حلقه جديدهـ من " أجمد عضو " ومعـآنـآ morshooo

[♥..pure]

السـلآم عليكم ورحمه الله وبركـآته .،




آهلآ بيكم وحلقه جديدهـ من بـرنآمجكم " أجمد عضو " ..،
وآكيد أجمد عضـو هو صآحب البرنآمج نفسه
وبالذآت مع تألقه فـ برنامجه والذي حصل على آكثر حذف حلقـآت من بدآية نشآهـ المنتدى
ولسه اللي جـآي انقح
ومع الحملآت التي تنشهآ الآعضـآء على المدعو مورشو في جميع الآقسآم !
قررنـآ نجيبه ونقعدهـ ع نفس الكرسي اللي بيقعد عليه نـآس كتير
تعالوآ نشوف الحـوآر :

- آهلآ بيك ي مورشو فـ برنامجك

اهلا اهلا

تقريبا دى تانى مرة اظهر فى اجمد عضو كضيف ^_^

- أحسآسك ايه وانت قآعد ع الكرسي ؟
اكيد مش نفس احساس الى بيقعد
وانا مستضيفه

هدفك آيه من آجمد عضو ! التجريح أم كشف الحقيقه !!

هو والا تجريح والا كشف حقائق

ولكن الهدف الاول للبرنامج هو

( التوضيح )

انتى عارفا المنتدى هنا لو صحيتى الصبح لقيتى مورشو اخد حظر هتلاقى مليون حكايه اتقالت بين الاعضاء فى هيقول انه اتخانق مع الادارة او مراقب وحظرة ومنهم الى هيقول دا عشان شتم فلان وفى الى هيقول دا اتحظر عشان كان فى توبيك ودخل فى عند مع فلان والادارة ادخلت وحظرته

المهم هتلاقى مليون حوار اتقال حتى لو فى خلاف بين اتنين برضو بنلاقى حوارات كتيرة جدا بتتقال عنهم ولما استضيف العضو تلاقيه بيقول كلام غير الى الاعضاء بتقوله وبتسمعه .

عارف ان اجمد عضو بيعمل مشاكل عشان الضيف بيقول الى عايز يقوله عمرى ماحزفت رد لعضو فى التوبيك مهما كان هو قايل ايه سواء بيهاجم فلان او علان وفـ اكتر الاستضافات ببعت للضيف وبقوله قول الى عايز تقوله ماتخافش من حاجا .

فاعتقد ان لو هدف اجمد عضو التجريح مكنتش الحمد لله لحد دلوقتى مفيش حد بعتله استضيفه وقالى لا حتى الى بيرفض بيكون رده نأجلها وبعديها فعلا بستضيفه .

واخرها ( كوين مارى ) الحلقه بتاعتها رفضت الاول الاستضافه وبعديها باسبوع بعتلها تانى ووفقت .

- معنى كدآ انك بتدي فرصه تانيه للعضو انه يوضح وجهه نظرهـ خاصه للآدارهـ بعد حظرهـ مثلآ ؟!

حصلت مرتين مرة مع غريب الاطوار
ومرة مع المنشاوى
وعادة كتير بستضيف اعضاء
بعد ما بترجع من الحظر
او اعضاء على خلاف مع بعضهم

- علطول بتذكر ف سؤال كلمه [ بيقولو ] .. بيقولوآ دي وجهه نظرك ولآ همآ فعلا بيقولو ؟!

