الحلقة الرابعة من برنامج وجهة نظر مع ماتركس

[phalsteen]

مساءكم سعيد الحلقة الرابعة من برنامج وجهة نظر مع ماتركس اهلا بيك نورت برنامج وجهة نظر يالا اتفضل برجليك اليمين هتعبر عن وجهة نظرك دون اي تأثير ومراعية وحساب لاي اعتراض ع كلامك وفلسفتك الخاصة لك الحرية المطلقة في اي كلمه تكتبها علي أسئلتي الاتية ما عدا الانسحاب او الاعتراض علي اجابه سؤال اللقاء الاول : وجهة نظر في موضوع هتقول وجهة نظرك في الصور اللي هعرضها عليك صوره مفهاش رجوله لما يبقي راجل ويفتري علي بنت او مراه يبقي من وجهه نظري مش راجل علشان بيفتري علي شخص ضعيف انا دايما اقول زواج الاقارب مصايب بصي هوه زواج الاقارب من وجهه نظر الاهل انو بنت عمك هتصونك لكن بالعكس الصون والاخلاق ملهاش دخل بين الاقارب او البعاد بس زواج الاقارب مصايب في المستقبل مستقبل اولادنا الصوره مدمره لوحدها في ناس بتعتبرها نص الرجول هيه شرب السجاير لكن بالعكس من وجهه نظري مفهاش معني الرجوله اجمل شي شغل المطابخ محدش يعرف معناه غير المتغربين وكمان مفيش اجمل من التعاون لازم الواحد يساعد سواء اهله في المطبخ او زوجته مستقبل وقفتك في المطبخ مش بتنقص رجوالتك زي ما الناس بتقوال

[phalsteen]

كيف يكون الحب؟اي كيف نشعر به ؟او نحس به؟ 2- هل للحب ذراع يقف في وجه الظروف ام ان الظروف دائما ماتقضي علي الحب؟ عارفه مشكلتنا فينا احنا مش في الحب عارفه ليه انا دايما قبل ما تفكر تحب فكر ازاي هتوصل للي تحبه عارفه ازاي يعني قبل ما تاخد خطوه الحب لشخص معين انتا بتبقي لسه علي البر قبل ما تتعلق بيه ويتعلق بيك تحسبها يا تري الشخص ده من دوبك وباذن الله هتقدر توصل ليه وتحقق باقي حلمك والا الشخص ده كبير عليك وهتيجي في نص الطريق وتقف في ناس كتير بتحسبها غلط يعني يجي مثلا يحب واحده غنيه او مستواها عالي ويبقي متاكد انو عمرو ما هيطوالها فبرضوه بيكمل معاها فبتبقي النهايه معروفه من اول البدايه احنا طبعا عارفين انو كل شي قسمه ونصيب لكن ربنا سبحانه وتعالي ادانا عقل نفكر فيه وقبل ما نخطي خطوه لازم نحسبها علشان واحنا علي البر بنقدر نسيطر علي مشاعرنا اما لما بندخل جوه بحر الحب بيبقي صعب الخروج منه لو موصلتش علي البر التاني بر الامان هترجع ميت للبر اللي نزلت البحر منه 3- هل يمكن ان تحب شخص لم تراه ؟ وكيف؟ اكيد بتحبه لما تتعامل معاه وتتواصل معاه وتبقي فيه مصدقيه اكيد بتحبه بس برضوه لازم تشوفه ويشوفك حتي من خلال صورك عارفه اصلا في عندي اصحاب في الامارات عندنا اهليهم بيخضبو ليهم ويبعتو ليهم صورهم ومكونوش يعرفوهم قبل كده بس معا الكلام معا الشخص اكيد الواحد بياخد عليه وبيعرف انو ممكن في تقابل بينهم والا لا 4- يتلاشي احساس الحب بداخلنا احيانا ولكن لماذا تظل الذكريات بداخلنا كما هي؟ علشان بتبقي ذكريات جميله فبتبقي في ذكرتنا دايما 5_ الحب .. حالات . دموع وافراح .. أبكيت يوم من اجل الحب ؟ وكذلك وصلت يوم لقمه سعادتك بالحب ؟ بكيت بس لما كنت صغير كان عندي 17 سنه وكنت بحب بنت عمي وهيه حبت واحد تاني فتعبت بجد ساعتها طوال ما الواحد معا الشخص اللي بيحبه اكيد هيبقي في قمه السعاده انما لما يتفرقو بيبقي في قمه الحزن علشان كده الحب تحت مسمي انو سلاح ذو حدين 6_الاشتياق .. اللهفه .. هم انفاس الحب احيانا فى رأيك هل هم بالفعل انفاس للحب .. وهل هناك شىء اخر يعتبر هو الوريد الاساسى للحب ؟ انا معاكي انو الاشتياق واللهفه هيه انفاس الحب انما وريد الحب العقل لازم قبل اي شي نحكمها بعقلنا علشان حبنا يكمل لكن مناخدهاش علي قلبنا علشان القلب مينفعش ندير بيه امورنا لازم نديرها بعقلنا اللي ربنا وهبه لينا دايما القلب بيخذلنا في قرارتنا 7_ اختلف الكثيرون فى مفهوم الحب الاول ما بين قمه وقاع فى رأيك ما تاثير الحب الاول فى حياتنا .. رغم انه غالبا فاشل ونهايته دائما الفراق؟ عارفه ليه بيفشل الحب الاول في حياتنا معا انه بيكون اجمل حب حبناه علشان حبناه بحسن نيه وكنا معندناش درايه عن الحب اول حب مهما كان عمره ما بيتنسي علشان بيكون اول تجربه لينا بس بيفشل لسبب علشان في اغلبيته بنحبه واحنا صغيرين فبنكون مش عارفين معني الحب كويس فعلشان كده بنطلع بعذاب لكن بعد كده بعد اول تجربه الشخص بيدرس الحب علشان ميتجرحش مره تانيه 8_ هل يعطي لك الحب الحق ان نتحكم في حبيبتك لدرجه الامتلاك؟ لا طبعا مينفعش انو اخنق اللي بحبه معا اني بحبه يعني مثلا اغير عليه ماشي بس بحساب مش احسسو انو ده ملكي وبس مينفعش يعمل اي من غير ما يرجع ليه فبكده بخنقو وبقلل من حريته فساعات ممكن نخسر حببنا بسبب كده 9_ هل يمكنك ان تحيا مع انسانا لاتشعر معه بالامان والثقه ؟وكيف؟ لا طبعا مينفعش علشان هتكون حياتنا متوتره دايما 10_ _هل البعاد فى الحب يؤدى الى موت الحب بقلبك ام الى زيادة الشوق لمن تحب؟ ولماذا ؟ اللي يقوالك الحب بيموت يبقي بيكذب عليكي الفراق بيكسرنا بس ده في الاول والاخر قسمه ونصيب لازم نكمل حياتنا في كل الحالات غصب عننا او براضنا الحياه هتكمل ما ادي بنشوف الدنيا ناس بتموت وبتبقي غاليه علينابس بنكمل الحياه علشان دي سنه الحياه

