حلقه جديده من ( اجمد عضو ) معانا ( sєяєєη )

[morshooo]

بسم الله الرحمن الرحيم

حمله التبرعات بقسم الاعمال الخيريه

اهلا بيكم

وحلقه جديدة من برنامجكم

اجمد عضو

النهاردة خلاص هيتم كشف الستار

عن العضوة الى حيرت الاعضاء :d

( العضوة المجهوله )

كلنا عارفين هتكون ضيفتى النهاردة

فى اعضاء خمنت هى مين وفى اعضاء محولتش تفكر

ولكن ضيفتى اكدت ان محدش عرفها لان محدش سمع صوتها

عموما ضيفتى النهاردة

( العضوة المجهوله )

sєяєєη●•ʚɞ

ودلوقتى تعالو نشوف الحوار مع الضيفه

س / اهلا سيرين بيكى فى اجمد عضو ؟

اهلا اهلا يا مورشو

س / ايه اخبارك واخبار القسم العام معاكى ^_^ ؟

اهو انا وهو بنتعايش مع بعضينا ههههههه

س / فى البدايه ايه رئيك فى القسم العام ؟

بردوا بتجيبلى سيرة القسم العام
الاستضافة مش معمولة ع القسم العام اصلا
"فضحتك اهو ههههههه"
القسم العام دة حبى الاول والاخير " كدابة طبعا"
بص انا مابعرفش اجامل فهقولك رايى فيه
القسم العام قسم مهم فى المنتدى وهو واجهة المنتدى
بس معظمة مواضيعه منقولة وبتكون كتيرة جدا
لان مافيش هاك بيحكمة
فالصعوبة اللى كانت بتواجهنى فيه حاجتين
وهما متعلقين بشخصيتى:
ان المواضيع المنقولة بحسها كلام ملزوق ومش نقاشية ومافهاش راىومش بتعبر عن فكر صاحبها
وانا بحب جدا المواضيع اللى بتعبر عن فكر صاحبها
ودى مش بتكون غير فى المواضيع المكتوبة بقلم
العضو نفسة وحتى انا نفسى دايما مواضيعى وافكارى
بكتبها فكانت اول مشكلة بتواجهنى ان كتير جدا
كنت بدخل المواضيع دى ومش بلاقى رد اقولة فيها
خصوصا انى مش بضيف رد الا لو كان هيضيف حاجة للموضوع ومابعرفش ادخل اقول يسلموا كل اللى بقدر
اعملة ارد بكلمتين كتقديرا لمجهود صاحبها عشان كدة
ردودى قليله جداومابتعجبنيش فى العام
المشكلة التانية اللى واجهتنى فى العام :
ان العام عشان اول قسم فكل اللى يدخل ويكتب موضوع ومايعرفش يودية فيه يقوم رامهولك فى العام وانت
تنقل بقا للاقسام
كنت بشوف عملية النقل روتين ممل لانك مش بتنقل
توبيك واحد ولا اتنين مخالفين لا بتنقل بالكميات
وكل واحد تودية لقسمة
بس الميزة ان المراقبين بيساعدوا فيه حتى انا بقيت
مقلة جدا فى نقل المواضيع عشان كدة تلاقى اشرافى
الرقابى صفر
بكرة الروتين جدا وعلشان كدة طبيعه القسم العام
ماكنتش متفقة مع شخصية بتكرة الروتين جدا خصوصا
ان انا عمرى اما كنت اتخيل انى اكون مشرفة فى العام
ولا طلبت اشراف
ع فكرة انا نزلت كلامى عن القسم العام فى صفحاتى المكشوفة

س / لسه فى مشكله فى القسم سببها كثرة المواضيع الى بتنزل من الاعضاء ؟

يمكن المواضيع الكتيرة بدأت تقل عن الاول بس المواضيع
المخالفة واللى محتاجة لنقل بتنزل كتيرة وكنت دايما اقول
لطارق ركب انسان الى يرد ع المواضيع دى كلها
كتيرة جدا
ساعات مثلا كنت اجى ارد ع موضوع الصبح وادخل العصر
كدة اشوف صاحبة رد عليا ولا لأ
الطبيعى انك هتدور ع الموضوع فى الصفحة الاولى ؟
انا كنت بلاقيه فى الثالثة

س / القسم العام بيكون وجهة للمنتدى شايفا القسم العام فيه اهتمام منكم ومن الادارة ؟

