أيها المواطنون أحترسوا من العصابات

[العاشق الذى لم يتب]

بسم الله أزيكم ياحبايب مصر ماأتلش أدتنا أيه مصر أول هاندى أيه لمصر دى كانت أغنية للمرحومة مش عارف أيه التنوسية الله يرحمهابئا واحنا كمان وربنا يقدرنا وندى مصر ع العموم ده مش أصدى أتكلم فيه مع أنه أهم الكلام وخاصة اليومين دول كل واحد عاوز ينهب فى مصر ويسرق ويحرق ويكسر ويسب فيها وفى اللى خلفوها وهى ياعينى صابرة ومستحملة وبتبكى بدل الدموع دم بس من أصلها مش راضية تبين دمعتها يسلام عليك يامصر أد إيه أنت عظيمة وقلبك كبير ويشيل من الحبايب ملايين وملايين هى دى مصر طول عمرها خيرها ماينقص ابدا زى نيلها عمره ماخلى من ماءه العذب ربنايحميك ياأم الدنيا ويجعلك نبراس ونبع احساس وتاج على كل راس يفتخربيك كل الناس قولوا آمين نروح لموضوعنا معلهش سامحونى لحسن والله من كتر حزنى على أمى مصر بحس ساعات إنى جانى الزهيمر وبدل ماأتكلم فى موضوع ألاقى روحى شطحت ورحت لموضوع تانى حتى أم العيال لاحظت الحالة دى وقالت سلمتك يارفعت ياجوزى من يوم ثورة سناير وأنت حالك مش عجبنى أقولك هات ملخوية خضرة تجيبلى توم هندى . قلتلها يا مراتى ماأسمهاش ثورة سناير أسمها يناير قالت سناير ولافطاير أهو كله بيتاكل المهم أنت ياأبو العيال شيفاك اليومين دول لونك مصفر وجفنك محمر وبتنام لما تخمر ونفسك بقى مشخر وبتهلوس فى نومك وتقول أين المفر واسمعتك مرة بتغنى بموال حرامى قتل عسكر وتقوم من عز النوم متعكر وتقسم يمين لازم وبراس ابويا لأهد المقر مايكونش يارفعت حد حسدك وعليك أر ساعتها رجعتلى الذاكرة ومخى فى نفوخى استقر وقلت خلاص عقلى افتكر إنى جاى أقولكم أنه فيه عصابات بتدخل المنتديات وقبل ماأقولكم بيعملوا أيه خلينى أحكيلكم على اللى حصلى قبل مايشتغل الزهيمر من كام يون اتصل علىّ واحد صوته خشن أخشن من صوت المرحومة جموستنا وقال أسمع يارفعت إحنابنحذرك قريب جدا هنعمل فيك عمايل سودة زى الخروب وهنبهدلك آخر بهدلة كمافعل أمن الدولة مع أخوك أيوب قلت أنتوا مين وعرفتوا رقمى منين قالوا إحناعارفين كل حاجة عنك وهنسرقك يعنى هنسرقك قلت ياعم أنت غلطان داأناأنظف من الصينى بعدغسيله قال إحناعافرين هنسرق إيه المهم مااطولش على حضراتكم تانى يوم لقيتهم أولاد الهرمة دول دخلوا منتدى بنات مصر وعرفواأزاى الباسورد بتاعى وسرقو الأوسمة بتعتى بس طلع عندهم ذمة ورحمة شوية وخلوا 4 منهم بلغت الأخت حوراء بعدماتقدمت ببلاغ للسيد بانك كمون ولحد دلوقتى لا حوراء قدرت ترجعهم ولابنكمون قدر سألت ليه قالوا الحرامية طلبين 10مليار جوز حمام وإحنا الموسم ده أصاب الحمام حمى الإضراب ومارضيوش يبيضوا فأناياحبايب مصر بحذركم تخلوا بالكم من العصابة دى والسلام عليكم ورحمة الله مع تحيات أخوكم رفعت

[الابتسامه المصريه]

وانا بقرأ قلت دى خزعبلايه
ولاايه

جميل ماكتبت
وليه الحمام

مش كفايه سرقوا
الارانب
ههههههههههه

الله ينور قلبك بنور حب رسوله

[بلدنا في القلوب متشاله]

العصابات ورانا ورانا

حتى المنتدياات سبحان الله..

ربنا يسترها..

[العاشق الذى لم يتب]

اقتباس المشاركة الأصلية كتبت بواسطة arco baleno ثوره سناير هههههههههههههههالمنتدى ولع اكتب وصيتك بس ههههههه المافيا الايطاليه غزت المنتدى وكلنا راح نترحل الله يستر في كل قسم صوت قنابل وطلق نار هههههههه وربي موضوعك تحفه لو استمريت متصله راح اموت ضحك لازم اروق واسجل خروج ههههههههههه

الله يبارك أختى حوراء
أهوالواحدفينابينفس عن روحه شوية
وبيكتب اللى حاسس بيه
أشكرك جدا على المرور
مودتى

[العاشق الذى لم يتب]

اقتباس المشاركة الأصلية كتبت بواسطة الابتسامه المصريه وانا بقرأ قلت دى خزعبلايه ولاايه جميل ماكتبت وليه الحمام مش كفايه سرقوا الارانب ههههههههههه الله ينور قلبك بنور حب رسوله

اللهم آمين
بارك الله فيك أختى الفاضلة
أسعدنى مرورك
تحياتى ومودتى

[العاشق الذى لم يتب]

اقتباس المشاركة الأصلية كتبت بواسطة بلدنا في القلوب متشاله العصابات ورانا ورانا حتى المنتدياات سبحان الله.. ربنا يسترها..

وزى ماقلت ربنا يسترها
بارك الله فيك
اسعدنى مرورك
مودتى

[على محمد محمود]

شعبها
احـتـرامــي.. لـلـحـرامــي

صاحب المجـد العصامـي

صاحـب النفـس العفيـفـة

صـاحــب الـيــد النظـيـفـة

جـاب االـثـروة المخيـفـة

من معاشـه فـي الوظيفـة

وصار في الصف الأمامي

احـتـرامــي.. لـلـحـرامــي

هههههههههه


فى منتهى الروعه
تقبل مرورى المتواضع

[العاشق الذى لم يتب]

اقتباس المشاركة الأصلية كتبت بواسطة على محمد محمود شعبها احـتـرامــي.. لـلـحـرامــي صاحب المجـد العصامـي صاحـب النفـس العفيـفـة صـاحــب الـيــد النظـيـفـة جـاب االـثـروة المخيـفـة من معاشـه فـي الوظيفـة وصار في الصف الأمامي احـتـرامــي.. لـلـحـرامــي هههههههههه فى منتهى الروعه تقبل مرورى المتواضع

بل غن مرورك قمة فى الروعة
ولقد تلألأ موضوعى المتواضع
بتلك الالئ التى نثرت هنا
دمت أخى وسلمت
وأسعدتنى وشرفتنى
بارك الله فيك
مودتى