لا فعلا ( بيقولو )

انتى عارفا اننا فى المنتدى اى خبر بيتقال كلنا بنعرفه وبنسمع وبتلاقى الى بينقلك الكلام بيقولك دا قالو ان فلان عمل كذا كذا وعلى فكرة لو الضيف نفسه مش بيسمع الكلام دا اعتقد هيرفض يجاوب على الاسئله

- بس متنكرش انها بنسبه كبيرهـ بيكون رأيك انت ! >> زي العضو المدلل كدآ

بالعكس العضو المدلل دى
اتقالت من الاعضاء من بعض الاعضاء
واتقال كمان عنى انى مدلل وبعمل الى عايزة
ومحدش بيكلمنى من الادارة وبخالف القوانين
والى بيقول كدا ميعرفش ان توبيك
اجمد عضو اتحزف منه ( 4 حلقات ) قبل كدا
فدا اكيد بيدل ان مورشو زى اى عضو تانى
فى المنتدى .

هل انت شايف آن الرحآل فعلا عضو مدلل !!
اكيد لا
وعلى فكرة لو دا موجود فعلا
انا كنت اول واحد اعترض
بس على فكرة لما سئلت حنون السؤال دا
كان لازم اسئله حتى لو هو مبيحصلش فعلا
بس لازم اسئل الضيف كل الاسئله
الى بدور فى دماغ الاعضاء حتى لو غلط .

- تفسر بآيه عدم حصولك ع منصب مرآقب لحد دلوقتي برغم نشآطك وقدميتك !!

بصى انا نشاطى لنفسى بمعنى
انا الادارة مكلفانى بالاشراف على قسم معين

كل هدفى ان القسم دا ماينزلش او مايقلش عن الاقسام الحيويه فى المنتدى .

من كام يوم نزلت فى صفحاتى اجابه للناس الى بتقولى انتا مش متفاعل فى المنتدى

ومن كام يوم كنت انا وحد من الاعضاء بنكلم فى حكايه المراقبه فدخلت صفحاتى وقولت .

انا لو شغال فى شركه محاسب مش هيبقى مطلوب منى انى لو فاضى ادخل اشتغل مع مثلا المبيعات والا لو فاضى انى ادخل اشتغل شويه مع الادارة .

المنتدى هنا كلفنى بالاشراف على اليوميات خلاص احكم عليا فى القسم دا لكن انا مش مجبر انى الف اقسام المنتدى

قولى انتا مفيش تفاعل لما اكون

( مراقب ) .
دى اول نقطه

النقطه الثانيه : الناس الى تعرفنى عارفا كويس انا عمرى مطلبت منصب فى المنتدى حتى بدايه الاشراف كان عرض من الادارة انى اكون مشرف السويتش وكان طارق الى بلغنى حتى لما اتنقلت اليوميات كان من الادارة .

حتى الاوسمه الى معايا كلها اداريه يمكن انا لو بجرى ورا المناصب والتكريمات والاوسمه كنت طلبت الحصول على وسام بما انى لسه مخلص مسابقه ( القلم السحرى ) واشتركت فى النقابه الى عملتها حوراء بس قولت انا بنظم مسابقه عشان ادى الافضل وسام ودا هدف المسابقه لكن مش فى دماغى انى اعمل حاجا عشان اخد وسام بسببها .

- طب واليوميآت ! انت شايف ان قسمك ناجح ؟!
اكيد الحمد لله ناجح وناجح جدا
وانا بقول ان
( قلم الاعضاء و الابداعات و اليوميات )
حاليا هم انشط اقسام المنتدى
كان فى قبل كدا
( الخوأطر و الهوايات )
بس الخواطر فى خلافات مع الادارة فيه
الهوايات حوراء اهملته بعد منصب الادارى المنتخب ودا طبيعى

فيه فرق بينه وبين اليوميآت زمآن ؟!
لو زمان مع بدايه المنتدى وبدايه تسجيلى فى المنتدى
يبقى اكيد فى اختلاف للافضل كمان .
لو زمان من سنه مثلا يبقى برضو فى اختلاف ^_^
كل فترة القسم بيتغير مع تسجيل اعضاء جداد
يمكن الحاجا الوحيدة الى متغيرتش هى
اجمد عضو ^_^

