كلام ع الماشي .. :)

[روح صامتة]

""
سهل اوي نتخانق ..
سهل اوي بجد مش نسامح ,, ونفضل بقه نقول هوة اللي يعتذر والجو دا ..
الفكرة دي محيراني اوي اخر فترة ..

لاني انا شديت مع بنت اعرفها .. حسيت انها عملت حركة مش حلوة في حق
اختي ,,
ولما اتكلمنا كانت عايزة نتصالح .. من غير حتى ما تعتذر .. ومصرة
ع ان اختي غلطانة مع ان انا عارفة ان الحق معايا ..
المشكلة اني فاهمة ان الحوار مكنش هيحصل لولا غلط الطرفين ..
بس هية المشكلة البنت مش سكتت .. هية فضلت تستفز فيها في الرايحة والجاية ,,
و الموضوع بقه قالب نزاع بين اشخاص ..
وان البنت دي اكبر من اختي كمان ب3 سنين
يعني اصلا المفروض عاقلة مش تصغر دماغها
بس انا عارفة تكوينها كده من زمان
انا طبعا بشيل ايدي من الموضوع عشان الكبيرة واقول ماشي ..
الفكرة ان دا كله مضايقني الفترة دي ..
لان البنت دي ع طول بقت في وشي .. و انا نفسي اقولها خلاص تبعد عن اختي
تبطل تستفزها .. بس انا عارفة اني مش هبدا .. وهية انا مستنياها تغلط قدامي
بس عشان اعرفها .. بس الفكرة كلها ان كل الموضوع مش مستاهل ..
وحاولت اعلم اختي انها تسيب الموضوع وما تستفزش البنت دي ..
بس هية كمان مصرة انها لازم تحرق دمها زي ما هية حرقته :d
ومحبتش يعني اسيطر على قرارها هية حرة ولازم تتعلم من اخطائها..
بس نصحتها يعني ^^ وقلتلها تعمل ايه ,
المهم يعني .. تفتكروا المفروض يطلع مني ايه الفترة الجاية دي ..
انا مش حابة اكون طرف حيوي في الموضوع ولا اني ازود الضغط عليها ,,

يلا اهو ندردش شوية ,, وبالمرة اني فضفضت

ارق تحياتي

[ساحر الأحزان]

طالما انتى طرف حيوى فى الموضوع بحكم صلتك الوثيقة بأختك !

وبرضة معرفتك بصاحبتها وعلى قولك رايجة جاية فى وشك

يبقى اية الحل يا ست؟

الحل أنك تجمعى الطرفين وتصلحيهم وتعرفى كل واحد بخطئة فى ان الموضوع لا يستحق لانة بسيط

وكل واحد يبطل يستفز فى التانى لان الاستفزاز حيولد العند وكل واحد حيتمسك بكلامة يبقى تعرفى صاحبة اختك بغلطها

وتقنعيها وبرضة تقولى لاختك تلبطل تستفز فيها لان لكل فعل رد فعل وانهم اصحاب وحبايب فبلاش على شان موقف زى دة

يفرق بينهم اقنعيهم بكل هدوء منك وهما حيتقبلو كلامك

موفقة يامى

[Mo chahin]

والله انا شايف ان سلام عليكم يا جارى انت فى حالك وانا فى حالى ..

لان لو فضلتى مستنيه غلطه منها والعكس .. فا مش هنخلص ..

اهو انتظار الغلط دا فى حد ذاته مشكله غلط كمان ..

منها على الاقل الاساءه بالظن !

وبمناسبه ان سنها اكبر .. فا اعرف ناس كبيرة فى السن لكن عقولها عقول أطفال ..

لسه معندهومش النضج الفكرى او العقلى ..

فا هنا كبرى دماغك وتجاهلى .. الكلام طبعا لأختك ..

وخليكي انتى محضر خير .. وتحاولى تمنعى اختك عن انها تتصرف تصرف مش كويس ..

لان لو هى اتصرفت نفس التصرف بتاع البنت دى .. هتبقى زيها .. مع احترامى طبعا ليها ..

او بمعنى ادق هتنزل نفسها لمستوى البنت دى ..

فا اتمنى دورك يكون مفيد مش يزيد البله طين ..

يعنى حاولى قدر الامكان يكون حضورك للخير فقط لا غير ..

احترامى ليكي ..