عارف الادارة المفروض اننا نحطها ع القسم العام دة شوية
كإشراف بس لازم نجبرها انها تنزل فيه افكار
معاك جدا ان القسم العام هو واجهة المنتدى وقسم مهم
ع فكرة من احد المميزات اللى بتميز القسم العام دة انة

شغال اتوماتيكى

ههههههههه يعنى المواضيع بتنزل فيه

يوميا مش بتبطل
حتى لو احنا قعدنا نتفرج فيه كدة وبس هيشتغل لوحدة
بس واجبنا كمشرفين اننا نشارك فى التنشيط دة
لاننا اخدنا مسئولية ولازم نكون قدها
لو هتكلم عن نفسى انا قولتلك مشاكلى كانت
مع طبيعه القسم دة ازاى
وبالرغم من كدة لما لاقيت نفسى ردودى فيه قليله + انة قسم روتين
بحط ومااعرفش افضل انقل فى مواضيع والسلام او ارد
ع مواضيع كلها منقولة ومتكررة
فكنت حاسة انى متكتفة فيه بس مسئولة فيه كمشرفه
واللى لازم اكون قد ثقة الادارة دى اللى ادتهالى فلقيت
ان قسم زى دة مش هينشطة الا حملات ردود ومواضيع
لانى ماكنتش شايفة نفسى فى الرد ع المواضيع ونجحت
فى دة وعملت حملات ومسابقات
زى حملة كرمبو وحملة هنولع القسم العام..الخ
ونزلت المدرسة ومقر التعذيب ..الخ
وكانت بتاخد منى مجهودات وكنت بتابعها بالاسابيع
غير كمان ان ما اقدرش انكر مجهود بيوتى انجل
وتوحد ارواح معايا كانوا بيساعدونى فى افكارى وكمان
كانوا بينزلوا افكارهم ومتواجدين ع طول عنى انا شخصيا حتى

س / الفترة الاخيرة شوفنا استبيان من الادارة بخصوص المشرفين والمراقبين ؟ شايفا مشرفين القسم هيعملو ايه فى الاستبيان دا ؟

هههههههههههههه
ايوة انت عمال ترخم رغم انى شرطت عليك ممنوع الرخامة
وان الحلقة اصلا عن العضوة المجهولة ماعرفش دخلتلى القسم العام والاستفتاء ليه ؟
هيعملوا ايه يعنى ؟هيعملوا جمعية
بالنسبالى فى الاستفتاء انا مخمنة انى كدة كدة ساقطة
لانى مدية لنفسى سيىء جدا مع كام سىء جدا من
اى عضو وهجيب بالسالب ههههههههههه وحتى
لو ماحدش ادانى تانى سىء جدا ما افتكرش
انى هوازن المعادلة
وهكون مش زعلانة عشان دة حق وانا اصلا كانت
مشاركتى قليله وشغلى كان واخدنى فعادى يعنى مش
المفروض استنى انى اجيب امتياز مثلا دا انا اللى دايما
بقيم فى الطلبة يبقى مش هعرف اقيم نفسى وشغلى+ ان القسم مش مساعدنى احبة
لانك لما بتكون ع حاجة بتحبها بتفكرلها ع طول
فلازم كل واحد يقيم نفسة عشان مايتصدمش ويقيمها صح
لان كتير جدا تلاقى العضو زعلان من تقيم الاعضاء وبيقولك
مظلوم طب قيم نفسك الاول واديها حقها وشوف هتجيب اية
فالساقط كدة كدة هيتعزل فأنا هلبس الاسود قريب
وما اعتقدش انى ممكن ادخل تانى لانى مابصدق
ولان الحاجة الوحيدة اللى كانت بتدخلنى المنتدى هو
احساسى بمسئولية فيه وانى ماينفعش اغيب عنه كتير
فكنت ع قد مابقدر بشارك ع خفيف وبحاول اتابع مع اية
وندى فى تقيميات القسم للاعضاء بيبعتولى وبرد عليهم
فى الرسايل وبشوف لو فيه موضوعات كويسة اثبته او حد
م الاعضاء باعتلى حاجة او ادبس حد فى المدرسة او
ابعت لاية واقولها دبسى ووقت اما بكون فاضية اوى
بفكر فى افكار وبنزلها وهكذا
غير كدة هيكون دورى انتهى لان كمان شغلى مش
مساعدنى وحاجات كتيرة شغلانى وشاغلة اهتماماتى
بس بتمنى انى اكون قدرت سبت ولو بصمة صغيرة فيه