ايه اللي يخلي القسم ينجح من وجهه نظرك ؟!
المشرف ولآ تفاعل الاعضاء ف القسم ورغبتهم فيه ؟!
الاتنين بيكملو بعض بس الدور الاكبر على المشرف
لو المشرف مش بيقدم جديد محدش هيتشجع
لا يدخل القسم
والا يحاول يقدم برنامج .
وعلى فكرة انا لاحظت حاجا كل الاداريين المنتخبين
كانو بيهتمو باليوميات من اول
ماتركس لحد دمعه حائره
يمكن حوراء وساد ايز مهتموش بالقسم دا
رغم انه حيوى جدا وكان هيكون فى مصلحتهم
حوراء صحيح عملت مسابقه
ولكن كان ممكن تقدم توبيك تستمر بيه .

- شعبيه مورشو : دور تآني !! ودآ لأنك كنت نائب اداري منتخب ولم تحصل ع الاداري نفسه حتى الآن ؟!

انا رشحت نفسى اول مرة فقط على منصب الادارى .
وكان هدفى من الترشيح انى اخرج برا اليوميات .

لما دخلت نائب مع ماجيك مكنش ليه اى دور كل الى ليه انى اخد لون ( اسود ) مكنش معايا اى صلاحيات فقولت خلاص طالما الصلحيات كلها مش معايا يبقى خلاص انا كنت وعد بعمل مسابقات ووقتها عملتها وكان طبيعى انى اعملها لانى حابب انى انظم مسابقات فمكنش المنصب فارق معايا كتير .

- رآيك آيه ف الطريقه اللي الادارهـ متبعآهآ ؟!

انا كتير اختلفت مع الادارة
ودا طبيعى ومش شرط ان الواحد لما يكون تابع للادارة يبقى كل حاجا نشوفها صح كنت اوقات بهاجم الادارة عن طريق الاعضاء فى اجمد عضو وكنت بكون قاصد انى استضيف الاعضاء الى ضد الادارة عشان اعرف الادارة ان فى حاجا غلط وكنت كتير بشوف اهتمام من الادارة انها ترد ودى حاجا كويسه كنت بكون مبسوط بيها .

دلوقتى الادارة مفيهاش غير ( طارق ) و ( الادارى المنتخب ) واعتقد ان الفترة الجايه هيكون فى ادارى تانى مع طارق ادارى دائم ويمكن فى عضوين اعتقد مش هيخرج منهم منصب الادارى ( دمعه ) او ( ساحر ) ولكن .

مع كامل احترامى ليهم هيبقى فى مشاكل كتيره لو دخلو فى جو الادارة .

( دمعه ) اعتقد انها حساسه جدا ودا منصب مش لو كل حاجا حصلت هتاخدها بالشكل دا يبقى هنلاقى ( دمعه ) مخلصه مناديل المحافظه الى هى منها .

( ساحر ) دائما بيحب يراضى الاعضاء ويمسك العصايا من النص زى ما بيقولو ودا برضو مش هينفع لما يكون ادارى لان هيجى عليك اوقات لازم تحظر دا وتكلم دا بشدة وتعامل دا بطريقه لو عملت كدا تانى انتا حر

بس بجد هم الاثنين انسب اتنين للمنصب دا حاليا بعد ( حنون ) الى بتمنى انها ترجع تانى لمنصبها اللون الاسود زفت عليها

- بس لو طارق اختار دمعه او ساحر ؟!
تفتكر قرارهـ صح ؟!
اصل مش هيجيب عضو عادى ويخليه ادارى
والا هيجيب مشرف ويخليه ادارى
فاكيد الادارى القادم هيكون من المراقبين
ومفيش مراقبين شغالين حاليا الا هم الاتنين
انا طبعا معرفش دماغ طارق ايه بس دا الى المفروض
يحصل او هيحصل .

ايه المشكله لما يكون مشرف وبعدين يبقى اداري علطول طالما يستاهل ؟!

