مسابقة ديو مع مشهور ( التسجيل )

[phalsteen]

السلام عليكم ورحمة الله المسابقة واضحة مع عنوانها يا حبايبي المفروض انك هتعمل ديو مع اي شخصية ادبية او فنية مشهورة في اي قسم حصري يعجبك زي هشام الجخ او نزار القباني او شخصية كوميدية لو هتعمل في الخزعبلات التسجيل مفتوح من النهاردة لحد يوم 1| 5 هتكتب وتأكد اشتراكك والقسم اللي هتكتب فيه ومتنساش اخر معاد يوم 1 |5 ان شاء الله الجوايز اللي اعتمدتها الادارة الجوائز 200 مشاركه مركز اول ووسام 150 مشاركه مركز ثاني ووسام 120 مشاركه مركز ثالث ووسام من لم يحالفه الحظ تكون له شهادات ودي واحترامي واي استفسار انا موجودة

[العاشق الذى لم يتب]

شيئ جميل ياصاحبة الجلالة نفر ومالوش لزمة تيتى
مسابقة جميلة وفكرتها عظيمة
وأنا ان شاء الله مشترك معاك
بس استفسار
إزاى يعنى أختار نزار قبانى
يعنى أحاوره ولاأخزعبل عليه ولاهو يخزبعلى
مستنى الرد
مع تحيات أول واحد ردعلى خزعبلاتك
تسلمى ملكتنا
مودتى

[phalsteen]

اقتباس المشاركة الأصلية كتبت بواسطة الرجل المتواضع شيئ جميل ياصاحبة الجلالة نفر ومالوش لزمة تيتى مسابقة جميلة وفكرتها عظيمة وأنا ان شاء الله مشترك معاك بس استفسار إزاى يعنى أختار نزار قبانى يعنى أحاوره ولاأخزعبل عليه ولاهو يخزبعلى مستنى الرد مع تحيات أول واحد ردعلى خزعبلاتك تسلمى ملكتنا مودتى

اخي الفاضل الفكرة للحصريات
يعني متجيش انه نزار يكون في الخزعبلات
يعني ممكن تختار عمل انت بتحبه من كلمات نزار وتشاركه فيه بقلمك
او اي حد ممكن
وتختار ما بين قسم الاقلام والابداع والخزعبلات

لكن لو ع الخزعبلات فممكن مع اي برضوا بس يكون مشهور
وبعد ما تختار الفكرة وتختار القسم
وبعد كل دا هتكتبه وتبعته ليا ع الخاص من غير ما تنزله ولا تحط الرابط ولا اي كلام من دا

واشتراكك شئ مشرف اخي
ودي واي حاجة تانية انا موجودة

[big bốss]

جميل يا سما

بالتوفيق فيها

و يارب تلاقى تفاعل من الاعضاء

[Şα3Đ..♥]

انا ليا اضافه بسيطه
ممكن تاخديبيها لو تحبي
ياريت تخلي موضوع التصويت ده من قبل ناس محايدين
ويكونوا بيفهموا ف النقد وموضوع التحكيم
واظن المنتدي مليان بالناس اللي بيتمتعوا بعقليات ممتازه
وكمان حضرتك كفيله بانك تحكمي بنفسك
اصل سهل جدا واحد يبعت لاصدقائه ف المنتدي رقم موضوعه
ويقولهم صوتولي
وما اكثر الصداقات هنا ,, فا ممكنمواضيع تنظلم ومواضيع تصعد علي حساب غيرها

لكن عموما للحياد وعدم اختلاط الاشياء ببعضها
اقترح ان يبقي في لجنه تحكيم من تلت اواربع اعضاء

نقطه ثانيه

المواضيع اللي مش هتكسب كده مهدور حقها
ومهدورحق صاحبها وتعبه فيها
يعني هو هيعمل موضوع علشان مسابقه بس
يعني انا واحد من الناس
للمابكتب حاجه جديده
بحب انزلها هنا
علشان في اعضاء بحب اشوفارائهم
لان انتقاداتهم بتبقي بنائه
وبيبقيليهم وجهات نظر
ارجو تقبل رايي
وديمجرد وجهه نظر

موفقه باذن الله

[Words Whisper]

حابه أشارك
هفكر كدا وارجع ان شاء الله ..


بالنسبة للتقييم
من رأيي الأفضل لجنة وممكن بردو تعتمدي السرية
يعني بردو اختاري لجنة ومش تعرفيها أسماء أصحاب المواضيع
وتقيم بئا بالأرقام
أصل التصويت مش بيكون معتمد ع الأسس اللغوية وكدا
بيكون كدا تلقائي مش له قواعد لغة ولا أي حاجة ..


تسلمي سما باشا ..
دوام التوفيق ..

[Arco Baleno]

بالتوفيق في المسابقه حبيبتي وهي مسابقه جميله وشوفي المناسب الى الاعضاء تصويت او تحكيم
موفقه فيها حبيبتي

[phalsteen]

اوك ي جماعة تم التعديل وان شاء الله نختار لجنة حكم عادي

[نجم وزهره ومسافات فراق]

فكره مميزه جدا ومجهود راق
لي عوده بالرد مرة اخرى
كل السعاده للجميع يارب

[شاعرة الرومانسيه]

فكره رائعه يا قمر

انا هاشارك مع شخصيه أدبيه لأنى عاشقه لاعمال نزار

هاتكون مناظره رومانسيه نزاريه

مشاركه يا قمر