اقتراحات بسيطة جدا بخصوص الاقسام .. رأيكم ؟؟

[აα∂ Ԑγεა]

السلام عليكم ورحمه الله وبركاته

كفيكم شلونكم شو خباركم
عسي ان تكونوا بخير


حابب بس اقدم بعض النقط الصغيره كدة اقترحها
واحد يقولي مانت اداره اقتراح ونفذ مع الادارة نفسها ومتصدعناش
اقوله لا يا خفيف المهم رايك يعني انا اعملك قيمة وانت تقلني

ههههه فككو من دا
يعني عادي انا عايز اشوف رأيكم وهيا حاجات بسيطة جداا
بس دايما رأي وموافقه الاعضاء هو المرغوب

,,

الاولي ":

قسم قلم الاعضاء اتمني تغيير لونه في ترتيب الاقسام
ويكون بخط كبير ولون احمر
اسوة بالابداعات وقلم الاعضاء والاقسام اللي معمولة باللون الاحمر

اكيد عارف ان القسم انشط قسم في المنتدي ومش محتاج دعايه ولا ظهور
وان الاقسام دي لانها اتعملت بعدين فكانت دي وسيلة للاظهار

لكن مع ذلك فقسم قلم الاعضاء هو قسم حصري ومميز جدا وفخر للمنتدي
وحاله حال الابداعات وقصص بقلم الاعضاء
لابد من اظهاره كاظهار لقوة ومكانة منتدي بنات مصر وخصوصيه كتابه وابداعهم
يعني حتي لو القسم مش محتاج دعاية
فالمنتدي محتاج اظهار القسم دا كافضل دعاية له



,,,,

الثاني
تركيب هاك تحديد عدد المواضيع في اليوم الواحد في بعض الاقسام ,,
الاقتراح دا متقدم من فترة طويلة جدا ومن كذا حد وانا منهم
الاغلب انه متعب جدا لان المنتدي بيحتوي علي اكتر من 100 قسم
والهاك دا بيتم التحديد يدوي فيه كل قسم لوحده
وهياخد وقت من اللي هيعمل دا

بس الهاك دا ضروري في بعض الاقسام واتمني تركيبه
ولو في مشكلة في التعب ومحدش قابل يتعب
ادوني الصلاحية ربع او تلت ساعه وانا اخلصهولكم كله



,,,,

الثالث ,,

قسم صفحات مشكوفة كذا مرة يعمل مشرفينه مسابقات واستضافات
للمميزين في القسم وبرامج وخلافه من امور
وكان اغلب الحاجات دي بيتم في اقسام مجاورة زي همس القوافي وعذب الكلام

ليه مش يكون في قسم فرعي في صفحات مكشوفة يتعمل فيه الحاجات دي ؟
فاللي بقترحه ان يكون في قسم فرعي في القسم
يدي المشرفين مساحة كبيرة في انها تشتغل وتعمل مسابقات واستضافات وتكريمات
وخلافه من امور ويفضل متواجد دايما عندهم في القسم كسجل وتذكار



’’’’’’
الرابع :

قسم الالعاب ,, طبعا واضح جدا عدم الاهتمام وعدم النشاط فيه
ودا يرجع لان المشاركات فيه مش بتتحسب في ملف العضو
ودا السبب اللي مخلي الناس بتعزف عن المشاركة هناك ومبقاش مهم
لكنه مش يمنع اننا نحاول ننشطه شوية لعل وعسي

فهتكلم بالتحديد عن قسم كرسي الاعتراف

القسم نايم جدا ومفيش اهتمام للدرجة بيه ومفيش مشاركة من الناس
ولا استضافات دائمة
فعلشان كدة بقترح تحويلة لقسم جديد وهو نفس الفكرة علي اوسع
وهو قسم ask me
والقسم دا موجود في منتديات كتير جداا وفكرته معروفه للجميع
واللي هيا ان كل عضو له الحق في انه يفتح موضوع واحد بس
والاعضاء تدخل تطلع عين اهله قصدي تسأله
فشوفو يمكن القسم دا يعمل حركة شوية في الالعاب لفترة كويسة
وحتي لو مش مهمه في نظر الجميع الا ان واجب تنشيط كل الاقسام ان امكن



طبعا كلامي فوق دا بالاضافه لكلامي المعتاد بخصوص
اعادة تقسيم قسم الكورة ,, واللي مستني رد فصل فيه ,
كمان اعداة تقسسم الخواطر ,, والي وصل الرد والوعد والحمد لله
فببشر مشرفينه انه قريب جداا هيتم اعادة هيكلته بالشكل اللي طالبينه