طالما يستاهل يكون ادارى الادارة مخلتوش مراقب ليه ^_^
واكيد فى حاجا اسمها السلم الادارى
وانا بعتقد ان لو دا حصل ان مشرف بقى ادارى
الاعضاء مش هتتقبل دا .

- هو شرط يكون للاداري نشاط وتواجد تام ؟ ولا بيتوقف ع شخصيته وازاي بيعالج الامور ؟!
الاتنين اكيد لازم يتواجد على طول عشان لو فى حاجا
ولازم يكون ليه شخصيه يعالج بيها الامور
عشان كدا ماينفعش يكون المنتدى
بادارى واحد فقط او اتنين حتى

سآد آيز ! >> وبشهادهـ نآس كتير بعقله وانه شخصيه كويسه
بنسبه كآم يستحق منصب الآداري ؟!

معتقدش هينفع فجأة نلاقى ساد ايز ادارى صعب جدا
لو هنكلم على الاعضاء العاقلين يبقى زى ما قولت
ساحر ودمعه اول الاعضاء دى .
ساد ايز من الاعضاء الى بحترم شخصيتهم جدا وتفكيرهم وليه اراء تحترم
واتمنى يجى يوم ونشوفه فى ادارة المنتدى هو وكل الاعضاء الى تستاهل دا .

رآيك ف قرآر حنون ، موضوع اختار المدير ،الاستبيان 4 ؟!

قرار حنون انا ضدها فيه طبعا

مكنتش حابب انها فجأة تقرر انها

تسيب الادارة هى صحيح كانت

قالتلى قبل كدا من فترة بس مكنتش

حابب دا يحصل لان دا انسب مكان ليها .

موضوع الاستبيان

عادى معتقدش انه هيفيد انتا فى منتدى

لو قولنا فيه حوالى 200 عضو نشيط

انتا طالب من كل عضو يختار عضو واحد

عندك كل اتنين اصحاب هيرشحو بعض .

حتى لو البعض تخلى عن دا هتلاقى اكبر عضو

تم ترشيحه هتلاقى بالكتير 10 والا 15 صوت ليه

فدا مش مقياس انك تعين حد عشان الاستبيان دا .

انت شايف الادارهـ بالسذاجه دي !؟
اكيد بنسبه كبيرهـ هيكون ليهآ رآيهآ .. والاستبيان ما هو الا محاوله لتطبيق الديمقرآطيه ..
تقريبا طارق عمل الاستبيان دا عشان لما يقول
انا اخترت فلان او فلانه يقول انتو
رشحتو العضو دا فى الاستبيان
بس من رئى الشخصى مش هيفيد قوى
زى الاستبيان الخاص بالمشرفين والمراقبين
مستحيل الادارة مش عارفا مين شغال
ومين لا والا يبقى الادارة فاشله
اذا كان الاعضاء عارفين وشايفين
مين عامل نشاط ومين لا الادارة مش هتعرف .
كان ليا تعليق طالما دخلنا فى المنطقه دى
ماينفعش يبقى عضو عادى مميز عن مشرف قسم
وماينفعش مشرف قسم يكون مميز عن عضو v.i.p
وماينفعش يكون عضو v.i.p مميز عن مراقب
وكل دا بنشوفه هنا فى المنتدى
لحد امتى هنفضل نقول لازم نلتمس الاعزار للمشرفين .
واجى انا احرم عضو عادى من تميزة عشان
هنستنى عضو بقاله شهور مش بيدخل .
او مراقب عشان بقاله سنين معانا
فستناة شهور عشان مايزعلش لما يرجع
طيب ما تشيلهم ولما يرجعو
ويشتغلو رجعهم تانى هيحصل ايه .
كل مرة الى بيحصل نشيل مشرف او اتنين
ونحط غيرهم ونقول احنا شيلنا
نشيل مراقب من اصل 5 مثلا
مش شغالين ونقول احنا شيلنا مراقبين .

