متــــرجعيـــش

[Şα3Đ..♥]

مترجعيش
لا خلاص كفايه كده
دي المشاعر متهربده
فـ بعيده ولا قريبه
متقربيش
ابعدي عني ومتجيليش
جايه ليه وبتقربي
وبكام حكايه بتلعبي
بمشاعري وفاكره هتكسبي
لا ده انتي بئه ما اتعلمتيش
مش انا قولتلك مترجعيش
فــ مترجعيش
هو انتي فاكره اني هتعب
لما من ذكراكي اهرب
ولا هعيش ايامي اصعب
اما احاول ومنساكيش
ده انتي بُعدك مايساويش

,,,,


وميهمكيش
اكيد انا بعدك هعيش
خلاص هسيبك ومش هاممني
اتكلمي واحكي عني
بكلام اكيد ميرضينيش
قال يعني فاكره انا مش هعيش
خلاص يا حلوه من النهارده
عمري تاني في يوم ما هرضي
بجرح قلبي وعيشه مره
مع السلامه معطلكيش
لسه واقفه ممشيتيش
يلا روحي للي زيك
بتحكي ليه عنه وعنك
لا هممني فرحك
ولا حتي همك
فارقيني يلا خليني اعيش


,,,,


ومتفكريش
اني هرجع يوم اليكي
ولا حتي هحن ليكي
انا والله من زمان ناسيكي
بس انتي اللي مبتفكريش
ومتنكريش
ان انا كنت ديما سندك
وكنت ع طول ببقي جنبك
ولو بعيد يبقي قلبي عندك
ولا مره نديتي ومجتلكيش
وكمان برضو معبرتينيش
وشوفتيني وقولتي مشوفتنيش
وانا قدامك نهار وليل
واخلص ف حبي ولو عويل
ولو دمعي كان يجري سيل
اداري كتير ومحسسكيش
بس انتي اللي محستيش
محستيش بخطوره البعد
وكمان نسيتي كل وعد
وبعدتي لحد ما سيبنا بعض
وف الاخر قولتي مسيبتينيش
فاكره لما كنتي اعاندك
وبرغم زعلي اجي عندك
وابقي ليكي وكل سندك
لكن يا خساره مقدرتينيش
وهفضل اقولك مترجعيش
علشان انتي كنتي اغلي حد
ومكنتش اقدر اطيق البعد
لكن دلوقتي بنيتي سد
ومفيش وصال بيننا مفيش
فــ احسنلك امشي مترجعيش


لــو عجبتكــوآ حــآجه من اللي بكتبهــآ
زوروني هنـــآ


قلـــب فــآضي

[شاعرة الرومانسيه]

الله عليك يا ملك العاميه

كلمات عانقت السحاب

وحروف فى الجون

راقت لى كثيرا

فأوقفتنى معانيها الرائعه

ابداع يتوارى خلف السطور

احترااااااامى وتقيييمى

[الابتسامه المصريه]

أبدعتـــي بــمآآ نثرـرـرتــ
كلمـــآآتـ رائعــهـ وإحساسـ جميل
ومعـــــآآنـــــي يعجز القلب عن وصفهآآ
آ تقبلي منـــي أعطر آلتحآآيآآ

الله ينور قلبك بنور حب رسوله

[Arco Baleno]

ابدعت اخي سعد كلمات موزونه وجميله جدا
مميز في كتاباتك ياسعد استمر في ابداعك

[الحان الورد]

،

سؤال صغنون بس ، يعني إيه متهربدة ؟ ^^
بس هي حلوة جداً بجد
تستاهل التقييم : )
بالتوفيق ليك ..

[Şα3Đ..♥]

اقتباس المشاركة الأصلية كتبت بواسطة شاعرة الرومانسيه الله عليك يا ملك العاميه كلمات عانقت السحاب وحروف فى الجون راقت لى كثيرا فأوقفتنى معانيها الرائعه ابداع يتوارى خلف السطور احترااااااامى وتقيييمى

متشكر جدا لكلامك
نورتيني
تسلمي يارب

[Şα3Đ..♥]

اقتباس المشاركة الأصلية كتبت بواسطة الابتسامه المصريه أبدعتـــي بــمآآ نثرـرـرتــ كلمـــآآتـ رائعــهـ وإحساسـ جميل ومعـــــآآنـــــي يعجز القلب عن وصفهآآ آ تقبلي منـــي أعطر آلتحآآيآآ الله ينور قلبك بنور حب رسوله

اللهم امين
احلي مافي التوبيك
دعوتك الجميل
ولكن انا شاب مش بنت
وع العموم نورتيني والله
تسلمي

[╯ Princess ╭]

الله عليك يا محمد
الله ع احساسك
ياااافظيع ((:
بجد جميله اوي
انسجمت جدا
تسلم بجد

[الرحــاال المٌتَمرد]

ماترجعيش ,,
ورساله أٌخري بقلب مَوجوع
عَزف أنيق وسِرد رائع
سَعد ,,
رائع دائماً سيدي
تحياتى وتقديري لك

[احساسى صحيح]

حقاََ لا تستحق منك التفكير
المشاعر ليست بلعبة يلعبوها ويرحلون
وعندما يملون يطلبون الرجوع
وكأن العواطف بقالة تشترى منها ما تشاء وقت ما تشاء
لا رابط ولا ظابط
فى زمن اللعب بالعواطف
لا يمكن العودة الا لمن استحق قلبنا .
.
.
حكاية اخرى رويتها بكل اناقة وشياقة
اقترح عليك ان تحاول تلحينها وادائها
لأنها صادقة جدا وعجبتنى جدا
اتمنالك كل توفيق يا حمادة
احترامى مع التقيم