بس كدة شو رأيكم كاعضاء ومشرفين واداره ف هيدا الحكي
وبالاخص مشرفي ورواد الاقسام اللي اتذكرت

[big bốss]

انا ليا تعقب بسيط على نقطه واحده

انا من المعارضيين على تحديد المواضيع فى الاقسام

انا مثلآ مش بحب انزل موضوع الا بقلمى و بس

و اكثرهم قسم قلم الاعضاء

لما يتحكم عليا انزل توبيك واحد كل 24 ساعه زى ما كان حاصل قبل كدا

مليت وملقيتش حاجه اعملها

و بعدين قسم كقلم الاعضاء هو خمس او ست مواضيع الى بينزلوا

مش كتير يعنى

و باقى الاقسام نايمه لوحده مش محتاجه تحديد

دا رايي الشخصى

[دمعه حائره]

اقتراحات جميله وكتير منها فكرنا فيها من زمان
اتمنى تلاقى القبول وتتنفذ المره دى
تسلم حودة على مجهودك

[აα∂ Ԑγεა]

اقتباس المشاركة الأصلية كتبت بواسطة big booss انا ليا تعقب بسيط على نقطه واحده انا من المعارضيين على تحديد المواضيع فى الاقسام انا مثلآ مش بحب انزل موضوع الا بقلمى و بس و اكثرهم قسم قلم الاعضاء لما يتحكم عليا انزل توبيك واحد كل 24 ساعه زى ما كان حاصل قبل كدا مليت وملقيتش حاجه اعملها و بعدين قسم كقلم الاعضاء هو خمس او ست مواضيع الى بينزلوا مش كتير يعنى و باقى الاقسام نايمه لوحده مش محتاجه تحديد دا رايي الشخصى

ااممم هو انا في كلامي محددتش عدد المواضيع
انا طلبت تركيب هاك التحديد
بينما اللي يحدد عدد المواضيع هو القسم نفسه
يعني ممكن قسم يقول علي الاكثر 3 مواضيع يوميا
وممكن قسم يقول علي الاكثر موضوعين يوميا
وممكن قسم تاني يقول موضوع واحد فقط يوميا لاغير

الحكاية هنا ترجع للمشرفين نفسهم اكيد
ورؤيتهم لقسمهم ولمدي النشاط اللي فيه
ولو مشرفي قلم الاعضاء حابيين يحددو موضوع واحد فقط لا غير
فدا سببه حاجة واحدة بس
انهم حابين ان كل المواضيع تاخد حقها من الردود من الناس
بما انها من قلم وتعب وجهد العضو ولازم تتقدر
فلو مفتوح عدد المواضيع
ااه في كتاب نشيطين وممكن يعملو كذا توبيك في اليوم وينشطو القسم بدرجة كبيرة
لكن برضوة في ناس بتتعب جدا وكثرة المواضيع هتخلي مواضيعهم متاخدش حقها
وتروح في صفحات متاخرة
ودا ان كان عليه بيزعل العضو اللي بيكتب وبيتعب

التحديد بيدي المواضيع حقها والردود الكفاية حتي لو علي حساب النشاط بدرجة قليلة
وبقول بدرجة قليلة ؟ لان اللي توبيكاته هتاخد حقها وهيلاقي ردود واهتمام ممتاز
هيواظب وهيحب انه كل يوم يعمل مواضيع ويشارك الناس بافكاره


اممم زي ما قلت انا بقول تركيب الهاك
لكني مش انا اللي هحدد عدد المواضيع في اي قسم مهما كان
دايما مشرفينه اللي هيحددوا
هو الاغلب بيختار 2 , بينما الارجح كل الاقسام الحصرية هتختار 1
ودا زي ما قلت فوق علشان المواضيع تاخد حقها


منور يا نور واممم سكوتك عن باقي الحاجات اسميه علامه رضا بقي
ولا شو
المهم نورت التوبيك

[╯ Princess ╭]

افكار رااااااائعه بجد
وعجبتني اوي فكرة قسم الالعاب فكرة هايله بجد
اتمنى انها تنفذ
وتسلم ع المجهود الواضح
موفق

[۩۩ elMagic ۩۩]