- مواضيعك باليوميات باستثناء اجمد عضو : غير هادفه زي التجربه وعضو ف الصورهـ ؟

بالعكس التجربه نجح جداااااااا
وكانت فكرة جديدة وعجبت ناس كتير جدا

بس وقفتها بعد الحلقه ( الثامنه ) تقريبا

ودا لانى مكنتش حابب اطول قوى فيها

بس اكيد هيجى وقت ويبقى ليه جزء ثانى

( اعضاء فى الصورة )

كان الهدف من التوبيك الضحك والهزار

انتى عارفا الاعضاء بتحب الحاجات دى جدا

والى حسبته لقيته بسبب التوبيك دا

حصل جو جميل جدا فى القسم بين الاعضاء

وحصل ان فى اعضاء ردو عليا بمواضيع

وتريقه يمكن اكتر مانا مكنت بعمل

ودا بسطنى جدا ان واحد زى الرحال

خرج من الابداعات ونزل فى اليوميات

يعنى عمل جذب

كويس للاعضاء فى القسم .

انا مش بقول نجح ولآ لأ .. أنا بقول غير هآدف !!

طالما موضوع هيكون من حق الاعضاء تقول رئيها فيه
يبقى هادف ودا كان توبيك التجربه
انا بعرض القضيه من خلال عضو
ومن حق الباقى يدخل يقول دا بيحصل فعلا والا لا
لما استضيف عضو/ة يعملو دور
( فتاة ليل او رقاصه او حراميه او سواق او طبال او عامله نظافه او خطافه اطفال )
وكل دى قضايا فى المجتمع يبقى اكيد
الحمد لله التوبيك نجح .

فيه نآس مش حآبه موضوع عضو فـ الصورهـ : لآنك من نآحيه بتتريق ع الاعضاء ومن ناحية تآنيه بتتريق ع الصور نفسهآ !؟
سوآء كان ملعوب فيها او لأ !!

الموضوع معروف ان غرضه الضحك مش اكتر والحمد لله محدش زعل
من الى حصل فيه وشايف ان الاعضاء
حبت الحكايه دى واكتر واحد بينزل عليه
مواضيع دلوقتى هو ( مورشووو ) يمكن
كل يوم موضوع واتنين بينزلو وبدخل المواضيع دى
وبنهزر وبنكلم والموضوع مش مستاهل زعل
من حد ومعتقدش ان حد هيزعل منة .

- انت بارد ي مرشدي .. مآ تعليقك

مش اكتر منك
والله الواحد مش عارف هو بارد والا عصبى ^_^

هقولك حاجا فى حاجات كتيرة جدا بتحصل

باخدها بكل برود لانى بحس ان الموضوع

مش مستاهل وفى حاجات بيكون لازم ارد عليها لانى اكتر حاجا بكرهها ان حد يقلل من مجهود انا عملته او يشكك فى حاجا عملتها ودا بيحصل .

مفيش عضو فى المنتدى ماتعصبش
من اول طارق لحد الاعضاء العاديين
ماعدا يمكن ساحر
بمناسبه ساحر لما استضفته فى
انا والنجوم فى الراديو
قولت ودا اعمل معاة ايه دا
اكلم معاه فى ايه اصلا الى ماليه اى سابقه
انكشه بيها والا احطه فى الحارة المزنوقه

لآ بجد .. بيقولوآ انك بآرد ي مرشدي

ههههههههههههه
انتى اتعديتى اهو ( بيقولو )
تقريبا العيب فى اجمد عضو مش فينا

^^
بصرآحه محبتش اسألك واقولك تحب تقول آيه للآعضآء
بستتنح السؤال دآ اوي ي مرشدي ههههههه

كنت منور برنامجك طبعآ
يلآ خد المآيك بتاعك اهو
العواف عليكو

[тoкα..♥]

