يا شعب ساء الإختيار

[Mo chahin]

من امتى كان عندك قرار وامتى نجحت فى اختبار

يا شعب غاوى تنحني وخدت على طعم المرار

العيب كان فى اللى اعترض ولا اللى ساء الاختيار

ولا الفشل علينا انفرض واحنا فى حاله احتضار

هى ثورة خلاص انتهت واسدل عليها الستار ؟

ولا لسه حتكتمل ولسه فى بدايه المشوار

يا شعب عندك شباب جواه عزيمه واصرار

مش تبقى اخره ثورته خذي هزيمه وانكسار

يا شعب قوم وانتفض .. قوم وصحح المسار

يا شعب ســـاء الاختيار

أسف ياخويا الشهيد ياللى دفعت التمن

كانت شهادتك احلى عيد يوم ما لبست الكفن

مقدرتش احقق حلمى بيك ولا حتى اعبُر بالوطن

دى الخلق ثارت طهرت واحنا رضينا بالعفن

احنا لسه واقفين مكانا والخلق جريت بالزمن

هى الاراده فينا ماتت والمصير خلاص اندفن ؟

ولا الشباب صابه الوهن .. بالذمه مش يبقى عار ؟

يا شعب قــــوم وانتفض .. قـــوم ونفض الغُبار


يا شعب ســـــــاء الإختيــــــار !

[DESERT]

رااااائع ياميرو تسلم ايدك صباح الفل

[פﭠة ﺳگـړُھَہّ]

ساء الاختيار لانه مكنش فاهم
حطيناه ف وسط البحر وقلنالوا عوم يافالح

كان طبيعى يغرق ويبان مين الطالح

بس خلالاص فهموا

صحيح الوقت أتأخر بس بدام فى شباب لسا بتحب البلد

عاوزه الحريه

بتنادى بالديمقراطيه

ييبقا اكيد احسنا مخسرناش

مميز دايما اخى فيما يكتبه قلمك

[نجم وزهره ومسافات فراق]

يا شعب ســـاء الاختيار

واختار بفكروا الضعيف كل الدمار
وعشق هموموا وجراحوا
ما هو شعب عاشق الانكسار
وحب وهنوا ولوعتوا
ما هو بردوا بيحب المرار
شعب تايه بين امال حيرانه
وهموموا في ليلوا والنهار
شعب ماتت فيه ثقافتوا
وافتقد عزموا مع الاصرار
شعب بيحب الوجع
مكتوب عليه الانهيار

موفق جدا اخي فيما طرحت
وربنا يهدي الاحوال

تحيتي لك

[الرحــاال المٌتَمرد]

10/ 10
ملحمه شعريه رائعه ,,
وحَرف يَصرٌخ ويَبكي
لــ ضياع ثوره دفع ثمنها
شباب هَذا الوطن المهزوم
وما بين نظام بائد ونظام فاشي
وكأن شىء لم يَكٌن ,,
وضاع الحٌلم وعاد المَشهد
لما هو أسوء مما كان عليه
شاهينا ,,
الإبداع ليس بالجديد عليك
على قلم يٌجيد العَزف والتصوير
رَصد واقعي لـ الأحداث ,,
وأبجديات تَستحق الإشاده
فــ الشٌكر كٌل الشٌكر لقلمك
ولــ مَزيد مِن الرٌقي والإبداع
تحياتى وتقديري مَع التثبيت

[Words Whisper]

العيب
ان عملنا ثورة وبعدين ضيعناها
شتتنا أصواتنا عشان نتحط [فرض] بين اتنين سيئين !!
وبعدين يااما نعيب ع الثورة يااما نغضب بدون عقل !!
ونسيب مشاكل البلد اللي بتقع ونحول خناقة لـ فتنة طائفية !!
وننسى عيوبنا احنا ونعلقها ع شماعة الحكومة !!
واللي يقول اديهم فرصة عشان نكرر نكسة الـ 30 سنة تاني !!

فعلا أسأنا الاختيار تماما
وأسأنا التعامل مع الإساءة الأولى !!


كان الله لـ مصر ..
طرح راقي
شكراً لحضرتك ..
دوام التوفيق ..


تقييمي ..

[lady lead]

و نتعايش مع سوء اختيارنا في منتصف طريق الفشل
لا عودة بالزمن للوراء و لكن كيف نقفز إلى النجاح بدون إقلاع جذور الفشل
نتيجة محسومة لفرضية صوت شعب واحد
و مخاطرة بقرار لم يكن لأجل الوطن يوماً
رااااااائعة كلماتك جدااااا
الابداع ليس بجديد على قلمك
تقديري و احترامي

[الرحــاال المٌتَمرد]

أى خروج عَن النص , أو أى تجاوز لـ قوانين القسم
ســ يٌعاقب بــ الحَذف وإنذار العضو ,,
هَذا تنبيهي الأخير ,

[Mo chahin]

انا مش فاهم حاجه يا ايمن .. مين خرج عن النص ؟؟

اتمنى توضحلى لانى مش فاهم حاجه !!

[Mo chahin]

اقتباس المشاركة الأصلية كتبت بواسطة ◣ĐěŠèЯt◥ رااااائع ياميرو تسلم ايدك صباح الفل

اشكرك يا سمارت حبيب قلبى