بالنسبه للإقتراح الاول
انت عارف انا شايف من وجهة نظري
إننا نشيل اللون الاحمر من بعض الاقسام !
ويبقى اللون الاحمر دا للقسم اللى تم فتحه لفترة مؤقته
زي مثلا أقسام مسابقات مروشو بتتفتح لفتره معينه وبعدها بتختفي
ومسابقة لو بتاعت أسماء إتعمل بلون معين وبعد ما خلصت اختفي القسم
وبالمثل زي الاقسام بتاعت زماان
مسابقات بنات مصر الكبري خلصت الغرض منها وإختفت
انت مش حضرتها طبعا ي محمود ..
وهنااا اللون الاحمر هيحتفظ بقيمته ويبقى بمثابة تنبيه للأعضاء
إن دا قسم جديد تم فتحه لغرض معين وهيبقى ظاهر ومرئي لفترة مؤقته
والناس تدخل تتابعه لغاية ما يخلص الغرض منه ويختفي
لكن بالنسبه للأقسام دي
الطريق إلى الجنة
محاضرات التنمية البشرية يوتيوب
ابداعات الأعضاء العامية
قصص بقلم الاعضاء
قسم صورتى بألف كلمة
من رأي ان يبقى لونهم زي باقي الاقسام
لان دى أقسام ثابته وملهاش وقت معين وتختفي بعدها
يبقى تعامل معاملة باقي الاقسام

وقسم صفحات مكشوفه
فا فعلا فيه فكره هتنزل فيه من قبل مشرفي القسم
مش عارف ممكن تدعم خاصية الرد على المواضيع
لكن انا لسه مش عندي الفكــره كامله
ولكن وقت ما تتعمل اكيد الكل هيعرف هدف القسم الجديد ايه

وقسم الرياضه
فا احنا اتكلمنا كتيير اوي فيه
دا حتى توبيكي مازال موجود فى صوت الاعضاء
ربنا يسهل بقآ والاداره تقسمه علشان هو فعلا ملخبط وعايز يتنظم اكتر

والجزء الخاص بتحديد المواضيع
فا فعلا فيه بعض الاقسام لازم يتم تحديد فيه مواضيع معينه تنزل فى اليوم
زي القسم العام مثلا

والجزء الخاص بالالعاب
فا انت عااارف القسم دا كان من انشط الاقسام زمااان
رغم انه مكنش بيحسب المشاركات بردوا ..
ولكن دلوقت معظم رواده أختفوا وناس كتير من اللى كانوا بيتابعوا متواجدين
بطلوا يدخلــوه وأفتكر مره زمااان حد إداري باين
قال المشرف ميدخلش الالعاب علشان تقيمه كمشرف ميقلش

[აα∂ Ԑγεა]

اقتباس المشاركة الأصلية كتبت بواسطة ۩۩ elmagic ۩۩ بالنسبه للإقتراح الاول انت عارف انا شايف من وجهة نظري إننا نشيل اللون الاحمر من بعض الاقسام ! ويبقى اللون الاحمر دا للقسم اللى تم فتحه لفترة مؤقته زي مثلا أقسام مسابقات مروشو بتتفتح لفتره معينه وبعدها بتختفي ومسابقة لو بتاعت أسماء إتعمل بلون معين وبعد ما خلصت اختفي القسم وبالمثل زي الاقسام بتاعت زماان مسابقات بنات مصر الكبري خلصت الغرض منها وإختفت انت مش حضرتها طبعا ي محمود .. وهنااا اللون الاحمر هيحتفظ بقيمته ويبقى بمثابة تنبيه للأعضاء إن دا قسم جديد تم فتحه لغرض معين وهيبقى ظاهر ومرئي لفترة مؤقته والناس تدخل تتابعه لغاية ما يخلص الغرض منه ويختفي لكن بالنسبه للأقسام دي الطريق إلى الجنة محاضرات التنمية البشرية يوتيوب ابداعات الأعضاء العامية قصص بقلم الاعضاء قسم صورتى بألف كلمة من رأي ان يبقى لونهم زي باقي الاقسام لان دى أقسام ثابته وملهاش وقت معين وتختفي بعدها يبقى تعامل معاملة باقي الاقسام

امممم هيا وجهه نظر ,, وانا معاك ان بعض الاقسام
مش لازمها اللون الاحمر

لكن برضوة وجهه النظر التانية بتقول
ان قسم زي قلم الاعضاء , قسم زي الابداعات , قسم زي قصص بقلم الاعضاء
قريبا كمان قسم الخواطر الحصري ,,

الاقسام دي حصرية ومن قلم وجهد وفكر العضو
الاقسام الادبية دي تقدر تكون واجهه للمنتدي
تدل للزوار علي قيمة المنتدي وابداعات الناس الموجودة فيه

دي بتعتبر اجمل دعايه هتجذب الناس لمنتدي بيقدر القلم الحصري

فدي وجهه النظر اللي مايلها انا
واتمني الاقسام الحصرية هيا اللي تبقي بالاحمر او ازرق او اي لون مميز
بينما اقسام المسابقات مش مجتاجة للدرجة
وياريت بعد انتهاء المسابقات يختفي القسم مش نلاقيه في الرئيسية دايما