آيـوووة بئــآ xD
شكـلَك فـآهم يَ نُصه :d
آلسؤآل آتحـط آهـو
لآء تمـآم يَ فوفـآ وآلله
تصدقي عندك حس آستفزآزي كدآ بردو ,,
تنفعي تبقي خليفه مورشو فـ تقديم آلبرآمج :/
نـورت يَ مرشـدي
آحترآمي ~

[حنـــــون]

حلقه زى الفل والله
جامده ياصفاصيفو
وبئه انا اللون الاسود وحش عليا
ياخورشدى ههههههههههه
دا جميل اهو هو فى احلى من السواد
حلقه جميله كنت منور يامورشو
شاطره يارفيفو

[booody99]

حلقة جميلة جدا بصراحه

هههههههه وبيور بدعت اوي في الأسئلة بس على مين ده مورشو الي بينبرمبو المثل هههههه

والله حلقة جميلة اوي عجبتني بجد معاكم

ومورشو كانت اجابته في محلها بجد

تسلمو على الحلقة الي استمتعنا بيها

كل الاحترام والتقدير

[morshooo]

منورة اصافى والله ^_^
الحوار كان جميل جدا اكيد
وان شاء الله يبقى فى حنين
لليوميات ^_^
وتعملى حاجا تستمرى بيها فى القسم

[big bốss]

هنلاقى ( دمعه ) مخلصه مناديل المحافظه الى هى منها .


عجبتنى دى يا مورشو


و عجبتنى التانيه ان الناس كلها بتزعل و بتتعصب الا ساحر الاحزان


هههههههههههههه عندك حق فى رايك انا متوقع حد فى الاتنين هيبقى ادارى

و هما اكتر اتنين يستاهلوا برضو ربنا يوفقهم منه وامجد بحبهم لله ف لله



و الله قسم اليوميات بقى احلا قسم دلوقتى انا اول ما ادخله بموت من الضحك و الله

و على فكره مورشو احنا بنحب نهزر معاه و نضحك وياه و هو مش بيزعل

لان الموضوع ضحك كله


حلقه جامده يا رفيف و اسئله عجبتنى وجريئه زى مورشو


بالتوفيق للجميع

[الرحــاال المٌتَمرد]

مورشو ضيف ^^
منور يا مٌرشد ,,
وأكيد حلقه بالجمال دا
لازم تكون المستضيفه صافي ..
وبعيداً عَن "الرحال" إللى إسمٌه في الحلقه الرابعه على التوازي ..
بس عجبنى إجاباتك ,, وثقافه الرد .
بالتوفيق دايماً لكٌما ..

[روح صامتة]

الاسئلة كتييير ^^
وانتو رغيتووو
بس حلوو المووضوع الاسئلة فيها تشويق .. وحقيقية نوعا ما ..
الايجابات حكيمة .. شوية بتعرض وجهة نظرك وشوية انت بتدافع عن نفسك ^^
بس موضوع جميل ..
انا عن نفسي عجبني عضو في صورة يعني كان برنامج حلو ..
بشكرك يا صفصف ع الموضوع
وشكرا ي احمد ع الايجابات ^^
ارق تحياتي

[الأميرة رودي]

حوارجميل اوى وشامل اسئله كتير
وفقتى ياصافى فى اختيار الاسئله وموروشو كان صريح وواضح ف اجاباته
ودى يمكن أجمل حاجه فيه
ده غير النشاط اللى فيه قسمه وطبعا الفضل بعد ربنا بيرجعله هو وسامى
.يعني يتحســدووو
تسلمي ياقمــر بجد استضافه راائعه ومميزه
وعقبال مانشوفك مراقب عن قريب ياأحمد لآنك تستاهل المنصب ده من زمان
بالتوفيق دايــــــما

[פﭠة ﺳگـړُھَہّ]

حلقه جميله يا مورشو

واسئله جكيله منك بيور

وصريحه جدااا

دايما منورين