س / توحد ارواح بيوتى انجيل سيرين انتو فين من القسم العام ^_^ ؟

بص بصراحة القسم دة ظالم المشرفين اللى فيه لان مهما
اما عملوا مجهودهم مش بيبان لانة قسم موضوعاتة
كتيرة جدا وطبيعه القسم منقول وروتين ودول
لوحدهم بيحجروا
اى فكرة تنزلها فيه
وانا شايفة ان حلة حملات ومسابقات بس حتى بعد اما
بتعملهم بترجع ريما لعادتها القديمة تانى ويكون
عبارة عن كمية موضوعات منقولة تجيب احباط
فأحبطنى كتير واللى صبرنى علية هى اية قبل اما تيجى ندى
كانت ايه دايما تشجعنى واول اما انزل فكرة بتساعدنى
وبتتعب فيها معايا ولما جت ندى مش اتأخرت عن اى مساعدة
واهم ميزة شوفتها فى القسم دة ان مشرفينة متعاونين
جدا مع بعض
يعنى مثلا نزلت انا مقر ريا وسكينة وكان مطلوب
مننا كل اسبوع نكتب 150 سؤال ولما جيت طلبت
من اية وندى مش اتاخروا ولا قصروا فى يوم انت
عارف افكارى دايما كبيرة ومتعبة فللى معايا بيتعب
فأنا نزلت فيه حملات ومسابقات واية شاركتنى فيها كلها
ولما جت ندى بدات تساعدنا
ندى نزلت مسابقات وحملات بردوا وبتشارك فى القسم بردود
واية وندى متواجدين ع طول فى القسم
واجمل حاجة فى القسم ان معظم الحاجات والافكار
اللى بتتعمل فيه بنكون كلنا عارفينها فبحس اننا ايد واحدة
ومتعاونين كدة فى كل حاجة من تقييمات واختيار
الاعضاء حتى لو كلنا مش ظاهرين فى الصورة
بحس اننا بنكمل بعض
يعنى بيوتى بلاقيها بتنقل الموضوعات وتحذف
وتوحد ارواح بترد ع الموضوعات واحنا التلاتة بنساهم
فى القسم بافكار وساعدونى فيه جدا
ولو هتكلم عن تقصير حد فهيهم فهقولك ان انا اكتر واحدة مقصرة لانهم متميزين عنى بدخولهم دايما اما انا بحكم شغلى بيجى عليا فترات ومش بدخل وبكون مضغوطة جدا

س / ايه حكايه ( العضوة المجهوله ) معاكى ؟ والاختيار كان بناء على مين انتى والا طارق ؟

ياة اخيرا جينا لهدف الحلقة الاساسى
اشهد ان لا اله الا الله وان محمد رسول الله
اختيار الاسم كان منى وصممت عليه رغم طارق اقنعنى كتير جدا انى اقول اسمى وقالى دة مجهودك اللى لازم يتنسب ليكى
الفكرة جاتلى فجاة كدة قلت لنفسى طب ما اجرب واشارك وكان عندى فكرة اول حلقة اللى هى كيف تطفشين عريسا وكنت ناوية اعمل دى وبس
ولسة بقول لطارق عاوزة انزل الحلقة قالى طب يلا
ابعتيها وانا هنزلها مع برنامجى فى اخرة وقالى
يلا سجلى بسرعه عشان هينزل الحلقة بكرة قلتلة
بس هى دى الحلقة اللى هعملها وبس
هههههههه
قالى هتاخدى ربع ساعه مثلا
قلتلة هجرب
اخدت فى اول حلقة دى ساعات هههههههههههههه وكانت مدتها ربع ساعه باين
ماكنتش اعرف ان التسجيل صعب كدة وكل اما اركز مع التسجيل وارجع اسمع اقول لالالا مش عاجبنى
لحد اما بعتله الحلقة وكنت حاسة انها وحشة اوى بس
اول اما نزلت لاقيت تشجيع غير عادى م الاعضاء
ودة اللى شجعنى اكمل