اقتباس وقسم صفحات مكشوفه فا فعلا فيه فكره هتنزل فيه من قبل مشرفي القسم مش عارف ممكن تدعم خاصية الرد على المواضيع لكن انا لسه مش عندي الفكــره كامله ولكن وقت ما تتعمل اكيد الكل هيعرف هدف القسم الجديد ايه

اها انا علي علم بالفكرة الجديدة اللي هينزلها مشرفي القسم
وهيا الي خلتني اتاكدت اكتر واكتر من الحاجة للقسم دا

هو المفروض يكون القسم مسموح فيه بالردود
ودي الفكرة الافضل طبعا وانه الناس رواد القسم يلاقو مكان يردو علي بعض فيه
بعد المتابعه فقط في القسم الاساسي

اقتباس وقسم الرياضه فا احنا اتكلمنا كتيير اوي فيه دا حتى توبيكي مازال موجود فى صوت الاعضاء ربنا يسهل بقآ والاداره تقسمه علشان هو فعلا ملخبط وعايز يتنظم اكتر

اها التوبيك لسه موجود والردود موجودة
وردي في الاستضافات القديمة موجود ورسايلي الخاصة ممسحتهاش
اهو بنحاول تاني لعل وعسي المرة دي يتنفذ

اقتباس والجزء الخاص بتحديد المواضيع فا فعلا فيه بعض الاقسام لازم يتم تحديد فيه مواضيع معينه تنزل فى اليوم زي القسم العام مثلا

اكيد طبعا في اقسام كتير محتاجاه وزي العام اكيد وغيره من الاقسام
واظن الهاك متركب ومن خلاله تم تحديد عدد مشاركات قسم صفحات مكشوفة
بس هو المشكلة انه بيتم التعديل عليه يدوي
يعني كل قسم لوحده تحدد عدد مشاركاته
فدا بيبقي زي تعب بالنسبة للي هيعمل لان اقسام المنتدي كتير جداا
بس هو تعب ربع ولا تلت ساعه وبعد كدة مش هيحتاج اي حاجة تاني
فاتمني يطبق قريب
وان يتطرح توبيك للمشرفيين بتوع الاقسام
يحددو رغبتهم تحديد عدد كام موضوع يومي في قسمهم

اقتباس والجزء الخاص بالالعاب فا انت عااارف القسم دا كان من انشط الاقسام زمااان رغم انه مكنش بيحسب المشاركات بردوا .. ولكن دلوقت معظم رواده أختفوا وناس كتير من اللى كانوا بيتابعوا متواجدين بطلوا يدخلــوه وأفتكر مره زمااان حد إداري باين قال المشرف ميدخلش الالعاب علشان تقيمه كمشرف ميقلش

هههههه حلوة المشرف اللي يدخل الالعاب تقييمه يقل
وصدقو

اممم الالعاب ككل وسيلة جميلة للتقريب والتعارف بين االاعضاء
واي تنشنه ولا شدة تتم في اقسام المنتدي
الالعاب دي هيا المكان اللي بيتهزر وبيتضحك فيه وبس

فهو قسم ضروي مهما كان
وممكن تحويل قسم لاسئلني يخلي في تفاعل اكتر
وكل عضو يطرح موضوع فيه والناس ترد عليه وتسأله وهو يرد وهكذا
اظن ممكن تخلي في رغبة في التواجد في القسم دا

فاتمني تنفيذه


منورر يا ابوحميد التوبيك

[big bốss]

لو بيتحدد ب موضوعين فى اليومين جميل مفيش مشكله

و باقى اقترحاتك موافق عليها

و كلام الماجيك صح بخصوص

ان الالوان تختفى وكله يبقى واحد

[აα∂ Ԑγεა]

اقتباس المشاركة الأصلية كتبت بواسطة big booss لو بيتحدد ب موضوعين فى اليومين جميل مفيش مشكله و باقى اقترحاتك موافق عليها و كلام الماجيك صح بخصوص ان الالوان تختفى وكله يبقى واحد

اممم دي زي ما قلت علي حسب رؤية مشرفي القسم مش رؤيتي
بالنسبة لكل الالوان واحد
\كانت تنفع لو كل الاقسام واحد

لكن الحقيقه بتقول ان في اقسام منقول , وفي اقسام حصرية
وواجب علي المنتدي انه يبرز ويظهر ويكرم اقسامه الحصرية
ويجعلها واجهه له يفتخر بيها وتعلن عنه قدام الزوار

دي رؤيتي . منور التوبيك للمرة التانية يا نور

[شاعرة الرومانسيه]

بصراحه اقتراحات صائبه كلها

وكل اقتراح بيخدم قسمه

يارب تلاقى القبول

مجهود رائع