معلش ياختى يامصريه

[Mo chahin]

اختى يا مصريه يا ام الاراده القويه

انتى مش غبيه بس برده هي هي

لا عدل ولا حريه ولا كرامه انسانيه

ولا ثورة فيها كرامه ولا عداله اجتماعيه

وان موتي فيها موتــي مانتى مالكيش ديــه !

وطيرى يا حمامه طيرى دانتى مالكيش غــيه

طالبتى بلقمه عيش موتي من جوعك

وموتي فيها موت فا رضيوا بخضوعك

ومهما تصرخى فيها صوتك ماهوش مسموع

تموتى وايه يعنى ماهو موتك بقى مشروع

وان عيشتى برده عادى عيشى بقلب موجوع

صوتك بقى عوره وحسك بقى ممنوع

ولما حسيتي بتغيير عن زمن مخلوع

جابوا اللى يمرمطوكى واجرهم مدفوع

بس انتى اللى يوم اختارتى والحجه شرعيه

والموت فيكي بقى عادى ومالوش ديه

دا معنى جديد للحريه ودا الطريق للديمقراطيه !

ناديتي بكرامتك ما صابك الا السحل

وطالبتى بعداله ما لقيتي فيها عدل

وطالبتى بحقوقك قابلوكى بكل جهل

وقولتى ديمقراطيه طلعلك قانون بالعزل

وانهارده بيسحلوكى .. وبيهددوكى وح يدبحوكى

وان طالوا فى يوم يسموكى .. ح يسموكى

معلش ياختى يا مصريه ..

اصل احنا مش رجــاله

وبقينا فى حاله غير الحاله

واتبدلت عزتنا لخسـه ونداله

وبقت نخوتنا خيبه وسـاله

وادى اخرتنا فقر وجهاله

وبلد لا فيها قضاء ولا عداله

وان كان فيها حريه .. حريه بس مياله !

[اسيل الفلسطينية]

كلمات جميلة جدا بالرغم من انها مؤلمة
اسأل الله ان يصلح الاحوال
قلآئد من زهر اليآسمين لَ جَمُالٌ أبٌداُعك
تقبل مروري المتواضع

[פﭠة ﺳگـړُھَہّ]

حال يغم فعلا ,, مبقناش عارفين رايحين على فين
تايهين من ده لده ولا فاهمين


كلمات رادعه عن حق

مميز دائما
فى انتظار كل جديد

[مُنـــــايا]

بصراحه مش عارفه احنا اللي جايبين ده لنفسنا ولا ايه بالظبط.؟ مع تحفظي علي خروج الفتيات للميدان الا ان غير راضية عما فعل بهم من سحل وغيره كلمات قويه جدا بها كثير من التميز والابداع دمت ودام نزف قلمكـ

[Mo chahin]

اقتباس المشاركة الأصلية كتبت بواسطة اسيل الفلسطينية كلمات جميلة جدا بالرغم من انها مؤلمة اسأل الله ان يصلح الاحوال قلآئد من زهر اليآسمين لَ جَمُالٌ أبٌداُعك تقبل مروري المتواضع

اللهم آمين ..

اشكرك أسيل على تواجدك الطيب ..

[Mo chahin]

اقتباس المشاركة الأصلية كتبت بواسطة حتة سكره حال يغم فعلا ,, مبقناش عارفين رايحين على فين تايهين من ده لده ولا فاهمين كلمات رادعه عن حق مميز دائما فى انتظار كل جديد

جزيل الشكر لتواجدك المنير حته سكرة ..

تحياتى ليكي ..

[Mo chahin]

اقتباس المشاركة الأصلية كتبت بواسطة جراح امه بصراحه مش عارفه احنا اللي جايبين ده لنفسنا ولا ايه بالظبط.؟ مع تحفظي علي خروج الفتيات للميدان الا ان غير راضية عما فعل بهم من سحل وغيره كلمات قويه جدا بها كثير من التميز والابداع دمت ودام نزف قلمكـ

ماهو اللى بيشيل إربه مخرومه بتخر على دماغه زى ما بيقولوا ..

اشكرك جدا على تواجدك الجميل ..

[Words Whisper]

معلش واحدة ع حالنا مش كفاية
اللي يقول (لا) يبئا علماني كافر
واللي يُسفك دمه يبئا يستاهل
واللي قاعد ع الكرسي عايز فرصة 30 سنة هو كمان !!


ربنا ينجينا ..


شكراً لحضرتك
دوام التوفيق ..