتسلم يامحمود على التنبيه

[اسيل الفلسطينية]

مشكور على التنبيه وفعلا بالامس وصلتني رسالة للاشتراك في منتدى اخر من قبل احد الاعضاء
والموضوع مهم فعلا لانها تكررت اكثر من مرة
بارك الله فيك وبجهودك

[აα∂ Ԑγεა]

اقتباس المشاركة الأصلية كتبت بواسطة اسيل الفلسطينية مشكور على التنبيه وفعلا بالامس وصلتني رسالة للاشتراك في منتدى اخر من قبل احد الاعضاء والموضوع مهم فعلا لانها تكررت اكثر من مرة بارك الله فيك وبجهودك

اتمني من حضرتك تحويل الرسالة ليا او لاحد المراقبين او اداريي المنتدي
او عمل موضوع في الشكاوي بذكر اسم المرسل والرسالة
شكاوي و طلبات و حلول المشاكل

اوعي تتكسفي ولا تتحرجي ولا تفتكري انك بتسببي ضرر للعضو دا
بالعكس انتي بترفعي ضرر عن اداره المنتدي وبتحفظي حقهم
وبتمنعي سرقه محتملة

فبتمني انك تبعتي او تعملي موضوع مهما كان العضو وضعه او رتبته هنا ,
متشكر جدا ليكي

[حفيدالفراعنة]

السلام عليكم
اى منتدى وهو وصغير بيعمل كده
يعنى المنتدى داه زمان كان كده اكيد عادى يعنى
والاعضاء على حسب التعود
يعنى انا متعود على مكان خلاص مش ها سيبه
شكرا لك ...

[تجملت بالعفآف]

كلامكـ مظبوط ياا م

بس من وجه نظري لو الاعضاء هنا حبوا المكان

عمرهم ما يخونوا العشره الي في المنتدي

ولا عمرهم هيسيبوا مكان حبوه من قلبهم

وغير كدا ما بحب افتن ع حد

انصحه لوجه الله

وبعد النصيحه الاداره اشتغلت وحظرت

ازاي معرفش

تسلم للتوبيك