س / كان ايه الهدف انك ماتقوليش انك العضوة المجهوله ؟

كنت حاسة وقتها ان الغرض من الحلقة هو انك تقدم
افادة للناس او حتى تضحكهم بصرف النظر عن انت مين
غير كمان كنت حاسة ان الناس بتركز مع الصوت اوى
فقلت مافيش داعى يعرفوا دى مين المهم انهم يسمعوا
الحلقة وخلاص والغرض منها يوصل
غير كمان ان انا بحب دايما التشويق فكنت حاسة
ان العضوة المجهولة فيها اثارة اكتر
واهم حاجة انى كنت عاوزة اشوف راى الاعضاء فى
العضوة المجهولة من غير مجاملة لانهم مش عارفنى
فكل واحد يقول اللى فى نفسة بقا غير لما بيكونوا عارفين
الشخصية بحس ان المجاملة هتكون اكتر عشان مش يزعلوها
طارق فضل يقنعنى انى اعرف نفسى عشان انسب مجهودى
لاسمى بس اوفكرت انى اعرف نفسى فى اخر حلقة بس
فجاة البرنامج وقفناه وجبنا درفة

س / ايه المواقف الى حصلتلك وانتى بتسجلى ؟ واى حلقه معلمه معاكى لحد دلوقتى ؟

اممممممم
يمكن اللى تعب اكتر طارق لانة ماكنش بيلاقينى اصلا عشان
ياخد منى الحلقة هههههههههه وكنت ببعتهالة فى اللحظات
الاخيرة غير كمان ان التسجيل كنت انا بسجلة وببعتهولة
وهو يضبط المونتاج كلة
اكتر موقف متعب لما طارق طلب منى انى اسجل الاستفتاء
عشان ينزلة بكرة وكان عندى انا شغل بدرى فدة خلانى
اسهروكنت عماله اقرا واتلخبط كنت بنام فعلا وكل اما اتلخبط
اقول طارق يبقى يشيل الحتة دى بقا ولما بعتهاله قلتله شيل
كل الحاجات اللى اتلخبطت فيها قالى ماشى واكتشفت انة نزل
الحلقة من غير مونتاج وكنت بنام فيها وبتاوب اصلا
فضحنى يعنى ههههههه زعلت شوية ع الفضيحة و لانى كنت
حاسة ان الاعضاء هيفتكرونى بستعبط ومقصودة
وهى كانت حاجات كلها تلقائية
اكتر حلقة بحبها هى حلقة السيناريو والتمثيلية لانى

ماكنتش اعرف انى ممكن امثل وانجح فى دة صوتيا هههههههههه

س / شايفا ان فترة الراديو كانت مميزة وكنتى بتابعى البرامج والا حلقتك بس ؟

اة كانت حلوة فعلا
كنت مش بتابعها كلها
تابعت حلقات فارما وبعض حلقاتك وحلقات سيد مش كلها وسمعت بردوا همسات حنون وفيه ايه تانى فكرنى نسيت ههههههههه

س / طالما العضوة المجهوله نجحت مفكرتيش ليه تعملى حاجا لوحدك ؟

ماهو الراديو بعدها كلة وقف
وبعدين انا من النوع اللى بكسل وكنت شايفة ان الحلقة
مجهدة وطارق هو اللى كان بيقوم بالمونتاج كلة انا يادوب
كنت بسجل وابعتله حتى السيناريو اللى كان بينا فى حلقة من
الحلقات انا بعتله تسجيلى وهو فك وركب فكان بيقوم
بمجهود خرافة اما انا ماليش فى مونتاج ولا الكلام دة
وكنت انا مش ناوية غير ع حلقة وبس وكل اما
ابعت لطارق اقولة الحلقة دى اخر واحدة نزل الجاية
لوحدك بقا ههههههههه

س / لما كنتى بتدخلى وتلاقى تعلقيات الاعضاء عليكى مجتيش فى مرة وقولتى لا هقول انا مين ؟

كنت بفرح بالتعليقات اوى وهى اللى شجعتنى استمر ولما
لاقيت الناس بدات تخمن غلط فكرت فى كلام طارق
ان المفروض مجهودى انسبة لنفسى وفكرت اننا نعمل
حلقة ختامية واعرف نفسى فيها بس البرنامج كان

وقف وبعدها ماقولتش حتى النية لطارق

س / بس حسيتى ان فى اعضاء عرفتك والا لا ^_^ ؟

لا انا كنت بعيدة جدا عن التخمينات ماعدا صحباتى
بدأوا يخمنوا
بس بصراحة بعد اما كام عضوة عرفوا وانا اللى عرفتهم
حسيت ان الموضوع ممكن ينتشر
انا عاوزة اسال الاعضاء
انتوا وقتها فعلا كنتم شاكين فى مين ؟ ولو انا كنت من ضمن اللى شاكين فيهم ايه السبب ؟

