إختبار القٌدرات 2 "الشَرح + البدايه"

[lady lead]

فكرة حلوة رحال
بالتوفيق دايما بئا
سلام

[booody99]

والله استمتهنا انهارده

انا اول مره اكتب هنا في الحب وكده

حاسس انه مش لايق عليا هههههههه

بس نعمل ايمن الصور ملهاش غير كده

نورتوا بصراحه وربنا يوفق الكل

مساء الورد

[ويبقى الأثر]

8
العقل نعمة ربنا
ولكل عقل مفتاح
بيختلف زى طبعنا
واللى يطنش يرتاح
ــــــــــــــــــــــــــــــــــــــــــــــــــ ـــ
معلش بقا ماما اخرتى
وامسيه سعيده ع الكل
يكفى ان اشتركت معاكم

[روح صامتة]

طب لسه في وقت ولا ؟ ^^
هية عشرة ونص عندكو دلوقتي ولا ايه ^^ )

[Mahmoud Mohie]

عُذراً كثيراً ..
حَصلت ظروف قهرية منعتنى ..
كل رَد هَنَزِل رباعية ..

شُكراً لأيمن وللجميع بقى ...

[Mahmoud Mohie]

(1)

كلـمـة ثورة يـاناس باخِـت

متكررة ف ملـيـون خِطاب

كِدب وخلاص ريحته فاحت

فين الجانى وفين الحِساب!

[Mahmoud Mohie]

(2)

شـايف الصورة باهتة

والامــل أصبح ضئيـل

العيش بييجى بالشِحتة

والخير فـ بلادنا قلـيـل

[Mahmoud Mohie]

(3)

أنا المسجون فـ بَلـــده

أنا المَحبوس فـ أرضه

أنا المَنهوب فـ مــالـه

أنا المَهدور فـ كَرامته

[Mahmoud Mohie]

(4)

حَكيت للبحر أســرارى

فكان ليها مـ الحـافظين

كل البشر ضلوا أشرارى

وهو لوحده مـ الصادقين

[Mahmoud Mohie]

(5)

كُنا زمان مع بَعض

فى الحُزن قبل الفرح

كــان فى بيـنـــا وِد

بقى اللى بينا جَــرح