[phalsteen]

اطعم الفم تستحي العين ده معناه انك توكل اي حد فبتبقي كاسر عينه انا مش معا المثل ده بصراحه ده بيدل انك لما توكل حد هيبقي ليك حق انك تعايرو وده مفهوم غلط طبعا اسأل مجرب ولا تسأل طبيب انا معا المثل ده علشان المجرب بيبقي مر بالتجربه فبيديك الوصفه صح انما الدكتور ده دارس فالكتب يعني محسش بالترجبه زي المجرب اجعل لك في كل بلد صديق معا المثل ده علشان متعرفش الدنيا مودينا علي فين ومينفعش نخسر حد من اصدقنا ولا نقفل باب الود بينا مفيش حد مش بتحتاجه في الدنيا دي اللي مش بتحتاجه اليوم حتحتاجه بعدين الأعور على العميان باشا انا اول مره اسمعه المثل ده بس مثل بيقوال انو نص العمي والا العمي كلو اخذوهم بالصوت لا يغلبوكم معا المثل ده علشان دايما المغلوب والضعيف دايما بتلقيه بيعلي صوته انما اللي علي حق بيبقي عارف انو علي حق فبيتكلم عادي أكبر منك بيوم أعلم منك بسنة اكيد علشان كل يوم في الدنيا دي بنتعلم فعلشان كده يمكن اليوم اللي اكبر فيه عن شخص تاني ممكن اكون اتعلمت شي في الحياه هوه الي اصغر مني لسه متعلموش إيد وحدة ما تصفق ده صح علشان لازم يكون في تعاون بينا علشان احنا في الدنيا دي مكملين بعض يلا بقي معا السلامه كان معاكم ماتركسوووو انتظروني وحلقة جديدة من وجهة نظر مع سما

[big bốss]

اقتباس المشاركة الأصلية كتبت بواسطة nefertiti ا اجمل شي شغل المطابخ محدش يعرف معناه غير المتغربين وكمان مفيش اجمل من التعاون لازم الواحد يساعد سواء اهله في المطبخ او زوجته مستقبل وقفتك في المطبخ مش بتنقص رجوالتك زي ما الناس بتقوال

ههههههههه

اه والله محدش يعرف الطبخ و متعته الا فى الغربه


اسئله جميله

و اجابات اروع من ماتريكس

واعجبتنى

[ღ Gի๐sτ ღ]

اسئلة مميزة واجابات متفق في معظمها من احمد
حلقة جميلة بجد واختيار موفق للضيف
تسلمي يا تاج النساء ع البرنامج
منور يا ماتركس ..

[╯ Princess ╭]

اسئلة لذيذه ومختارة يعني
واجابات مميزة فعلا
منور يا ماتركس (:
تسلمي سما على المجهود

[العاشق الذى لم يتب]

تعرف ياأخوياالغالى أحمد
أنت صعبت علىّ جدا
ربنا يكرمك يارب ويتوب عليك من الغربة
وتيجى بئا اتوحشناك
ويرزقك ربناببنت الحلال
وتساعدها فى المطبخ
وادعيلى بوحدة ماتعرفش تطبخ علشان أساعدها
والشكر ليك على الإجابة المييزة دى
وكمان أشكر أختنا والمذيعة المتألقة دوما
تحياتى لكما ومودتى

[خارج عن القانون]

حلقه رائعه

واجابات ممتازه يا ماتركس

[صافي]

الاسئله جميله والاجابات اجمل مع اني معترضه ع كام اجابه هه
بلتوفيق

[ماتركس]

اقتباس المشاركة الأصلية كتبت بواسطة big booss ههههههههه اه والله محدش يعرف الطبخ و متعته الا فى الغربه اسئله جميله و اجابات اروع من ماتريكس واعجبتنى

يا ابني ده احنا مترمطين في الغربه والله

منور يا نور ومنتحرمش منك ياريس