انا أسف سامحوني

[phalsteen]

يا جماعة انا بعمل التوبيك دا وانا زعلان جدا من نفسي
وبتمني انكوا كلكم تسامحوني
وخصوصا البنوته الحلوة اللي حبتها وغيرتني للاحلي
وهي نبضات ضائعة (ريهان )

طبعا كلكم عرفني هنا وعرفين ان اسمي سما
انا مش بنت من الاساس
انا راجل واسمي كريم وعندي 25 سنة
ودخلت المنتدي وسجلت هنا بس علشان اتصاحب ع البنات ويحبوني
ولما اتعرفت علي ريهان وخدعتها وهي حبتني

وعلشان انا حبتها بجد عملت التوبيك دا علشان اعرفها حقيقتي
واقولها تسامحني واني بحبها

[phalsteen]

طبعا كل الكلام اللي فات دا كدب وربنا
انا والله العظيم بنت
وكل دا كل مقلب بصالح بيه ريهان صبحتي

[big bốss]

هههههههههههههههههههههه


ما انا بقول بنات مصر رجاله محدش مصدقنى


بص يا عم كريم ريهان بنت جدعه و زى العسل

وانتوا اصحاب و بتحبوا بعض

و مش هتزعلوا من بعض و احنا هنصلحكوا


يا مصيبتى لتطلع ريهان كمان اسمها عبد الفتاح

[phalsteen]

دي كلها كانت مقدمة للإعتذار اللي انا عاوزة اعمله لنبضات ضائعة



ريهان


اكتر عضوة هنا بحبها وربنا يشهد

كل اللي في الموضوع انها اعاملت معايا بذوق شديد من اول ما دخلت

بس انا كنت قليلة الذوق علشان ماكنتش بحب اتعرف ع حد معرفوش

والسبب اكيد في ثقتي المنعدمة

ودا واضح في المقدمة يعني ممكن اتعرف علي بنت واحبها واصاحبها

وفجأة تطلع ولد مش محترم وكان كل غرضه المعاكسة

ما علينا

المهم انا بقولها ادام كل الاعضاء

اني ورحمة امي يشرفني ويسعدني صداقتك

واني بعتذر اي حاجة صدرت مني زعلتك





وياريت كل الناس تشهد

اني طلبت ايد اخوها الوحيد منها اللي انا لسة معرفش اسمه
وهي وافقت وقالتلي هتجيبه يخطبني

وانا من هنا بقول انا مش عاوزة خم
انا هستني اهو
وياريت تيجي ع طول


هستناكي ميل بئا يا حاجة
وربنا كان النت فاصل
وياريت نلقي نكلم فون احسن
بالعند بئا في الكل

[Sea Pearl]

ههههههههههه

والله انا شكيت فيكى من الكلام اللى انتى كتبتيه اصلك كتبتيه باقناع جدا

وريهان دى حبيبتى وانا عارفه ان هيه مش بتزعل من حد

[ķąyąŋ..♡]

ههههههههههههههههه

اولا يعني انا مقدرش ازعل منك ياسمسمه

وانتي عارفه اكيد انك شخصيه عزيزه عليا

انا اتخضيت في الاول بصراحه بس كنت حاسه انه مقلب

انا ياختي علي الميل تعالي مستنياكي هناك

[phalsteen]

اقتباس المشاركة الأصلية كتبت بواسطة big booss هههههههههههههههههههههه ما انا بقول بنات مصر رجاله محدش مصدقنى بص يا عم كريم ريهان بنت جدعه و زى العسل وانتوا اصحاب و بتحبوا بعض و مش هتزعلوا من بعض و احنا هنصلحكوا يا مصيبتى لتطلع ريهان كمان اسمها عبد الفتاح

وانت اللي دخلك انا مش فاهمة
عبد الفتاح ولا عبد الجبار
خليك في حالك
يا بتاع الجاز انت

[jasmean]

هههههههههههههه
ايه دا دا انا صدقتكـ
ربنا بقآ يخليكم لبعض ههههه

[phalsteen]

اقتباس المشاركة الأصلية كتبت بواسطة ريتاب ههههههههههه والله انا شكيت فيكى من الكلام اللى انتى كتبتيه اصلك كتبتيه باقناع جدا وريهان دى حبيبتى وانا عارفه ان هيه مش بتزعل من حد

ايه رأيك
ولا ياسمين عبد العزيز في فيلم الثلاثة يشتغلونها
بس انا لحقت نفسي قبل ما انضرب اهو
منوراني ي قلبي
وطبعا ريهان دي حبيبه هارتي
اه والنعمة

[phalsteen]

اقتباس المشاركة الأصلية كتبت بواسطة نبضات ضائعه ههههههههههههههههه اولا يعني انا مقدرش ازعل منك ياسمسمه وانتي عارفه اكيد انك شخصيه عزيزه عليا انا اتخضيت في الاول بصراحه بس كنت حاسه انه مقلب انا ياختي علي الميل تعالي مستنياكي هناك

سلامتك من الخضة يا اختي
وبعدين عيب في حقي يعني
دا انا تاج النساء بئا ها

وبعدين بخصوص الجوازة اللي اتمنتجت دي
لا يا اختي احنا صحاب اه
لكن مفناش من لعب العيال دا

جيالك