س / بس فى اعضاء قالت انهم عرفوكى فعلا ؟ حتى فى البرومو بتاع الحلقه فى قالو كدا ؟

انا متأكدة وواثقة 100% انى لما بدأت انزل العضوة المجهولة
مافيش ولا عضو قدر يعرفنى
الوحيدة اللى سمعت صوتى كانت صفيه ولما قولتلها فى
الاول قالتلى اسلوبك فى الحلقات مختلف وكان ممكن ماتعرفنيش
بس عرفتنى من الضحكة ع كلامها
غير كدة متأكدة ان استحالة حد يكون عرفنى
بعد كام حلقة انا عرفت بعض الناس وعرفت ان فيه ناس عارفة وكانوا بيردوا عليا فى الحلقات وعارفين انها انا
بس انا كنت عارفة انهم عارفين ودول هما
صافى
حنون
بيوتى انجل
الحان الورد
برنسيسة
بيوتى سول
اركوبالينو
لكن بعد اما الراديو خلص واتقفل اتأكدت ان نص المنتدى
زمانة عرف
بدليل انى لما بعتلك كنت عارفنى
لكن لو كان الموضوع اقتصر ع اول حلقة وبس كان استحالة حد عرف يخمن صح وكل اللى عرفوا اما انا عرفتهم او من حد عرفهم وكنت عارفة انهم عارفين بس عاملة عبيطة

س / لو رجع الراديو مرة تانيه هتشاركى فيه والا لا ؟

امممممممم مش عارفة بس لو حسيت انى هقدر اضيف
حاجة جديدة او اقدم حاجة ممكن اشارك
بس هى بالنسبالى تجربة متعبة
لانها محتاجة مداومة وانك تجيب كل مرة فكرة وليها وقت
معين لازم تنزل الحلقة وتخلصها وطارق بصراحة كان بياخد
منى الحلقات بالقوة هههههه بس كان بيشجعنى بردوا

س / محصلش موقف فى البيت عندك بسبب تسجيلك يعنى حد سئلك او دخل عليكى ؟

ههههههههههههههه
هو انا بعمل حاجة غلط ولا ايه
هما لو كانوا دخلوا عليا ولاقونى بكلم نفسى كانوا
افتكرونى اتجننت ولاحاجة
انا كنت بسجل من الفون بتاعى الحلقة واحول صيغتها
وابعتها لطارق

س / صحيح ناويه تسيبى المنتدى وماتدخليش تانى ؟

هههههههههههههههههه
بالعند فيك يامورشو قاعدة ع قلبكم
نفسك انت امشى ههههههههه
طلعت ناجحة فى الاستبيان ودى حاجة فرحتنى
الواحد يهمة تقييم الاعضاء اوى

س / اخيرا عايزك توجهى رساله لحد فى حياتك هتكون لمين وهتقولى ايه ؟ وليه اخترتى الشخص دا ؟

هههههههههههههه
انتى غيرت شكل سؤالك الاخير
هبعت رسالة لناس كتير فى حياتى هقولهم ربنا
مايحرمنيش منكم واخترتهم لانهم مهمين فى حياتى

وبكدا بتخلص حلقه النهاردة

انتظرونى الحلقه القادمه

وحوار خاص جدا مع

اول المنفصلين من الطاقم الادارى

( ماتركس )

[دمعه حائره]

ايه ده سيرو هى العضوة المجهوله مكنتش اعرف
بجد كانت فقره جميله جدا وخساره انها ماكملتش
سيرو من المشرفين المميزين ليها افكار جميله
بتنشط القسم وكمان ماننساش القسم الرمضانى ومجهودها الكبير فيه
وفعلا تستحق اعلى تقييم لانها ماسكه قسم صعب عاوز متابعه
مش بس ردود
انا بشوف مواضيع كتير عاوزة تتنقل وكمان ردهابيكون قيم
نورتى الحلقه سيرين واتمنالك التوفيق دايما
شكرا موروشو على الاستضافه

[Lost Pearl]

