ريهان وسما ونور في المزاريطة

phalsteen · منذ /04-19-2013, 05:42 PM

انا قررت اخد ريهان ونطلع رحلة
فلما سألت ريهو حببتي
قالتلي نور قال هيودينا المزاريطة

فقولتلها مش المزاريطة دي بتاعت الكبير
قالتلي ايوة يا اختي
قولت وماله المزاريطة المزاريطة

دا حتي من زمان نفسي اشوف هدية وفزاع

نور : ها جاهزين

انا : انا مش متفائلة

ريهان : يا اختي اتنيلي اسكتي يالا يا واد يا نور هاتلي فطار

نور : يا عبد الجبار هنأكل في الطريق وبعدين ودا وقت اكل

انا : رحلة مع اتنين مجانين شكلها رحلة اخر حلاوة

ريهان : انا اساسا عملت سامدوتشات جامدة

نور : طب هاتي انا جعان

انا : ع جثتي حد يأكل من السندوتشات دي تنا مش ناقصة مشاكل
مفيش اسعاف قريب تلحق حد منكم ال ريهان هتعما ساندوتشات
وانت يا بتاع الجاز سوق وانت ساكت

ريهان : كدة ي سمسمة انا مخصماكي

انا : ي حببتي انا خايفة عليكي وبعدين بلاش في الطريق لما نوصل هنجرب
يمكن نلاقي حد يلحقنا

نور : منورين يا بنات شكلها رحلة اخر تمام

ريهان : انا هصور الرحلة من اولها علشان اغيظ بيها العيال في المنتدي

انا : طب متنسيش تصور ي الساندوتشات دي علشان يعرفوا المأساة

ريهان : يا وحشة ي ظالمني

نور : بطلوا كلام انا صدعت

انا : انا اساسا هنام علي ما توصلنا بس شغل كاظم بئا

ريهان : لا يا نور انا عاوزة ام كلثوم

نور : بس انتي وهي هو مفيش غير حجازي متقال

انا : انا عاوزة اروح بئا

نور : انتي عارفة انتي بالذات لو اتكلمتي هبعتك المنتدي جثة

ريهان : انا ساكتة اهو ي نور

انا : بس ياض انا مبخفش اصلا

نور : طب يالا وصلنا

ريهان : الله بصي يا سمسمة ورد هناك اهو

نور : انا مش عاوز لعب عيال ورايا من غير كلام
انا اتفقت مع الكبير وهو مستني دلوقت

انا : طب والنبي ي نور نتفرج ع الورد

وفجأة نور جاله تليفون واتمشي وهي بيتكلم

ريهان : تعالي ورايا من غير ما ياخد باله نجيب وردة ونرجع ع طول

انا : يالا يا اختي

وفجأة

انا : الحقي يا ريهان مين دول

ريهان : الحقيني يا سما انا خايفة

نور : سما يا ريهان انتوا فين

يا بنات

نكمل الحلقة الجاية

بعد ما ريهان وسما اتخطفوا
ونور بيدور عليهم
ياتري راحوا فين
ومين اللي خطفهم
ونور هيعمل ايه ؟

big bốss · منذ /04-19-2013, 05:50 PM

جامده يا سمسمه بجد

اكيد حد خطفكوا !

و انا هنقذكوا ^^

تسلسل جميل لحكايه عسل كلها تشويق واثاره و اكشن

يلا فى انتظار باقى الحلقه

و بطلى بتاع جاز دى

احسـ طفله ــاس · منذ /04-19-2013, 06:11 PM

حلووووووووووه اووووووووى
بقى نور اللى هاينقذكوا (لالالا متتوقعوش دا ندل هايطلع يجرى )
مستنين ايه اللى هايحصل
خلى اللى خاطفينكوا ياكلو السندوتشات

العاشق الذى لم يتب · منذ /04-19-2013, 09:27 PM

تعرفى أهم حاجة ولد عمى نور مبسوط قاعد يكلم الموزة وماجارلوش حاجة وكمان أهو كويس أنك أنت مااتخفطيش لحسن كنت ازعل اوى عليكم وربنا يطمنا على الحلوين ومايكونش البلطجى اللى خاطفهم طالب مبالغ كبيرة علشان نقدر نخلصهم لمانشوف هو خطفهم ليه اللى ماعندوش دم ده مودتى

CAN _ 7LM · منذ /04-19-2013, 09:30 PM

هههههههههههههه

لا جامده الحلقة موت

وفى انتظار الحلقة التانية

ķąyąŋ..♡ · منذ /04-19-2013, 10:56 PM

ههههههههههههههههههه

جامده يا سمسه

يالهوي انا اتخطفت انا وانتي وسابو نور

ايه الحظوظ دي

بردوا سندوتشات يا فضحاني ههه

منتظره الحلقه الجديده

βÄşmα ♥ · منذ /04-19-2013, 11:32 PM

لأ بجد جممميله اوووووي
بانتظآر الحلقه الجآيه ♥

morshooo · منذ /04-19-2013, 11:49 PM

ايه القلش دا
انتو تتخطفو بتاع ايه
وانتو مين هيبصلكو اصلا
ارحمونا بقى من القلش بتاعكم دا

اتغطى كويس بس يا نفرتيتى وانتى نايمه
وان شاء الله هتكونى كويسه بكرة الصبح

لا بجد لحد دلوقتى تمام
والقصه جميله
لما نشوف هيحصل ايه الحلقه الجايه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اذلك خير نزلا	۩۩ سيد الشرقاوي ۩۩	منتدى الاسلاميات والقرأن الكريم	5	08-04-2012 12:04 PM
حصرى / ديمو المزرايطة ( عمرو الهاوى وصاروخ وسيد حجازى ) 2012	DJ SarOkh	اغاني شعبية - اغانى شعبى - تحميل اغاني شعبية mp3	5	05-30-2012 03:17 AM
وكــــاد أن يموتــــ >> مشترك بين نور وسما	Dr.nour	قصص - روايات - حكايات ...منقولة	20	03-01-2011 07:46 PM
كُنِ الْوَرْدَ وَلا تَكُنْ أَشْواكَهُ !!!	Şα3Đ..♥	مواضيع عامة - ثقافة عامة	2	06-29-2009 12:00 PM
كُنِ الْوَرْدَ وَلا تَكُنْ أَشْواكَهُ‏	K A S E M	مواضيع عامة - ثقافة عامة	3	06-25-2009 08:05 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

ريهان وسما ونور في المزاريطة

منتدى يوميات الاعضاء