بقي كدة ههههههههه

يعني انا اكلمك و اسألك انتي العضوة المجهولة تقوليلي لأ

ماشي ماشي

بس كانت ناجحة اوي حلقاتك فـ الراديو علي فكرة

بالذات اللي مش معمولها مونتاج

منور بالحلقة يا احمد و ربنا يكون ف عون مشرفي القسم العام

بيطلع عينهم

حلقة جميلة تسلمو ،،

[۩۩ elMagic ۩۩]

انا خمنت ان ع .م تكون عضوه من إثنين
منهم سيرين والتانيه سجلت بصوتها بعد بدون برنامج فى الراديو
فا إستبعدتها ..
منوره طبعا ي سيرو الحلقه
وفقرتكـ فى بدون برنامج كاانت مميزه طبعا
وكماان الدويتو اللى كنتي عملتيه مع طارق بتاع المحسوبيه كاان جاامد
والشغل فى القسم العام اكييد مش سهل أبدا
ربنا يكون فى عونكــوا بقآ
تسلم ي ابو حمييد للمجهــود
بالتوفيق ان شاء الله ,,

[سآرهہ]

جميله اوى الحلقه وعجبتنى جدآ )
تسلم آيدك وسرين ضيفـه و مشـرفه مميزهـ بـ توبيكآتها

[Sєяєєη●•ʚɞ]

سؤال جوهرى بعيد عن الموضوع عشان قربت اشد فى شعرى
هو انتوا يا جماعه عارفين تشوفوا الحلقة دى وبتكمل معاكم
بسأل اللى ردوا
لانى همووووت واشوف الحلقة بس مش بتكمل معايا
والغريبة ان المنتدى كلة سريع معايا وبيفتح اى موضوع الا الموضوه دة
اكيد هرد ع الناس اللى بترد بس لما اشوف الحلقة الاول
حتى وانا بعمل مشاركة للرد مش باينة كل الحلقة
هى باينة عندكم
حتى الخط مابيتغيرش لونة ولا بيكبر
حلقة فقرية اوى

[مِسكُ الشَهادة]

حلقة جميلة ومميزة للغاية
حورا رائع ... وأسئلة فاقت التميز
وإجابات عقلانية من الضيفة الراقية
دمتم بألف خير إخوتي
ربنا يسعدكم يا رب

[تيتشر نفشه ツ]

اقتباس المشاركة الأصلية كتبت بواسطة sєяєєη●•ʚɞ سؤال جوهرى بعيد عن الموضوع عشان قربت اشد فى شعرى هو انتوا يا جماعه عارفين تشوفوا الحلقة دى وبتكمل معاكم بسأل اللى ردوا لانى همووووت واشوف الحلقة بس مش بتكمل معايا والغريبة ان المنتدى كلة سريع معايا وبيفتح اى موضوع الا الموضوه دة اكيد هرد ع الناس اللى بترد بس لما اشوف الحلقة الاول حتى وانا بعمل مشاركة للرد مش باينة كل الحلقة هى باينة عندكم حتى الخط مابيتغيرش لونة ولا بيكبر حلقة فقرية اوى

ههههههههههههه
انا كمان مكانتش بتكمل معايا ياسيرو
بس اتعدلت اهي
تلاقي الناس من الصدمه ياعيني لما عرفو

.،

حلقه جامده جدا عجبتني أوي
وانا خمنت طبعا بنات كتير وأولهم كانت صافي
بس هيا دخلت بعدها قالت مش انا
ف مش عرفت بقا بعدها الا بالبرنامج داا
منوره الحلقه ياسيرين
وحلقاتك والله العظيم بدون مجامله كانت جااااااامده
وخصوصا الحوار بتاع الشغل لما كنتي بتصحي طارق
حلقات كانت عسل فعلا والله وكنت اتتتمنى انها تستمر

نورتي الحلقه كلها اصــــــــــــــلا

[big bốss]

حلقه جميله جدا

و سيرين من الشخصيات الجميله

اسئله حلوه يا مورشو

هو مفيش تسجيل للعضوه المجهوله علشان اسمعه

هو فيه ارشيف ولا حاجه

[خارج عن القانون]

حلقه حلوه والله تسلم يا مورشوو

وديه اول مره افهم حوار راديو مصر ده

ودخلت فعلا ع قسم الراديو ونزلت حلقتين وبسمع واحده منهم دلوقتى

حلوه حلقه واستفادت منها

وسيرين مع انى مكلمتهاش كتير

بس واحده من الناس اللى بحترمها وبحترم عقلها جدااا